mf_aimeeng's Profile

✨樂意點心✨真正嘅2️⃣人點心👩🏻‍🤝‍👨🏽————————————————————————平時去酒樓飲茶一般因為一籠點心有至少3件，所以都要3個人以上😢2個人好難食到好多唔同款嘅野。但樂意點心真係做一盅兩件，而且價錢合理，味道都好食😋。超岩我地尼啲突然想食點心嘅小情侶💑————————————————————————味道😋😋😋😋抵食💵💵💵環境👌👌👌————————————————————————🥟樂意蝦餃皇（2件）$16👍🏻👍🏻👍🏻👍🏻👍🏻皮薄煙韌。餡料豐富，有至少2隻蝦🦐🦐蝦肉亦爽口彈牙🤤仲會有翠玉瓜增加口感🥒🥟蟹籽燒賣皇（2件）$16👍🏻👍🏻👍🏻👍🏻蟹籽唔算多，入面有蝦肉。咬落去戈陣會有肉汁。中規中矩🫱🏻‍🫲🏽🥟鮮蝦菜苗餃（2件）$15👍🏻👍🏻👍🏻👍🏻👍🏻餃子皮晶凝通透🥟入面包咗菜苗同蝦仁🦐餡料豐富，蝦仁都好爽口鮮甜🫶🏻🫔沙律蝦春卷（3件）$26👍🏻👍🏻👍🏻外皮炸到好脆口😝餡料有甜嘅沙律醬、蝦仁同雜果罐頭🥫食落口酸酸甜甜嘅🥟香茜牛肉腸（3件）$25👍🏻👍🏻👍🏻3件都好大份。腸粉皮煙韌但略厚。🥟上海小籠包(3件）$25👍🏻皮略厚。咬落去嘅時候無爆汁嘅感覺，可能係擺耐咗😲不過舊肉餡都好大嚿🫣🥟香煎蘿蔔糕（2件）$15👍🏻👍🏻煎表面得好脆好香口，點埋港式辣椒醬食超正🤤不過夾戈陣好易散開🥟棗皇糕（3件）$20👍🏻👍🏻👍🏻👍🏻👍🏻超煙韌！🤩食落去唔會死甜，而係紅棗淡淡嘅甜味🍬佢仲係類似千層糕一層一層嘅結構，可以一邊搣一食🤪🫶🏻🫶🏻🍵菊花茶 $6————————————————————————地址：尖沙咀漢口道19-21號地舖…Read More

雲桂香係我由中學食到而家都仲要每個月食幾次嘅酸辣米線店。中學戈時窮就會叫零個/一個餸嘅小鍋米線。靜係食佢個酸辣湯底已經好滿足，因為已經包曬芽菜肉碎酸菜等等嘅餸。小鍋米線嘅湯底唔辣係無肉碎嘅，所以最少都要嗌bb辣！而家大咗，經濟能力都提升咗，通常兩個人都會叫兩碗加小食同野飲。我地分別叫咗唔同嘅辣道同餸。尼碗係加咗芽菜同紫菜，量實係好多，堆到山丘咁。另一碗係腩肉蘿蔔。佢地嘅招牌腩肉帶小小辣，但一啲都唔韌，同埋都好木成十幾塊。蘿蔔道食得出係用清湯煮，唔會辣。另外叫咗個麻辣豬腎。第一次食，但食落略硬。野飲平時叫開菊花蜜，今日突然想飲阿華田😲。其實都好大杯，又夠味，用嚟解辣岩岩好🤠👍🏻…Read More

