11KM的个人专页

之次路過呢間野，比個名同門面個裝修招牌吸引左，上黎OpenRice 睇，原來個花膠雞湯底好出名，所以今晚同d friends gathering 就決定黎呢間。 一行七人，book左9點（其實係太full，我地太遲訂所以要食9點，要黎食記得早d book位） 我地叫左$258果個花膠雞安格斯海鮮任飲任食套餐，就緊係叫招牌花膠雞湯底，人多關係，再叫多個沙嗲湯底。order完先送個餐前小食，炸魚彈燒賣，好好呀，大家都餓到咕咕聲。 湯到喇，嘩！個花膠湯個賣相唔差喎，花膠都有唔少，又唔係碎濕濕咁，緊係一塊塊。水滾喇，大家第一時間食左花膠先啦，正喎！d雞都幾滑喎！果然係招牌湯底，必叫！ 配料都係叫左好基本既野，重點係個安格斯啦，當然好食過普通雪花肥牛好多啦！ 120分鐘食完，仲有甜品送，雜果紅豆涼粉冰！嘩！飽到爆肚都要食埋啦，實在正！…查看更多

今日放工約左老友去觀塘交收，咁就係駱駝漆大廈搵食啦，見到呢間日本菜都幾好咁，門口裝修好清新，初頭唔知係日本料理，哈哈！Order左原條鰻魚炒飯，厚肉多汁，好味道!再叫左個壽喜牛肉火鍋🍲，小食叫左他他魷魚圈，呢個魷魚圈值得推薦，個他他醬好好味！雖然主菜選擇少咗啲啲，但係前菜、小食有好多選擇。特飲系列都幾特別，叫左一杯藍桔富士山，一杯洛神富士山，唔太甜，飲落又開胃👍🏻。甜品叫咗個玄餅，好似水晶包咁，幾精緻。環境都幾優雅，適合拍拖情侶💑…查看更多

今日入左將軍澳交收，所以去左新都城搵食，都幾多野食，見到呢間台灣菜幾好咁，拎左飛等左幾張枱，好快就有位。原來係半自助式，出去櫃臺order完就埋位等上菜。上菜都好快👍🏻叫左個三盛紅燒牛肉麵、酥炸排骨麵、牛肉濃湯水餃、現做煎餃子、百香果冰沙、珍珠阿華田！叫左紅燒湯底，有少少辣辣地、甜甜地。幾好味，個人唔食得太辣，但又喜歡有少少辣吊下味咁，呢個湯底就好啱我心水。餃子🥟又可以叫4隻，咁就可以叫多款試下，煎餃即叫即做，所以要等多少少時間。飲品方面真係好多選擇，真係超級選擇困難😅。最後都冇選錯，2杯都幾好飲。2個人埋單二百幾蚊，價錢合理👍🏻！…查看更多

今日要去觀塘買d野，就順路約個friend係觀塘食飯，佢介紹呢間西餐廳Call Me Chef話抵食又好味，一於去試試。駱駝漆大廈，一d都唔陌生，好易搵！Order左2個set dinner share食，一個芝士釀焗青口配泰式黃咖哩忌廉炒意粉，一個Call Me Chef All day breakfast ！有沙律🥗、餐湯、餐飲。一杯凍檸茶、一杯特盛水果🥭茶。個茶底同平時飲既味唔同，係清清地幾特別。初頭以為黃咖哩配忌廉意粉會好奇怪，但見靚女推介就試下，又出奇地幾夾味喎👍🏻👍🏻👍🏻食飽仲有雪榚甜品！下次去想試埋門口擺出黎d cake, 好似幾吸引！今次實在太飽！…查看更多

今日放假，就去左竹園街市搵吃，唔太肚餓，就去左皇后餃子食。2個人叫左一個狗仔粉，椒鹽燒賣、蘿蔔糕、豆漿。坐係到食，人多等左好耐都未有，明明64號，點解叫左65號我地都未有叫呢？以為狗仔粉要煮所以耐d，但裝入去又唔見阿姐整緊喎？！於是咪問下囉，個阿姐好串咁話，咪呢份囉（堂食唔知做乜要入哂袋），仲要話叫左好多次都冇人應！what? 我坐正係到，聽住你叫62、63、65都冇叫64！明明就係你掛住落其他人單，就咁放左係到冇叫，見我企係到咁耐，又望左我幾次，都可以唔睇下既，仲要整差態度！幾好食都以後唔會再幫襯！…查看更多

