foodies.hp的个人专页

尖沙咀樓上隱世美食推介💫呢度午餐提供定食套餐 亦可以食到即叫即燒串燒🔥選擇多 環境舒適 地點就腳✅先睇睇呢個勁吸睛嘅和牛丼🐮肉量比預期豐富 肉質勁腍滑👅火喉靚 燒到僅熟輕輕透紅 入口帶有肉汁💦呢part已經夠晒搶位👍🏻上面再加隻生蛋黃撈飯 一定要加分💯配合埋照燒汁同洋蔥 惹味值再提升🚀.第二個驚喜係燒鳥丼 先燒好雞肉🐓切做細粒再撒上飯面 再加入昆布湯🍲好似平時湯飯咁食🤘🏻特別位係昆布嘅清甜令到入口好新鮮好refresh😍而燒香嘅雞肉就令味道多種層次🙂兩樣夾埋係好balance 油膩感頓時減低😆個人覺得呢樣係有心思之作💕.套餐仲包埋前菜 沙律 味噌湯 飲品🥤連埋食物質素一併考慮 算係幾抵食😇仲有另外幾款嘅套餐 同樣吸引🤩…查看更多

再黎多個肉嘅介紹 今次又係食燒肉😂晚市7:30pm前離座有優惠 120分鐘任飲任食👅有唔同價位選擇 再貴啲可以食埋日本和牛🇯🇵牛肉部位選擇都唔少架 例如👇🏻和牛胸腹/西冷/肉眼/牛肋肉/牛里脊肉/牛肋骨等等🐮豚肉有米澤三元豚西冷&豚腩片🐷仲有大量其他燒物合共78品 款式應有盡有😜牛肉整體算唔錯 有肉味 甜口得黎又juicy💦肉質滑 encore左好多round 😎仲有包埋刺身 三文魚 劍魚腩 油甘魚 帶子 北寄貝 赤蝦🦐質素出色具鮮味 入口都幾甜💫另一賣點係可以自己燒串燒 雞腎 牛舌 雞皮 雞軟骨🔥燒起只需加啲鹽同黑椒經已幾惹味🧂 飲品方面有各式各樣罐裝韓式飲品 盒裝烏龍茶☕️ 有興趣可以追加$48/位任飲幾款唔同嘅sake 🍶…查看更多

今次帶大家去土瓜灣食好西🫡一間叫隱町嘅日式串燒店🔥位置有少少隱蔽 不過可以話係卧虎藏龍😮先講第一個賣點 佢地雞類串燒全部採用日本德島縣阿波尾雞 相當高質🤗H先生最鍾意食雞 試左勁多款 簡單評評😬.喉管質地煙韌 無諗過燒落咁juicy 仲要好甜😻雞肝夠鬆軟夠粉口 油香味重 👏🏻雞尾外層燒到略有脆口感覺 咬開入面好滑 口感一流💯雞肉串當然係最食出雞嘅鮮味 每舊肉都大大舊 肉汁豐富💦.呢度嘅其中一樣signature就係青葡萄豚肉卷💁🏻‍♂️豚肉本身較油膩 肉味偏濃 中間有粒青提釋放出淡淡嘅酸甜味 感覺好特別 中和下肥膩感😳白鱔啲肉夠爽 味道鮮甜 好厚肉😈炸白蝦非常香脆可口 輕輕灑上少少鹽 佐酒真係越食越美味👅汁燒牛肋條又係勁重肉汁 牛味好出 肉質𡁻落帶有彈性但唔韌😜飯團燒到出面好脆 裡面包有少量櫻花蝦 仲要混合埋醬油 好滋味😋.環境舒服 坐bar枱睇到師傅即場燒 視覺味覺同時享受🤭價錢屬中等 唔算好貴 值得encore😎…查看更多

近排變左食肉獸 去左佐敦廟街呢間新開嘅自助燒肉店🤣有唔同套餐揀架 我地試左2款 想食唔同部位🤤幾款牛望落去都好新鮮 有色澤唔係瘀瘀黑黑👏🏻影相打咭好吸睛 👀兩份價錢分別$138 & $178💁🏻‍♂️包左沙律 飯 同 湯 所以都幾抵食架💵下腰西冷牛味較重 入口有甜味 🤗封門柳同牛小排嘅脂肪比例較下腰西冷豐富🤘🏻所以口感更加順滑 油香味更突出🤗每片切得唔算好薄 肉質柔軟得黎仍有彈性 😍燒起左點少少黑椒同鹽真係好惹味 🧂亮點落在A5和牛肉眼 份量有50g 共4片😎油花當然係佢最勁 可以做到入口即溶嘅感覺🤩味道甘香 好符合和牛特色🐄肉味亦夠甜 質地嫩滑😏.覺得自助燒成件事感覺好正 生熟程度自己控制🙂抽風都做得唔錯 食完唔會成身油煙味☺️一個套餐都非常夠飽 絕對值得試下👍🏻…查看更多

