linlai530的个人专页

位於旺角的新派越南餐廳，地點非常就腳，一出地鐵站就到，就算搭東鐵線行過嚟都非常方便，所以真係約朋友聚會一個唔錯嘅選擇。餐廳嘅裝修幾企理，環境舒適又光猛，座位之間嘅空間感足夠，唔會太迫，一個良好嘅用餐環境。食物都幾多選擇，價錢屬於中等，好多新款式嘅食物喺外面越南餐廳都未見過，都幾啱喜歡新嘗試嘅朋友。今次介紹一下兩個比較特別嘅食物及飲品南越蟹肉醬配脆球餅68元一個好得意嘅小食，蟹肉造成嘅將放入餅度食，味道配搭之餘亦都好有新鮮感。冰凍越南咖啡亦非常之有特色，而且咖啡味濃郁，比起平時飲嘅西式咖啡更加特別，真係一絕。…查看更多

一班兄弟老死，喺林離別之前，覺得一定要食本地港式地道小丑作廢大家美好嘅回憶，所以係大家放工之後喺石門呢個交通方便，又係大家工作地點中間嘅地方，搵到呢間餐廳。小炒王材料多，炒得好香口，味道都唔錯。鍾意佢呢啲菜，有啲爽口又夠綠色健康。每位仲有湯餸，今日係羅宋湯，味道好飲，而且又有唔同嘅蔬菜配料。沙田總係令人想起食燒乳鴿，估唔到茶餐廳都有乳鴿食，而且水準都唔錯，乳鴿嘅皮都幾趣，又唔會做得太鹹，肉質都算唔錯。每個小菜仲送飲品一杯，凍可樂亦都唔使加錢，凍檸茶我至愛！…查看更多

泡菜茄子炒粉絲 $78泡菜唔會太辣，炒粉絲嘅質感非常之好，份量都好大碟，配上茄子呢個素食嘅炒粉絲真係唔錯。吉列炸蠔$12套餐嘅小食只需要加$12 ，非常之抵食，而且炸得幾好味，有驚喜。溫泉蛋牛肋鍋飯配茶碗蒸$42窩飯非常之熱辣辣，新鮮出爐好好食，溫泉蛋蛋黃又香又滑，牛肋條啖啖肉好正。甜辣韓式炸雞$10韓式料理嘅招牌菜就係炸雞，新鮮炸起特別好食，雞肉都好林而且嫩，點配上嘅醬汁，更加好食。跟套餐嗌只需要加$10 ，真係抵到爛！凍朱古力咖啡$13特飲都只係加$13 ，大大杯嘅凍朱古力咖啡，朱古力同咖啡味都夠濃郁。…查看更多

行過如心廣場一期，見到依家裝修精緻嘅酒家，提供特色嘅點心下午茶，下午茶點心三層架套餐每位$128 ，兩位起。二話不說就入去試吓先！第一層-甜點心 斑蘭馬拉糕、果仁腰果酥、紅棗小魚子、芝麻小卷  馬拉糕有香濃斑蘭味，味道特別，另外芝麻小卷非常香濃黑芝麻，呢個傳統點心而家好少食到，所以真係好開心！果仁腰果酥係點㗎名物，每日即製所以入口鬆化香脆，而且唔會太甜，值得一讚。紅棗小魚指其實係紅棗糕，同樣好香紅棗味，用了充足。第二層-香脆點心海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子   我最鍾意食嘅係春卷，皮薄而且趣卜卜，包住大大嚿嘅蝦肉，真係超正。苦盡甘來係一個好特別又好獨一嘅自家製點心，個酥皮做得送花又好味，淡淡的綠茶味做到苦味所以係真係苦盡甘來嘅點心。第三層-蒸點心晶瑩海蝦餃、杞子鮮蝦燒賣、幸運小水母、蟹子小籠包蒸點心全部都做得精美，皮薄而且餡料充足，其中我最鍾意嘅係蝦餃，蝦肉大大粒又彈牙。原隻鮑魚雞粥  粥夠棉味道也好，鮑魚大大粒，好味呀！鮮蝦雲吞麵 雲吞麵嘅湯鮮甜，可以飲嘅靚湯，雲吞大粒他有多，面煮得剛好又彈牙！一絕。…查看更多

