A5和兔子的個人專頁

元朗出名多好嘢食，最近有間新開嘅串燒店絕對係值得推介！而且佢營業到凌晨兩點，係夜貓子們的完美宵夜選擇之一，呢間串燒店唔單止喺元朗有分店，喺旺角同太子亦有分店，之前亦有試過，真心唔錯！一坐低時，店員會先送上免費嘅枝豆小食每日亦有多款唔同嘅海鮮可供選擇燒蟶子$128兩隻大大隻嘅蟶子，只需要$128，其實價錢都算幾抵，有成隻手掌咁大，蟶子嘅味道鮮甜濃厚，帶有淡淡嘅海水味，口感彈牙爽口，燒烤後散發出誘人嘅香氣，並配以濃郁的蒜蓉味，令人食後回味無窮！日式汁燒魷魚筒$98另一道推薦菜式是日式汁燒魷魚筒，魷魚筒入口即化，滲滿濃郁嘅醬汁味道，鮮嫩多汁！而且食落甜甜地，甜度適中，口感彈牙，微微帶有焦香，真心推薦！燒馬友$148若喜愛海鮮，燒馬友是一個不容錯過的選擇，燒馬友肉質鮮嫩，外皮燒得金黃香脆，內裡嫩滑，口感細膩，食落豐富唔油膩，同時保留了魚本身的原汁原味。加上一些檸檬，清新的味道更加突出，清甜鮮美。值得一提的是安格斯牛肋串$30，呢個牛肋串真心值得推介，鍾意食牛嘅朋友唔好錯過，牛肉多汁嫩滑，燒得啱啱好，肥瘦相間的牛肉充滿了油脂的香氣，口感鮮美，脆香豐富，絕對是牛肉愛好者的極致享受。燒白鱔$49肉質彈牙，經過燒烤後散發出濃厚的魚香味道，口感豐富。白鱔燒烤後外脆內嫩，魚皮脆卜卜，魚肉充滿油脂香，完美地保留了白鱔的原始風味。鹽燒牛舌串$30，香氣撲鼻，牛舌肉質鮮嫩，燒烤得宜，入口滑嫩多汁，牛味濃郁。雞中翼$22，雞中翼經燒烤後皮香酥脆，肉質多汁鮮嫩，帶有淡淡炭燒香氣，入口鹹香甜美，配上少許檸檬汁或辣椒粉食更加好味，如果配埋啤酒食更加一流。燒豬頸肉串 $20，豬頸肉燒得表面金黃酥脆，肉質鮮嫩彈牙，燒烤後散發炭燒香氣，每口都滲出豐富肉汁，鹹香多汁。啖啖都充滿滿足感。係一款超級入味又經濟實惠嘅串燒，絕對係必點之一。…查看更多

位於佐敦Marco's Oyster Bar & Grill是一間主打意大利菜的餐廳，餐廳內的裝潢低調優雅，營造出一種親切而不失高雅的氛圍。佢哋呢度嘅鵝肝拼牛柳套餐$298/ 位真係值得一試！三文魚撻撻頭盤係三文魚撻撻和蛋沙律多士，三文魚軟滑多汁，食落夠新鮮，入口好滑溜，帶住少少海水嘅鹹香，超級開胃。沙律多士，唔單止味道好，營養價值亦好高。伴碟嘅沙律菜清新爽口，蔬菜的新鮮度和口感搭配恰到好處，搭配著醬汁，清淡中帶點微酸，令人回味無窮。法式龍蝦湯法式龍蝦湯濃郁醇厚，散發著龍蝦濃郁的海鮮香氣。湯汁搭配著奶油和香料，口感豐富柔滑。龍蝦肉的鮮甜與湯汁完美結合，仲帶住少少奶油香。啲湯入口暖笠笠，好有滿足感，真係想一啖接一啖咁飲落去。鵝肝拼牛柳到咗主菜，我揀咗佢哋嘅招牌 鵝肝拼牛柳。呢個牛柳煎得外面脆脆地，入面仲係粉紅色，啖啖肉汁滿溢，咬落去真係好嫩滑。至於鵝肝，就係另一個層次嘅享受，入口即溶，濃郁嘅油香配合埋牛柳嘅肉味，呢個組合真係無得輸！食飯期間見到隔離枱有人點咗芝士意粉，見到店員現場將熱辣辣嘅芝士融化，再拌埋意粉，好香呀！望住都覺得好好食，搞到我都好想試吓，下次一定要點嚟食！呢餐飯真係食得好開心，完全對得住呢個價錢。下次再有朋友約去佐敦食嘢，我一定會再返嚟呢度，試埋嗰個芝士意粉！…查看更多

