JamesTo11的个人专页

環境店面面積小，坐位正常，服務員態度有禮貌，好笑容等左咁耐都返唔到鄕下，只好搵間日本feel既餐廳試下，望梅止渴中😅試左藍鰭吞拿魚四式丼定食，吉列豬扒定食，另外加一份三式刺身藍鰭吞拿魚四式丼定食必須要試，飯用上等壽司醋飯，一入口就食得出，直頭食到有米香味，藍鰭吞拿魚每片都油花均勻，仲要係厚切，四式分別有，大腩，赤身，腩蓉，炙燒大腩，每一片入口都有魚油標出，刺身狀態一流，啖啖鮮味十足，令人浮現好多日本回憶畫面😭特別一提炙燒大腩，雖然經過炙燒過程，多左一種層次，外皮變得香口，內裡仲保持到刺身嘅軟滑口感，茶碗蒸同個麵豉湯都唔錯，麵豉湯好足料有好多螺肉，必試推介吉列豬扒定食本身對個豬扒無咩期望，只係無咩熟食所以叫左，個豬扒唔油膩皮脆有肉汁，唔知同沖繩豬有無關係😂，食完既感想係可以再黎食過！😋三式刺身有甜🦐，三文魚，吞拿魚，吞拿魚同丼飯一樣咁好食，甜🦐仲有略帶少少海水味好鮮甜，三文魚目測處理得好乾淨，入口鮮甜，食完刺身啲味仲停留喺口腔內，真心值得各位一試嘅日本餐廳！只可以講一分錢一分貨，係可以再食既！😋😋…查看更多

環境唔大好多人，同隔離零距離，只加左隔板，服務員態度，非常有禮貌，好笑容係香港食過幾次台式火鍋，食個兩間之後一見到台式火鍋就諗起食垃圾🤢！已經好耐唔敢食，但今次見依間咁多人食，豁出去一試，果然令我對台式火鍋有返啲希望，配料有誠意有台灣既味道！揀左澳洲和牛個款，每人會送價值$19一粒既澳洲和牛蘑菇芝心牛丸，個名咁長我都記得係因為真係幾好食，所以專登記底！😂通常牛味濃個的牛丸好少整到非常彈牙又實淨，就係佢兩樣者做到非常驚喜，但食唔出蘑菇同芝心。雖然試過佢任食個款牛丸真係差好遠。但$58得3粒好似貴過頭。😅個紅燒牛骨湯幾足料，有濃濃既藥材味，第一啖唔係好鍾意個陣味，食食下又覺得唔錯喎，味就夠但係牛骨好似得一兩嚿，同埋湯係加普通湯，不過唔使驚溝淡晒因為兩個鐘我加咗一次定兩次湯，都仲有味。配料都多既，只記得幾樣特別好食同幾特別既。打邊爐一定要有牛啦！佢嘅澳洲和牛偏瘦偏薄，想食靚牛就唔好揀呢度啦！ 私房鴨血無腥味好吸湯，第一次覺得🦆血比豬紅更好食！脆鯇魚腩夠新鮮，手工川丸子有加單😂，🦐餃爽口唔錯！鹽酥雞好食豬血糕唔洗食，花膠正常，有好多款漿，牛肉漿魚肉漿（香港人叫魚滑個啲）都一般無加單，蛋餃好快散，爪子雞水餃其實係節瓜雞肉餃幾特別，👎🏻鯛魚片，排骨酥無肉又乾。仲有好多丸類可以自己攞。素食人士都可以一試，一般任食邊爐既蔬菜都係得生菜，油麥菜，蘿蔔，🌽個啲，依度淨係蔬菜都有成十款，竟然有皇帝菜，萵筍，鮮淮山，豆類製品，瓜類，菇類，加加埋埋都有十幾款。支裝飲品飲唔哂唔怕嘥可以拎走，依度幾多台灣野飲，麥香即係類似香港既☀️檸檬茶。最尾有甜品好似有仙草凍，不過好飽揀左Movenpick雪糕。好奇怪6點幾到7點幾就無沙白，唔知點解臨走又有返，🤔唔通夜晚先到貨？P.S.銅鑼灣店平日六點鐘入去食係唔洗排隊，又唔洗預約嫁！6點15分後要等叫飛嫁啦！#牛大人台灣火鍋 #近期最hit #秘製鴨血#食到飽飽 #CP價高 #要等好耐#當去左台灣旅行…查看更多

