apy7wqzw69c4的个人专页

一人一鍋，見餐牌圖片幾好，諗住入嚟試吓點知份量極少，兩個人食，一個嗌咗醉雞火鍋，另一個嗌咗毛血旺火鍋，兩個餐加埋嘢飲接近$160 ，平均$80/位，個醉雞鍋得六件雞，仲要少肉多骨，另外叫咗個毛血旺，入面得兩條芝士腸，兩塊鴨血，兩塊腩片，同埋配菜。呢個價錢比呢一個份量，間餐廳真係賺到笑。一個正常成年人食，應該唔會飽。因為佢比嘅份量應該係普通餐廳嘅一半，都要幾厚顏無恥先可以做到咁。唔怪得平時見咁少人嚟食。隔離樂天就排長龍。唔建議入嚟俾錢試伏，除非你好細食啦！…查看更多

行街見攰攰地搵野食，第一次食，但奉勸大家不可一不可再！首先上菜速度極慢，大概等咗30分鐘先有嘢食。但講緊成間餐廳都係得四枱客左右，而且味道非常一般，完全不值呢一個價錢。最惡劣嘅係服務員嘅態度。1. 一份嘢食都冇嘅時候就話截單，要我哋俾咗錢先。2. 比飲品嘅飲管嘅時候，亂咁擺落嚟。3. 之後上麵既時候，兩碗求其擺落嚟，冇問過我哋邊一個食邊一碗。4. 仲有最後唔知係咪趕收工，我哋都未食完野，佢就收晒啲水，之後就喺隔離拖地！我想講我哋杯水飲完再斟多杯郁無，仲要勁大陣消毒藥水味充斥住我地！咁既服務仲要加一服務費！都唔知服務左係邊！…查看更多