lau ting的个人专页

I am a dumpling lover and I highly recommend this restaurant. First of all, it has a large variety of dumplings - from boiled, served with soup, or fried and with different favours. Fried dumpling is always my favourite which is very delicious. Also, I appreciate that all dumplings are fresh made in order to maintain a high quality of food. Moreover, the environment is neat and tidy. The price is reasonable and economic. It’s really a nice place for me.…查看更多

我從小就很喜歡食餃子，今天就同老公試了這間特色餃子店，一入內我地即刻點了幾款店內高人氣嘅餃子試一試壽喜燒牛肉煎餃 👍🏻👍🏻👍🏻👍🏻👍🏻這個真的是10分推薦， 牛肉鮮嫩多汁，配上壽喜燒十分惹味，加上餃子煎到剛剛好，非常脆口，真係令人一試難忘，好好食❤️如喜歡食辣，加上少少辣油口感就更加豐富！不過，好食嘅食物係需要等待的，要有心理準備煎餃要等長少少嘅時間先有得食。龍鳳松茸湯餃👍🏻👍🏻👍🏻👍🏻本身叫這款餃子，只是健康之選，因為松茸營養豐富，對身體有益，所以就打算試一試。想不到居然有驚喜，一咬就食到濃濃的松茸香味，一食就知真材實料，正！ 另外，佢獨家的狀元九鼎湯，就有濃郁的粉葛味，飲上去清甜而不油膩。元貝餃子麵👍🏻👍🏻👍🏻👍🏻這款餃子雖然比起上兩款嘅，就沒有太大驚喜嘅感覺，但我覺得都十分清甜好食，如果想食得清啲，這個都是一個好嘅選擇！最後臨走前，見到店主的小分享，覺得好有深度😊👍🏻…查看更多

又到訪元朗，今日隨意試了一間冰室。首先，餐廳環境舒服，間距充足，不會有很大的壓迫感。但食物方面就真的有待改善。叫了一個套餐，沙嗲金菇肥牛粉絲煲配白飯連老火湯。先上了一碗老火湯，很是失望，很稀，可能接近收工時間，份量不足，好似溝咗水咁🤦🏻‍♀️濫竽充數。 而沙嗲金菇肥牛粉絲煲是好食的，溫度夠熱，味道足，啱晒送飯，食完暖粒粒，可一試。另外，亦叫了養生之選，豬手肉骨茶配白飯加桂圓紅棗桃膠茶。真的真的非常失望，肉骨茶 茶味不足，又不夠香，用料不足，寥寥可數，又不入味，而且又不夠熱，真的不會再試。桂圓紅棗桃膠茶是好飲的，甜絲絲的，正。還加了白灼菜心增加蔬菜的吸收，菜心冧甜，是可以的，但不知是否因為天氣開始凍，上菜時 菜已經不熱了。…查看更多

經過元朗，見到呢間南洋美食專門店，加上十分肚餓，即刻拉咗老公入去試吓。店舖環境舒適，店員仲很好，安排了四人卡位俾我哋坐得舒服啲☺️叫咗晚市套餐：咖喱牛腩飯有得選擇 白飯底或椰漿飯底，我哋決定試啲新嘢選擇了椰漿飯底，結果是有驚喜的，有淡淡的椰漿味，不錯。咖喱味道夠濃，但如果可以，辣多少少就更加好，特別鍾意佢嘅牛筋，很彈牙，滿滿的骨膠原🤣另外點了 招牌叻沙，老公和我都比較重口味，覺得如果湯再濃一點就好了，食完感覺是中上的，但味道就沒有太大驚喜。另一方面，欣賞佢有鴛鴦麵底，油麵加米粉。我就比較喜歡米粉，因為可以掛汁多啲，味濃啲。老公就比較喜歡油麵，覺得爽口彈牙啲。由於，晚市蔬菜已經售罄，所以叫了一個亞金小食拼盤，整體味道是可以的，但真的比較油。特別鍾意蝦餅，很鮮味，鬆脆而不膩，很好食。整體都滿意，有機會都想試吓其他食品❤️…查看更多

今日好想食日本嘢，所以捉咗男朋友嚟尖沙咀呢間分店食燒肉。剛好係下午時間，我哋叫咗一個lunch set加菜。我哋叫咗燒肉御膳 肉大盛版本，多好多肉啱晒我同男朋友兩個食，仲加咗芝麻野菜，補充多啲蔬菜元素，令到飲食更均衡。燒肉方面真心覺得不錯，第一店員好細心知道要燒肉就提供一條圍裙給我們，令我們不會弄髒衣服，另外燒肉味道都非常可口，男朋友特別喜愛黑豚腩肉和牛舌，話佢多汁、快熟又鬆軟，真係一流。而我就喜歡食雞腿肉，肉嫩多汁、健康又有益。…查看更多