好耐冇同大家介紹啦！最近疫情冇咁嚴重，又四出搵好野食😛今次食咗一間意大利餐廳，餐廳佈置好似一間酒吧，某啲位置可以同廚師交流下，坐位環境都算舒服，每張枱之間都有距離，員工好招呼好笑容，有禮貌，重點係圖片同食物居然可以一樣咁滯👍🏻叫左幾款野食，有皇阿媽沙律，超級撒亞人拼加拿大人pizza，意大利肉丸，白汁意大利谷巴意粉，幾杯酒。依間餐廳個名都叫Pizza 就梗係要食pizza 啦！呢度嘅Pizza即叫即焗，上枱未食已經聞到超香，貪心嘅你仲可以半邊半邊咁叫，一次試兩款！呢度嘅Pizza好有傳統意大利風味，火爐烤到少少黑既邊皮更香，脆脆地有咬口得來又唔厚。超級撒亞人，用咗兩款芝士有意大利牛奶芝士同水牛芝士，仲有好多好多好多嘅美式肉腸，仲有啲蒜蓉，啖啖都有肉腸，味道好香，兩款唔同嘅芝士加埋好有口感，由於係即叫即焗溶溶地仲有小小拉絲，味道唔錯。加拿大人有帕瑪森芝士同水牛芝士，肉腸就冇頭先嗰款咁多，但有大大片蘑菇，本身以為蘑菇會好dry，但係入口就覺得自己叫得冇錯啦！因為蘑菇同肉腸嘅配搭好清新，啖啖肉之餘，仲有大啡菇果種香味，鐘意食大啡菇既人一齊會愛上，廚師已經為你加上芝士粉襯托，但我個人好鍾意芝士粉，仲加多左芝士粉但入口一啲都唔膩，仲好正！如果我無睇錯，啲芝士粉唔係買現成個啲，味道夠香又唔太濃。😋皇阿媽沙律個名好得意所以忍唔住叫黎試下，沙律配料好多，有谷巴火腿真係幾好味，軟林林又唔係好鹹，好香肉味，仲青瓜，車厘茄，火箭菜，芝士，自家沙律醬，配搭清新，味道酸酸鹹鹹咁，好醒胃！白汁意大利谷巴意粉意大利粉煮得嫩滑唔會太熟，個白汁調教得啱啱好，個味有啲似辣辣地既卡邦尼配料仲有啲蒜茸，芝士同肉丸，芝士仲要啱啱小小溶，入口多汁唔乾，但要快少少食，凍咗啲醬汁會比較杰撻撻。意大利肉丸肉丸分量比較少，不過肉丸本身食得出係自己製造嘅肉丸，唔係現成加工嗰隻，咬落有淡淡肉咇出嚟再配上自家製嘅番茄醬，鍾意食酸嘅人一定鍾意食！🍅🍅整體上呢間餐廳絕對係性價比高嘅超級精選，喺銅鑼灣區黎講價錢絕對係冇得彈，值得各位一試👍🏻👍🏻#Mother of Pizzas #Pizzas媽媽#Italy#beer #Parma ham#Meatballs #火爐烤薄餅…查看更多

環境坐位唔多，乾淨企理，服務員態度，正常，有禮貌有排去唔到旅行唯有係香港搵間韓國野食止下癮，呢間餐廳個老闆娘同部份侍應都係韓國人，夠晒地道，而且價錢都好親民，仲要有齊幾款前菜沙律任食，同韓國一樣，佢有兩間分鋪係對面馬路，好少坐滿，疫情下食都安心啲。韓式牛肋骨湯湯底有濃烈嘅牛香，個湯熱辣辣，牛肋骨煮到骨同肉之間好易咬開之餘又不失牛味，配料仲有蘿蔔，金菇，粉絲，全部都吸收晒湯味，正！雪燶湯牛肋骨湯嘅升級版，湯底更濃更香，湯料同牛助骨湯差不多，係由牛助骨轉左牛肉。所以可以只叫雪燶湯。鐵板泡菜五花肉厚切五花肉大大塊，鐵板上枱仲卜卜聲，未食時耳鼻先享受😂，侍應仲會好細心係你面前將肉切件，等你好方便就可以一夾入口，味道香而不膩，配合洋蔥墊底，令味道更強，五花肉煎得香軟邊脆，入口果下仲要有肉汁噴出，食肉獸推介之一。海鮮煎餅餅底唔會好乾身，配料有紅椒，韭菜，蝦同蠔仔，個餅夠大又夠脆，不足之處係蝦同蠔仔得好少。紫菜宮庭卷雖然材料好普通，腸仔，蘿蔔，青瓜，酸瓜同雞蛋但要簡單嘅嘢就越難煮得好食，味道容易入口，凍凍地加埋酸瓜同自家醬汁混合，幾醒胃既，韓餐必食之選！醬油炸雞翼第一感覺外皮炸得好脆口，之後你會食得出餐廳自家配製嘅醬油再混合豉油味道，混合埋一齊唔會太咸，調校得啱啱好，最驚喜嘅係雞翼仲有少少汁，肉嫩剛熟既感覺整體配合得好好，又唔會炸過火芝士年糕個醬好有韓國風味，仲可以拉出長長嘅芝士，年糕夠煙韌唔錯…查看更多