呢日去左chill一chill 食左個鐵板燒🔥餐廳環境超級舒適 寬敞企理乾淨👏🏻最正係serve我地嘅Zen師傅👨🏻‍🍳煮野食好有心機 又會主動介紹食材 問返客人feedback😮好有互動性 成餐感覺好「立體」 師傅教嘅😂.海鮮方面有南非鮑魚 大蟶子 銀鱈魚 清酒煮蜆💁🏻‍♂️個鮑魚燒得好有水準 肉質好滑又有肉汁 𡁻落無過韌😋師傅介紹落刀技巧非常重要 唔可以一刀切到底 會流失晒水份💦即刻長知識😄上碟時仲有個鮑魚肝醬伴碟 呢個醬味道好鮮好特別🤪點埋一齊食味道層次更豐富😘蟶子超甜又爽口 燒嘅時候只需加上少量海鹽鮮味已經夠晒出😇銀鱈魚肉質夠滑 魚油較重但又一啲都唔腥🥰師傅將魚皮起左燒到好脆 口感一流😛加上鹽同黑椒食起上黎夠晒惹味 再配返杯清酒真係無得輸😙.清酒煮蜆喺鐵板燒都算係指定菜式😎簡單用sake已經帶起到蜆肉鮮甜🤩師傅解釋俾我地知sake本身由米釀成🍚🍶米裡面主要係澱粉質 所以當酒精煮到揮發晒嘅時候🧐就會食到較重嘅甜味 呢樣係來自澱粉質嘅糖份🤓種甜味同蜆又非常夾😉.牛肉就有兩片 一片用洋蔥捲 一片用蒜同蔥🧅🧄可以試到唔同味道 而裡面嘅配料無搶到牛味👍🏻份量如果多啲會開心啲😬.炒野菜炒飯都好好味 飯粒極度煙韌 口感滿分💯甜品有抹茶蕨餅同紅豆雪糕 雪糕好多豆又唔過甜🍦呢餐食得好滿足😆…查看更多

平時食潮州嘢都係主力打冷 食滷水鵝嗰啲😏用滷水做湯底打邊爐 你又試過未先🧐潮州滷漢就係全港唯一餐廳咁做😮呢個C餐放題已經食到佢地嘅極品和牛啦😈湯底真係好夠料 味道又香又濃 😻潮式豆腐同豬紅索晒湯真係好正👍🏻.火鍋材料非常豐富 除左有澳洲M6和牛之外🐮仲有牛胸油 牛小排 封門柳 牛肩胛 肉眼部位等等😆H先生特別愛好牛胸油 淥幾秒就食得😉口感非常煙韌彈牙 牛油香好突出 Encore左幾次😛牛肉整體質素相當唔錯 有牛味又嫩滑 食肉獸一定瘋狂🤩.蝦滑墨魚滑都做得好出色 爽口鮮甜🤪呢度嘅鵝腸夠晒肥美 又有𡁻頭 鍾意嘅朋友要try try😎佢地呢度另一樣出名嘅係生醃💁🏻‍♂️雖然呢個餐唔包任食生醃 不過老細好好呀😍每樣俾我地試左一碟 有蟶子 又有海蝦🦐個汁嘅味道入口有微微醋酸 再帶有些醬油同蒜香 夠晒惹味 🔥.另外仲有自助形式嘅熱盤 花膠 椒鹽蝦 炒蜆等等 應有盡有 而且新鮮無腥味🙂飲品無限量供應 有凍花茶 又有下火消暑野飲 😙$298 可以話係超值價錢 而且食到比較特色啲嘅食材😋值得推介俾咁多位💫…查看更多