男朋友在灣仔區上班，同事帶佢食過銀座神樂屋的lunch set覺得好好食，所以今日佢帶我黎試一試呢到嘅晚市放題。首先，我們點了鴛鴦湯底，壽喜燒和豆乳湯底。男朋友好喜歡食羊肉，所以我地叫左豬、羊任食。特別想讚一讚服務員，她真係好細心，特別提醒我哋呢到羊肉嘅羶味比較重，問我哋有沒有問題，食唔食到？但我們都決定一試。🤣🤣🤣結果，羊肉嘅羊羶味真係好明顯，食頭一兩件還可以，之後就越來越羶，越來越羶，我真的是不行了。但男朋友就食得好開心，他很喜歡這種羶味，食完仲要encore。這種羶味濃到整個湯底都變成羶味，我即刻限定男朋友只能用同一邊湯底淥羊肉，我就食另外一邊湯底。之後我主要食刺身，反而好有驚喜，特別喜歡螺刺身和甜蝦，非常新鮮，甜美可口。甜品方面，試咗牛奶布丁，有點失望，不太好吃。現場有雪糕機，可以自己製作軟雪糕🍦，不過男朋友一製作完成，雪糕已經開始溶化，我哋唯有快快食，味道上我覺得還可以。而最好食嘅甜品就係抹茶意大利芝士蛋糕，蛋糕甜度適中，剛剛好，唔會太甜，配上淡淡的綠茶清香和芝士味，真係超級好味。…查看更多

今日超級想食甜品，於是就捉咗男朋友陪我去食。男朋友叫咗個北海道牛乳慕絲杯，上邊的牛乳雪糕好重牛奶味， 超級無敵好食，以下邊啲士多啤梨醬配上脆脆和cream，味道配合得好好，簡直天衣無縫，食咗一啖已經心心眼😍而我就叫咗french toast 咬落去非常鬆軟，好重蛋味，好似食緊玉子卷咁，對於一個雞蛋愛好者來說，真係魅力沒法擋，超級好食。不過值得一睇嘅就是如果想來這間甜品舖食，記得要預多啲時間，因為每次來都要排隊的。…查看更多

同男朋友去元朗，男朋友喺度爭住要帶我去呢間餐廳，佢話嗰度啲扒好好食。一坐入去，就俾佢嘅懷舊裝修吸引到。叫咗set dinner，餐湯連多士，多士烤得鬆脆內軟，仲夾雜着少少牛奶味，非常可口。羅宋湯酸酸甜甜的，有豐富的蔬菜和鮮甜的牛腩味道，味道不錯。頭盤是燒汁龍利柳配上三色豆和薯條，龍利柳鬆軟可口，薯條新鮮炸起，很鬆脆，再配上燒汁十分美味。終於到咗主菜蒜蓉雞扒意粉呀，雞扒配上蒜蓉汁好夾，肉嫩多汁，外層鬆脆。男朋友叫了洋蔥雞扒鐵板，配上薯條，分量十足， 十分抵食。…查看更多

同男朋友去完百利商場，男朋友話好肚餓，一行出門口就見到呢間舖頭，個名好特別好地道，男朋友好肚餓，所以就即刻入咗去啦。一坐低我哋就叫咗一碗牛腩雲吞米線，墨魚鬚和通菜一碟。通菜好琳好新鮮好好食。第一次喺街都食到咁好食嘅通菜。牛腩雲吞米線啲牛腩半肥瘦，肉質鮮美，加上炆得好琳，令人齒頰留香，食過返尋味，而雲吞味道尚可，但只有兩粒，相較其他店舖來說，份量明顯較為不足，略需改善。不過值得一讚嘅係墨魚鬚彈牙可口，肉質鮮美，配上芥辣，堪稱一絕。…查看更多

今天嚟到元朗Yoho，試一試呢度聞名已久嘅生煎包。首先，店內環境舒適，店員會先為客人量度體溫才入座，好開心我哋能夠安排到卡位，坐得非常舒服。我們叫了一碟上海生煎包，同男朋友一人一粒，分甘同味，男朋友之前已經提我小心啲湯，點知一咬落去已經爆曬出嚟，真係好多汁好好味，外脆內嫩，肉汁完全封鎖在包內，真係好傑出。我從來未食過咁好食嘅生煎包㗎！！！跟住叫了一碟灌湯小籠包，皮薄汁多，但味道沒有生煎包那麼驚艷，味道尚可。另外，亦叫了一客馳名的厚切豬扒和外婆紅燒肉湯麵。紅燒肉半肥瘦，有啲甜甜酸酸嘅感覺，十分開胃，而厚賜豬扒給我感覺好像叉燒一樣，甜美鬆軟，味道一流👍🏻👍🏻👍🏻…查看更多