火炭屋村商場內嘅茶餐廳，環境都幾舒服，乾淨光猛，下午茶時間都好多街坊幫襯。$40左右就有一個茶餐，仲有即叫即炒粉面飯，包埋嘢飲，所以遲少少食午餐，都好幾着數，真係平好多呢！星洲炒米$39份量都幾大碟，味道少少辣，夠晒開胃。米粉炒得夠乾身，味道抵讚！欖菜肉鬆炒飯$39炒飯同樣吵得乾身爽口，飯嘅口感唔錯，茶餐來講份量都算多，食完都夠飽，呢個價錢真係抵食。瑞士汁雞全翼只需另加$10加$10油嘅小食，雞翼都幾入味，啖啖肉正。熱奶茶港式奶茶係我嘅至愛，茶香濃，奶茶質感都夠滑。凍奶茶凍飲加$3 ，奶茶味道好。…查看更多

呢間韓式料理嘅餐廳真係幾出名，網上面可以見到好多好評同推介。之前曾經想同fd嚟食dinner，但點知已經full booking。今次揾啱時間約埋fd，終於可以嚟食一次🙌🏻餐廳門口嘅裝飾好靚，有好大一隻熊啤啤喺度，仲有用花嚟點綴幅牆🌷好有feel入到去餐廳，可以見到裡面整體嘅色調偏暗，但用咗好多燈飾嚟佈置，非常有心思🕯芝士豬肋骨 $338Menu上面睇到就好吸引，即刻同fd夾份嗌一個嚟試下。呢個鍋其實係會連埋一個爐一齊上，然後啲芝士同埋爐邊蛋都係會即時有人幫手燒！啲芝士開始變溶之後，店員就會喺我地面前將豬肋骨同芝士拌埋一齊🧀睇到啲拉絲就好想影相，而個店員態度都非常好咁配合我地影👍🏻就呢份豬肋骨本身，味道都係唔錯。芝士望落去非常多，但味道唔會太濃，同豬肋骨一齊食真係好夾。同朋友一齊嘗試將芝士撈埋爐邊蛋食，都係好好嘅配搭🤣整份食物價錢真係唔平，不過都值得試一次！Cheese Stick $35之前喺其他地方食過芝士條，有時會食極都唔知啲芝士去曬邊。但呢度嘅芝士條真係啖啖都係芝士，味道都不俗Blueberry Smoothie + Mojito Ade $45 + $34食得咁豐富，點可以冇嘢飲呢？同朋友一人嗌咗一杯嘢，都算係唔錯。不過個人口味而言，杯藍莓Smoothie都係建議走冰，咁樣飲落就會更加甜👍🏻…查看更多

喺網上成日見到呢間餐廳，今次終於可以帶埋愛人一齊嚟食，果然名不虛傳，呢度嘅食物同環境都真係一流。餐廳喺繁忙嘅堅尼地城站附近，步行3分鐘就到，餐廳環境好舒服，光猛而且樓底好高，空間感足，令人心情愉快輕鬆。今日食午餐，午市套餐價錢大概$180至$200左右，包餐湯及飲品，另外加錢就可以食到當日嘅精品蛋糕。是日濃湯配十谷麵包是日餐湯南瓜湯，非常濃郁嘅南瓜味，很有口感好甜，美味非常！雞肉青蘋果沙律另一個頭盤沙律，沙律菜好新鮮，配上開胃嘅醬汁，係夏日一流嘅頭盤。波士頓龍蝦意大利麵198煮食擺盤好靚，龍蝦新鮮大隻，最好味嘅係意粉吸收了龍蝦湯嘅精華，味道鮮甜口感又好，食到停唔到口，非常好味，難怪好多人都叫呢個餐。泰式冬陰功海鮮意大利飯178好特別嘅fusion 冬陰功味香濃而且都幾辣，配上意大利飯嘅口感，我覺得比傳統嘅更好食。German cheesecake比較硬身嘅芝士蛋糕，好香濃嘅芝士味，不過我喜歡口感鬆軟嘅多啲。Tiramisu $78做得好靚嘅甜品，味道係朱古力和咖啡味之間好平衡，好好味，大愛！…查看更多