又到食茶記嘅時間啦，每日到午市都有人龍，坐位唔多，乾淨企理，服務員態度，正常，位置較窄，叫左兩份餐，干炒免治豬肉飯，沙嗲牛肉炆烏冬干炒免治豬肉飯，一上枱望落個樣雖然非常之頹，入口味道都算有少少驚喜，太陽蛋好嫩滑，店家稱蛋係嚟自日本嘅，蛋味濃，豬肉粒都算多，夠味適中，配料有好多種，雜豆，蘿蔔，薯仔同茄子，撈勻一齊食之後味道都唔錯，有啲似楊州炒飯沙嗲牛肉炆烏冬，沙嗲味偏淡，無左茶記即炒熱辣辣個種吸引，牛肉都算多，不過有啲老同硬，烏冬炒得都算乾身，可以接受，但係整體份量唔算多，如果男仔食就可能有啲唔夠飽。奶茶嘅茶底一般，沖出嚟嘅奶茶比較淡，冇乜味。每日午市咁多人，應該平同多選擇同近，上環依個價錢食依啲野算係咁。#A餐B餐頹餐 #上環信德 #茶記 #東南亞特色美食…查看更多

環境，坐位唔多，乾淨企理，服務員態度正常有禮貌有排都無得去旅行，日本思鄉病又發作，所以去食日本野頂下引先😅呢間餐廳以天婦羅為主。分別叫左佐賀牛丼，唐揚炸雞熊本咖喱烏冬，仲有幾款小食，魷魚鬚同七裡海膽海膽天婦羅炸海膽好似嘥左啲，香港人多數即食，但今次驚喜，雖然細細隻，炸完之後居然仲有好多汁，有炸既香味仲保留鮮味，一咬入口，夠脆口啲海膽汁都好澎湃，係個口裏面來回遊蕩，味道一流不過份量就唔係好夠啦！唐揚炸雞熊本咖喱烏冬依度嘅炸物真係唔錯，炸雞外脆內軟，炸菜心第一次食幾特別，仲有炸椰菜花都好香脆唔油，未食之前都驚菜會吸晒啲油，但又無喎！咖喱係廚房未拎出黎都聞到香味，聞到都想食，烏冬用左比較幼扁身個種，始終都唔夠圓型煙韌個種好食。佐賀牛丼牛肉量幾多，牛肉本身鮮嫩，廚師煮得啱啱好配合埋新鮮嘅洋蔥，味道恰到好處，當中仲有一個亮點，就係中間嘅炸蛋，炸蛋外面卜卜脆，內裏仲係流心，蛋汁加埋牛肉簡直絕配！🦑魷魚鬚無咩魷魚味但唔韌口感唔錯，個炸漿都整得唔錯，脆口又唔厚粉又唔油膩。同一般日本餐廳一樣主食前會有麵豉湯同埋🥗供應，份量好少頭盤食下都可以，麵豉湯正常濃淡適中。依間鋪啲炸嘢係唔錯嘅，但啲炸物份量都偏少，感覺唔係好抵食。不過，佢啲飯同烏冬都好多一定夠飽！…查看更多

