keikiyellow1015的個人專頁

最近經過熊貓酒店就醒起上一次嚟尼度食飯嘅時候有呢個烤鰻魚🤤重要嘅係！佢嘅鰻魚係任食個囉！🤩🤤佢外脆内軟，肉質又勁鮮佢仲有勁多款冷盤小食比你，而且款色都啊唔係常見個啲咩螺肉啊，八爪魚啊可以實現雞腳自由真係好幸福🥰壽司都好新鮮，都無雪藏味，合格！🥰🤍🍣另外想讚吓嗰度有一個服務員姐姐，佢好有禮貌全部都會唔該前唔該後，而家香港真係好少見到咁有禮貌同埋服務質素嘅人，呢一樣係全餐入邊，我覺得最欣賞嘅，雖然唔知佢叫咩名，但係希望佢可以一直保持落去！激讚🤍🤍…查看更多

經過上次行街時諗反起牛之鍋嘅鰻魚，本身想再去食多次點知。。。去到先發覺已經無左尼個套餐。。🫠不過待應姐姐同我講原來佢哋呢排做緊任食新鮮本地手切騸古牛橫掂都嚟到，一於試一試先講本地手切騸古牛，即日即劏嘅新鮮牛角牛尾真係同雪藏牛冇得比🤪一食就知係正嘢😍😜😜肉質非常嫩滑，彈牙爽口，配上自己鍋煮嘅湯底，味道更加出色啲牛肉新鮮到好似聽到佢哋仲叫緊咁😂😂🤪🤪🤪另外佢哋期間限定嘅乳山生蠔同原隻鮑魚都係必試！🦪生蠔新鮮得無話可說，肉質滑溜，帶點海水嘅鹹味，配上檸檬汁更加提味🫨🫨至於鮑魚，鮮嫩得一咬就化再來就係三文魚刺身同大蝦刺身，三文魚色澤鮮艷，口感滑嫩，十分新鮮，大蝦刺身則肉質彈牙，鮮甜可口不得了🍣🍣🍣食材完全冇雪藏味，解凍處理做得好好，保持咗食材嘅原汁原味呢一方面真係keep住高水準真係唔講得笑下次一定再嚟…查看更多

前個排我同朋友一起去咗銅鑼灣一間西餐廳UMI Cafe🥰等左一陣先有位佢哋個海景真係非常之靚，絕對係一個打卡嘅好地方🎑我最鍾意嘅一道菜就係粗薯條配黑松露醬冇諗過佢哋可以將薯條炸到咁香脆可口,松露醬濃郁滑順，勁香勁濃🥰另外仲有一道咖喱軟殼蟹大蝦意粉,軟殼蟹好鮮美,蝦肉又彈牙,配埋濃郁嘅咖喱醬,真係超級好味🦀🦀最後推介一道甲羅燒蟹膏海鮮意粉,蟹膏濃郁鮮味,配合意粉特有嘅彈牙口感,真係勁正，係火速食完🦀🦀每一道菜單嘅食材都非常新鮮,無論係蝦肉定係蟹肉,都好軟滑彈牙,好好味。呢度係絕對適合拍拖或者同朋友傾計食飯👩‍❤️‍👨👯Waiter 都好親切有禮,好主動幫忙解答問題,反應亦都好快☺️☺️…查看更多

今日難得男朋友早收工，所以諗住搵間餐廳可以chill吓拍吓拖,之前見到呢間好似幾唔錯.咁啱今日有多啲時間所以就去咗食呢間入到去發現原來間餐廳都幾有情調，服務員仲好好，特登俾咗我哋坐大梳化位💕💖今次叫咗個牛肉青咖喱啦，一個冬陰功大蝦湯，一個菠蘿海鮮炒飯同埋一個超級無敵大DOSA🤤🤤冬陰功味道濃郁，隻蝦居然仲有蝦膏添🤤🤤菠蘿海鮮炒飯一樣咁正宗配上豬肉鬆真係淡淡都開胃💕💖熱過因為我已經有個飯同埋有個成隻前臂咁長嘅DOSA,所以個青咖喱牛肉冇再另外叫手抓餅.因為真係飽到嘔🤣🤣但係覺得青咖喱有樣唔好，就係永遠都覺得唔夠🤣，會想不停點汁食餅🙈最後配上一杯table wine (已經唔記得係咩牌子)🫣成餐真係夠晒Perfect 唯一美中不足嘅係，嗰日落大雨所以冇得坐去室外🥲希望下次有機會啦💕…查看更多