今日上完堂之後，我同朋友就去咗附近食飯，想搵間舒服啲嘅茶餐廳坐吓。經過八月茶室，見到光猛又企理就試一試。呢間新式茶餐廳選擇多元化，晚餐選擇都有10幾款，而小菜方面，亦應有盡有，有川菜，有中式小炒，亦有鐵板餐等。我哋今日就點咗小菜食，加咗$12轉套餐，有白飯同例湯。今日例湯係粉葛煲豬骨，冇味精味道唔錯。藤椒魚$188喺深圳食過一次藤椒魚，覺得回味無窮，但係香港就比較少有呢個菜式，這度的藤椒魚，是以酸菜魚為基礎，然後再加了藤椒，味道更加豐富獨特。魚肉依然保持鮮嫩滑口，搭配上酸菜的酸爽和藤椒的麻辣，形成一種絕妙的口感。酸菜的酸味恰到好處，不僅去除了魚的腥味，還增添了鮮味。而藤椒的麻辣更是點睛之筆，讓整道菜多了一層香麻的刺激感，每一口都讓人驚喜連連。湯底濃郁，融合了酸菜的酸和藤椒的麻，入口即化的魚片吸滿了這濃厚的湯汁，味道層次豐富，帶來了多重味覺享受，一次過滿足晒麻辣和酸味嘅願望。而配菜方面，豆芽、水晶粉等也完美搭配，亦增添了口感，送飯一流。蒜香蜜餞牛仔骨$86牛仔骨肉質鮮嫩，煎得恰到好處，外酥內嫩，入口即化。醬汁濃郁，蒜香撲鼻，完美地滲透到每一啖肉中。蜜餞的甜味與蒜香的濃烈完美結合，食落香香甜甜，味道平衡得非常好，每一啖都感受到肉汁豐富，醬汁香甜，非常滿足。配菜方面，新鮮的燈籠椒搭配得當，增加了整道菜的層次感和口感。西蘭花腰果蝦仁$88呢道西蘭花同蝦仁唔單止味道好，而且都炒得好夠鑊氣。蝦仁新鮮爽口，煮得啱啱好，保持咗海鮮嘅鮮味同彈牙嘅口感。西蘭花煮得翠綠，保留咗蔬菜嘅清甜同爽脆。兩者配合得非常好。加上啲腰果，香脆可口，為整道菜增添咗一層𣎴同嘅口感同味道層次。…查看更多

今日去到葵涌行街，嚟到新都會廣場，燈籠滷味，原來都係呢度有分店，佢哋嘅餐廳每一間都裝修得好有台灣特色，呢間都唔例外，舖頭裝修上掛上了燈籠和霓虹燈館，令人感覺置身於台灣中。我哋今日點咗個二人餐，$238，包兩個主食，一個小食和兩杯飲品。主食方面，點了台灣滷味至尊配烏龍麵，呢碗台灣滷味撈麵，非常足料，餸嘅份量非常多！烏龍麵彈牙有嚼勁，再加埋滷水雞翼，滷水嘅醬汁非常入味，雞翼滑嫩多汁，黑輪條亦夠彈牙，凍豆腐鮮嫩涼爽，鵪鶉蛋香滑嫩口，豆皮吸收咗滷水醬汁，咬落去香軟多汁，同埋爽脆嘅空心菜，每一口都令人回味無窮。滷水的醬汁滲透每一條麵條和每一片食材，亦非常入味，麵同食材之間嘅完美配搭，非常滿足！台灣嘢又點可以缺少滷肉，所以另一款主食點了蜂巢牛肚配古早香菇滷肉醬烏龍麵。烏龍麵搭配上滷肉醬的鮮香和香菇的濃郁，令人回味無窮，滷肉散發出濃郁嘅香氣，味道濃郁而且溫潤，入口之後有微微嘅甜味同埋鹹香，牛肚則帶來獨特的嚼勁和鮮美口感，每一口都充滿驚喜。滷肉醬的醬汁滲透了每一條麵條，香氣四溢，與牛肚的結合更顯得相得益彰。加上青瓜絲，醃蘿蔔，和薑絲，令整體味道帶來豐富嘅層次同濃郁嘅味道。鹽酥雞外脆內嫩，鹹香酥脆的外皮和多汁嫩滑的雞肉完美結合，再配上Creamy的山葵醬，令人食唔停口。薯條外脆內軟，炸至金黃酥脆，口感豐富。古味奶茶濃郁香滑，喝起來帶有濃濃的茶香和牛奶的甜滑，而苿香奶綠則帶有清新的綠茶味道，口感較清新。…查看更多