坐位唔多，闊落，新淨又乾淨，服務員態度正常有禮貌，香港人餐廳外牆用左落地玻璃，一目了然，唔入去都打到卡😂，設計幾特別外面係現在，入面就係過去既香港，鋪內牆身壁畫全部都係香港嘅特色，好岩鐘意打卡嘅你。常餐去茶記點少得茶記精選沙嗲牛肉公仔麵，其實越簡單嘅嘢越難有突破，呢度嘅沙嗲牛，絕對有水準！😋沙嗲汁夠杰夠香又唔辣，牛肉一啲都唔老，餐肉煎得夠脆仲幾厚切添，個湯底係非常濃嘅豬骨湯，一般茶記都係牛油方包，但依度有得揀兩款醬，無咁單一，揀左厚切奶醬多，常餐當然要有火腿奄列，個奄列就正正常常咁啦！黑松露芝士雞扒焗飯雖然外表冇乜特別，但食落有驚喜，一上枱已經有一股松露香，焗過嘅芝士夠香口溶溶地咁撈飯一流！個人覺得焗飯一定要係炒飯底先夠香口，依度唔係普通炒飯仲有大大塊嘅炒蛋，大大提升左入口嘅口感就算多松露汁都無搞到啲飯軟林林。雞扒好大塊，煎得外皮卜卜脆，內裏肉汁豐富，絕對係誠意之作，如果你係焗飯迷一定愛上👍🏻👍🏻奶茶茶餐廳嘅靈魂梗係奶茶啦！點會唔叫，凍熱都有叫，熱嘅茶味濃厚，有奶香，可惜唔夠滑，凍既糖漿重手左小小，味道偏甜，不過仍然飲到茶香，估計用既茶底應該唔差🤣依間新式茶記嘅常餐湯麵配菜又叉燒又肥牛又肉碎咁好多配菜揀，有別於一般得最頹嘅腸仔，餐肉，火腿，幾欣賞佢有咁多選擇。下次要試香辣肉碎米同小炒。😂…查看更多

環境地方正常，坐位唔多，服務員態度午飯時間都係得一個人又黎馬來西亞菜，依間工廈餐廳好耐之前食過。近期再幫襯，感覺退步左，不過餐廳名好特別（馬來亞春色綠野景緻艷雅）巴東牛肉魷魚🦑油麵米粉喇沙湯巴東牛肉夠淋夠味，魷魚夠爽，喇沙湯底無左第一次黎食個種花生嘅香味，變左濃味中式沙嗲湯，一啲辣都無，有啲失望。啲餸細細粒碎濕濕咁，食落好無引。豬頸肉魷魚喇沙泡飯貫徹佢哋嘅特色，豬頸肉同魷魚都係碎濕濕咁。佢地既飯係分開上，比你揀自己泡。柴灣區工廈鋪黎講都算貴，午餐要$64以上，所以午飯時間人唔多，有位剩。P.S.下午兩點半收午市，無客會再早啲，可以一試，但唔會再試😂…查看更多

一間好有馬來西亞風味嘅鋪頭，舊式茶室感覺嘅裝修，未食嘢都感覺到馬拉嘅氣息，當你落完單，會有肉骨茶奉上，仲無限添飲，不過淨係得茶冇肉。如果想要食肉，就要另叫🤣肉骨茶嘅味道好正宗，飲得出有好多唔同嘅藥材味，入口微甘一啲都唔苦，溫度啱啱好微微暖，飲完個人好舒服叫咗砂鍋老鼠粉，沙嗲馬拉串燒，香炸鹵肉卷，當然唔少得正宗嘅大雜錦肉骨茶啦。大雜錦肉骨茶顧名思義即係有晒店內咁多款肉骨茶既配料，豬手，豬腩肉，雞腳，棒棒骨，豬肚，豆卜，花菇，中藥材料等等，會另上油炸鬼，響鈴，呢兩個餸浸肉骨茶食吸收啲湯之後好好食，其他配料都好入味，豬手有好重嘅骨膠原，食完個嘴唇好粘，煮得夠淋入哂味，鳳爪同埋豬肚味道都唔差。雖然配料每款少少，但全部少少加埋一齊就好多啦！如果啲肉骨茶飲晒仲可以叫店員添加不另收費，留意只限肉骨茶呀🤣串燒分別有牛豬雞各一，肉質鮮嫩唔老有肉汁，唔會過咗火喉，沙嗲醬唔太辣，重口味正，食落口食得出嗰醬係經過好多材料混合而成，唔似一般沙嗲包味精多單一風味。香炸滷肉卷，皮脆肉滑，入口脆卜卜，滷肉好入味，軟滑，滷肉卷內仲有少少芋頭蓉，配合一齊食整體味道唔錯，怕辣嘅朋友要叫另上個醬呀，真係幾辣嫁！🌶🌶砂鍋老鼠粉，配料豐富，有小魚仔，蝦米，豬肉碎，香蒜粒加埋一隻最重要嘅窩蛋，窩蛋同砂窩一向都係絕配，放上枱攪勻後窩蛋令到粉好滑溜，入口感覺每一條老鼠粉都有小小汁，咬落超正，撈勻之後所有配料一齊食味道的確唔錯招牌菜果然係一定要試吓，整體好香，應該因為香蒜同埋爆香嘅魚仔關係，食完後仍然有一陣香味回蕩，食到落底由於砂鍋關係仲有少少結左焦感覺好似飯焦一樣，值得一試！P.S.每日食飯時間都有人龍出現，唔想等既朋友，可以係非繁忙時段幫襯。…查看更多