Bamboo Tai 位於屯門市廣場三樓。環境氣氛唔錯，入面係大檯同較暗，外圍近走廊就會光返啲。不過因為係開放式，食摩陣就會較嘈同好似有人走嚟走去咁。我地食咗泰式肉碎，炒貴刁，冬陰公湯，火山排骨同泰式奶茶。泰式奶茶：普通，飲落有啲甜。叫戈陣問過可唔可以小甜，原來唔可以，因為set定咗。泰式肉碎份量超大！包幾片生菜包肉碎食。肉碎係冬陰公嘅味嘅，好滋味，食到停唔到口。冬陰公湯份量唔大但又未至於一人份量。入面有一隻大蝦，仲好貼心咁開咗邊，食戈陣唔洗自己剝殼。𢳂嘅時候見到有好陰香料同菇，感覺幾足料。火山排骨今餐最抵食，佢俾得一啲都唔孤寒，將嘅排骨埋到勁高。雖然係排球骨，但其實舊舊都好多肉食！排骨會撈入好多嘅蔥蒜，個汁酸酸地咸咸地，好易入口。炒貴刁超好食，份量正常，有三隻已經剝咗殼嘅蝦仁，側邊會跟埋炸蒜粒，乾辣椒碎同青檸俾你加入去。不過唔加已經好好食，我地加咗青檸之後反而覺得有啲怪。總結所有嘅嘢食麵唔錯，當中最推薦火山排骨同炒貴刁。如果有一日心思思想食泰國菜尼間係好唔錯嘅選擇。下之再食過😋…Read More

呢間位於新田購物城嘅醉辣鮮,地位位置有d隔涉🙈上水地鐵站轉小巴先入到去呢度主要有三個套餐,最平嘅套餐$198/人,其次係有龍蝦同鮑魚嘅套餐$268/人,同埋蝦蟹放題嘅338/人,今次我地嗌左個$268套餐材料好豐富,有龍蝦,海蝦,生蠔,肉蟹,聖子,扇貝,一大藍蛤蜊😋先講講個龍蝦,肉質爽口彈牙,由於呢間餐廳會提供每樣海鮮的清蒸時間,所以蒸出黎嘅海鮮熟度恰到好處,唔會蒸太耐柴嗮😲同埋,清蒸出黎嘅龍蝦唔會有腥味,我估因為係即落order即時係個池到捉,所以keep到海鮮嘅鮮甜味😋扇貝類大多肉質鮮甜肥美,特別要講講個蛤蜊,事前吐沙清潔功夫做得好好,食左甘多隻,隻隻都食唔出有沙👍同埋肉質真係鮮甜無比,對得住「天下第一鮮」呢個稱號成盤海鮮唯一不足可能係隻蟹🤔味道係ok,唔會腥,但蟹嘅體積就偏細隻,食兩啖就無嗮😂睇落任食戈個餐抵食d整體黎講,呢度嘅海鮮都好新鮮,肉質都好鮮甜,加上原汁原味甘蒸海鮮,海鮮嘅鮮甜味更出😋呢度有個蔬菜吧檯,係任食嘅🥳用金針菇配海鮮一齊食特別好食同埋我地戈日去勁好彩,原來呢度逢禮拜日就有隊band黎表演,邊食野邊聽歌,jeng🥳…Read More

通常過嚟景峰紅橋尼邊都係食糖水多，今次難得早啲過嚟發現佢尼到開咗好多有唔到特色嘅小店，說簡咗岩石牛扒屋嚟試下。店舖雖然唔大，好在枱嘅距離都幾疏，坐係到唔會有好逼嘅感覺。入面用舊年代嘅poster 做裝飾，再會播唔同嘅英文歌，加上燈光效果，都幾有西式嘅feel。我地叫咗兩個晚市套餐。包前菜、餐湯。前菜係有沙律、玉子燒、帶子刺身、同熟蝦。望上去分量較少，但勝在各樣嘢食都和味好食。由其係佢嘅玉子，有甜甜地同高湯味🥰認真好食。另外帶子大粒，仲會有一片檸檬片調味，入口除咗有帶子簡甜味仲帶淡淡檸檬清香。然後到重頭戲，牛扒！一個係西冷，一個係肉眼扒，兩塊都大大塊！一開始佢地會燒到三成熟，然後佢地會附上兩人一塊石板，等我地自己去燒到自己鍾意嘅生熟程度。兩塊牛扒可以切成自己鍾意嘅厚度，放上石板到「吱吱吱」咁燒佢地一陣，然後成舊塞落口到🤩兩舊牛扒有唔同嘅口感，一個軟身啲一個入口有彈性嘅，就睇你地鍾意邊種質感再叫。兩塊入口都好有牛肉本身嘅鮮味，仲好 juicy！用尼個價錢食到真係物超所值！同場加映佢地係枱到會有好多唔同醬汁同海鹽俾大家簡。兩款嘢飲都分別叫咗百香果荔枝同百香果芒果，味道幾好似，同出面手搖飲品店差不多。…Read More

