Hay __ley的个人专页

呢間食過一次 太回味再返去食地理位置有少少入 不過都好易搵自費架兩次都！-雲南小鍋米線 $61 （🎖️墨魚蝦春卷$15/2條 & 腩肉$10）春卷食落有一粒粒蟹籽 好彈牙 新鮮有鮮味隻味同平時嗰啲墨魚滑唔同出邊有層腐皮包住 所以去到都必叫！米線係幼身嗰種 正宗雲南嘅米線 口感有少少似螺絲粉 同平時嘅米線口感都幾唔同 無咩煙靭 但就比平時嘅米線掛湯 同埋份量都好多 絕對夠食！個湯底令我最有驚喜 望落好似好油咁 但食落其實係有層次 好香 一啲都唔油膩 唔係平時嘅味 有少少甜 但又好夠味 飲飲吓都差唔多飲晒 之後都冇口渴裏面有酸菜 酸菜偏酸 都幾開胃 嗌咗小辣啱啱好 佢嘅辣係有後勁 唔係純粹落辣椒油嗰種（偷聽到佢哋同隔離枱講佢哋嘅湯底每日用豬骨雞骨煲 無落味精 🤣）滷水雞翼 $10有兩隻偏鹹 好入味 啲肉好滑 完全唔會煮到韌晒 可以嗌腩肉 $10食得出腩肉係預先用咗鹽去醃好新鮮 質地係偏軟熟 好味！豬肉味好濃 冇平時嗰啲米線舖咁硬同嗰種雪藏味我淨係會喺呢間舖頭嗌腩肉Ps. 環境好舒服 有卡位 📍大埔南盛街16號南盛大廈地下1號舖星期一至日｜1100-2130｜現金 八達通…查看更多

兩餸藤椒米線$50 推（🎖️唔辣腩肉$10+🎖️蘿蔔$7）呢個湯底有驚喜 湯底好香胡椒味但係又冇胡椒碎 所以飲落去唔會攻鼻 似花椒味 但越飲越惹味 順口個樣望落有啲綠色但唔使驚🤣米線唔係好彈牙 都唔係好淋 唔算太大驚喜 但整體都掛湯 腩肉切得夠厚 大塊 醃得入味 濃味 下次都會揀呢個蘿蔔都係必叫 好淋 入味 無渣！兩餸酸辣米線$53 （🎖️豬軟骨$14+ 韮菜雲吞$10）酸辣湯底反而無咁驚喜普通 嗌咗小辣 唔係好辣 同埋唔夠酸望落都無咩酸菜 佢應該係叫麻辣湯底豬軟骨都有幾多 三大嚿軟骨位都幾淋 滷水味幾香 咬落唔係好硬韭菜雲吞唔推介 普通個皮好薄 浸入湯都爛曬 冇咩口感皮蛋豆腐撈 $28 推皮蛋同豆腐都切到細細粒咁食落去都幾方便 望落好多辣椒 好似好辣咁 但其實食落口係香多啲豆腐同皮蛋都幾夾 豆腐好滑 皮蛋又有啲彈牙 個口感都幾得意 用匙羹食會再方便d炸醬烤雞翼 $36/6隻 $6/1呢個麻麻哋 個炸醬其實似叉燒醬嘅味 而且烤得唔夠乾身 個皮唔脆 醃料味道唔夠出色 食食吓會以為自己食緊叉燒 唔推🎖️推薦嘅餸腩肉蘿蔔豬軟骨滕椒湯底都幾特別…查看更多

煙肉配脆糖香蕉窩夫 $98 推甜鹹嘅組合無得輸 窩夫外脆內軟煙肉好香脆 配埋香蕉嘅軟糯口感 幾夾！仲有黑糖汁配埋 都幾特別第一次見但係$98嚟講份量 有啲少 風乾豬面頰肉卡邦尼 $108 一般意粉係粗嗰種 唔係好煙靭！偏向硬同淋嘅中間 好似嗰啲手工面 一咬就斷面頰肉似豬油渣 煙煙韌韌爽爽地 個汁有啲蒜香 配埋卡邦尼醬芝士 都幾夾呢個意粉唔驚豔 可以唔使嗌泰式香葉辣肉碎煎蛋貝果 $88 唔推肉碎係孜然味同帶有少少辣味孜然味都冚過晒其他味 而且個bagel太硬啦！😶‍🌫️所有料嘅味道都分開晒 唔融為一體！$88真係唔抵 Iced Chocolate $50 偏向黑朱古力 啱唔鍾意飲甜嘅朋友苦苦地 都幾濃郁Matcha Dirty $50 抹茶味好濃 仲會回甘苦澀但奶味唔係好重：整體嚟講 依間唔會encore ！之前都去過一次 但係full Booking 冇得食 即刻預約咗下一次 所以對佢期望太高 但😶‍🌫️…正常 窩夫幾好 但整體有其他更好選擇最低消費每人一杯飲品/一樣食品但佢gimmick幾好🤣前面係剪頭髮🪡後面係Cafe 可以坐到唔多個10個人嘢食即叫即整 要等啲時間～三個人食 每人$131到 （唔係好飽🤭）如果想去記住book定位！…查看更多

