siuka1227的個人專頁

講吓環境先，入邊裝修係幾好嘅，不過真係幾嘈下！咁我哋睇咗一陣餐牌之後就落單啦，咁幫我哋落單嘅係一個後生仔嚟嘅，我每話一樣俾佢知要啲咩，佢都係冇出聲，跟住牛咁眼望住我叫我再講咁樣，但係佢一句聲都冇出過，所以我開頭真係以為佢係啞！ 食物嚟講呢，個濃湯，同埋撈麵呢，其實可以叫兩樣都叫做撈麵，個濃湯個湯底杰到成個撈麵嘅汁咁！ 個濃蝦湯底呢，我覺得好罐頭感覺，真材實料嗰啲㗎啦，所以就中規中矩啦，個明太子八爪魚撈麵呢，我就覺得食耐咗好漏，反而串燒我就覺得係幾好食嘅，不過的確好似其他評價咁，真係鹹嘅，同埋佢個前菜牛舌都唔錯！去到埋單先真正覺得佢禮貌係超差囉，因為就嚟夠兩個鐘，咁個後生仔就攞張單過嚟，但係佢攞張單過嚟，係咁篤張單叫我哋埋單咁樣，又係冇出聲㗎，咁之後我朋友俾張信用卡佢啦，到佢碌完張卡返嚟，佢唔係俾返我朋友，佢係喺度抰嚟抰去究竟係邊個接返張卡，明明係同一個人收卡，同一個人俾返張卡我哋，佢都可以做咁嘅動作，真係好差態度！ 點解我知道個後生仔唔係真係啞呢，因為正想搵廁所嘅時候，佢話搵廁所啊，出面轉左啊，所以我先發現原來佢唔係真係啞！ 呢間嘢，如果請我嘅話我都唔會去食囉，嘢食唔係話好食到我需要接受佢哋咁嘅服務態度！…查看更多

經外賣apps嗌過2次，真係好足料，次次都會嗌芋圓，因為真係會俾好多粒！最推薦係白果腐竹四色芋圓同芋圓百寶盒👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻…查看更多

話說公司同事介紹黎食lunch, 一行7人黎食，上菜算快，但其中一個同事既飯一直未到，到大家食到一半有多時，果位同事既餐就到！我食既豬軟骨拉麵一般般，無乜特別，豬軟骨5算入味！反而跟餐既3件壽司中既加州卷既好食！ 問題黎喇，當我地得反一位同事仲食緊既時候(即係最遲黎野食果位)，侍應已經俾單我地話可唔可以埋左張單先，甘我地當然覺得無問題啦，咪埋左先，埋完無耐，我果位同事仲飲緊個餐送既湯時，佢就叫我地交枱，話岀面有人等緊！ 我地咪話係你地啲野遲黎，我同事先仲食緊！ 但佢都無話5好意思果啲！邊有理由見其他人食完就叫我地交枱，唔通我地漏底果位同事走先咩，我地一行7人落單到埋單先30分鐘左右，又唔係坐左你一個鐘都唔走！你甘樣做生意真係byebye啦！永遠black list依間野！ 如果你鍾意趕頭趕命，食完會俾人趕你走的話，都可以唔洗幫襯呢到，因為啲野食真係一般般！…查看更多

估唔到甘既價錢有甘既質素👍🏻👍🏻首先講下Dinner Buffet我係起九龍酒店既eshop到買既, 甘岩有家人10月生日，甘4位就可以買4人生日優惠，圍反一個$482.8,其實同單買一位係同價，不過就多左1個3/4既蛋糕(有鮮果同栗子選) ，再加送一支白酒或紅酒，可以拎走或即場飲，不過eshop買會送果汁，汽水同啤酒任飲，甘當然支酒拎走啦Buffet時間:18:00~21:30我一早5點45分去到，未入得住，去到50分左右佢安排入座先，不過未拎得野食，過左幾分鐘佢就通知拎得野食主要講下有咩好食生蠔👍🏻有紐西蘭，法國同美國，最好食係美國，好creamy同好大隻，啖啖肉，紐西蘭都可以，夠大隻，但無美國甘creamy,法國就細得可憐，無肉食甘，不過海水味就濃啲！ 美國蠔去到8點就無哂，真係手快有手慢無龍蝦沙律👍🏻 佢係將龍蝦肉切粒再加蟹子，青瓜撈埋一齊，將放上龍蝦殼上面，依個真係好好食，果然係推介😋和牛👍🏻 油脂好重，我食左4碟就停手，因為食得多真係好漏 每次每人只可拎一塊，佢一共分3個時段供應，只要有耐性派下隊，食得多幾塊都不是問題蜜汁有骨火腿👍🏻 好好食，但皮脆脆地，而且蜜汁未夠😋必食梳乎厘👍🏻 唔太甜，而且一杯分量岩岩好👍🏻湯👍🏻 有幾款湯，椰子雞，海鮮湯仲有隻西湯，中式湯好好飲，飲左幾碗長腳蟹👍🏻 堅鮮甜，唔係一味死咸👍🏻👍🏻雪糕唔洗講必食啦，最like coffee 味😋其實中規中舉，不過以甘既價錢，我認為可以再食，而且服務態度好好，收碟收得好快👍🏻👍🏻👍🏻…查看更多