由於正值肺炎高峰期，我地都甚少外出，每日都係屋企自己食頹飯。所以我地決定要食返啲好西，就出咗嚟銅鑼灣食放題。滿屋放題每人二百幾蚊加一，算係幾抵食，入面仲有其他放題無嘅爆谷棉花糖。今日就無放題少見的朱古力噴泉，可能係衛生問題所以唔做。嘢飲種類繁多，有好多韓國嘅嘢飲，不同款嘅汽水（沙士都有🥰🥰），唔同嘅酒類（桃味，梅酒清酒都有），仲有茶包茶等等！甜品款式較少 只有兩個雪櫃，味道正常，生果就勁甜勁好食。出面仲有熱嘢、冷盤海鮮同沙律等等，款式都多同齊♥️仲有中湯西湯各一款。嘢食方面，放題應有嘅刺身、壽司、炸物、串燒、鍋物全部都齊全。刺身同壽司新鮮，而且有新意，今次有柚子味嘅壽司。串燒叫咗菠蘿、蝦同牛舌，佢地仲有燒香蕉，不過口感同賣相一般。菠蘿甚佳。推薦叫多幾round牛舌，有厚度又燒得岩岩好。另外叫咗牛油粟米，咖哩炒蟹，芝士雞亦等等。各樣食物嘅質素都好好。特別推薦芝士雞亦，咬落去一啖肉加勁多芝士嘅口感，超正。我地仲有食鍋物，例如蜆，蟹粥等等。尼間放題食物質素佳且價錢適中，環境亦闊落，絕對會再食…Read More

今次系初嘗西班牙菜式,適逢我生日,女友幫手book左間位於奧海城嘅西班牙餐廳,餐廳裝修高貴,以黑紅色為主調,以石墻作裝潢,加上餐廳空間大,座位間隔都好闊落,環境一流入座後,waiter便奉上一碟nuts,類似doritos 口味嘅粟米片,配上沙律醬,好好食,真係可以同fd叫杯酒暢談成晚都得😂不過後黎買單先知要加$40😂😂前菜order左個古羅馬凱撒沙律($98)_蔬果新鮮爽口,配上沙律醬分外開胃,加上有隻半熟嘅蛋撈入沙律裡面,味道更豐富,有種滑滑嘅口感龍蝦汁大蝦海鮮闊條麵($138)_海鮮材料好豐富,有大蝦、青口、魷魚,龍蝦汁嘅龍蝦味都好濃郁,唯一不足可能系味道偏淡,不過整個菜式嘅賣相同味道都系吸引嘅👍🏻西班牙原粒燒白菌($78)_呢個據聞系呢間餐廳嘅新菜式,望落賣相一般,但食完系有驚喜嘅,菇菌類燒完仍然系juicy,香草調味,唔單止食到菇好fresh嘅味道,整個嘅味道都平均,唔會太乏味主角***炭燒澳洲肉眼扒($228)_濃濃嘅碳香味,系今晚最出色嘅菜式莫過之一,當晚叫左medium well,肉質稍帶口感,而內裡相當juicy,碳香味撲鼻呢下令到呢個菜式相當難忘,非常好食…Read More