個friend 話帶左個仔返學，約我去沙田食個lunch。約左去石門呢間豐鍋，我初頭仲以為食lunch去打邊爐食雞煲？！哦⋯⋯原來有lunch menu既🤣Lunch time都幾多人食，我地呢d閒人就約晏少少，避開lunch time 。Lunch menu 都有7款，我order左和風薑汁炒豚肉，老友就order 左泰式海南雞飯。未上飯先上湯，椰子🥥粟米雞湯，幾鮮甜，椰子味唔會太重太搶味👍🏻，個薑汁炒豚肉都好好味，朋友話佢嗰個海南雞飯好正，雞好嫩滑。Btw，見到隔離枱Order左烏頭魚，嘩！成條上！好似好好味咁，見佢成條魚食晒，下次再嚟可以試吓叫條烏頭食下先…查看更多

今日要去觀塘幫老豆拎月餅🥮，就順便約埋好姊妹食個lunch聚聚。Amp太多人，又要等位泊車，我地就轉左去工廠區果邊搵吃，搵到呢間日本野。天氣焗熱，都唔想食熱野，所以我就叫左個雜錦魚生飯，我朋友就叫咗灸燒三文魚生飯。雖然都有啲人，但係上菜都好快，唔好睇個碗魚生飯細細咁，食晒其實都好飽下，我個碗雜錦魚生飯有我最愛嘅吞拿魚，仲有三文魚，鱆紅魚，蝦，同埋三文魚子。好新鮮，平時出邊餐廳食嗰啲魚生都係好細片，但係呢度嗰啲全部都係厚切，啖啖肉，飽到差啲食唔晒見到有個海膽杯好吸引，但係真係飽到一個點，睇嚟要下次再返嚟encore！…查看更多

雖然而家香港氣氛麻麻地，但朋友一樣係要見既，難得今日齊人腳，就去左荃灣大鴻輝中心搵食。可能真係政局動盪，平時大排長龍等搭lift，今日排一架lift就得，直上21樓。6個人，一人一煱，我就叫左豚骨湯底，選左$258果個款放題。其他配菜就自己出去拎，平時去開其他日式放題火鍋既，都冇呢度咁多選擇，又有串燒、炸物，d牛都好靚👍🏻👍🏻，飲品種類都多，仲有甜品，雪條都有幾款，仲有雪榚，好似去酒店食自助餐咁🤣。實在太飽，食埋枝紅豆雪條都食冇位再食甜品!大滿足！…查看更多

因為之前係浸會大學讀緊個diploma 既course，所以有申請左泊車證。今日趁星期六上午都可以泊車，就去聯福樓試下飲茶，之前都同d同學返前或考試後黎食晚飯，貪呢度夠方便。原來呢度有學生證，茶介減半。雖然選擇唔係多，可能人流唔多，但點心應該係即叫即蒸，樣樣點心都熱辣辣，唔馬虎！味味係好ok! 可能地點唔就腳，同埋係大學裡面，唔係人人都識黎食飯，人流真係唔多。平時夜晚黎，直入有位，人唔多就自然唔嘈，可以安安靜靜咁食餐飯。晚飯既菜式唔多，但碟碟都幾好味，我地最愛係咕嚕肉，每次必點！而且唔貴，3個人飲茶埋單$180有找。比起出面茶樓平左$100左右。晚飯都係咁上下價錢。抵食！…查看更多

香港地鋪租最貴，想食平靚正既野有d難，好在我住呢區屬舊區，好多鋪頭都係自己鋪，變相可以賣平d，益街坊，夠親民。今日遲左食早餐，lunch time 唔多肚餓，就等到tea time 先去搵野食，但又唔可以食太多，唔係dinner 就食唔落。左諗右諗，都係去做個腸粉，拎堆食物盒、私家杯去買外賣。（環保出一分力）一個腸粉餐+6粒，仲包野飲（除豆漿外，仲可以選擇紙包飲品），都係$15。出面冇$20 唔使諗啦！睇以前有人話阿姐問落唔落豉油，好似好怪咁。咁其實人人口味唔同，阿姐都係問清楚者。今日老闆娘仲倒左好大杯豆漿比我....哈哈！親民街坊小食店👍🏻👍🏻👍🏻…查看更多