本身想食板長，但板長多人等，甘就試下依間！嗌左北海道粟米，蟹膏，鰻魚炒飯，和牛味噌鍋，富士山，秋刀魚，仲有一啲壽司！食物整體唔錯，除左鰻魚炒飯好似食剩甘既份量，粟米唔熟，秋刀魚好似咸魚甘咸之外！試粟米時，發現生生地，之後同侍應講，佢叫左應該係店長既人(冬菇頭，漂左髮果位),問我地想再整過定取消，我地諗左諗，就話取消算，因為佢個粟米燒得勁乾都唔熟得哂，俾佢再整都唔好得去邊！唔想再俾機會佢！最離譜係我個秋刀魚係第一樣野嗌，點知最遲落單既鰻魚飯都到，條魚都未到！甘咪問下係唔係漏左單囉，係漏左就唔要算啦！點知佢話有落，但無同我地講唔好意思，跟住過左30秒條魚就到左！一黎到，燶到呢，算，我最多唔食皮，但一食啲肉，嘩，咸魚黎架？咸到甘，甘我咪反映下囉，本身同求其一個侍應講，最後又係叫左個疑似店長過黎，佢一行過黎我地話好咸，佢勁唔好態度甘講，<甘係咪取消？>嘩，大佬，我等你條魚甘耐，無人講過唔好意思，黎到咸過咸魚仲要講到我地好似唔岩食就想取消甘，我寧願佢無味，至少無味都食得落肚，但你咸到甘點食，我驚食哂會令到我一日攝取鹽分既quota 超哂標囉！本身都無甘興，但屋企人都不約而同話個女店長態度唔好！點會一行過黎甘同客講野！其實除左佢之外，其他侍應都好好態度！ 唔明佢點解甘都做到in-charge …查看更多

今日同同事提早食聖誕大餐(lunch) 由於想食西餐，所以同事帶我黎都多餐廳既億利工業大廈，我想食意粉，同事話甘試依間，去到原來係semi buffet,甘依為好貴，個侍應見我個樣好猶豫，就俾咗個餐牌我睇下！佢話揀個main course,一望個餐牌，啲價錢又唔貴喎 ！最貴就係個肉眼扒＄179！，可惜嘅係個餐牌冇意粉揀！ 但係見佢價錢唔貴所以就坐低試吓! 唔係好記得個餐牌入邊有咩，但係就記得有肉眼扒，羊架同埋薄餅，咁我唔係好like薄餅，就揀咗肉眼扒，同事都係揀咗肉眼扒,兩個都係5成熟! 之後就行出去拎嘢食，選擇都好多吓，有沙律，湯，少少主食，仲有甜品！沙律都好多選擇，又可以自己DIY，或者有廚師推介整好咗嗰啲！沙律嘅醬都好多選擇，可惜冇影相！食到差唔多第 2 round!!個主菜肉眼扒終於到！我嗰個肉眼扒就比較厚身，同事嗰個就比較薄身！所以我嗰個嘅肉質會比較好唔會太un.... 甜品方面！我覺得焦糖燉蛋同tiramisu好好食！其餘嘅就OOKK啦!!選擇都好多吓！又有中式糖水！埋單兩個＄400都唔使！質素又唔差！值得再黎過！…查看更多

已經聽聞依間沾麵一段時間，因為佢有個期間限定既極上芝士海膽沾面！ 去到大概七點鐘左右，門口大概有10個人排隊，記住要先拎飛！ 等咗大概15分鐘到就入得！ 一黎當然要點個極上芝士海膽沾面套餐啦！朋友就叫魚介沾面！佢果碗先到，一試，好咸下 ！無耐我個海膽沾麵黎到！好失望，個芝士湯底，一啲都同沾麵唔夾，加上沾麵既質地同我先前食既唔同，好似讚岐烏冬甘，一啲都唔好食，啲麵仲要凍既，個湯又唔夠熱！ 而個海膽一啲都唔鮮，仲要愈食愈苦 唉，我對佢個期望太高喇！ …查看更多