位於尖沙咀阿士厘道嘅拉麵小店,之前係poly附近嘅尖東橋下都有間,呢度嘅拉麵味道真係好懷念😋鋪頭空間不算太大,但座位尚算寬倘舒適,鋪面裡裡外外都裝修得好有日本地道嘅拉麵店feel🍃蝦味噌套餐(配餃子)($115) 價錢百年不變,味道亦與往日一樣,拉麵細滑分明,麵條軟硬度恰到好處味噌湯底與以往一樣甘濃郁,配埋啖啖嘅櫻花蝦乾味,味道相當豐富🤤而總有一點不變嘅係,都係甘吝嗇,得一塊叉燒😂可能好食嘅野永遠都厭太少😂餃子不過不失,味道整體OK😋略有焦焦地嘅感覺,幾香口別天神豬骨湯套餐配龍蝦沙律($105)友人叫左呢個餐,湯底都係好濃郁,應該用豬骨熬製左好長時間🤤黑木耳絲,再配餐廳裡仍夾嘅辣芽菜,再夾一啖麵,據友人說,呢個食法係最好食嘅😋最後,佢連湯底都飲埋,一啖不剩不得不提呢度嘅龍蝦沙律,極高質,食落似薯仔沙律嘅feel,但口感更豐富,因為裡面有龍蝦粒,配埋裡面嘅沙律醬,相當滋味🤤 …Read More

百無聊賴黎到旺角,打算揾間樓上食店坐下,畫下畫,hea下黎到添置商業中心1樓嘅呢間川巴麵館,環境舒適,座位間隔闊落,裝修都相當宜人,頗富中國風🍃手撕雞擔擔麵_花生醬味好濃,但味道頗辣,要試嘅朋友記得叫小辣😂麵嘅軟硬感適中,手撕雞嘅料都好足,大份夾抵食,約莫2x蚊左右一碗👍烏冬撈_醬汁可口,芝麻醬味道都好出,麵嘅軟硬感適中,頗有小吃風味,價錢約莫都係2x左右,CP值極高😋😋手拍青瓜_爽口清甜,配埋辣口芝麻醬,味道唔差🤤不過論手拍青瓜,我個人比較喜歡配醋,因為甘樣更可以食到青瓜嘅清甜味…Read More

今日念住係新蒲崗揾間雲南米線食下,但係見間間米線鋪都無咩人,好似伏伏地🤔行行下見到間ok多人嘅米線鋪就入去試下,之前都未食過今次我地試左呢間店嘅招牌豬排酸辣米線,豬排味道略為過鹹,不過口感超軟嫩,舊豬排炸過,鎖住左啖啖肉汁係裡面,豬排整體黎講係好食嘅,加上一碗$38嘅米線有成三塊大大舊豬排😋真係有d抵,不過米線就差少少,有d米線好似未煮好,真係外軟內硬...😅定係間店想整少少米線嘅口感出黎,不過我就唔識欣賞😂湯底幾清,唔會太鹹太濃,食落應該足料熬出黎😋同埋,我地都叫左碗手撕雞酸辣米線,雞都係好嫩口,不過就無咩肉味,味道一般,不過分量就少d,唔夠豬扒甘多分量,同埋d米線都係有d硬😂所以我估係呢間店特色整體黎講,都算味道唔錯又抵食嘅米線店,不過太遠嘅朋友就唔推薦特燈過黎食…Read More

次次經過旺角都幾多人駐足呢間雞翼山食雞翼,由於之前實在太多人,所以都無咩機會試到🙈難得今日經過無咩人,即刻一試其滋味🤤入到門口,大大隻字寫住即叫即煮,怪唔得知平時甘多人😂文青風玫瑰雞翼($38/4隻)呢種味相當新穎,平時都係食開柚子或者蜜糖配雞翼,呢度竟然有埋玫瑰味嘅雞翼,真係好神奇😂雞翼炸得好香口入味,同埋新鮮炸出黎熱辣辣,相當滋味👍🤤再加上,微微嘅玫瑰味點絮,雖然玫瑰味唔係好出,不過有少少花香味伴隨,將味道帶上另一個層次😋不過,價錢就有少少偏貴🤔不過,呢度嘅衛生真係麻麻地,個地板癡笠笠,同埋食野張檯都未抹過,有好多雞翼汁係度,真係有d影響食慾…Read More