新蒲崗工廠大廈，有一間門口好唔起眼，但係一入到去就豁然開朗嘅西餐廳，提供都幾抵食而且高質素嘅西餐午餐，價錢$100左右就有餐湯煮食及飲品，都幾抵食，真係幾驚喜同意外。餐湯忌廉雞湯忌廉味好香，湯入邊有一啲麵包碎，幾有口感，個人覺得加啲黑椒會更加好飲。芝麻菜青醬扁意粉伴雜菜$78呢一個醬汁好特別，非常清新嘅感覺，加上面頭有芝士粉，兩者混合埋一齊嘅味道好特別，意粉嘅質地煮得剛剛好，呢個素食選擇好健康，而且入邊餸菜嘅份量都好多，好夠飽。慢煮烤雞配霹靂葡汁雜錦沙律$98晚吼雞肉夠林又滑，霹靂葡汁味道少少辣，幾開胃好味，配上新鮮嘅沙律菜，呢個選擇適合唔鍾意食太多碳水化合物嘅朋友。手工巴斯克芝士蛋糕🍰$28甜品呢個芝士蛋糕令人驚艷，口感好輕好滑好柔軟，而且中間香濃嘅芝士味令人難忘，最仲要係擺盤相當高質素，打卡人士恩物。玫瑰鮮奶咖啡$24超級香嘅玫瑰花瓣味，遠遠就聞到玫瑰香味，配上高質素嘅咖啡，的確係一杯令人滿足嘅熱飲。仲有上面嘅拉花真係好靚又有心思。棉花糖泡泡咖啡$24呢一個係凍飲，同樣切得好靚，咖啡裏面有朱古力醬，所以係味道偏甜嘅咖啡，咖啡本身味道好好，冇澀味配上朱古力更加正。…查看更多

台灣古早蛋糕開到成行成市，但係觀塘呢間蛋糕店嘅蛋糕，真係我食過咁多間之中最好食嘅一間，所以點都係要返嚟再買，而且一買就買兩個，返屋企同家人慢慢嘆。肉鬆古早蛋糕80元今次買咗台灣肉鬆古早蛋糕，蛋香味濃，而且肉鬆嘅份量夠多，配合彈過彈牙又鬆軟嘅口感，真係好正，食唔晒可以放入雪櫃，基本上keep到兩日，口感和質感依然都係咁靚。合桃咖啡蛋糕75元滿滿嘅合桃，非常新鮮，而且咖啡味好香濃。咖啡味蛋糕唔會太甜，分量大大嚿，屋企人可以盡情食，真係好爽，係下午茶及早餐嘅最好選擇。…查看更多

食厭普通嘅茶樓，今日午餐嚟呢間平時食火鍋好出色嘅酒樓，試吓呢度嘅點心。呢度嘅裝修好特別，非常中式，配合中式餐飲嘅環境，呢度嘅茶係每位自己一個茶包，所以可以按自己嘅喜好飲唔同嘅茶，呢個安排幾好，加分！黑魚子燒賣新鮮出爐嘅燒賣特別好食，燒賣唔會太鹹，包得都幾精緻。杞子高湯鮮竹卷呢個湯好清甜，鮮竹卷嘅腐皮好滑蟲草花鮮蝦菜苗餃菜苗餃清清淡淡唔錯嘅點心春風得意腸我最鍾意食呢個，因為好滑嘅腸粉皮包住脆卜卜嘅材料，口感特別一流又好味。胡麻秋葵份量好大碟，秋葵大支又甜有口感，很好嘅前菜。上湯浸時蔬健康之選，如果份量多啲會更好。 流心紫薯…查看更多

呢間係觀塘嘅正宗古早台式蛋糕店，我真係好鍾意食，之前食過佢原味嘅古早蛋糕，蛋味好香，所以今次趁住有朋友嚟屋企，又買兩個返屋企招呼下大家先。今次見到有三拼嘅蛋糕， $80有三種口味，包括肉鬆、原味和芝士味，能夠一次試晒三種口味實在太好了。芝士味中心一層有芝士，熱辣辣食芝士香又柔軟，同軟綿綿嘅蛋糕非常配合。肉鬆有台灣肉鬆，鹹甜嘅配搭都好特別，出奇地夾㗎啵。原味嘅古早蛋糕就有一罐嘅高水準，又鬆軟，內裏嘅結構覺得好好，所以口感好彈超正。另外因為朋友鍾意咖啡，我又買咗一個合桃咖啡味蛋糕，咖啡味超香，而且唔會太甜，味道調校得相當好，同時又保持到蛋糕完美嘅質感，真係好好食呀。所有蛋糕擺到第二日，再用焗爐熱返嚟食，都相當好食，真係冇得輸！…查看更多

