yuek01的个人专页

已經買咗好多次外賣！通常我都係買龍眼椰果冰，好好味！！！(唔洗山長水遠去聰嫂）今次第一次堂食試吓白桃冰，味道都唔錯，不過我個人鍾意龍眼椰果冰多啲～因為中意食甜既冰多d青衣城終於有甜品食仲要開到咁夜，超開心，有時食完飯返嚟想食甜品時間就啱啱好。如果可以再多啲唔同嘅款式就好，例如雙皮奶嗰啲！椰皇嗰啲甜品如果可以入邊係有水果，例如椰皇燉蛋芒果丸子之類就好，咁我就可以買多啲唔同嘅甜品，keep住食🤭🤭🤭🤭🤭🤭🤭…查看更多

近來天氣涼返啲，梗係即刻喺中上環中半山一帶搵吓好嘢食啦。上網見到呢一間位於上環嘅餐廳評價唔錯，而且係法國菜，一於過嚟食吓。餐廳氣氛唔錯，店員服務態度親切友善，叫完餐之後首先係餐包同埋自家製嘅牛油醬料，好味，餐包質素都鬆脆。接住落嚟係前菜，首先有個尼斯洋蔥鯷魚橄欖薄餅，份量都幾多，每人有2-3件，呢三種食材都係美味之選，惹味，調味唔錯！接着就係車厘茄沙律，唔好睇佢只係沙律沙律，覺得佢做法同平時嘅唔同！可能因為佢係用橄欖油同埋其他配料直接調味，唔係沙律醬之類，所以覺得幾清新幾開胃！然後係日本蘑菇撻盒，我本來好鍾意食蘑菇所以啲味超級啱食蘑菇整得好味，個盒亦都整得好好，調味一樣出色。之後係法式燴羊肉最後呢一個開心果雪葩都幾好味！我覺得呢度嘅撻皮整體都整得幾好幾出色，脆脆哋～…查看更多

重慶大廈呢間印度嘢好好食，聽咗好多年！不過都一直未有機會去試吓，突然之間好想食正宗嘅印度咖喱，於是呢晚就入咗重慶大廈嘅呢間餐廳試吓！第一次入重慶大廈，原來入邊比想像中闊落！行到樓梯附近，已經見到有餐廳嘅員工去到招呼定，帶客人上去，去到返工，感覺到呢間餐廳同其他呢度嘅餐廳唔同！呢間係特別有氣派同大，入到去嘅感覺都舒服！餐牌都好多選擇，好多都好想食，最後我哋揀咗兩款咖喱，一個係我哋一定會食印度嘢就食嘅牛油雞咖喱，另一個就係唔辣有蕃茄味既咖喱鮮蝦。然後再叫咗一份薄餅。另外我哋見到佢嗰個炸薯條好似好吸引，試試佢～飲品方面，當然要叫lassi，叫咗個玫瑰味嘅，非常好飲，係近來食過嘅印度嘢入邊最好飲而且份量超多！咖喱非常好味，牛油雞有少少辣，好惹味，蕃茄鮮蝦咖喱超級有驚喜！我第一次咖喱撈蝦食，估唔到係咁正，佢啲蝦仲要係超多同埋好彈牙，呢一種咖喱唔辣，食得非常舒服，真係好好味呀！好想再嚟食過。我哋叫咗一份薄餅，兩個人食嘅話好快食晒，所以我哋叫咗兩份！呢度嘅薄餅口感做得好好，甚至有啲似喺意大利食嘅Pizza，冇誇張，真係同出邊食嘅薄餅口感係唔同！好高質。呢個炸薯條都係勁正，第一次食咁樣嘅調味嘅炸薯條，個味道好熟面口，有啲似buffalo雞翼嗰隻醬！放落薯條度超級好味，係咁食，雖然有啲辣，但係都真係係咁食。最後埋單$500左右，食到超飽！感覺呢一餐其實三個人食都得！滿足的一餐。…查看更多