科學園越來越多餐廳進駐，而且泊車方便，用餐環境舒適，所以間中都會過嚟食吓飯。今日就去咗食韓燒，我哋選擇頂級韓燒放題，有A+級牛肉，頂級海鮮和刺身。星期一至四每位只需$238，90 分鐘內可以盡情任食多款美食。食韓國菜最鍾意食佢哋嘅前菜，呢度有泡菜、菠菜和大豆芽，另外侍應開始嘅時候仲會先送上生菜、蒜片和大醬。呢度嘅牛仔骨、牛仔扒同橫膈膜肉都係必試之選。牛仔骨肉質鮮嫩多汁，每一口都充滿了濃郁的牛肉香氣。入口即化的口感讓人回味無窮。配合餐廳特製的醬料，更能提升牛肉的風味。牛仔扒肉質比較少油脂，但香氣濃郁。兩邊輕輕燒下，可以保持了肉汁和嫩度，口感仍然十分細緻嫩滑。對於比較追求肉質的人來說，這款牛仔扒絕對是不錯的選擇。橫膈膜肉則肥瘦相間，香甜可口，絕對係肉食愛好者嘅最愛，是絕對值得一試的招牌菜之一。另外，豬腩肉肥瘦相間，入口即化，肉質鮮嫩多汁；牛肩肉則是口感緊實，肉質鮮美，亦值得一試。除咗肉類之外，海鮮都係呢間餐廳嘅招牌之一。特別是帆立貝、蝦和帶子。帆立貝鮮甜爽口，蝦和帶子都非常新鮮，質素絕對有保證。另外仲有魚生刺身可以任食。呢間韓式放題餐廳除咗有燒肉外，仲有好多其他熱食，煎餅、石頭鍋飯、泡菜湯等選擇，我地點咗海鮮煎餅炸雞；炸雞皮脆肉嫩，海鮮煎餅鮮甜可口，每樣食物都唔錯。飲品方面有唔同種類嘅韓國汽水、果汁等，同埋啤酒都係免費任飲，最後食埋杯雪糕超滿足。…查看更多

今日去慶祝周年紀念，我哋去咗北角嘅 Villa Villa 食西餐， Villa Villa 位於丹拿花園附近，位置在書局街旁邊。餐廳燈光柔和，氣氛不錯，店內亦有很多足球相關嘅物品佈置，店員也穿上了球衣，別具一格！Menu 菜式選擇頗為豐富，花多眼亂，所以今次我哋決定點季節限定嘅二人套餐，$550，有頭盤， 餐湯，意粉，和主菜，每一道菜味道都唔錯。跟餐原本是黑松露忌廉湯，但今日嘅餐湯免費upgrade成龍蝦湯而唔需要額外加錢。首先，龍蝦湯味道醇厚，湯底濃郁而唔會過於油膩，新鮮嘅海鮮味道令人難忘。緊接住嘅鵝肝多士，外皮烤得金黃酥脆，內裏嘅鵝肝滑嫩，多士微暖，同樣是外脆內軟，與多士一同食，份外好食。主菜方面，北海道帶子配美國特級肉眼係今次嘅亮點。帶子煎得恰到好處，每一粒也非常大粒，外層微焦而內裏保持咗水分同鮮味。肉眼牛扒，肉質鮮嫩多汁，每一啖都能夠嚐到牛肉嘅醇厚同細嫩。牛扒表面煎得微焦，呈現出金黃嘅色澤，帶有微微嘅烤香味。切開後，裏面粉嫩，達到完美嘅中度熟 ，肉汁豐富，完美保留咗牛肉原有嘅風味。配搭嘅醬汁恰到好處，提升咗肉味，但又唔會搶走牛扒嘅味道。副主菜可以六選一，我哋選擇咗蒜香辣椒橄欖油巴馬火腿扁意粉，扁意粉煮得剛剛好，彈牙得嚟唔會太硬，每條粉都完美吸收咗橄欖油嘅香味。蒜蓉炒得金黃香脆，加入嘅巴馬火腿片更係提升咗整體嘅味道層次。辣椒嘅微辣，蒜香嘅濃郁，同火腿嘅鹹香，三者完美結合，令呢道菜式風味獨特，回味無窮。最後，朱古力馬卡龍作為甜品收尾，外層酥脆而內裏嘅朱古力夠味卻不過甜，完美地結束咗整個餐點。整體而言，Villa Villa 嘅環境優雅舒適，非常適合情侶或者朋友聚餐。…查看更多