服務員唔熟手 凍檸茶嗰啲走甜少甜 又冇分清楚先上枱又唔可以嗌嗰啲特色嘢飲 明明可以跟餐 有套餐價問嘅話又話 冇咗而家 咁擺出嚟做咩服務一般都算啦 -最緊要嘢食係超難食 我未食過咁難食嘅😅牛油果意粉 配軟殼蟹 $118意粉難食 一啲都唔煙韌 淋最緊要個牛油果醬 超大浸草青味 唔講以為我係隻羊 喺草原食緊草就係食緊草嘅味😅😅軟殼蟹超腥 第一次食軟殼蟹唔好食-仲有個燒春雞配薯蓉 $158 隔離啲配菜都唔好食雞肉肉質好鞋 唔明邊度值$158-我朋友食牛扒 靭到兩把刀都切唔開肉質差到 乾到一個點 -果然夜晚時間 得幾丁友係有原因😭大家真係要信 冇人食係有原因🤣唯一好食嘅係薯條同埋凍檸茶😉仲要連餐包同湯都等咗超耐先上😤明明已經冇生意 都咁耐😉不可一 不可再點解會有60幾個好評🤭…查看更多

咁啱今日去開大埔就去食呢個開心果雪糕 去到有好多人 都見人有推介過🤭一定要嗌埋開心果碎 $45 推推⭕️Follow 社交平台仲有得減$3🤣食落去好有驚喜😋唔係好甜！開心果味好濃🍨見到店員即場放啲開心果仁碎跟住壓落雪糕度雪糕雪得夠凍 唔會好快溶🥰一個人食一杯都冇問題 完全唔會膩！雪糕筒都可以揀味有原味/朱古力窩夫 仲有另外兩隻唔記得咗 我哋揀咗朱古力窩夫好脆好濃味 食到最嬲尾都好想食但價錢有啲貴 間唔中食吓都可以好食！…查看更多

🎐哈豆 📍觀塘駿業里6號富利工業大廈3樓A室星期一至日｜1130-2130-豐盛台灣牛肉湯麵 $78 牛肉分量多 3舊牛肉 2舊牛展六成係肉 四成係牛筋 咬落去口感幾好！骨膠原感覺都重調味幾入味 但麵質偏淋 一咬就斷個人鍾意食啲硬 煙韌嘅湯底唔算好濃味 紅燒湯底 -水餃＋湯品＋滷肉飯 $110 呢個套餐包飽🤣蒸水餃有四隻 有韭菜餃 粟米豬肉水餃皮幾煙銀 啱啱好 餡料足味新鮮 要點佢嘅汁 惹味！-哈豆鮮果茶（少冰｜微糖）裏面有百香果 小蕃茄 檸檬有淡淡嘅茶香 幾清新同解渴嘅黑糖芋芋鮮奶（少冰｜微糖）推⭕️芋泥份量好多 有少少粗粒感 唔太甜！黑糖有存在感 但唔會搶咗鮮奶味同鮮奶好融合 好飲！-圓圓燒仙草 $58有 芋圓 花生 珍珠 紅豆 仙草 味道正常 珍珠煮得幾軟熟紅豆蓉偏甜 夾埋其他料就岩岩好配埋一碗仔薯片 黑松露味 幾適合放工 夜晚同朋友吹水嘅時候食-…查看更多

🎐公和荳品廠 (深水埗)📍深水埗北河街118號地舖星期一至日｜0700-2100-大無糖豆腐花（熱）$13最好食嘅豆腐花 好滑 放入口1秒吞咗 淡淡的豆味-參拼(荳腐/荳朴/魚腐各2款）$18/6 現場食幾乎個個都有嗌個人覺得豆腐配魚肉最好食 豆腐好滑好有豆味 魚肉一細塊偏重陳皮味豆卜切開一半去煎 都幾有口感反而魚腐麻麻哋 佢係打碎左啲豆腐同魚肉 一齊攞去煎 偏乾身-少糖凍豆漿（大）$17 好好飲佢個質地係有少少濃稠感 飲得出好足料 少甜嘅甜度大概係平時嘢飲嘅50% 都接受到！可嗌無糖兩個人飲啱啱好-…查看更多