Asok thai 荃灣西呢間泰國嘢成日經過都見到有人排隊，所以成日都好想試吓，後來發現原來佢係有得book嘅！今次book咗，準時去到就唔使排咁長龍啦！無論鋪面定入邊，餐廳環境都好靚，好適合打卡，氣氛亦相當之好。餐牌上面好多嘢都好吸引，選擇困難症之下，我哋揀咗主菜係冬陰功意粉，因為以前喺其他餐廳食過呢個菜式都好好味。仲有蟹肉芫荽青醬意大利飯。另外我哋仲叫咗個芒果糯米飯做甜品，食泰國嘢點可以唔食芒果糯米飯！前菜方面我哋叫咗個墨西哥taco，飲品就叫咗個抹茶太奶，呢個配搭好有趣，試試佢。首先講吓杯飲品，泰式抹茶奶好好味！有濃濃嘅泰奶味，但係又唔會遮蓋咗抹茶嘅茶香，而且份量好多！呢個樽其實可以倒到兩杯！其實好抵飲。然之後係青醬意大利飯，超級驚喜！勁好味！啲忌廉好Creamy之餘，因為係青醬，所以唔會漏，調味非常出色，仲有啲香嘅蟹肉味，好味推薦。冬陰功意粉又係非常出色，做到心目中好理想嘅冬陰功意粉味道！呢度嘅調味實在太正，一路食已經話以後一定要繼續嚟！不得不提呢一個大蝦冬陰功意粉隻蝦真係好大！蝦頭入邊仲有好多好香嘅膏！真係唔好浪費！食晒佢，好好味。墨西哥taco方面，佢比較特別嘅係佢個餅皮係脆口嗰種，同平時食嘅有啲唔同，都幾特別，調味方面都唔錯，最重要係牛油果好味！不過我覺得佢其他泰式食物做得更加出色！最後就由超級好味嘅芒果糯米飯作結，有雪糕食嘅芒果糯米飯！芒果又好甜，個雪糕筒都好脆口，成件事係正。滿足的一餐！…查看更多

最近升咗職，為咗食返餐好慶祝吓，一於搵吓公司附近有咩好嘢食。見到網上都幾多人推介銅鑼灣呢間The Grill Room，環境好似唔錯，氣氛好好咁樣，食物嘅評價都好好，於是就book咗呢間試試佢！餐廳位置都方便，就喺銅鑼灣廣場附近，即係壽司郎嗰幢大廈，上到去已經見到環境唔錯，餐廳環境有情調，有高級感。首先我哋叫咗一個Cocktail一個Mocktail，Cocktail非常好飲，我平時唔係一個好飲酒嘅人，但係呢一杯就就係好好入口，面嗰度嘅泡泡整到好似奶蓋嘅口感，非常好飲👍🏻配埋啲食物一齊飲非常鮮。餐包外脆內軟，口感好好。餐湯係南瓜湯，中間有粒煎香咗嘅帶子，帶子有驚喜！前菜係千層薯配他他，千層薯整得好好味，真係食到好多塵嘅口感，非常立體，再配上酸甜鹹嘅他他，非常惹味。主菜方面我哋叫咗個蘑菇意大利飯，真係好有驚喜，呢一種味道令我諗返起之前喺意大利食過好好味嘅一餐蘑菇意粉！嗰隻蘑菇醬嘅調味真係好有意大利嘅風味，好鮮好好味，意大利飯嘅口感都做得啱啱好，呢味菜真係非常之回味！另外我哋叫咗個小食，係類似忌廉醬焗薯，份量都唔少，薯仔好好味，配上呢啲忌廉醬好惹味，呢度嘅薯製品都整得好出色最後以一個超級好味嘅檸檬撻作結，好驚喜地佢有焦糖脆脆，我非常之鍾意食，焦糖脆脆甜到啱啱好，唔會燶，然後另外佢仲有啲蛋白脆脆，加埋佢香脆嘅撻皮，同埋檸檬撻嘅內涵，成件事口感非常有層次，係一個非常之出色令人印象深刻嘅甜品！滿足的一餐 #hkfoodie #hkeats #thegrillroom #香港好去處 #香港打卡 #香港美食 #西餐 #扒房 #銅鑼灣 #銅鑼灣美食 #香港探店 #香港必吃 #香港美食攻略…查看更多