昨日去同朋友去咗荃灣一間出名嘅潮州菜館食飯，呢度嘅潮州菜認真唔錯！一行入去，已經感受到傳統潮州風情，有滿滿嘅食物，烏頭魚，大蝦等放咗喺藤籃上，非常吸睛。坐低後更有一啲潮州小食酸菜花生送上，酸菜嘅酸度掌握得剛剛好，唔會過分酸，非常開胃，為呢餐飯打開咗完美嘅序幕！明記有豐富嘅潮州菜式選擇，價錢公道，而且份量大滷水鵝$148嚟得潮州菜館，點可以唔試滷水鵝，呢度嘅鵝肉新鮮嫩滑，每一片都係滷得入味，又保持咗肉質嘅彈性。滷水汁嘅味道濃郁而不過分鹹膩，帶有八角同桂皮嘅香氣，令整體味道層次豐富。鵝皮帶點微微油潤，同肉質嘅鮮嫩形成完美配搭。底下的滷水豆腐質地也非常嫩滑，吸收咗滷水嘅精華，每一口都滋味滿分。滷水嘅香氣中帶有細膩嘅香料味，而且鹹甜適中，完美地提升咗豆腐嘅味道。最令人讚賞嘅係，佢哋嘅滷水豆腐表面煎得微微焦脆，同內裡嘅嫩滑形成絕妙對比。潮式蠔仔餅 $108呢度嘅炸蠔餅真係好好味！蠔餅外皮炸得金黃酥脆，沒有任何油膩感，一口咬落去，香氣四溢，讓人垂涎欲滴。而啲蠔仔都處理得非常乾淨，每隻都白雪雪，唔會有一啲多餘小顆粒，蠔仔每粒都非常大隻，而且仲保留住蠔嘅鮮美滋味，鍾意食蠔餅嘅一定唔可以錯過！韭菜花炒鹹肉$118呢度嘅小炒亦做得非常好，炒得好夠鑊氣！韭菜花炒鹹肉，呢個餸雖然好普通，但係味道真係夠晒驚喜！首先，佢哋個鹹肉切得啱啱好，肥瘦相間，煎到啱啱好嘅脆口感。而韭菜花嘅新鮮度同埋炒得啱啱好，保持咗脆身又唔會太老。佢哋嘅調味做得好，鹹香中帶點微微辣，非常開胃，我同朋友都一啖接一啖不斷食，如果飲埋啤酒簡直係一流，值得推介！總括來講，呢度每道菜都表現出潮州烹調嘅精髓。特別係滷水鵝同蠔仔餅，佢哋嘅美味程度令人心滿意足。下次一定會再來！…查看更多

今日入到嚟元朗，朋友帶我嚟呢間日式小店食定食。店內充滿日式漫畫風，舖頭雖然細細間，但係所有嘢食都好好食。食物選擇有定食，燒物，一品料理和小食，種類多元化。豚肉生薑燒定食$78食完呢個升級咗嘅定食(+$30)，真係覺得好滿足。首先，呢份豚肉生薑燒分量十足，配搭嘅日本珍珠米飯，飯粒彈牙，豚肉則係煮到腍身，同生薑嘅香味完美融合，帶出肉嘅鮮味。生薑嘅辣味唔會太勁，但足夠提味，食落暖笠笠好舒服。升級的前菜、漬物、味噌湯和米飯各自也有獨特的風味。前菜是迷你關西煮，淡而有味，保留咗食材原本嘅鮮甜，完全唔會蓋過本身嘅味，簡簡單單但味道層次感好豐富。漬物則酸酸地，開胃提神；而溫暖的味噌湯，飲落相當暖胃，味噌湯味道濃郁，仲有蜆提升鮮味，相當有誠意，為整餐畫下完美的句點。這個豚肉生薑燒定食，真係物超所值，食得好滿足，價錢又合理，下次仲想再嚟！和牛漢堡扒配燒汁 $92這個漢堡扒真係無得輸！質地軟嫩得黎多汁，味道濃郁，咬落去肉味十足，幾乎係即刻溶喺口裏面。漢堡扒煎得金黃又唔過火，外皮微酥，內裏卻保持多汁。醬汁可以選燒汁或者咖喱汁，我哋今次揀咗燒汁，店主亦非常細心，醬汁是分開上的，可以因應個人嘅喜好蘸上醬汁。醬汁味道也配得好好，味道唔會太重口味又能提升肉味，蘸上令整個漢堡扒的味道層次更加豐富。旁邊的炸薯餅亦炸得啱啱好，外皮酥脆到不得了，金黃色嘅外表下藏住嘅係軟綿綿、熱騰騰嘅馬鈴薯泥，啖啖都係濃郁嘅薯味。口感上亦都做到外酥內軟嘅完美對比。而伴碟的椰菜絲也相當唔錯，椰菜絲切得細膩又均勻，每一絲都脆生生的，吃起來帶有自然的甜味和清脆感。沙律醬汁搭配得宜，既不會過於油膩，也不會掩蓋了椰菜的清香，反而增添了一絲絲的酸甜味。厚燒玉子$36厚燒玉子外觀做得很漂亮，質地細膩，層層疊疊的蛋皮軟綿又帶點彈性，每一口都感受到蛋香濃郁，而且絲毫不油膩。甜味和鹹味之間的平衡抓得剛剛好，可以品嘗到雞蛋本身的鮮美。唐揚炸雞$42唐揚炸雞外皮炸到金黃酥脆，但又完美保持咗雞肉嘅多汁同嫩滑。每一塊炸雞都肉質鮮嫩，醃料香而不濃，食落去唔會蓋過雞肉本身嘅味道。炸雞嘅油分也控制得好好，唔會食落去覺得油膩，真心推介！…查看更多