午市店內相當多人，呢度嘅午市套餐最平$48 ，包埋飲品，平均$50左右就有一個套餐，而且選擇都幾多，難怪四周附近工作嘅朋友，午餐都黎呢度幫襯， 1:00嚟到，餐廳都坐滿晒人。羅宋湯少辣啦，入邊幾多蔬菜，酸酸地好開胃。黑松露醬野菌天使麵香濃嘅黑松露醬味道，配上天使麵，棉質彈牙，質地更好，呢個素食選擇適合喜歡清淡嘅朋友，份量都多，所以雖然冇用但係都好夠飽，令人滿足。商務午餐香煎法式羊架商務午餐包括餐湯和飲品，價錢$98 ，有三件大件嘅羊，上面有香草煎得幾香，我叫嘅係5成熟，肉質嫩，羊嘅鮮味都岀。朱古力奶昔味道香濃而且夠滑，呢個甜品一流焦糖咖啡香濃嘅咖啡味配上焦糖，我最愛啊，如果咖啡熱啲會更加好味。…查看更多

阿爺燒鵝餐室（大圍）呢間餐廳座落喺大圍站附近，平時條街人流都好密，餐廳門口有外賣餐牌，周不時都有人喺門口排隊。聽朋友講餐廳嘅燒鵝同叉燒唔錯，今次嚟試下👾🍚阿爺燒鵝脾飯 $120 + 凍奶茶$3燒鵝脾皮脆肉嫩，肉質好滑，啖啖都係肉，不愧係餐廳招牌推介。啲肉汁有埋鵝肉嘅甘香，食落又唔會太膩。咁靚嘅招牌鵝脾，價錢貴啲都值得一試！🍚邪惡金蛋叉燒飯（配秘制豉油汁）$68 + 凍奶茶$3平時牛乳炒蛋就見得多，而呢度嘅「邪惡金蛋」竟然係加鹹蛋炒，啲蛋好夠味，又炒得啱啱好唔會太老，再加上秘制醬汁，適合撈飯食👍🏻真係好好創意叉燒嘅味道調得啱啱好，唔會太甜又keep到本身嘅肉香味。特登揀咗肥叉，仲有啲驚會油膩得濟，但夾埋個炒蛋竟然啱啱好，呢個搭配真係冇得輸🤩整體嚟講，作為一間茶餐廳風格嘅餐室，食物質量都算上佳，下次有機會再帶朋友一齊食🙌🏻…查看更多

和牛漢堡配薯條$158 好好食既和牛漢堡扒，味道非常之香，好有牛的甜肉味，而且肉質又好滑，入口第一啖已經好正。另外既芝士、蕃茄、生菜都好新鮮，所以成個DISH既賣相真係好唔錯。當然薯條都幾脆而且份量好夠。粉粉荷蘭汁煙三文魚班尼迪蛋$108 第一次食班尼迪蛋，原來是一個幾特意既DISH，蛋可以煮到外熟內滑有蛋黃流出來，配上厚厚的三文魚，口感都幾特別。一碟有兩件而且每件都夠大，如果一個人食，真係一份就夠一個LUNCH了~牛油梨龍蝦肉配有機黎麥沙律配百香果汁$98 這是一個幾LIGHT又特別的沙律，我最LIKE百香果汁，因為酸酸又甜甜好開胃。 牛油梨龍蝦肉又係一個幾好的食法，將牛油果做成好似醬咁，好滑又香現上碎龍蝦肉，口感一流味道又有層次。布蕾黑糖珍珠鮮奶珍珠又好食，鮮奶夠濃，上面有一層甜甜的CREAM 更甜更香。而且賣相好靚，影相正。牛油果桃膠鮮奶又係牛油果，因為真係好吸引，原來用來打奶都幾夾，加上桃膠多一重有咬口的感覺~又唔錯~…查看更多

旺角好多地方都有抵食既午餐，今次上樓來到18/F既雲魅，餐廳既環境好開揚，景觀十分之好，中午上到來，食店好光猛又雅潔，第一感覺很好。午餐有特色招牌米線餐$78，也有其他$60左右的飯或米粉套餐，選擇都多。而且仲包一個前菜及飲料，都真係幾抵。$78過橋米線套餐特色湯底配米線或七彩麵，再選肥牛或腩肉片，配上不同小碟既配菜。先把肉和菜放入熱湯鍋，再放入米線和其他配料，熱辣辣美味香香的過橋米線完成好獨特的食法。$58雞絲涼麵七彩的食材堆砌成涼麵山，味道淡淡的好健康又fresh ，配有醬汁可調味。好食😋…查看更多