Sasara的个人专页

食過幾次阿幸飯糰每次都好足料，已經唔係第一次叫網紅蟹肉飯團， 但今次叫咗個網紅蟹肉飯糰裏面嘅蟹肉少得可憐，得一舊，大部份都係啲脆脆嘅油炸鬼。一切開 d 脆脆係派山倒海咁跌出黎。。。真係嚇親呢個飯團係賣蟹肉而唔係賣油炸鬼，網上既圖雖然係demo但對比我呢舊飯團真係差太多！（下圖係網上order 既相）有青瓜絲，有蟹肉3舊，而我買既係1舊蟹肉，超多脆脆，冇青瓜變左生菜。今次想寫個食評係因為佢係入圍美食，應該更重視出品質素，而唔係咁隨性。…查看更多

睇youtube 有個幾出名既廚師介紹呢到既雲吞麵, 香港人當然食過麥X記等呢D又貴又唔飽既出名麵家, 連十大碗呀個d 我都試過, 覺得都係正常發揮。見廚師大力推薦,  而且又平平地咪 bookmark左係opernrice, 有日係呢邊搵食就行去搵下。 鋪頭係MTR出口附近, 好方便, lunch time 1 點幾, 都有一大班人係門口等.. 我呢D 無敵一人前平時唔哂排隊, 都等左8-10分鐘。鋪頭坐既位置唔係好多, 有少少迫既我碗麵後面既炸兩係對面既客人order, 有塊膠版隔開, 睇相大慨知道有幾迫。 我就叫左個雲吞麵+熱豆漿 $43。上枱時, 雲吞係D麵既下面。 佢大大粒, 仲有鳳尾架~ 每粒雲吞都有大大隻蝦, 而個鳳尾係煮得岩岩好, 完全唔會糊狀爛哂。雲吞麵好多時都衰係梘水味, 呢到係完全冇梘水, 同時D麵好彈牙! 真係口感一流。個湯呢, 個人覺得冇大廚講到咁出眾, 但係好飲既。同時試左佢辣椒油, 好味~ 不過 我最後都冇咩落到, 因為碗麵太好味唔想破壞左佢既原味。除左碗雲吞麵, 我跟set 加左杯熱豆漿, 呢個決定真係冇錯! 佢真材實料到面頭有層厚厚既 "腐皮", 真心值回票價~下次黎既話想試下佢既招牌薏米水…查看更多

約朋友食個lunch 又要有位真係唔易。shio 係另一個都係附近搵食既朋友介紹既，黎左都幾次，間餐廳愈來愈多人，要等下位。。。。叫左個tonkatsu 吉列北海道黑豚定食（$178）， 包左一個,芥辣八爪魚，一碗麵豉湯，同埋一個茶碗蒸。不得不讚佢既麵鼓湯都幾惹味。而茶碗蒸都好香滑，熱辣辣上檯。抵讚！我既炸豬扒比朋友嘅壽司定食要等得耐啲，應該真係即叫即炸。嘩，我係香港真係未食過咁厚既炸豬扒，而且仲嫩滑多汁，加埋一大堆超慷慨嘅椰菜沙律。不得了！！塊吉列黑豚放入口脆到自己都聽到，佢厚但嫰呢下真係值回票價。值5粒星！！！不過shio既敗筆之處，仍然係碗濕到痴埋哂既飯。一間日本餐廳/居酒屋要煮日本米且粒粒分明係基本，幾次d飯都係咁，都幾失望。個食評比“ok” 係希望下次黎有碗正常既日本米食。…查看更多

lunch time 見好多人排，又想食越南野，就加入排隊隊伍。等緊既期間見Open rice 食評都唔錯就幾放心。點知。。。叫左個雞絲湯粉同牛油雞翼set. 個牛油雞翼真係又熱又脆幾好食，個湯河就唔得啦。。。睇相就知撕得好求，再者，雪藏味濃，真係好難食。。。成餐就只食個河粉呢到lunch time 好亂，不斷上錯野，又或者上到檯d野係凍既。。。侍應之間溝通好差，我地每次都要講番邊樣到左邊樣未到。。。朋友叫左個香矛豬扒飯，d豬扒係凍既。。。 最攪笑佢會有d 整好左既野飲係樓上，你叫中就即時比你，但你完全唔知係到放左幾耐。。 感覺衛生麻麻。 …查看更多

不得了！！ 好耐冇食過咁好食既鳳凰卷！出面大牌子既唔係皮太厚，就係椰絲太少，又或者超甜。總之，好難搵到ratio 岩岩好既鳳凰卷，隨著小店同整呢d傳統餅店愈來愈少，過去幾年都真係冇再買鳳凰卷食，轉戰食蛋卷今次，朋友係深水埗買左2盒傳統小食請我食，見到鳳凰卷已經開心，食埋入口真係超驚豔，佢既皮薄餡靚 +微甜， 真係一絕。實而不華既包裝，同貼地價錢，嘩！！！！ 真係直入我pocket list.另外既花生糖，係用脆黎形容！ 唔係一般咬到牙都爛既硬！ highly recommended 呢間老店…查看更多

