今日行過熟食中心，望到哩間小店裝修都唔錯，企企理理，menu都唔錯，就入咗去食，點知中晒大伏！首先，我哋兩個人一入去坐低好快已經叫咗主食set（主食+南瓜湯）我哋點完餐，坐咗半個鐘，冇錯係半個鐘，餐具又冇比，餐湯都冇。已經叫咗侍應嚟同佢講要餐湯，講完佢又係企係收銀機度唔知做乜，冇郁過。好啦，等咗35-40分鐘，個意粉同餐湯終於到（冬蔭公忌廉虎蝦意粉）。但係叫佢比餐具就淨係比叉我，匙羹又要另外再叫佢拎比我。叫一次比一樣。其實如果係咁，你啲餐具可以放係枱度，自己自助拎……我差唔多食到完，我朋友份牛排仲未到。佢已經等到好唔耐煩，因為佢除咗餐湯之外係乜都冇。個廚師係廚房到問我哋，啲嘢食係咪未有？其實你都望到佢係乜到冇，個場咁細，得大約5-6張枱，一眼睇晒。但都可以漏單…？平心而論，我覺得我個意粉味道係唔錯，冬蔭公同忌廉係夾嘅，唔會話好辣，意粉嘅質地可以再好啲彈牙啲。但唔知點解個南瓜忌廉湯會有咖喱味，有少少奇怪。只可以講今次對我嚟講係唔好嘅經驗，lunch嚟講，價錢唔算平。我覺得同價格完全不成正比，希望可以改善吓。…Read More
The above review is the personal opinion of a user which does not represent OpenRice's point of view.
Like
Waiting Time
40 Minutes (堂食)
Spending Per Head
$88 (午餐)