呢間位於屯門友愛邨附近嘅HANDS商場嘅街坊日式餐廳,得閒唔想煮飯,都會黎到呢度食飯餐廳環境舒適,座位間隔都頗為闊落,皆因餐廳嘅空間原本就好大,裝修都好養眼,有少少日式居酒屋嘅裝修風格,用餐環境頗為宜人👍咖喱吉列豬扒飯餐($56)_豬扒大大舊,炸得香口,不過肉質頗為炸過龍,有少少柴柴地嘅感覺,呢度嘅咖喱不過不失,甜辣味都好中和,分量夠足👍整體唔差八戶特色壽司+叉燒拉麵餐($65)_sushi 表現都不過不失,係街坊嘅口味,刺身唔算太鮮甜,不過起碼係新鮮嘅,刺身有彈性🤤拉麵就略為失色,拉麵有少少林🤒同埋就叉燒都係有少少柴嘅感覺,應該係煮耐左,同埋本身舊肉嘅位置就比較嚡😂整體黎講,食物味道不過不失,價錢方面都合理,街坊嘅味道同價錢,唔想煮飯又想食日式餐廳,可以一試😂…Read More

行完銅鑼灣後,途經糖街嘅天橋底,見到一間印尼小店門外有不少人排隊買班蘭蛋糕😂美食嘅觸覺話我知,呢間小店應該唔差😂😂😂店內空間比較狹窄,只能容納約莫二十餘人,座位間隔都比較緊密不過好彩,呢間小店唔會安排客人搭檯,所以我地兩個人坐一張4人檯就比較舒適😂 同埋,呢度嘅裝修都滿富東南亞色彩,幾好feel🍂原條魚花膠粉皮($78)_CP值極高嘅湯品,湯味濃郁,每啖都黏黏地嘅感覺,好骨膠原下😂同埋,湯裡面有大大舊花膠係度☺不過口感頗林,個人比較鐘意食有少少口感嘅花膠😂同埋估佢唔到,$78唔止有一大碗花膠湯,而且仲配埋一大條烤魚,同埋條魚仲要勁好食,omg,真係勁抵食👍😋(呢個set黎到真係必嗌之選)烤柚子雞翼($48)_雞翼烤得幾香口,有焦焦地嘅感覺,配上柚子汁,味道唔差,不過不失😋班蘭雞尖塔飯($68)_雞肉嫩滑,而且無骨,有少少食海南雞嘅feel😋到佢戈個好吸睛嘅班蘭尖塔飯,班蘭味好出,有少少似新加波椰漿飯嘅感覺😋整體味道唔差石栗馬拉盞炒通菜($78)_味道不過不失,不過好似無咩印尼嘅風味😂石栗馬拉盞嘅味道好似唔太特別,無太深印象椰汁冰($38)(推薦)_極度好飲,杯野飲秒速見底😂百份百真材實料,椰子味好濃,甜味適中👍😋雜錦冰($38)_料好豐富,真係大雜燴,有涼粉,有班蘭味嘅jelly,仲有其他唔同嘅料,撈埋一齊都幾好飲😋不過相對椰子汁頗為失色整體黎講,食物飲品都好有特色,但又配合到香港人嘅口味,味道唔會太濃,太鹹,而且食物配有杞子嘅藥材,菜式設計頗富心機👍價錢都物超所值…Read More