一直都有去開依間食飯，平時黎黎去去都係果幾味，甘今次就望下有咩未試過試下！ 哈哈，竟然起蔬菜類揾到碟名為<蜜椒薯仔雞中翼>,起初有啲抗拒，因為我好驚係薯仔燜雞翼果種，(因為我超愛食雞翼，但因會食個皮係脆果種),甘有啲朋友都話未試過試下，甘就一於試下！因為一行8個人，所以嗌2碟雞中翼！仲有煲仔飯果啲！今次重點推介依碟呀！ 黎到果下真係好吸睛 我最鍾意食就係蜜糖雞翼，而佢仲要加左黑椒，個皮勁脆，又唔會好油，食落真係嘩一聲，正 個薯仔又好味，係連埋皮架！ 好好味！ 連隔離枱都俾依碟野吸引住！真係估唔到誤打誤撞都嗌到碟甘好味既！ 一定會再黎食過！利申-依到係2碟加埋既份量!!!!!…查看更多

同朋友一聚，本來想食西餐，朋友提議依間餐廳及另一間，當我睇過2間的食物相後，我選擇咗依間，因為我被明太子義大利麵吸引了！朋友先到，依間餐廳先需在外排隊，用餐時間90分鐘！ (重點:所有侍應係講國語), 因為依間係台灣餐廳！當晚，餐廳外的2人枱有5，6張空枱，但我地3人行，坐2人枱真係有啲迫！ 而當晚位四眼男侍應更同的地講，要岀面既枱full哂，先可以開入面既VIP房！即係入面有某區域有位，但都唔俾人入去！除非岀面坐滿人 一來我地有時間，所以點都唔會坐岀面張細枱！ 因為張枱如果放3人既餐具，已經係無地方擺野食！等咗一陣入面有人埋單，所以可以入去坐！我地點咗明太子義大利麵，炸物拼盤，草莓冰淇淋鬆餅！飲品係每人必需要點既，我地點咗2杯熱水果茶同抹茶拿鐵！明太子義大利麵- 好似$9x，依個價錢接受到，而且幾好味，份量3個人分都可以食到幾啖既炸物拼盤 -入面有炸洋蔥圈/雞翼/魚排/薯仔！ 醬反而唔錯！洋蔥圈不過不失，雞翼單骨黎既，好細舊，而且味道普通！魚排不過不失！薯條凍既，好咸下！ 整體$7x好唔值！草莓冰淇淋鬆餅- 侍應問加唔加$15加麻糬！咁就試下！ 唔加好過加！薄薄既麻糬，食落口係食唔到佢既存在 又唔「煙un」，醬有3種，煉奶/蜂蜜/草苺，係得個雪糕好味！ 個鬆餅普通！水果茶- 好甜，而且同一啲餐廳唔同，壺茶係無「興」住，所以好快凍！唔好飲既水果茶！抹茶拿鐵咖啡- 好甜，咖啡味淡，重奶同茶味！ 服務- 可能我比較着重服務方面，所以排隊味時已經俾我感受到依間餐廳既服務又幾唔好！ 首先安排入座既四眼男侍一啲笑容都無，咁我又唔會要求一定要笑，不過木口木面真係唔係咁好！ 而且問佢野，佢都好似想敷衍你咁！乜台灣人係咁架咩？（侍應口音似台灣人） 之後入座，我都無見過一位侍應面帶笑容，唔通係公司要求？ 連講野都好無禮貌咁！整體感覺-食物跟服務都，唔會再黎…查看更多