人大咗，越嚟越識得欣賞粵菜嘅精髓，除咗飲茶之外都越嚟越鍾意去食廣東酒樓。今晚去咗大埔昌運中心一間傳統粵式酒樓食飯，所有菜色嘅味道都唔錯，而且炒得熱夠鑊氣。呢度雖然係街坊酒樓，但環境闊落，而且非常光猛，坐得非常舒服。呢度除咗有一般嘅晚飯小菜之外，另外亦有大閘蟹放題，除咗有無限追加嘅大閘蟹之外，另外亦有蛇羹，片皮鴨，糯米飯都係任食非常吸引。燒汁金薯牛柳粒 $128牛柳粒煎得金黃又香口，質感嫩滑，有淡淡嘅牛肉香味，至於薯仔方面，外皮煎得脆卜卜，裡面卻保持咗薯仔嘅鬆軟，同牛柳嘅鮮嫩形成咗絕妙嘅對比。而且，佢哋嘅調味做得恰到好處，唔會太鹹或者太淡，每一啖都充滿咗層次感，送飯一流。紅燒乳鴿 $58紅燒乳鴿皮脆肉嫩，不僅外層帶點脆口，內裏仍然保持住肉汁，外皮完美咁鎖住咗肉質嘅鮮嫩，肉質細嫩而多汁，肉感緊實卻不失彈性，每一口都能嘗到深層次嘅滋味。蒸石斑仔$68晚飯有五選一優惠，五款入面可以選一款特價菜式。可以揀雞煲翅，片皮鴨，燒雞，蒸石斑，或者白灼蝦。我哋揀咗蒸石斑仔，$68條好抵食，而且仲好新鮮同大條。石斑仔蒸到啱啱好，魚肉質地細膩，肉質鮮嫩且富有彈性，一咬下去即感受到魚汁豐富，溢滿口腔。而且，蒸魚帶出的清香，配上少許醬油、薑絲和蔥段，不但增添了風味，同時也中和了任何可能的腥味。整體來說，呢度嘅蒸魚做得非常好，很高水準。蒜蓉芥蘭 $88芥蘭嘅翠綠在鮮亮嘅色澤下，非常誘人。經過快火爆炒，芥蘭保持咗脆嫩嘅質感，每一條都爽口彈牙，完美地同蒜蓉嘅香味結合。蒜蓉經過烹調後，香氣四溢，既不過分搶味，又能提升芥蘭嘅清甜，炒得非常香口。…查看更多