環境地方大，座位多，交通自駕比較方便，近碼頭停車場，服務員態度正常香港食海鮮都有幾個出名嘅地方，例如屯門三聖邨，西貢，流浮山，鯉魚門等，所以今次去咗西貢試吓呢間小炒有情侶二人套餐，仲有四或八人餐，不過短期內就食唔到八人！😅 依家多人就買碼頭邊個啲艇仔既海鮮返屋企煮啦！我就揀左二人餐，有四餸一菜加甜品，芝士龍蝦伊麵底，芝士味濃郁，龍蝦亦都好新鮮有咬口，伊麵啱啱好吸收左海鮮味，唯一唔好嘅就係溫度，因為上枱溫度只係暖暖地，如果煮到熱辣辣更加好啦！鮑魚彈牙新鮮，經過椒鹽後仲好香添，夾埋炸蒜一齊食入口層次豐富上枱前仲加咗啲七味粉，所以未食巳聞到好香不過一人一隻就唔係好夠喉！蒜蓉粉絲蒸扇貝，溫度足夠，扇貝都夠林同新鮮，粉絲吸晒啲鮮味加埋醬油嘅味道，蒸得啱啱好唔老幾鮮嫩，不過又係得兩隻唔係好夠喉！😂薑蔥炒🦀火候非常掂，蟹入晒味，個份量都係唔多得一隻，薑蔥炒得好香食完又唔會口乾，雖然蟹肉唔多，但個蟹蓋居然有蟹膏。套餐仲有一碟炒油菜同甜品紅豆沙，呢個甜品就差咗少少啦真係，紅豆好少，基本上係得啲水，陳皮份量唔多，無咩味，所以欠一個完美嘅句號！總括嚟講依間海鮮係可以食嘅，但係食前各位就唔好抱有太大嘅期望，如果用平常心去食可能會好食啲嘅🤣，海鮮係新鮮嘅可以去試下散叫啦 ! 套餐CP值唔高😂…查看更多

環境地方唔大，坐位較窄枱之間距離唔大，服務員態度有禮貌，良好，等入坐時間大約15分鐘，繁忙時間可能等耐啲韓國人氣過江龍石燒漢堡扒專門店福岡漢堡扒，最近登陸尖沙咀，我梗係要去試吓!店內的漢堡扒選⽤澳洲和⽜，即場搓成球狀，每一款漢堡扒都包白飯、沙律、泡菜、麵豉湯，另外還有芝士蛋和⽜口味、牛丼等。今次食咗芝士蛋蒜漢堡扒同埋煙肉菠蘿漢堡扒套餐，同一般熱石牛扒嘅方式有少少分別，呢個係橢圓大鐵板唔係好熱嘅，板上小圓熱石先係主要加熱漢堡扒既地方，大鐵板上有雞蛋墊底，咁做可以隔開鐵板同漢堡扒，較容易掌握熟度，平時食鐵板牛扒餐好易太熟要好快手，蛋香味濃，由於放係鐵板上嘅關係令到佢有少少燶邊，入口感覺夠香脆，又唔會太濃，一次過有兩種享受，再加上炸蒜片，令人又愛又恨。輪到主角大牛肉球，叫越重kg越抵，小朋友👊🏻咁大個嘅牛肉球，做法係要用個小鐵鏟逐小切出黎放上熱石上，每邊煎三至四秒就可以，肉質鮮嫩可口，煎後入口微微燶，仲有肉汁噴出，牛香味好強，喜歡和牛既一定鐘意，因為熱石非常之高溫，好容易煎到外脆內軟既口感，唔識煮野食既女仔即刻變高手。仲有白飯，湯，泡菜同沙律供應，泡菜唔太辣入口味道唔錯，沙律就冇咩特別，菜絲同麻醬，個湯味道好特別，有啲似麵豉湯，係由金菇同埋小小瑤柱，入口感覺舒服醒胃，飯前飲下都唔錯！總括嚟講呢間過江龍絕對值得各位試一試👍🏼。其他熱石牛扒店有時溫度唔夠絕對有分別，所以切記要睇實掌握好時間，一過咗龍就會嘥咗。…查看更多