今次帶大家去到銅鑼灣嘅熊本燒肉🥩本身佢地做緊午市燒肉放題😃呢家晚市堂食開返 夜晚食感覺更加滿足😎喺呢度$296呢個價位已經可以食到澳洲M5和牛啦😍除左呢款之外 仲有其他各式各樣嘅肉類提供💁🏻‍♂️好似牛小排 安格斯西冷 牛舌 牛肩胛 三角肉 牛側腹橫肌 牛五花等等🐮唔止添呀 豬肉方面有鹿兒島五花肉 豚西冷 豚肩講都講唔晒🐷更正嘅係供應埋刺身 新鮮切起 多重享受🤩當然唔少得其他小食 沙律 海鮮 甜品應有盡有😬飲品方面有各款罐裝野飲 仲有一樽樽凍無糖烏龍茶 方便食肉獸解膩😈2小時任食 呢個價位真係好抵 幾大食都好都一定捧住個肚走🤗值得一讚係佢地嘅抽油煙系統好好 食嗰晚個場都幾爆 但唔會覺得好大油煙💨食完都唔會覺得個身一陣燒烤味 所以都算幾舒服👍🏻…查看更多

最近感覺上開多左好多間呢種自助燒肉套餐店舖🤓一人一份小食少食多滋味🤗燒完即食 熱辣辣感覺一流🔥今次旺角呢間仲主打食A4和牛添🐮梗係要試試佢🫵🏻叫左一份厚燒一份壽喜燒👻牛嘅油花睇相都feel到幾多 入口夠晒油香兼且口感超嫩滑😈正因為脂肪較重嘅關係 120g其實已經好夠飽😽燒起左再灑上少量喜瑪拉雅山岩鹽 會更容易帶起到肉嘅甜味🤘🏻壽喜燒驚喜位係嗰個醬汁 加入左松露 有別於一般嘅甜醬油味道🤭而且仲有原隻生雞蛋提供去撈匀個汁🤤令牛肉食起上黎更滑 仲有蛋香添🥚🍳.牛肉刺身上面灑上芝士碎😮好彩呢隻芝士味道唔算濃 無嚇怕H先生😝咁嘅食法啲牛真係入口即融 好正🤪仲有啲炸芝蔴葉伴碟 好香口🥰店員仲送左一細份吉列牛脷俾我地 係厚切架😍咬落好有口感 一啲羶味都無 認真唔錯😆.呢餐好滿足 價錢又抵食 屬encore之列😜…查看更多

日本拉麵同沾麵 相信大家都食過唔少🤗食得多自然都想轉下口味架🤪今次為大家介紹新開張嘅麺屋こころ💁🏻‍♂️佢地係主打食撈麵 真係估你唔到🤯平時食拉麵都好著重湯底🍜H先生呢次反而好想讚左佢地嘅麵條先😏👍🏻兩款都好爽好彈牙 就算未食入口 筷子夾落都feel到🥢而且偏粗身 所以咬落更有口感🤣東京撈麵有豚肉 魚介粉 蒜蓉 蔥花 筍👅仲有少量秘製肉醬 配合埋蛋黃🍳撈起食真係好香口又惹味😬見到紫菜同味付玉子 真係似足食拉麵咁🤩豚肉粒好有彈性 肉質較煙韌 但唔係鞋口 兼且幾入味😋魚介粉同蒜蓉就大大提升味道層次😙再加入餐廳提供嘅黑椒 實在係夠晒滋味😘.柚子鹽味撈麵就相對fresh啲🙂淡淡嘅柚子汁利用天然酸味將油膩感除去😚入口同時令口腔充滿住清香 開胃程度無得頂😜雞件肉質偏鞋 滑返啲就好😄除左加入黑胡椒 餐廳仲建議食左三分二之後可以加入秘製香醋 真係好多變化😎食完撈麵 仲可以加入白飯 攪伴成為肉燥飯🤓.炸雞同餃子質素都唔錯架😬炸雞啲肉超滑 肉汁多 好厚肉😈出面粉夠薄 味道唔會太鹹太淡👏🏻餃子皮薄 餡料夠👍🏻以後想食日式麵食多一個選擇啦😻…查看更多