Odelice! 呢間餐廳以前喺灣仔返工team lunch就會去食！記憶中都幾好味，今日喺荃灣行街發現原來荃灣都開咗！晚市仲有啲超抵食套餐，於是就嚟咗食。我哋見到晚餐二人套餐，包兩個前菜/甜品+兩個主菜都只係五百幾蚊，如果要top up item都只係加少少，好似好吸引！於是我哋叫咗忌廉煮青口、橙酒可麗餅、油甘魚海鮮鍋、肉眼扒（配薯條）。另外仲加咗兩杯嘢飲。首先嚟既係飲品，賣相精美，我叫呢杯係Mocktail，有好濃既香蕉椰奶味，味道清新，份量好好多，飲到食完餐飯都仲可以慢慢飲。同時有餐包食，呢度餐包好高質，牛油都好好味，有好香嘅海鹽香。餐湯方面係南瓜湯，調味好好👍🏻好味。前菜同主菜feel到係即叫即整，上菜時間上有法國食飯嘅節奏，比較chill既感覺😆首先有忌廉煮青口，不得不讚呢度嘅青口隻隻都好大隻！食落好彈牙，好多肉，感覺鮮甜，加埋佢嘅忌廉汁，好味！然之後係牛扒，一上菜已經聞到好大浸好香嘅牛肉味！切開見到煎得好靚，肉質唔錯，牛味香，佢配嘅醬料非常夾，更加突出佢嘅鮮味。薯條都係好高質，份量多，新鮮炸出。然之後係油甘魚海鮮鍋，一上菜又係聞到好香嘅鮮味，呢一個菜式都係有大大粒嘅青口食！仲有啲蜆，兩樣都係啲肉大粒彈牙，海鮮鍋嘅調味都好出色，唔知點解有啲龍蝦湯感覺！至於中間嘅煎油甘魚，撈埋啲醬汁食都幾惹味，口感方面就視乎食邊個部位，有啲部位會比較實淨，有啲軟身少少，整體上都係比較實淨嘅口感～食到呢度已經好滿足，再加埋最後嘅橙酒可麗餅，原來仲有表演睇！店員會喺你面前落火槍，會見到有啲好型嘅火焰～唔使幾秒之後就食得啦！有好濃嘅橙酒，味道唔錯，如果加舊雲呢拿雪糕就更加完美啦！滿足的一餐！…查看更多

放工之後聚會，最方便梗係去尖沙咀。去到海港城，想搵間好味高質又好錯嘅泰國嘢食下，發覺原來有一間有海景嘅泰國菜！叫做Nara Thai，餐廳位置喺尖沙咀Apple Store附近。入到去，原來呢度係打卡餐廳，環境幾靚，仲有個打卡位！呢度嘅嘢食都幾多選擇，餐前小食蝦片非常好味。首先叫咗個馬莎文咖喱牛肉，另外再加左薄餅食。馬莎文咖喱唔會啦，甜甜地，好惹味，同牛肉撈埋一齊過未好夾，非常好味。薄餅嘅上菜方式幾特別，一開始以為餃子。有心思！另外仲叫咗個冬陰功忌廉湯，因為呢個配搭睇落好得意。賣相好吸引，上面嘅酥皮非常鬆脆。忌廉湯味道唔錯，有好濃嘅忌廉味。炭燒豬頸肉，經典菜式，豬頸肉份量好多，好肥美，肉質爽得來有肉地，好正，調味好出色，好味！黎食泰國嘢梗係要食芒果糯米飯！芒果糯米飯非常滿意，芒果份量好多而且非常甜，糯米飯嘅飯嘅黏程度啱啱好，好味。滿足的一餐。…查看更多

尖沙咀一向多有情調既餐廳，今日去左海旁有風景嘅酒吧餐廳食飯，以前成日行過星光大道見到都覺得好吸引，今日終於嚟食！呢度嘅菜系係偏向地中海菜式，平時嘅西餐唔同，裝修都好有風味。呢度嘅店員服務態度好好，好悉心去介紹佢哋嘅菜式。hummus bil lamb鷹嘴豆蓉配上羊肉，呢個配搭都係第一次試！因為係店員推介，係傳統菜式，於是我哋就叫咗。份量都幾多，羊肉同啲豆蓉加埋起嚟嘅味道好夾，啲羊肉都好香。主菜我哋叫咗蟹肉墨汁意粉，蟹肉份量好多！墨汁意粉無論口感定係味道都好高質，意粉口感好彈牙，好香，非常啱口味！燒雞肉串，非常香！分量超多，覺得呢度好似真係足夠三個人食！雞肉好滑，調味好出色，仲可以撈埋啲沙律同埋wrap一齊食，口感豐富。飲品方面，由於我哋揸車過嚟，所以都冇叫酒，試咗佢哋嘅 mock tails，款式好多，幾清新，味道偏酸，好開胃。好飽又滿足的一餐～…查看更多

今日喺荃灣廣場行街，心血來潮想食燒肉，原來呢度都有一郎燒肉嘅分店！既刻去食。一郎燒肉最大嘅賣點我覺得係佢有好高質既和牛，而且係任食！不論係燒肉定係刺身都有，justify到佢既價位～作為食肉獸，就梗係好抵食啦。所有牛肉嘅紋理都非常之靚，唔同顏色都有，佢仲有label話俾你知呢一個係咩部位，唔會一路食都唔知自己食緊啲咩！除左多款飲品沙律，雪糕都有好多款，豆腐雪糕、抹茶雪糕、海鹽味都有，我就食海鹽味，好味！之前喺日本食過和牛刺身覺得好好味，估唔到喺香港都有得食！牛肉刺身好感好正，好似食魚生咁，拖羅刺身都真係有食拖羅既油脂感！點完豉油Wasabi，真係好似食日本壽司咁！最後以豆腐味雪糕作結，滿足！…查看更多