今日同家人一齊嚟咗呢間酒家飲茶☺️首先，不得不提醒大家要提早攞位，自從限聚令放寬後，多咗好多人出嚟飲茶，雖然今天是平日，但依然全場爆滿，我們選擇搭枱，都差不多等了半個鐘，才有位；如選擇不搭枱，等候時間更加長。我哋一共叫了九款點心，弟弟喜歡碳水化合物類食物，最愛食蘿蔔糕，覺得肉質厚實又足料，配上辣椒醬，非常好食。爸爸最喜歡食潮州粉果，覺得佢皮薄涵靚，有家鄉的感覺。而我最喜歡的就是豬仔包，它可愛的豬仔外表一開始已經吸引着我，吃上口仲有驚喜，原來裏面是奶黃流心包，非常好食😋我好滿意❤️不過，美中不足的就是漏單，男朋友最愛吃的燒賣遲遲未到，一問下才知道漏了單，重新製作要我們等25分鐘🤦🏻‍♀️…查看更多

很久沒有去旅行了，決定去一去日本餐廳懷念去日本的感覺。今天嚟咗丼丼屋，一進店，員工就會為我們量體溫，以確保我們沒有發燒，並帶我們入座。每個卡位都有一個屏障，分隔開食客，減低飛沫傳播風險，令食客食得安心，對這一方面的防疫措施我十分欣賞。食物方面，男朋友叫了大阪燒風味牛肉定食，此餐配有薯蓉、麵豉湯、特上刺身和甜點。首先要讚一讚他的大阪燒風味牛肉，新鮮的飯配上沙律醬別有一番風味，薄切牛肉配上燒汁美味可口。薯蓉和麵豉醬就不過不失。特上刺身選料新鮮，有帶子、三文魚和鮮蝦，味道甘甜，非常可口。不過甜品就略為遜色，味道有點像消毒藥水（男朋友說的）🙈而我就叫了我最愛的鰻魚飯食。鰻魚肉嫩滑多汁，厚切的肉配上特製的鰻魚汁和白飯非常可口，我十分滿意🥰另外，亦都有意外的驚喜—千層蛋糕🍰，我覺得超級好食，每吃一啖都覺得好好食，男朋友都食到舔舔脷🤣🤣🤣…查看更多

很久沒去旅行了，突然好懷念新加坡的咖央，所以特登來了這間餐廳，叫了一份下午茶- 咖央牛油吐司配熱黑糖豆漿。首先，當然就是說一說店內的環境，店內整體環境清潔衛生，亦有塑膠屏風設於每個卡位，減少飛沫傳播，令食客可以安心進食。食物方面，我覺得整體是不過不失。最期待的咖央牛油吐司，沒有令我失望，外脆內軟，有淡淡的咖央味。但是，黑糖豆漿就令我有點失望，整體味道太甜了，我認為可以將甜度降低，或讓客人自選甜度，會更加好。…查看更多

湯加有不少分店，今天我就來到南昌這間分店試一試它的午餐。首先說一說環境方面，雖然限聚令已經放寬，但欣賞店舖依然沒有鬆懈，入店前，店員首先會為客人量度體溫，才安排入座，而每組餐枱都會有個塑膠屏風，減低飛沫傳播的風險，保障食客安全。今天，我叫了一客窩蛋鮮茄豬潤牛肉飯。味道還可以，豬膶和牛肉肉質都好柔嫩滑溜，但蕃茄湯味比較淡，不夠鮮甜。另外，我選配上藜麥飯，就有一點失望，飯不夠乾身，比較濕，不過勝在夠健康🤣🤣🤣…查看更多

我同家人好喜歡吃餃子，今天就嚟到觀塘呢間餃子店。店內環境整齊乾淨，仲有洗手間。叫左韭菜水餃，味道都可以，湯好清新，但係冇乜特別。西洋菜煎餃，真係好好味，煎得好香，餃入面又多汁，正！另外，加咗個湯麵和擔擔麵，但味道真是一般，唔值得加錢食，建議如果肚餓可以叫多份餃子食，會抵食啲。另外，欣賞嘅係服務態度幾好，見到有個客人，因落錯單嘢而有啲燥和嘈。服務員都即刻同佢跟進，同佢解釋返，重新落單。賣單時，服務員仲同我們道歉影響咗我哋。…查看更多