環境坐位正常，乾淨，服務員態度正常，有禮貌暫時各位都係唔好外出去旅行，由於冇得外出，咁就睇下我既食評當食左啦！🤣台灣刈包包上枱時外表就平平無奇，食落的確唔錯，個包熱辣辣夠軟身又唔厚，厚切豬腩肉用秘製滷肉汁滷過可以降低油膩感覺，加埋大蔥同菜更加清新，口感一流既中式漢堡包🍔炸軟殼蟹🦀🦀外脆內軟，蟹味濃郁，蟹肉仲好新鮮，雖然份量唔多，作為小食就啱啱好啦！蚵仔煎雞蛋滑，蚵仔份量多，幾乎每一啖都食到，配合香蔥同醬汁，唔太鹹，味道啱啱好，好有台灣夜市風味干貝櫻花蝦糯米飯荷葉包裹糯米飯同櫻花蝦蒸，應有既水份唔會流失，櫻花蝦有少少微甜，配合埋糯米飯一齊食就算食得多都冇滯感，加埋粒干見食飯前切碎撈勻，可令口感提昇椒麻雞扒雞扒外皮香脆，雞扒偏薄少咗啲肉汁，個醬汁幾特別，酸酸地，有好輕微嘅辣，雞扒同個醬汁配合一齊入口都唔太差，個人就唔係好鍾意依個醬汁嘅味道。台灣香腸台灣香腸我超有研究，依間超級正，每一片腸配合蒜頭一齊食令到味道增加，紅色香味較濃，黑色肉汁較多，唔加蒜頭都好好食豆醬炒鮮蚵蚵仔份量多，有青黃紅椒粒，配合埋豆豉，令整體入口好鮮甜，小小咸再加埋豆豉嘅香，送飯一流新竹炒米粉有肉同菜絲，米粉炒得比較乾身又唔多油，夠香但唔夠咸，所以我撈埋豆醬炒鮮蚵一齊食，新竹米粉夠幼滑加埋蚵仔香，肉絲同海鮮就更正滷水牛三寶內有牛腱，牛筋，金錢肚同白蘿蔔，牛腱同金錢肚炆得唔夠淋，如果炆長啲時間就更好，不過牛筋夠彈牙，大大嚿之餘仲好滑，白蘿蔔就吸收湯汁精華，處理得唔錯，湯底有牛味仲甜甜地又夠濃最後梗係仲有甜品啦！紫薯奶霜如果鐘意紫薯既真係要試吓，紫薯好大舊，加埋個薄冰底，面頭有奶霜再加埋焦糖醬，本身唔太甜嘅紫薯配合一齊食原美，甜得來唔會太膩的確係一個唔錯既甜品…查看更多