今日去完新蒲崗開會，就去咗附近商場Mikiki嘅餐廳「一韓燒」食韓式烤肉。餐廳有多款不同的餐可以選擇，價錢相宜，每個餐嘅價錢由$70至$100多不等。首先，我地揀咗韓式菜包黑毛豬五花（$67/200g）呢個生酮餐真係係追求瘦身嘅食客嘅首選。黑毛豬五花肉肥瘦均勻，200g 份量已經幾足夠，再加埋啲新鮮蔬菜同綠辣椒，包肉醬和泡菜一齊食，食落咸香鮮美，最緊要係唔會令你攝取過多卡路里，真係好食又唔使擔心肥。然後，我哋試咗北海道產黑毛和牛套餐，以及美國牛仔骨同牛小排，如果鍾意食燒肉，呢度有多款唔同牛嘅部位可以選擇，絕對係你嘅天堂！北海道產黑毛和牛，牛肩胛拼肉眼蓋 $190/200g套餐包括白飯，海帶湯，和沙律，和黑松露生雞蛋。黑毛和牛質感鮮嫩，咬下時，非常鬆軟，入口即化。而且有滿口濃郁的牛味，令人難以忘懷！把和牛沾上黑松露生雞蛋，味道豐富而濃郁。牛肉嘅鮮美同黑松露嘅香氣相融，再加上生雞蛋嘅滑嫩，真係一種高級嘅味覺享受。由於我同朋友都好鍾意食和，我哋encore左70g，有一大塊只係需要$70勁抵食！肉眼蓋相對肉質鮮嫩但較厚實，有少少咬口，肉質嫩滑多汁，燒烤嘅時候散發出濃郁嘅牛肉香味。每一口都充滿滿足感，絕對值得一試！之後我們加點了美國牛仔骨（$58/100g）同牛小排 （$62/100g），每樣嘅份量亦岩岩好，味道出色，牛小排肉質較嫩滑，油脂分布均勻，比較薄且容易入口，味道濃郁，搭配上醬油或其他調味料，味道更為豐富。而牛仔骨肉質相對瘦而嫩，有一層薄薄嘅脂肪，令佢保持咗豐富嘅肉汁同風味。佢嘅味道好濃郁，有啲牛肉嘅自然甜味，經過燒烤之後更加香氣四溢。榛子咖啡$25.9而飲品方面，榛子咖啡帶有濃郁嘅咖啡味和榛子味，味道唔會太甜，加埋忌廉一齊飲，非常Creamy，而家仲限時做緊買一送一嘅優惠，每杯除返開，只係$13，非常抵飲。甜品方面，原本想點韓式牛角包，但係已經賣晒，最後點樣兩個雪花冰作結尾。抹茶紅豆3.6牛乳雪花冰（$38）同朱古力糯米糍3.6牛乳雪花冰（$38）都好出色，甜品唔止外形吸引，味道更係好好食。抹茶紅豆冰雪花入口即溶，搭配紅豆同綠茶醬，味道非常匹配，雪花冰有濃郁嘅牛奶味，做得又夠鬆化，入口即溶，美味至極。朱古力糯米糍外酥內軟，同朱古力雪糕和牛奶雪花冰香氣相融，帶嚟獨特嘅滋味。總括嚟講，一韓燒唔止食物好食，服務員有禮貌，場地乾淨整潔，而價錢亦算合理。如果你鍾意食燒肉，真係值得一試。…查看更多

今晚我哋嚟咗大埔新開嘅烤魚雞煲火鍋店，之前都有聽朋友講佢幾抵食，今次終於有機會親自試一試。店內裝修現代而且富有格調，空間寬敞而且明亮，一步進店就感受到一種舒適和愉悅的氛圍。丁丁烤魚的菜單非常豐富，$288 就可以任食雞煲同烤魚，見到個價錢就已經好吸引，價錢公道得黎又好多選擇，有頭盤小食、刺身船、烤魚同雞煲等等，好多嘢都可以任飲任食。另外，我哋加咗$58，就可以享有刺身拼盤和時令海鮮拼盤。如果鍾意飲啤酒，仲可以用優惠價$58 享用三支啤酒，有Ashahi ，青島，藍妹等牌子可以揀，認真抵飲！首先我哋試嘅係頭盤小食，小食一共有五款，全部都可以無限添加，其中一款煉奶小饅頭就令我哋驚喜不已。外皮酥脆，而煉奶香味撲鼻，甜度啱啱好，為晚餐掀開咗新篇章。另外，香炸小酥肉亦都好好食，外面炸得非常酥脆。刺身拼盤，有三文魚，甜蝦，北寄貝，墨魚等，刺身新鮮鮮甜。然後就到烤魚，原條鯰魚我哋揀咗麻辣小辣，魚肉嫩滑，辣度啱啱好，夠麻辣但唔會太辣，非常適合唔食辣嘅朋友。配料像豆卜索晒醬汁，味道一流。再嚟就係期待已久嘅雞煲，我哋選咗小辣口味。熱辣辣嘅雞煲，瞬間讓人食慾大開，雞煲是即叫即炒，雞肉鮮美香滑嘅雞肉，小辣口味一流，麻麻辣辣，非常香口。食完雞煲後，我哋換咗個鍋打邊爐，選咗花膠雞湯，湯底清甜，材料豐富，非常好飲。然後海鮮拼盤上枱嗰一刻真係非常驚艷，擺盤非常精緻，再加上乾冰，視覺效果簡直一流。海鮮拼盤內有鮑魚，海蝦，廣島蠔，扇貝，沙白等等，每一樣都新鮮甜美，特別係鮑魚，肉質細嫩，而海蝦又爽滑。仲有一大堆火鍋配料可以揀，我哋就選咗澳洲和牛，肥牛，手打墨魚滑，蝦滑，響鈴，黑豚肉，羊卷等等。我哋每樣都試一試，肉質都好新鮮，好滿足。食完後仲可以食返杯雪糕，有多種味道可以選擇，個人最鍾意食豆腐同香芋味，簡直係完美嘅結束。總括嚟講，今晚嘅一餐真係滿足到我哋，呢間火鍋店絕對值得一試。另外，呢度lunch 時段原來仲有魚湯米線可以食，下次可以再黎試吓。…查看更多