本身打算去極尚食，諗諗下先前蘋果動有講過一間好高級下既放題，先記起「殿」！一行4人book左12點，可以食到3點！先黎刺身！我今次淨係講好食既，就係拖羅，真係堅好食，有小小油脂，好易入口！(我本身係唔食拖羅架)其他就ookk啦！壽司！um.......無特別！海膽壽司唔錯，至少唔臭推介，左口魚壽司，入口即溶，好食到呢！ 不過第2轉嗌已經無左依支歌仔唱！ 因為第2轉佢個面燒得唔夠耐，所以做唔到入口即溶和牛薄燒，真係唔講得小，牛味重，面果塊燒得岩岩好，好食下面既就生左啲！ 可惜第2轉已經無甘大塊，同燒得比較求其？黑松露燉蛋，好食，黑松露味重，面頭既汁好似麵豉湯甘，都幾夾！唔知乜野帆立貝，重點係粒帆立貝焗完都仲甘大粒，值得一讚，而且幾好食！炸物！有芝士年糕，炸榴連，炸蠔，雞翼！所有都好食牛粒，嫩滑！好味蟹粥，白酒清酒蜆，普通囉牛舌，好期待，亦都好失望，好un...而且太厚啦！甜品就不過不失！總括，278加一食lunch 有3個鐘略貴，但夜晚去到318加一得2個半鐘，而且野食同lunch一樣就更加貴！ 野食整體唔錯，都會再食既！員工好有禮貌，值得加分…查看更多

已經係第二次黎Little Vegas, 上次一食已經愛上，但無奈太遠，加上無得訂枱要walk in，所以無乜機會黎食！上次食係男友生日，今次又係，原來已經相隔一年！可能係平日既關係，7點幾都5多人，可以即入！ 必嗌既一定係雞翼，仲要可以試齊3隻既雞翼3重奏！真係好好味，雞翼又夠脆半份豬肋骨略嫌太肥，肥肉太多，so far還可以意大利蘑菇雲呑男友話要嗌，因為佢好鍾意食意太利雲呑，略嫌個汁淡，唔夠味，但5知點解聞落好香！明太子忌廉天使面好好食，必嗌，食落唔會漏，而且都好夠份量！最後嗌左個心太軟，嗌時一早同侍應講要生日碟，記得上年黎佢話無哂！ 今次終於有喇！一黎好驚喜，因為佢畫左隻毛毛虫，點解唔係比卡超架 不過都靚既！味道都好好，心太軟都幾難難食野飲嗌左凍水果茶，一杯都夠2個飲，因為好大杯下！最重要Little Vegas既服務態度真係好好，依到啲侍應好nice，真係好值得推介…查看更多

事源今日去呢間餐廳，一行3人，本身坐一入去左邊既卡位，點知隨後有5個人入黎，甘個經理叫我地坐對面既卡位，我地無所謂，就轉左過去，點知愈坐愈熱，冷氣好似無開甘，加上太近門口位，啲人岀岀入入就會入唒啲熱風（今日成37度），屋企人都話算啦，心靜自然涼，甘咪繼續睇有咩食囉，佢既set lunch既價都算中上，落左3個set後，見到有人入黎，個侍應叫佢上樓上，先知原來有樓上坐，甘我屋企人咪問下佢可5可以轉上去樓上(我地係無講因為熱所以想轉),點知個女侍應(講野唔正既阿姐) 話樓上無位，甘我屋企人唔係好信，咪上樓上望下囉，點知原來上面係有好幾張空枱，甘我屋企人一落黎就同經理講，可5可以轉上去(好有禮貌甘問),點知個講野5正既阿姐即刻走埋黎話，上面好熱架(勁大聲，勁無禮貌)，有啲客就係上面熱轉落黎坐，之後我屋企人咪話岩岩上過去，上面係涼過下面，佢即刻發爛，態度好差甘講左幾句野，我屋企人咪話你依家咩態度呀，佢就走開左，之後因為太燥既關係，我地選擇唔食，同個經理講cancel張單，走人！ 我地只不過係想轉位姐，你係因為上面熱啲咪講囉，咩叫無位呀，仲有如果佢唔係身有屎，又點會我屋企人一落黎同經理講，佢即刻衝埋黎解釋丫！ 依啲甘既餐廳，服務好成甘咪諗住做得長！ 最重要係個經理一直無插手，好似係到食花生甘囉！ …查看更多

一心諗住揾間有芝士排骨食既餐廳，同朋友睇過食評，都覺得依間好似幾唔錯，加上近我朋友屋企，所以就試下，點知中伏！一共嗌左4樣野，3個女仔食！芝士排骨．芝士水既，問職員點解甘，佢話因為轉左芝士，完全拉唔到絲架囉，問佢甘樣就甘點啲芝士一齊食？佢話要撈，點知一撈就岀事，撈完係食唔到啲野食有芝士，完全俾啲韓式醬蓋過哂！錯哂．年糕同薯角最好食．排骨係幾䭃，不過無味架囉牛肋骨包菜牛肋骨-燒極都好似白烚肉甘，無味，難食泡菜-酸既醬汁-又咸又酸，都5知咩醬，好明顯係自己調，但可5可以調啲同肉一齊食會夾啲既醬呢？生菜-最好食部隊鍋個湯底完全係辛辣面既湯包味，一啲都唔係部隊鍋，會唔會有啲過份呢，甘都叫部隊鍋，啲面食落好似連一個都無，少得可憐，依煲野真係最不知所謂紫菜包飯如果你依個都叫紫菜包飯，甘爭鮮既小卷都可以叫紫菜包飯！依個甘既野一啲麻油香都無，普通到不得了，仲要點沙律醬，咩事呀，究竟依間野知5知咩叫紫菜包飯？唔識就5好開韓國食店啦，不知所謂本身滿心期待食依間野，但完全失望兼覺得係俾佢裝修呃左囉，走時樓下好多人等，我真係好想叫啲人唔好等，因為一啲都唔好食！…查看更多