早排經過佐敦，見到呢間高格調鐵板燒決定入去試下首先叫咗個頭盤煙三文魚沙律，新鮮嘅三文魚配上鮮蔬同沙律醬，酸酸甜甜好開胃，可以準備迎接下一道餸🤤接著試嘗嘅鐵板燒大虎蝦拼鮮鮑魚同板燒雞扒拼蘋果醬。大虎蝦同鮑魚燒得剛剛好，板燒雞扒肉質鮮嫩，蘋果沾醬帶出獨特嘅風味。🍎主菜係海蝦炒飯，啲飯粒粒分明，配上新鮮嘅海蝦，正最後，我試嘗到香芋雪糕拼爆爆珠，香濃嘅香芋味加上爆爆珠，呢個配搭出奇地好味！真係唔錯，希望下次嘅時候又有新驚喜啦…查看更多

今日早左收工, 決定同男朋友去尖沙咀嘆咖啡🙈尼度真係好舒服，裝潢有格調，仲播住啲舒服嘅音樂，絕對係一個適合拍拖傾偈嘅地方。我就試咗幾款呢間café 嘅 signature dishes。首先係土耳其咖啡，味道真係特別到爆！咖啡味好香，飲落去一啖一啖嘅，香而唔膩，真係令人陶醉。仲有土耳其烤雞三文治，烤雞肉好多汁好嫩滑，夾埋新鮮蔬菜同特製醬汁，好好味最後，土耳其tiramisu係我必試嘅甜品，濃郁嘅咖啡味同千層餅層次分明，一試就愛上。食嘢嘅時候可以感受到每一樣菜飾都係廚師用心機去整嘅，一點都唔馬虎。唔論係用料定係味道，都係一流嘅。而且，職員嘅服務態度真係好好好！佢哋主動又貼心, 送要送左兩杯佢哋嘅特產比我飲😂🙈淨係呢樣都絕對係加哂分呢間cafe真係值得一試，食物好味精緻，環境又舒服，服務又好好。下次我一定會再去！…查看更多

今次點了一個平日lunch set ($268 3 courses)👇🏻👇🏻👇🏻👇🏻👇🏻👇🏻👇🏻👇🏻【香煎鵝肝】- 奢華的美味🍽🥂第一道菜是香煎鵝肝，這是一道非常奢華的前菜。鵝肝經過精心烹調，外表金黃外脆，內裡鮮嫩。每一口都散發出濃郁的鵝肝香氣，讓人胃口大開。搭配上餐廳特製的醬汁，更是增添了一層豐富的風味。這道菜的精緻程度絕對能夠令人驚艷。【香燒春雞】- 美味的主菜🍗接下來是香燒春雞。春雞經過特殊的調味處理，肉質鮮嫩多汁，入口美味。它的外皮烤得香脆，充滿了炭燒的香氣。搭配上田園蔬菜和特調醬汁，這道菜呈現出豐富的層次感和口感。每一口都讓人感受到料理師傅的用心和烹飪技巧。【歌劇院蛋糕】- 精緻的甜品🍰3道菜午餐還包括了甜品，我們選擇了他們的歌劇院蛋糕。這個蛋糕外形精緻，像是一個小型的藝術品。蛋糕層次分明，口感輕盈，入口即化。它的甜度適中，不會過於膩口，讓人能夠享受到甜品的美味，同時不會感到過度負擔。這道甜品絕對是整個午餐的完美結尾。CARVER的午餐套餐絕對是一個讓人驚艷的用餐體驗。從香煎鵝肝到香燒春雞，再到歌劇院蛋糕，每一道菜都展現了餐廳的高品質和烹飪技巧，good。😋😚…查看更多