今日入咗上水搵朋友食飯，去咗地鐵站附近嘅上水廣場食日式丼飯。餐廳設計以淺木色為主，設計非常清新，環境寧靜雅致，坐低慢慢食個飯傾偈一流。餐牌設計充滿日式風味，但唔知係唔係有一啲新菜式update咗未擺落餐牌度，建議可以用QR code睇Menu，款式好似更加多。睇電子Menu見到有池魚丼，好吸引，即刻點嚟試吓。原條池魚丼 $168呢個池魚丼打卡簡直一流，一整條池魚切片，連頭連尾放上碗上，看上去非常吸睛，非常大條，只係$168，非常超值！池魚係五月至九月係盛產期，呢個季節食係非常當造，味道非常鮮甜，而且有少少油香，魚味濃郁清鮮每片魚生切得較為透薄，色澤透亮，肉質略帶爽口，可以選擇用酸汁食或者芥辣豉油食，兩者食落去嘅風味，大有不同，個人覺得用芥辣豉油食，可以把魚嘅鮮味更為提升。吉列咖喱豬扒飯$78呢度嘅吉列豬扒飯，係人氣之選！果然做得唔錯，日式咖喱汁加咗蘋果落去烹調，味道帶有微甜，口感溫和，非常滋味，飯上面更放有一塊蘋果肉，大人小朋友都啱食。吉列豬扒新鮮炸起，炸得非常香脆，外脆內軟，連埋咖喱汁一齊食，送飯一流。另外，呢度嘅餐，全部都會跟麵豉湯/ 沙律菜，同埋凍茶。七味雞翼$28小食我哋就點咗雞翼，一份有三隻，味道有少少辣，非常惹味，呢度嘅炸物炸得唔錯，雞翼炸得非常鬆脆，肉嫩juicy。…查看更多

今日到尖沙咀食飯，來到K11食泰國菜，阿閒泰在銅鑼灣也有分店的，之前食過，味道都唔錯，而且環境舒服，今日再encore多次。食物款式都有幾多唔同嘅選擇脆皮豬頸肉$78每次食泰國菜都好鍾意食豬頸肉，炭火燒嘅豬頸肉表面金黃色，味道帶有炭香味，但肉質仲係嫩滑肥美，配上自家製嘅檸檬蕃茄醬，酸酸甜甜非常開胃，而且味道亦增加了層次感。伴碟嘅蝦片亦非常香脆，但係有香濃嘅蝦味。阿閒泰炭烤拼盤$248燒烤拼盤，有虎蝦、燒牛肉、魷魚鬚、香茅雞肉串燒、燒菠蘿和雜菌等。拼盤𥚃最鍾意食虎蝦，足足有成隻手掌咁大，燒到好香口，入面仲好Juice，而且夠新鮮。牛肉雖然燒得比較熟，但係肉質依然嫩滑；菠蘿非常多汁，燒到有少少燶邊，帶有焦香味，同埋肉一齊食，可以去油膩感。阿閒泰冬蔭功飯 $118冬蔭功就飲得多，冬蔭功飯真係第一次食，香辣酸甜嘅冬陰功湯汁混和米飯一齊食，就好似食得嘅冬陰功一樣。入面材料非常豐富而且亦夠新鮮，有蝦、魷魚、青口等等，再加埋番茄和芝士一齊焗，味道好獨特，啲口感微辣，又有酸甜味，混合埋一齊食超級好味。椰子沙沙配合芒果雪條凍$68冰沙以椰子汁和芒果為主要成分，味道鮮甜可口。椰子漿的香味和芒果的甜味相融合，口感綿密，清爽怡人。加入雪條的使整道甜點更加豐富，讓口感更加有層次感。…查看更多