都已經好多年冇上深圳，近年都唔會再去～不過有時有啲中菜又真係幾令人回味嘅，好耐冇食過烤魚啦！上次同同事傾完先發現原來香港係有烤魚食嘅！旺角登打士街嘅烤魚工房原來都幾出名！今次去到，入到去環境好闊落，坐得好舒服，氣氛好好，一入到去就聞到好大浸酸菜麻辣嘅味道，入邊嘅員工非常之親切同埋貼心，成個感覺真係有離開咗香港嘅感覺，好地道嘅烤魚店！一場嚟到梗係要食我好耐冇食過嘅烤魚啦！叫咗個唔辣嘅蒜蓉酸菜烤魚，只有一個大細選擇，我哋兩個人食應該都好快飽！於是其餘嘢食我哋都係叫少少小食。賣相超級吸引，味道非常香，所有魚肉都係大大嚿，好多肉而且好鮮嫩，非常美味，而且好入味，每舊魚肉都有好濃嘅蒜香味，超級啱我。而且呢隻魚唔多骨，非常容易處理，真係好好食。我哋仲加咗$20要寬粉，份量都幾多，呢一隻彈牙麵條再加落去呢啲湯底真係超級一流！一定要加！另外仲叫咗個麻辣蒜香花甲，花甲份量好多，佢打開曬比你，竟然每邊殼都放一隻花甲嘅肉！調味極度出色，超級惹味，下面仲有粉絲。另外仲叫咗啲燒烤串燒，首先有口燒牛舌，啲肉好爽口彈牙，調味粉好惹味，係真係仲食燒烤嗰種調味。另外仲叫咗羊架，啖啖肉，連個肥膏都超好味！新鮮滾熱辣，好好味～不得不提佢嘅嘢飲都好正，芒果沙冰，我飲咗成餐飯都仲有好多！食辣嘢一定要配呢個芒果沙冰，仲有好多芒果肉。老公就叫咗咖啡，係凍啡，佢都覺得好好味。成餐都都冇得彈！真係超級有風味，絕對可以媲美以前喺深圳食過嘅烤魚，而且所有食物擺盤都好靚，絕對係非常適合打卡😆。…查看更多

慶祝生日，決定買下附近嘅美味外賣開個party。Pizza Hut嗰啲都叫到厭啦，今次一於試吓叫韓國外賣！新港城近來開咗間又韓國人主理嘅韓國餐廳，位置喺譚仔三哥附近，見到評價都幾好，一於買返屋企試吓！呢度食物嘅價位都幾親民，見到有唔同味道嘅炸雞拼盤都只係需要二百幾蚊！見隻隻味都咁吸引，一於就揀呢個，咁就全部都可以試。雖然係外賣，但係賣相都非常吸引！呢一個擺盤真係完美，一開出嚟大家都wawa聲。炸雞冇骨，拎到返屋企仲係香脆可口，啲醬料調味非常出色，特別係蜜糖蒜粉真係永遠冇得輸！另外仲叫咗個烤牛肉Pizza，好大個批，份量好多，好抵食，爸爸都好鍾意食呢個！另外仲叫咗個炸醬麵，同埋炒年糕。芝士炒年糕份量都幾多，啲芝士都好多！拎到返屋企可能啲芝士會晏咗，放入焗爐叮一叮，又變返拉絲，正呀。炸醬麵，味道唔錯，平時啲炸醬麵好容易太甜，呢度我覺得都啱啱好！我都冇為意，原來佢仲送咗可樂！滿足嘅一餐，炸雞真係冇得頂！…查看更多

原來古今二終於開到黎尖沙咀，真係好，勁就腳，今日係TST 買完野之後，就黎食晚飯啦~今日好餓，都叫左唔少野食。首先叫左燒玉子，賣相勁吸引，調味好正，佢玉子唔係捲蛋果隻，似關東果種，有彈性既，都幾正~之後係蘆筍串燒，脆皮燒得好香口，平時唔食蘆筍，但呢個配搭幾清新新唔錯~之後有沙律，勁大碗！D魚子、蟹子、豆腐份量都勁多，fresh得黎又好美味，好高質既salad。牛油果饅魚卷，勁有驚喜！牛油果好足料，饅魚脆脆地好有口感！夾埋好好食。另一個壽司係牛油果配三文魚，又係好好味，我絕對係個牛油果控，牛油果配三文魚，食落有雙重三文魚既錯覺！哈哈。勁滿足既一餐~…查看更多