見最近天氣咁凍所以同屋企人一齊去試呢間啲羊腩煲，之前聽過人哋講話好好食，所以想試吓係唔係真。由於呢間餐廳位於工廠區入邊，所以都要行一定嘅路程🥶🥶。。。但係最後我好肯定行呢15分鐘嘅路係真係值得嫁！🥲🤩羊肉同埋配例如冬菇、馬蹄和枝竹嘅份量都好足，而且羊腩煲得十分入味，肉軟嫩多汁，入口即化，羊肉同湯汁完美融合，讓人回味無窮。我們還點了魚肉麵、滑牛竹笙拼盤、手打丸拼盤以及水餃拼盤，讓我們可以品嚐到不同口味的美食。除了美味嘅食物，玫瑰餐廳陳儀興的服務也非常周到同友善工作人員熱情地為我哋介紹菜單上的各種菜品，並提供了專業的建議🙈😂。餐廳嘅氣氛好熱鬧，非常適合同一家大細或者朋友一齊來食。如果你鍾意食羊腩煲，呢度絕對係一個值得一試嘅地方。💯…查看更多

尼間其實我覺得都幾QQ,每次入去都好似抽獎咁。。50/50機率會好好食同好難食😆🥲有時真係覺得佢啲酸菜魚啊，冬陰功好好正！酸菜魚湯底調味得宜，而且配料又多！冬陰功個湯底夠濃，我最鍾意叫冬陰功札肉金邊粉！好味！🤩不過。。。唔知有時係頂替師傅定師傅唔開心有時真係。。。。。🤢😵‍💫😵難搞全部都好似唔記得落鹽不得止。。有時直情係落錯調味料咁。。。😵‍💫不過，由於好食個振真係好好味，所以我都會繼續去嘅，照比好評喇🥹🥲人誰無過呢。。…查看更多

哈哈！我今日行開廟街見到呢間個名好得意嘅餐廳，聽老闆講先知道原來最近先改咗呢個名嘅，望一望老闆，哈哈！點解佢咁似張振朗嘅！😆🙈好奇心驅使我入去試吓試咗佢哋嘅幾款菜啊！真係！佢哋嘅串燒真係好好味，令人開心到真係笑哈哈😆首先，我試咗佢哋嘅燒茄子，用孜然粉調味。茄子燒得剛剛好，又軟又滑，而孜然粉嘅香氣更加突出呢個菜嘅風味，真係好味哋！我又試咗佢哋嘅蒜蓉燒蠔，呢度嘅蠔真係大隻新鮮，而且燒得好恰到好處，肉質鮮嫩又帶嚼勁！最令人開心嘅係而家佢哋蠔仲半價，只係$19一隻，真係抵食到爆！🦪🦪🤤如果你鍾意素菜，豆皮串係一個好好嘅選擇。佢哋嘅豆皮烤得香脆，配上特製醬汁，真係好開胃，而且價錢亦都好實惠。🍢👍🏻最後，老闆仲送咗我一串烤白鰻魚，魚質彈牙又鮮美！呢個驚喜真係令我笑哈哈！而且佢哋嘅烤鰻魚真係烤得好拿手。哈哈串燒係一間好值得去試嘅地方。佢哋嘅菜色多樣化，裝修好有味道，而且味道都好正。如果你鍾意串燒，呢度絕對係一個使你哈哈大笑嘅好選擇！😜😝…查看更多

今日去東涌, 第一次試食中東菜,呢間黎巴嫩餐廳真係好特別🤔我第一次試中東菜，真係好深刻嘅印象。餐廳環境好靚裝潢有格調，加上播放著舒服嘅音樂，真係好chill。頭盤同前菜分別係鷹嘴豆泥拼口袋餅仲有茄子芝士沙律，作為前菜一流。🥙鷹嘴豆泥濃郁香滑有4種唔同嘅口味，配上口袋餅，而茄子撘配芝士作為沙律我都係第一次試，但兩個都真係好開胃~🥗滿懷期待下一味香煎八爪魚，外脆內軟，鮮嫩多汁，除咗肉質佢個汁都不得了，食淨嘅口袋餅都點埋黎食🤤羊胺扒拼中東炒飯絕對係一道經典菜式，羊胺扒肉質嫩滑，炒飯香氣四溢，好美味。😚另外餐廳嘅職員服務態度真係好好，好貼心。佢哋會細心解釋每一樣菜式，令我更加了解中東菜嘅特色同享受每一口美食。佢哋嘅服務真係好友善同有禮☺️我真係好滿意今次嘅Dinner好期待下次再嚟呢度，不過要練下啲英文先🫣😬😝…查看更多