H先生係一個酸菜魚迷🐟今次試左港威中心新開嘅姚姚酸菜魚💁🏻‍♂️值得推介俾大家🤟🏻揀左呢個酸菜魚配水煮牛 一次過滿足兩個願望✌🏻一望個Size 已經覺得好震撼 魚同牛嘅份量都非常多🤯酸菜好惹味 湯底麻麻香香咁越食越開胃🥳望落辣椒雖然多 不過唔係真係咁辣 一般人都handle到🤪花椒粒多 偶然咬到 個口即刻散發出香味😍魚片超滑 肉質firm唔會一夾即散 最重要唔腥😛水煮牛肉同樣腍滑 鬆肉粉唔算多 咬落仍有口感🤩Even係水煮都係BB辣黎 裡面有芽菜&寬粉 吸湯一流😘.口水雞個醬汁好特別 唔係好鹹好濃味🐓但食落有辣椒嗰種椒香味道 一樣唔辣😇調校過就返香港人口味😎雞件雖然有骨要揀 但肉質夠嫩滑 又唔會一陣雪藏味☺️.辣子雞軟骨肥腸呢個combination真係無得頂👏🏻吸收晒起鑊嘅蒜頭 蔥的滋味 仲配以少量孜然粉令味蕾非常刺激👻大腸仲要有膏 𡁻落更有油香 煙煙韌韌 夠晒邪惡份量都多 食極好似仲有咁🤤.最後仲食埋個糍粑做甜品🤩即叫即炸 外層超脆😝面頭再淋上黑糖漿 咬落又甜又軟綿綿😌呢個係必食之選😊…查看更多

.呢家就連食普通粉麵店都好有要求😏湯底 辣椒油 餸菜 以至粉麵 全部都好重要😋以上所有野 新蒲崗呢間合利就真係做到水準😘佢地出名食墨魚鬚同墨丸 梗係要試呢個啦☺️墨魚鬚超爽好彈牙 外型脹卜卜咁望落都feel到正😍配襯埋呢個濃濃嘅腩汁湯底 令較為淡味嘅墨魚鬚頓時升呢🆙佢地嘅筋腩都好入味架 炆得又夠腍夠滑😬墨魚丸大大粒咬落好有口感 一樣咁爽🤗辣油都係自家製👨🏻‍🍳唔算好辣 不過個味道夠香口滋味😜配粉麵食好夾🥢.本身墨魚鬚同筋腩雙拼就$40😎另外再加3粒墨丸就$14🤫覺得有啲啲貴 所以抵食指數有少少折扣😅…查看更多

今年做冬猶豫食泰國嘢定係打邊爐好🍲H媽始終鍾情滾下滾下😏帶佢試左呢間新開無耐嘅伍佰🤘🏻質素幾OK 值得推介俾大家😊.豬肚雞鍋非常足料 肚夠爽又乾淨😆胡椒味越滾得耐就越出 腐皮多索湯一流😬俾左半隻雞嘅份量無斬件 由侍應即場幫手剪✂️雞肉好滑 入口有甜味😻.手切牛都大碟 牛味唔錯 🐮食落感覺新鮮 肉質同樣夠滑夠腍🥰如果再厚切啲會更出色😋.蝦丸同墨魚丸絕對係呢餐亮點🌟超爽超彈牙 真材實料😛咬開仲見到細細粒蝦肉 墨魚肉就更煙韌😎呢的真係手打功夫 唔似外面批發貨色🤩$98 有8粒 價錢唔算貴 必食之選😎.鵝腸夠肥 質地爽口🤤雖然有啲邪惡 但唔肥真係唔好食😂望落洗得都乾淨🙂.成餐火鍋非常滿足👏🏻餐單上選擇都幾多👌🏻環境坐得舒服 唔會好迫👻價格整體屬中等 幾抵食😈…查看更多

麺屋武蔵雖然已經有唔少分店😉不過每次食依然保持到水準架😌今次喺旺角嘅呢間個名後面仲有武骨相傳😂淨係睇名都好好奇究竟有咩咁勁🤡一於親身試試同大家share下啦💁🏻‍♂️.今次試左兩碗麵 一碗沾麵一碗拉麵👏🏻先講麵條呀 咬落真係好爽口😽就算H先生打左一輪咭都無浸到腍晒😈真係好啱口味 而且掛湯效果相當唔錯🤤無論係要點嘅沾麵 同埋浸住湯嘅拉麵🍜都吸收晒湯嘅神髓✌🏻豚骨湯入口好甜 味道濃郁💕豚角同叉燒分別各有一件😜兩款同樣質感滑溜 肉味甘香🤗雞白湯拉麵就用上雞肋以8小時燉煮而成 真材實料👍🏻上枱時面頭會見到有一浸傑傑地就係骨膠成份精綷啦😍味道絕對唔係普通味精湯感覺 相反散發住雞鮮味😋就算最後飲晒都唔會口渴🤩雞叉燒先要特別讚呀 係超級滑又有甜味 好正🐓.小食方面同樣唔輸蝕架😏分別試左炸雞 多春魚 & 餃子🥟餃子個皮夠薄 餡料豐富 又煎到金黃色 火喉啱晒🔥炸雞個黑色汁其實係他他醬 好香黑芝麻味🥳多春魚炸得夠脆 一啲都唔腥 點埋個酸酸地嘅汁😋確實夠開胃😜整體黎講質素真係幾唔錯👍🏻*朗豪坊LP CLUB 新會員限定*即日起只要免費登記成為朗豪坊 LP CLUB 新會員，即日至到 23/01/ 2022，輸入指定推廣碼 及於「麺屋武蔵 武骨相傳」作任何惠顧，可免費獲贈二刀沾汁麵一碗，數量有限，送完即⽌。…查看更多