今日同女朋友黎到位於尖沙咀ISQUARE 7 樓嘅燒肉牛蔵,提前慶祝情人節💏牛蔵主打燒肉放題之前有friend食過都頗高好評,所以抱住好大期望黎食😋預設頭盤係Sashimi拼盤,呢度d Sashimi堅係好食同新鮮海膽肥美大隻,食落質感細膩,入口即溶,鹹味恰到好處,完全無異味,極新鮮,同埋佢應該係鹽水海膽,竟然可以係放題嘅地方食到可惜追加要加錢😭😭) 螺肉都係豐腴爽甜,冷凍感恰度好處😋值得一提,盤Sashimi底部係無擺冰,師傅應該係想食客,食到佢調整好嘅融雪度,所以Sashimi嘅口感真係好jeng,係海鮮應有嘅彈性😋👍吞拿魚有咬口,但又唔會食到d筋,呢樣野都幾考師傅功架,食左幾舊都唔差,同埋無腥味😋整體黎講,呢度嘅Sashimi絕對係係放題界嘅上乘之選,呢點係毫無懸念😆不過相比係呢度嘅燒牛肉,我地兩個就真係叫左2round就無叫sashimi先😂因為個燒牛實在叫人驚補充:呢度d燒牛我地都唔記得左補左幾多round😂)第二個頭盤係海鮮頭盤,有龍蝦,生蠔,蝦,同扇貝,海鮮都係新鮮👍龍蝦同蝦都有彈性,不過海鮮類食夠就算,和牛先係重點😂呢度提供六種牛:和牛西冷,和牛肉眼,和牛牛筋肉,和牛胸腹,厚切上等牛舌,美國穀飼牛🤤和牛肉眼 (呢個極度推介) 牛味豐盈,而又恰而不過,稍帶口感,不過都係軟熟戈種,一口咬落去仲有和牛嘅肉汁係口內醖釀,牛味直撲鼻孔,真係好驚艷🤤呢種牛唔似日本和牛牛味好濃烈,同埋入口即溶戈種感覺☺不過呢度嘅和牛,我覺得係比較適合我食,因為唔會食一兩塊就有膩嘅感覺,同埋如果唔點呢度嘅醬汁,直接放鹽落去燒,更可以食到和牛原本嘅味和牛西冷(排名第二嘅牛)牛味都算溫和,燒完都係稍帶口感,相比起上面戈種,牛味稍強,但口感比肉眼較韌,但都算係軟熟戈種🤔和牛牛筋肉(排名第三嘅牛)牛味最淡嘅一款牛,牛嘅口感唔差,不過無前兩款甘驚艷,可以一試,不過主攻頭兩款😂😂美國穀飼牛(並排第三)牛味一般,口感都一般(因為無咩印象😂😂)和牛胸腹(請高手黎燒)小弟學識淺薄,由於胸腹有d厚實,唔知燒到點先為之熟,但又可以有唔韌嘅口感(燒左幾次都好似一般般甘)😂😂上等牛舌第一次自己燒牛舌,食落有咬口,配合少少檸檬酸,再噠翻啖梅酒,真係jeng到☺🤤基本上,呢間燒和牛真係驚艷到我,和牛大多都好新鮮,冷藏保存,同上台融雪功夫做得幾好🤤一睇個色澤已經胃口大升👍呢度提供幾多飲品,梅酒,清酒,紅酒,白酒,啤酒應有盡有,真心第一次見到有甘多酒類選擇嘅放題🍾呢度嘅Haagen dazs 同Movenpick竟然係完全任拎,我食左甘多間放題,呢間算係第一次遇到🤤燒肉牛蔵真係無辜負我嘅期望👍不過,價格算係放題界嘅高價位($508一位,2.5小時),對我黎講,真係要節日或者特別日子先黎食一餐😂但我覺得物超所值,我覺得性價比幾高嘅一間餐廳,因為食物質素同食物款式比其他放題都高幾班,第一次俾甘高評價😋👍…Read More

近排呢間位於屯門vcity嘅過江龍老虎堂越黎越少人排隊,只有兩三個人排隊👫見人少少,買翻杯黎飲飲,今次買左呢度嘅招牌黑糖波霸鮮奶招牌黑糖波霸鮮奶($30)_次次黎到老虎堂,我只會嗌呢款手搖茶,因為真係超好飲😋😋我飲過甘多間嘅珍珠奶茶店鋪,呢間嘅珍珠煙韌度我覺得係最fit(其實呢樣好主觀,因為我女朋友覺得太過煙韌)同埋,呢度嘅珍珠有甜味,可能撈左入黑糖裡面,再筆入鮮奶度,所以珍珠嘅甜味入味d👍同埋距個鮮奶都好好飲,奶味都好夠濃😋可惜,我覺得價錢就偏貴,因為佢本黎就係中size,再加上裡面都好多冰,實際分量其實唔多,但要$30一杯,定價有d高🤔…Read More