今日探完朋友喺白石附近，朋友介紹科學園區都有啲好味嘅嘢食，唔使入到去大埔咁遠，行過去都只係幾分鐘路程。呢度附近原來都有D嘢食，有中菜，韓國菜和西餐，朋友話BriKetenia 佢試過幾次，性價比高而且味道都有水準；主打係法式西餐，除咗科學園外，北角匯亦有分店。餐廳環境明亮，用上金屬素材，打造出概時尚且帶有科技感嘅裝修，餐廳寬敞及舒服。Set dinner 選擇有不少款式，大約有10幾款；有意粉、意大利飯、羊扒、牛扒、漢堡包等等，一個頭盤加main course 連飲品，大概$180至$300左右不等，如果鍾意食生蠔亦都可以加錢額外$60 兩隻。坐低嘅時候店員會先送上熱辣辣嘅麵包，麵包非常香軟而且夠脆，旁邊有小鯷魚沙律醬，鹹香嘅小鯷魚加上creamy嘅沙律醬，味道又唔錯。白酒煮青口青口非常新鮮，用白酒煮味道很清新，入口有白酒味兼食到新鮮嘅青口味，而且夠大隻啖啖肉，煮得亦夠入味，青口帶有蒜香及芫荽味，肉質非常嫩滑。小龍蝦牛油果沙律呢個沙律賣相非常精緻，而且有不少份量嘅小龍蝦，小龍蝦鮮味彈牙，牛油果已經熟透味道很creamy，質地很柔滑及細膩，旁邊嘅沙律菜亦夠新鮮爽脆，作為前菜小吃一流。慢煮豬鞍配洋蔥汁及薯蓉 $258帶有少少脂肪嘅豬鞍，脂肪含量比例啱啱好，肉質非常軟腍，加上用慢煮烹調嘅方法處理，半肥瘦的豬鞍肉嫩而且肉汁亦能夠保留。配上特別的洋蔥汁，味道帶有少少酸酸甜甜，配豬鞍非常合適，可以中和了一些油膩嘅感覺。薯蓉夠幼滑，配菜亦夠誠意。牛肉漢堡配香煎鵝肝 $198超級Juicy的漢堡肉同上面的鵝肝非常配搭，鵝肝軟滑，質感非常細緻，味道濃郁，有淡淡的油脂香味。厚切嘅漢堡肉煎得金黃色，非常香口，配上新鮮生菜，蕃茄和半溶狀態嘅芝士再加一口鵝肝，令漢堡包味道更惹味，而伴碟嘅薯條亦係新鮮炸起，熱辣辣脆卜卜。最後仲有茶或咖啡，非常滿足嘅一餐。…查看更多

上星期啱啱去完泰國，但係意猶未盡，仲好懷念泰國嘅食物，出到尖沙咀發現亞士厘道有間泰國菜環境頗為舒適，主打新派泰菜，就試一試。餐廳嘅環境非常舒服，柔和嘅燈光，加上太陽傘，木制枱櫈等，再加上四周有綠色的植物作為佈置，非常有休閑度假感覺。泰式生蝦$98係泰國唔敢食當地嘅生蝦，所以今日好想食。一碟有8 隻生蝦，味道都唔錯，亦夠新鮮，醬汁味道調校得啱啱好，辣辣地酸酸地加上蒜香嘅味道，作為頭盤非常開胃。飛天小椰菜$78椰菜炒得非常有鑊氣，辣味蒜味都夠，椰菜亦夠爽脆，好惹味。蛋炒咖喱軟殻蟹$158每次到泰國餐廳必點咖喱，除咗青咖喱外，黃咖喱亦都好好食，蛋加入黃咖喱，兩煮非常融合，沒有遺和感，味道亦較為溫順和creamy。有陣陣的椰香味，香茅味和南薑味，加埋洋蔥和青椒絲，味道層次非常豐富。而軟殻蟹亦炸得夠鬆脆，外脆內軟，而且仲有好多蟹肉，撈飯食一流。Chiang Rai Cocktail $108Cocktail 呈現夢幻的紫色非常漂亮，面層有棉棉的蛋白，內裡有碟豆花，薰衣草，柚子，青檸，橙汁和vodka，酸酸甜甜，仲有淡淡的薰衣草味好清新。…查看更多