🎐The Site 📍太子西洋菜北街161號地下A號舖星期一至日｜1200-2200｜要book位！-LUNCH SET (+$10 🥗 |🥣 )封門柳配薯菜 $168 呢個好食 上碟已經幫我哋切好咗大概有10件左右 店員落單嘅時候冇問到幾成熟 煎出嚟大概七成熟牛味好濃 煎得都幾香 薯條份量唔算好多 但炸得啱啱好配埋沙律 幾多柚子醬 容易入口加$10有南瓜湯 南瓜味好足 質地偏稠身 好好味-明太子蟹肉忌廉意粉 $88 呢個都好推介意粉質地好有驚喜 佢係偏粗 煮得啱啱好 有口感 煙韌 好掛汁 汁偏稠身 明太子足料 一啲都唔漏！反而蟹肉份量可以再多啲-Iced Rose Latte $50 嗌咗少冰 要攪勻晒先好飲Rose sauce 係底 咖啡味好香好濃-Hot Flat White $40好好飲！用嘅咖啡豆好香個底好濃 下次嚟都會飲呢個！-…查看更多

抹茶園 $56 (抹茶|麻糬/藍莓| 蝴蝶酥｜抹茶牛乳醬）雪糕 好滑 夠yogurt 味 但唔夠酸 愛酸嘅人會差咁d同埋都好快融 Smile 會好食d🤣麻糬 煙煙韌韌 幾好食-酥皮筒（2 toppings + 1 sauce）$58 ⭕️🎖️杏仁脆片｜巨鋒提子｜🎖️清新 熱情果醬 酥皮筒一般 無咩牛油香 得口感 脆片香脆 配雪糕幾夾我平時食乳酪雪糕都會嗌熱情果醬酸酸地 好開胃 清新都夠酸 唔夠酸可以嗌偏酸🤣-整體來講 好想食yogurt 雪糕嘅話可以過吓癮配料正常發揮 ！唔使特登嚟 路過可以試 ～-…查看更多

越式法包 $50 推推⭕️-🥖（🍅🥒🥕豬手 扎肉 肝醬）即場整 個包外皮酥脆 煙韌 裏面軟熟超足料 多到跌曬落街🤣-豬手好夠味 鹹香鹹香 最緊要個皮 煙韌彈牙 少少漿住嘅質地！個肝醬味唔特出 但配埋都夾-有好多酸蘿蔔青瓜 增加爽脆口感之餘又消膩少少辣味 好惹味 加埋芫荽仲香！🤭一個食曬都得 做lunch 嘅話-整體嚟講係 好食又抵食嘅法包$50 細食嘅可以share 又平d 一人小店 服務好 又俾🪑又開風扇🥹有咩要求老闆都會滿足e.g（爆多荽）(分幾修）🤣會encore !-…查看更多

士多啤梨+ 伯爵紅茶忌廉杏脯果醬 $166 ( $78*2) 唔推❌ 呢個價錢更加❌本身已經見好多人推廣一直以為$7x 8x最貴咪$9x 點知原來要 …$ 165 一個😶‍🌫️咁真係要好好食喎😥🫓杏仁拿破侖脆酥幾酥脆 薄薄一塊 表面有d焦糖脆脆 但有d位會苦 可能燶咗🥹但完全唔驚豔 唔值呢個價…🧈特製吉士忌廉特製🤣食唔出有咩特別 無咩味食完唔記得咗咩味 但幾creamy 唔甜日本士多啤梨好薄一片😌正常🍓啦 唔酸🍊杏脯果醫 普通野🫖伯爵茶紅茶忌廉呢款出味過🍓 少少有淡淡嘅伯爵茶味 總結 唔會encore 唔難食 但好普通😶‍🌫️呢個價錢 試一次都唔使試 除非你有好多錢洗唔曬🤭無料 ！bye~ …查看更多

$10/2 推推⭕️（ 咁平又大球又好食 無理由唔推啦）🥇豆腐 味道好夠 ！濃郁豆味 好fresh 唔會好甜 雪糕🍦質地有少少雪葩feel 唔快融雖完清清地 但食完又想再嘅味 ！🥈繽紛榛子樂 +$5 想像得到嘅味 好還原繽紛樂！🤭最好就係都係唔太甜 唔假🥉提拉米蘇 +$5 雖然唔係好食得出tiramisu味 似係榛子朱古力味呢個同繽紛樂二揀一就得！炭燒咖啡好重咖啡味 仲帶d焦香！又係還原同名一樣 有少少焦糖味鍾意飲咖啡嘅會鍾意我就麻麻🤣以上排名 有 分先後🍨呢間一定會encore ! 仲有好多味想試上次想食椰子味無🥲$5 一球真係好平 仲要唔細球先勁！仲要d味特別 唔罕 …查看更多

