natsin的個人專頁

非常推薦既一間台灣餐廳，店內環境乾淨企理，店員有禮貌，整體黎講cp值高。同朋友一共三個人晚餐去食，有叫套餐有叫單點，食物飲品份量足夠，價錢亦都唔貴，套餐一個大約百零蚊左右，有晒主食+小食+甜品+飲品，一個套餐已經好滿足，可以過過台式食物既口癮。個人大推既食物係大大雞排滷肉飯套餐，雞排好大件，酥脆可口，重點係係嫩滑得黎唔係好乾身嗰啲，回味無窮。仲有個甜品仙草芋圓，都係好好食。下次會試埋紅燒牛肉麵～～…查看更多

嚟咗五次，剛開業無耐第一次黎食完覺得幾好，可以係銅鑼灣搵到二百零蚊又唔錯既火鍋店，之後幾次已經有d失準，但都過得去，呢次肯定係最難食嗰次！！！抹枱唔乾淨，掂咗落張枱度隻手黐笠笠， 枱角明顯見到上手食完湯漬。揀咗兩個湯底， 一個菇湯， 一個麻辣先講麻辣，只係一層紅油在面扮麻辣，實則不麻不香， 只有辣，係死辣，煲左一個鐘湯底竟然變苦㗎，已經食唔到。再講菌湯，一開始已經咸到脷鞋，都知一定係味精湯用粉沖出嚟，但係可唔可以溝淡少少呀， 火鍋係會越煲越濃味，半煲湯一共加咗兩渣水先頂得住....返到屋企條脷仲乸住。可能宜家多人食左，今次大約有15款食物售完，野食過得去，同之前冇太大分別，上菜速度ok， 漏咗單兩次同職員講好快補番，只係湯底其差。可能今次唔好彩掛，好失望…查看更多

我地三人行揀咗288任食，有多款湯底可選， 我哋揀咗鴛鴦鍋麻辣同燉湯，麻辣湯底有啲失色，辣而不麻，偏鹹， 呢個對於鍾意食麻辣嘅我嚟講係有啲失望，另外一個是+30$燉湯湯底不錯，可以先飲燉湯再做湯底餐廳內亦有多款菜，菇，調味料，野飲可任拎野飲有我最鐘意飲既可樂推薦要食花雕雞件，有驚喜，雞肉嫩滑其他食物不過不失值得一提，我地一共order左6次野，係完全冇漏單！！！不過餐廳抽風唔係太好，好大煙，完全望唔到坐對面既朋友…查看更多