跟老公慶祝結婚週年飯，老公知道我很喜歡食日本鐵板燒，所以就book 左呢間鐵板燒，入去之前發生小插曲，可能隔離枱有小朋友唔舒服，嘔到地下污糟哂，但他們沒有通知經理，好彩經理發現得快，即時搵人處理清潔。而經理都好好，即刻幫我地轉枱，不過當晚太full，最後冇bar位坐，鐵板燒就係要坐bar枱睇住燒，燒完即上碟食架嘛，攪到有d掃興。講返食物質素，一個餐$600-700 都可以接受，有大蝦，元貝，有炒飯，有炒野菜，有甜品，而壽司及黑毛豬另外叫，味道中規中矩平平無奇。…查看更多

Yeah! 今日boss請食lunch，好豪咁帶我地去食米之蓮法國菜。Order完，waiter就拎住盒餐刀，每一選一把，我稱為「古惑的刀」，因為它的刀鋒唔係係彎果邊，而為直果邊先係🤪。開餐，唔係普通麵包，係兩片薄南瓜片夾忌廉，Orange Oreo; Steam Bun , 以為自己食緊生煎飽；日本魚乾，加上芝士同海苔粉，鹹鹹脆脆；Appetizer: Amaebe (活甜蝦洋蔥果凍，配炸紅菜頭片）；Shiitake (薄薄的蘿蔔片配mushroom); Uni (海膽配....好似話係鵪春蛋）Main course: Meat pie (野兔肉，鹿肉，鴨肉，配鵝肝）； John Dory (魚配東風螺+豆乾煮成既醬汁）Dessert: Persimmon (將柿切薄再卷，配上合桃酸忌廉脆脆）；Cocoa (朱古力薄脆片，配雲尼拿雪榚，奶油，果仁可可顆粒，仲要帶點辣）；petite Fours 泡芙/干邑朱古力撻。唔好睇細細碟，個meat pie 我食到一半想放棄....飽得黎要留肚食dessert架嘛！…查看更多

老公今晚開夜，要食自己，一個人的晚餐食乜好呢⋯⋯。諗左成個下午都冇心水，打算求其買盒叉燒飯返屋企食算啦，跟住臨收工有個同事講起酸菜魚，個口即刻自動流口水，即刻上OpenRice搵吓邊度有酸菜魚食，土瓜灣呢間出名就試吓啦。一坐低就即刻落order先，一份酸菜魚呀！唔該！好快就上菜，原來呢間野係用桂花魚，幾好，骨唔多，容易入口，我最鍾意就係食酸菜㗎啦，個湯底酸菜+胡椒，食落去夠濃，又會食到有少少胡椒粒粒、花椒啦，同埋好重既香味，加埋d辣椒🌶️，我係辣得之人，真係勁正！…查看更多

今日遠征，由西貢揸車去荃灣川龍飲茶。呢度冇車真係難搞，假日黎就仲煩，多車難泊車之餘，仲好多Sunday drivers ，泊到d位呢......🤦🏻‍♀️真係攞你命3000。呢度夠哂特色，比起推點心車仲舊式，就係全自助式，自己沖茶，自己行去簡點心，睇啱自己拎埋位，真係全自助。不過如果帶老人家、小朋友去就要小心d，茶檔式環境+全自助式，比較容易整到，有少少危險，如果遇著個論論盡盡既就麻煩。食物質素就中規中矩正正常常，但勝在夠平，五個人先食咗$300。…查看更多

放假放假....又到搵食時間，老公話我想乜就陪我去食😘😘😘🥰🥰🥰今日試下多好多野食既舊區，九龍城！估唔到九龍城都有唔少cafe架喎，搵到位，泊好車，就四圍睇睇，行到福佬村道，好......今日就食呢間叫Cafe Ceres 啦！見佢裝修得都幾雅致。好耐冇食過all day breakfast ，今日就試試。香草腸、炒蛋、炸薯餅、沙律菜、磨菇、多士。um.......味道一般般啦，個蛋熟左d，唔滑。反而老公個burger就吸引d。…查看更多