芒果小丸子撈 $38🥭呢個真係要讚 小丸子分量超多係平時嘅兩至三倍 每一粒都食好煙韌手工整 唔會食到粉粉地 好軟熟 好正 芒果份量接近都幾多 芒果味好出同甜 係高質嘅芒果 同平時浸過糖水嘅芒果冇得揮！主角果然係主角！芒果汁好新鮮 偏向係刨冰嗰種 唔係好水 整體好融合 呢個必食另外仲嗌左個芋圓仙草椰汁紫米露 $38芋圓份量好多 好抵食 椰汁味都幾重 但偏普通 整體環境都幾舒服幾闊落 職員態度都幾好 夜晚食要等位 我哋嗰時大約等咗15分鐘到就有位 ！…查看更多

椰子雞湯麵 $68推⭕️椰子味濃 一碗望落去都有四五件椰子條 成個湯頭偏甜 雞味都幾濃 冇咩油 係白色湯底嗰種 飲完我都冇特別覺得口渴雞係平時酒樓食棉花雞嗰種 都幾滑 冇咩雪藏味 但個人比較鍾意食完隻雞件 有得加錢揀刀削麵or 麵個人覺得刀削麵好食啲 彈牙企身啲都幾掛湯 普通面有啲淋咗少少 唔夠咬口胡椒豬肚雞球湯 $56 ⛔️呢個湯底反而胡椒味唔係好出 淨係佔10%味道 反而係薑味同雞湯味比較出 想真係食胡椒豬肚湯嘅人唔使嗌呢個 偏普通 豬肚煮到冇咩味 麻麻哋 雞件同另外味道嘅湯一樣潮人酸菜魚湯 $56 ⛔️呢個湯酸菜味偏重 薑味都出 算係濃味嘅湯 唔鍾意姜嘅人唔好叫呢個 湯底唔辣 但魚塊唔係好多 大約有8-9件 口感都幾滑 魚肉唔容易散 酸菜份量好多 味道偏酸 係成個湯頭嘅主角 偏普通呢個湯同面唔係話好夾 食落會分開咗但如果同雞湯對比 我會揀雞湯！糟滷醉鴨舌 $40 推⭕️我去過兩次兩次都有食好入味 調味啱啱好 酒味佔85% 偏大隻 一疊大約有1x隻 呢個必食川味泡椒雞腳 $38 唔推❌呢個麻麻哋 隻味好似大陸一包包嗰啲即食雞腳 味道太攻鼻 唔容易入口 食落唔夠惹味 唔使叫呢間舖頭我會返轉頭 已經食過兩次聯和墟唔多呢種舖頭 價錢上都親民 唔使$100 如果嗰日想食好啲 我都會去呢間 近近地🤣…查看更多

🎖️豆乳鹽酥雞配涼拌泰式米粉 $82 推推⭕️鹽酥雞一定要嗌！有五嚿 本身已經醃得入味 個炸皮薄 脆 啱啱好 每一嚿肉質都好滑 唔乾！配埋特制大澳蝦醬 但係齋食都好食 估唔到鹽酥雞配泰式米粉都幾夾 酸酸甜甜 好清爽 想一啖接一啖食芋泥地瓜QQ球 $48/6 推⭕️$8/1 都貴 外脆內軟 裏面係棉密嘅芋泥分兩啖食啱啱好 因為一啖食會有啲乾🤣唔會好甜 芋泥味都唔假 麻辣鴨血 $52 ⛔️偏向麻香 椒麻辣 唔食得辣嘅都應該可以食香料味都重 鴨血新鮮 外脆內嫩不過唔係必食🎖️香蔥半筋半肉便當（麻辣）$124 推⭕️半筋半肉啱啱好 肉質唔柴 都淋淋&入味牛筋 細細舊 軟綿入味 仲有其他配菜 增加口感 整體都好食除咗有啲貴+柚子四季春茶（少冰 少甜）⛔️柚子同埋茶味都唔濃 係清淡派 但用嚟解渴👌🏻🎖️朱古力榛子醬&香蕉牛角包窩夫配抹茶雪糕 $72 推推⭕️Croffle 超酥脆 配埋香蕉軟綿綿 好夾抹茶雪糕 苦澀帶點甜味 配埋窩夫冰火兩重天好正 ！🤩 仲有啲朱古力脆米 三重口感下次想試埋其他味！呢一間會encore！🎖️推薦可以嗌 我哋平日7pm去到唔使等位 環境都舒服但我哋坐下層張枱有啲細我哋嗌好多嘢食爭啲擺唔落 🤣嘢食上枱唔係好快 不過我哋唔急 性價比一般 唔會話好平 但係中環嚟講我覺得都OK 因為好食 同埋冇加一！…查看更多