今日重要聚會，難得打扮得靚靚梗係搵間餐廳去打下卡，係距離時代廣場3分鐘嘅路程聽聞有間有隻超大兔兔嘅樓上cafe🐰🐰，即刻沖上去！😍😚入到去，第一個反應就係花！全部都係花花！🌸🌼🌺老闆娘特意比左張卡位我同朋友影相，仲有好多靚道具可以借嚟打卡，不過我比較怕羞所以嘿嘿。。唔敢戴🙈叫左個香辣南美海蝦意粉🍝估唔到！！我無諗過居然打卡cafe都可以食到咁好食嘅意粉(☆_☆)佢唔會得個酸得個咸得個辣，調味好出色，蝦肉大大隻而且數量仲要一啲都唔少！加上紅花點綴，一盤近乎完美嘅意粉刷新咗我對打卡cafe嘅既定印象。個香草忌廉三文魚意粉大大份(免費加大)，忌廉汁唔會過膩，正🤤另外覺得好貼心嘅係，老闆娘喺廁所提供咗啲女仔用品，已被佢哋不時之需🥹🥰佢仲會主動同客人影相(而且仲影得好靚🤭)真係好sweet🥰臨走嘅時候。。兔仔突然趴在門口，本身趕住走嘅我。。。最後都留多咗15分鐘🙈實在太好摸。。🙈🙈不過留意兔仔唔可以抱起，只可以溫柔咁摸，餐廳入邊仲有🐰🐰零食可以提供購買去餵佢如果下次經開記得上去打返個靚卡啦🤭…查看更多

今日去試咗佢哋嘅壽喜燒牛肉鍋、咖喱烏冬拼炸雞同叉燒拉麵。我要講下佢哋嘅菜品同職員服務。先講下壽喜燒牛肉鍋$86。呢碗牛肉鍋都幾唔錯，牛肉切得薄薄哋，煮落去好快熟。牛肉嘅質都嫩。湯底甜甜地，配料都幾多，令味道更加豐富。咖喱烏冬拼炸雞$80。呢碗拼盤好豐富，烏冬煮得恰到好處，彈牙有嚼勁。咖喱醬汁雖然唔算辣，但都幾看，好開胃。而炸雞肉都唔干，有肉汁🍗最後就叫左一個一人套餐$95豚軟骨拉麵(+$10)，小食就選擇左餃子4隻豬軟骨好冧，一咬就散開🤍🤍而餃子就煎得香脆，加上餃子汁,goodddd❤️…查看更多

先講下菠蘿海鮮炒飯。炒飯入口有著香氣飄散，飯粒鬆散唔粘，有菠蘿嘅甜味同海鮮嘅鮮美。仲有啲肉鬆同海鮮令味道更加豐富。呢碗菠蘿海鮮炒飯真係好好食，好有越南風味。豬頸肉米紙卷。米紙卷裡面包住咗豬頸肉同新鮮蔬菜，配埋甜辣醬汁一齊食，口感鮮脆，味道鮮美。同埋蔬菜一齊食真係好開胃。食過幾個都唔夠，真係好好味。軟殼蟹咖喱煲。蟹肉鮮甜，蟹蓋好脆，咖喱正，配薄餅一流…查看更多

同公公婆婆去咗婆婆廚房食飯，佢係一間專為長者提供就業機會嘅社企。我試咗佢哋嘅蟹肉獅子球同埋咕嚕肉，味道真係好正。先講下蟹肉獅子球，個球煎得好香脆，外層酥脆內層鮮嫩多汁。佢哋用嘅蟹肉好新鮮，肉質鮮甜，帶嚟一陣濃郁嘅海鮮味，真係好好食，攞嚟送飯一流。至於咕嚕肉，佢哋炸得好香脆，肉質鬆軟多汁。咕嚕肉醬汁濃郁香甜，好開胃。不過要留意啲，價錢稍貴，有啲人可能會覺得唔太划算。雖然冇影到，但係佢嘅嘢飲同埋糖水，沙律係以半自助形式提供，正呀🤍🤍婆婆廚房嘅價錢相對而言稍貴，可能係因為佢哋係一間社企，要用多啲資源去幫助長者就業同埋維持運作，所以價格會相對高一啲。不過，我覺得如果你願意支持社會公益同埋享受美味嘅菜式，婆婆廚房係一個值得一試嘅地方。…查看更多