尖沙咀一向都多好野食，今次發現左間西餐小店都幾好味！叫做JUST'er Bar & Restaurant ～ @justerestaurant 呢度都幾多野食，好多野都想試，最後我地揀左羊架、烤豬、沙律冋花茶～花茶好抵食，估唔到有咁大樽！可以沖到起碼四五杯，而且感覺養生，清新嘅檸檬味㗎啲淡淡嘅菊花茶味，好啱飲。豬肋骨，調味出色，外面嘅醬汁好惹味，肉質唔錯，都好易切，食落去口感幾好，而且份量都好多。不得不提啲薯條炸得幾正！好脆好香，鹹味好夠，好好味。羊架好香，慢煮方式，燒得口感幾脆口之餘保留到肉質鮮嫩，調味出色，有南瓜汁牛油蕃茄，配搭好味。 沙律份量都幾多，好清新好Flash嘅感覺，仲有青瓜！佢配上嘅醬汁都好夾好好味。非常飽，滿足的一餐。…查看更多

平時成日食日本嘢 西餐，都好少食中菜，心血來潮覺得好耐冇食小菜，於是今晚就搵吓邊度有得食。原來金雞廣場附近嘅點心度係有小菜食！聽個名以為係飲茶點心，原來晚市係賣小菜！咁啱我又喺波鞋街買完嘢，啱晒啦。首先我哋叫咗個水煮牛肉，好香，個辣味香得來唔會辣得滯，啱啱好，少少麻辣感覺，味道唔錯，入邊仲有粉絲！非常好味。之後叫咗個蒜爆小排骨，豬肉好香口，超鍾意蒜蓉味嘅我，呢碟當然岩口味啦！好有鑊氣。之後仲叫咗個流沙包，佢嘅包係竹炭包嗰種口感，棉棉地又有啲爽，幾正！奶黃嘅味道出色，熱辣辣嘅流心奶黃流出嚟，好好味。最後用一個楊枝甘露甜品作結，芒果好甜，份量都幾多，好好味，有啲唔會太酸又唔會太苦，完美嘅作結。…查看更多

慶祝升職，銅鑼灣一講起好味嘅日本菜，朋友就帶咗我去呢間花貝日本料理。入到去已經感受到高級嘅氣派，我哋今次坐師傅吧枱，食omakase，好有感覺。午市Menu有兩種set，一種係刺身壽司嘅set，另一種係懷石料理嘅套餐。我就揀咗壽司刺身套餐，因為都好耐冇食啦。首先係前菜，非常開胃，蕃茄豆腐酸酸甜甜，最有驚喜係冬瓜！佢浸咗落嗰隻汁好好味。刺身拼盤方面，全部刺身都好新鮮，有中拖羅食！非常鮮甜。牡丹蝦質素都好高，口感彈牙，蝦味好香，非常有驚喜！日式蒸蛋，非常足料！好滑身。之後戲玉啦！壽司！食壽司之前，師傅就俾咗幾樣開胃菜我，有洋蔥、蒜頭、薑，全部都有醃過，係平時食唔到嘅味！壽司質素好高，全部魚生都好新鮮，仲有你會睇到佢唔係純粹魚生，師傅係有用心設計每一件壽司，不論係賣相定係調味方面，你都見到佢係有精心計劃過，希望突出魚既鮮味。當中我最鍾意係海膽上面加咗岩鹽！個感覺好pure，冇平時點豉油嗰啲咁濃烈，但係有淡淡的鹹味，非常有驚喜，好正，而且海膽非常新鮮！一啲異味都冇！非常高質。另外大拖羅佢炙燒咗，呢個方法好特別，不過佢絕對冇浪費咗個刺身！燒完嗰陣油香更加出。另一款炙燒魚生都好正，加上上面嗰個用甜酒煮過嘅類似紫菜嘅調味，非常有心思，完全帶到大拖羅嘅香味出嚟。食完壽司真係感受到師傅嘅功架，好欣賞佢每次都會用心咁解釋食用方法同埋佢用咗乜嘢食材，增長知識。最後有一碗湯同甜品。湯有蜆肉，好鮮，卜卜蜆嘅感覺，下面仲有麵條，可以當面咁食，當然湯底我都飲晒啦。😍甜品有日本嘅蜜瓜，非常高質，極度鮮甜，超好味！完美嘅作結。…查看更多