一直見呢間都好多好評，一於去試下！ 位置易揾，近旺角mtr exit B3岀口，上到去3樓，全層都係佢地，當日book8點30分，但早左到，就一於上去搏下可5可以早啲入去，上到去見到好多人，俾我迫迫下迫到埋去，同佢講book左8點半4位，估唔到俾我即入，果時係8點09分， good呀，仲要安排到梳化卡座俾我(我係openrice book時有要求到) 坐底即刻落刺身三文魚:普通螺:普通赤貝:唔錯甜蝦:普通帶子:唔錯八爪魚: 白玉拖羅:最好食 夠3位就會送依個蒸氣海鮮，材料都係任嗌，下底係粥底，上面蒸野既精華會落哂個粥底到，但可能我地5係嗌好多海鮮，所以個粥好淡 不過啲海鮮甘蒸法好鮮果，由其係個蝦！壽司都係so far so good 卷物，我覺得魚子果款好食 另一款普通熟食，其實仲有食其他野，但淨係影左甘多，我最推介係芝士年糕，芝士蟹子帶子，南瓜天婦羅，其他就普普通通甘，不過同行既人將成碟鰻魚炒飯食哂，我就覺得還可以啦！食品就自己岀去拎，有好多選擇，有果汁先生，康師傅，咸柑桔，韓國既野食，烏龍茶等等，酒類就要落order, 試飲梅酒，都幾好飲！總結: $208加一都可以接受，最值得加許係啲員工既態度，講真，食過甘多次放題，通常啲員工都做到黑哂面或都木無表情，但呢間既員工係有笑容而且好有禮貌，雖然都係得幾個會甘，但都好過無，好過成間既人都對你黑面丫！。所以都會再光顧 …查看更多

琴日好難得同男朋友去屯門,去左VCITY行陣,行完就睇下OPENRICE附近有咩野食,見到有間食蕃茄既舖頭,個外觀有個好大個蕃茄,都好注目下入到去坐位唔多,望幾望先見到原來樓上都有坐位,多人先會開,而間舖裝修好時尚,周圍都見到好多蕃茄!!!坐底後就睇下有咩食,正當我好苦惱既時候,有個女服務員埋黎推介,佢推介蕃茄蛋湯底既面,好多野可以配,又介紹牛脷飯,我揀左蕃茄蛋湯底,要意粉,配香煎雞扒,男友要左個鮮茄咖喱牛脷飯,2個都送杯橙汁或者apple汁,我同男友揀左橙汁!蕃茄蛋湯底意粉好好味,食得出個湯底係用新鮮蕃茄整成,因為完全食唔到有茄膏既味,好多時出面都係用茄膏煮成,而e個食落好蕃茄,個蛋好好味,可能因為我好like食蛋既關係香煎雞扒e個係配個意粉既,煎到個皮脆脆地,又唔係好膩鮮茄咖喱牛脷飯e個好好味,辣辣地,值得一讃個牛脷,好腍,個汁又好味鮮茄辣味雞翼好好好好味,我雖然唔係好食得辣,但e個我都食唔停口,$34有5隻,我覺得值呀,因為真係好好食,一定會再食e個!!!仲食左個炸蘑配黑松露沙律醬,但因為一黎到已經係甘食,所以唔記得影相,個蘑我唔舍知係咩蘑,但配個醬就超好食,個醬有好濃既黑松露味,而混入微酸既沙律醬,好開胃,真係會食唔停,好可惜唔記得影相後記: 間舖見到得2個女服務員,2個都好NICE~~服務態度好好,我覺得一間舖最緊要野食好食之外,服務態度都好緊要!!加上連食野好奄尖既男友都話D野好好食,哈哈...所以一定會再黎食過~…查看更多