今次去嘅呢間餐廳位置坐落喺堅尼地城📍真係最篤篤嘅位置😅好在呢家港島線可直達 出左站行大概5分鐘就到😬一入到去感覺好舒服 因為面積非常大🤗枱與枱之間嘅空間好闊落↔️就算2人都可以享用到成張正方形枱 影相美感會豐富好多🤳想傾計講大聲啲都唔怕嘈到隔離😂.今次試左兩個main✌🏻平時食牛唔係西冷就肉眼🤭估唔到呢度有得揀封門柳😮呢款肉嘅肉質唔算特別好滑 𡁻落感覺有啲實淨😆唔屬於腍滑型 不過未至於鞋身😇而牛味個人認為係幾濃 所以仍有可取之處😙例牌medium rare 外層少少燶燶地 裡面就夠晒紅👻熟嘅程度好啱心水💕300g嘅份量二人share好合適😬.鱈魚扒煎得好啱火喉👏🏻塊魚皮熱食時係脆嘅 魚肉零腥味🤓呢款魚嘅肉質唔係腍bat bat 🤩切落係一梳梳 口感食落好滑😌配以南瓜汁 一款味道比較甜口嘅sauce🎃確實幾帶出到魚嘅鮮味😘.炸魷魚鬚份量算多😎新鮮熱辣炸起 炸漿厚度適中😙口感爽口彈牙 送返杯紅白酒一流🍷他他醬裡面嘅酸瓜非常開胃😜中和返油膩感覺 So nice👍🏻…查看更多

諾士佛台 尖東海傍有多間酒吧相信大家都知👆🏻而呢間樓上bar真係可以話係卧虎藏龍😼位置喺正I Square對面📍裡面除左有酒飲之外 仲有多款特別嘅主食🍽今次試左三款野食 值得推介俾大家😎.最特別嘅一定係佢地嘅海鮮搖籃☺️可以自選多款海鮮 配以餐廳獨創嘅馬來西亞特色辣汁一齊撈匀品嚐😋呢個辣汁實在係超級惹味 可以揀辣度🌶重點係好多蒜 一入口已經搶佔味覺🤣鍾意嘅朋友必定愛上 辣味又香口 lamlam脷👅👅今次嘅海鮮要左鮑魚 海蝦 青口 大蜆 元貝💁🏻‍♂️每樣都唔係細Size 尤其係鮑魚 口感仲要好爽口架🙆🏻‍♂️大蜆 青口食落都覺得新鮮 無腥味又無起沙 處理得好好👍🏻配菜仲有粟米同司華力腸片 個Combination幾攪笑😂.明太子龍蝦包又係另一驚喜🦞龍蝦肉非常彈牙 食落feel到有肉汁嘅 味道都鮮甜😈個包用多士形式上 烘得夠脆 要讚🤟🏻明太子味道偏淡 唔算好出好鹹😌反而咁樣唔會搶晒focus 可以俾食客真正享受到最期待嘅龍蝦肉🥰薯條調過味好惹味 又用粗薯喎 堅正🍟.火焰雞翼即場淋酒再點火 打咭值爆分🔥建議唔好由佢自己燒完 影完相盡快整熄佢🤪如果唔係好易燒燶 因為雞翼佈滿蜜糖🍯而且個人經驗覺得保留返啲酒味去襯托個蜜糖入口仲有feel😋.價錢睇落雖然好似偏高😬不過都算係幾特別 環境又幾有feel👻可以玩埋Beerpong同掟鏢架🤩…查看更多