環境坐位正常，乾淨，服務員態度正常，真韓國OPPA大家依家無得去韓國，食下韓國菜當止下痕啦！😁店內裝修以木為主感覺清新舒服，晚上人客都多記得預約，有個露台仔岩晒鍾意影相既你黎扮下文青啦！📸炸軟殼蟹浸遊韓日清甜酸汁🦀個名好長但改得好岩，😂依道菜個汁好重要，配酸酸甜甜汁，大大減少咗一咬炸軟殼蟹流出既油膩感，保留到個蟹既香甜味。烏卒卒火山鰻魚櫻花蝦飯非常可愛既火山外型未食已經好吸引，頭頂有一顆蛋黃應該模擬熔岩，🌋🌋但我又覺得有啲似腦漿，🤯一刀切開佢灰色的外層既蛋白，蛋黃慘入鰻魚炒飯當中，再配合櫻花蝦既香味整體醬汁好濃又惹味，記住唔好影咁耐，凍左無咁好飯嫁！甜辣醬韓式魚蛋炒年糕黎食韓國菜，點可發不叫炒年糕呢？這道年糕炒得剛剛好，？魚糕量多彈牙有咬口，醬汁甜中帶辣，質素不錯！仲有小食拼盤同🍕就唔逐一介紹啦！去相啦！食物味道同配搭唔錯，又有真正韓國oppa可以黎練韓文，🤣不過想hea耐啲既就唔係煩忙時間黎，有限時架！…查看更多

環境地方一般，坐位較窄枱之間距離唔大服務員態度，服務正常相信近排大家都少左出街食飯，好彩好多食市都轉做外賣。其實外賣炸物好難保持到質素，所以我都冒險一次。黎到吉列豬扒專門店梗係試吓最出名新鮮即炸起既吉列豬扒啦！滑蛋吉列豬扒鰻魚丼雖然個名叫滑蛋，但係雞蛋就整得耐左少少應該叫老蛋，無蛋汁口感一般，但最精彩嘅吉列既豬扒就的確唔錯，外皮脆，內裏豬扒有肉汁，肉質嫩滑，有咬口加上配合鰻魚汁，味道豐富，有豬扒鮮味之餘亦都加入鰻魚香，鰻魚自己本身鮮味，加上獨家配製嘅鰻魚汁令到鰻魚嘅鮮味更上一層樓，只不過雞蛋扣左唔少分。另外加咗一個野菜豚肉湯，洋蔥味濃郁，湯料有紅白蘿蔔，仲有好多洋蔥，食炸野飲返啖湯，感覺上無咁熱氣。😂吉列三重奏加讚岐烏冬🍤🐷🍜三重奏分別有炸蝦，吉列豬扒同炸豬肉餅，椰菜淋上酸酸甜甜既芝麻酱清爽解腻，新鮮即炸起既吉列豬扒外脆內裹豬扒有肉汁又鮮嫩，果然名不虛全！炸蝦都有水準可以一試，至於吉列豬肉餅，我就覺得一般肉餅太淋無咬口，個味又怪怪咁！烏冬夠彈牙，湯底清甜，可惜唔夠熱扣晒分。如果大家有興趣既，一定要試吓最出名新鮮即炸起既吉列豬扒啦！鍾意我既食評就LIKE & SHARE啦！👍🏻…查看更多

環境地方小，坐位較窄枱之間距離唔大，服務員態度正常，好禮貌首先一入鋪頭裝修以懷舊冰室為主，牆上海報十分吸睛，舖頭細細但服務一流店員十分有禮，食物質素的確唔錯價錢合理，都叫咗好幾款野食，蔥油雞扒出前一丁，常餐，芝士撈丁，豬頸肉煎蛋飯先講常餐，話明常餐當然都係常常見到既炒蛋腸仔通粉，但愈普通既嘢就愈難整得好食，滑蛋夠滑有蛋香配埋厚多士去食，多士唔會烘得太過燶，鬆脆得黎又唔會太熱氣，加上適量牛油，配合一流，跟埋個叉燒湯通粉，湯底濃冇味精，叉燒軟硬適中又唔乾，幾十蚊一個餐好食又方便乾淨，食都食得安心吋蔥油雞扒出前一丁就正常水準，雞扒煎得有少少耐左，所以小小硬，肉汁唔太多，不過太陽蛋都唔錯，嫩滑有蛋汁，蔥油應該自家制，唔會太咸又夠香豬頸肉煎蛋飯就非常正，豬頸肉夠厚而且煎得非常香口，加埋隻嫩滑太陽蛋配合埋甜豉油，另外我仲加左蔥油，味道簡直係冇得彈，鹹甜適中，口感豐富，值得各位試一試，男人茶記精選之一 芝士撈丁就太濃厚，食到一半就有啲膩，芝士味唔夠香，因為之前食過其他專門食芝士撈丁嘅餐廳，佢哋嘅芝士撈丁係非常之正入口味道同埋口感完全係高水準，所以有比較之下今次就差少少，但有樣好既係配料選擇較多…查看更多