疫情以來, 多左買外賣 同埋去D小店,  少左去 outback 呢 D chain restaurant~今次去左新世紀行街, 見到好耐都冇食過既outback, 好想食佢既黑糖麵包同埋炸洋蔥, 朋友都話好耐未食過想去, 所以埋去拎張飛~ 2人位都幾難等, 叫左好多4人檯先到我地2人檯, 我地等左半個鐘先入到~  叫左個烤肋骨雞搥芝士薯條拼盤 $178 同埋 雞肉拼燒蝦寬麵 $148, 當然有一條黑糖麵包啦 :) 記得D野都大大碟既, 所以諗住唔飽就後加其他野黑糖麵包叫完野就即刻上檯, 少少暖~ 都係記憶入面甜甜既香味, 加上好creamy 既牛油, 食得好開心~烤肋骨雞搥芝士薯條拼盤 $178呢碟野, 肋骨同雞搥都焗到過哂火, 超深色, D 肉係乾哂超鞋口... 好在D薯條冇事...雞肉拼燒蝦寬麵 $1482塊麵包都係overcooked,  超深色...一咬直接碎到成身係...個pasta 冇咩味, 太乾身冇咩sauce~痴埋一 pat,  D 蝦都OK, 比較爽唔會好「梅」今次食物既quality 比較差, 除左麵包...好多野都 overcooked ... 可能都係番去幫襯小店好D....…查看更多

睇fb 知道佢地唔再做cwb呢間鋪，本身由佢地係cwb間小食店開始幫襯，小食冇左之後就有機會都去間茶餐廳。聽到個消息就趁機會黎多個下午茶，一直都想會下呢個暴龍西多士。上面係厚厚既美綠粉，中間，係牛油加鍊奶做夾心，切開時佢呢下流心真係睇得好滿足,味道入口又岩岩好，牛油香加少少既甜，幾邪惡架。美中不足係 美綠粉因為西多士太熱，會好快痴埋左，變成一大塊😂 似你買左罐粉走左d氣，所以有一舊舊硬塊係到咁既樣。杯奶茶又滑又香濃 絕對係我杯茶呀。服務好好，又有禮貌價錢又相宜，知道佢地唔做真係有少少失落。 後會有期喇！…查看更多

呢間炸豬扒有少少比我去左日本旅行既感覺~ 首先, 45蚊開始就有個滑蛋吉列豬扒飯, 就係日本時好多地方幾百yen 就可以食到既感覺, 再者, 佢比較幼細既椰菜絲, 比香港坊間既口感更細膩更清新~ 係香港食don gatsu , 第一時間諗起既係一間係將軍澳既良心店, 佢有拉麵之外更有吉列豬扒飯。如果講炸得好, 兩間既脆漿都好, 薄薄一層。不過呢到更好食係因為佢塊豬扒既質素, 唔只功夫好, 炸到外脆內軟而佢既軟唔只冇過火, 仲因為係塊扒脂肪分佈得好,唔會太油膩但有軟熟口感~ 呢個set 包埋個miso soup, 佢真係以日本既方法整, 先炒香一片片既豬腩肉再加其他材料, 唔睇由自可, 睇完知道佢唔係即沖湯覺得呢個價錢 offer 出黎既野都幾抵~  對我黎講好飽呀。…查看更多

聽朋友講呢間天婦羅店好多次，有次的起心肝想去試，比門口條隊嚇親😂 敗走左幾次，終於有次weekday 7點前去到旺角就想去睇下有冇位，yeah! 可以直入最後兩個位✌️睇食評 海鮮don好似最受歡迎，所以就即order. 先上左兩個沙律 再黎就係我一直期待嘅天婦羅海鮮don .雖然見到食評大家都有講過一個菜心苗天婦羅，當你自己親眼見嘅時候真係感覺好特別。呢樣嘢真係香港化☺️我好鍾意佢天婦羅炸粉漿又薄又脆，炸既時間啱啱好。特別係菜心苗既葉，真係好脆但葉同菜梗都唔過火。如果我哋只係講天婦羅底漿同師傅炸佢嘅功架，完全覺得佢係香港數一數二嘅地方。虎蝦同埋魷魚個人覺得新鮮度爭左少少，唔好誤會，係絕對對得住八十蚊嘅呢個價錢。唔介意佢加價去做多一個新menu，有更premium更fresh既海鮮。另外需要一提，每位店員都好有禮貌好細心好開心見到咁多人排隊等呢一間天婦羅店，希望大家繼續支持小店 等多d有talent既人有自己既一遍天…查看更多

灣仔行過呢一間餅鋪畀佢嘅外觀吸引咗，因為喺港島可以搵到咁懷舊嘅餅鋪真係少之又少。望下啲明星相見到小儀，見有人報道過就望多眼。e?咩黎架真係未見過呢個叫奶油洞既野，所以即買咗一個，個酥皮比望落去淋同重牛油味，中間嘅忌廉冇我想像中咁凍，但滑既，唔太甜。 $8 買個期待 ok wo同時有都買咗個大大既雞批，鬆脆嘅皮，雞肉有比較鞋，但餡料味道足夠。係市面上其中一個味道比較好嘅雞批。好多人幫襯佢架，雖然我覺得味道一般，但我支持小店。當佢保留著傳統味道，可以嘅話我都想幫襯之前佢哋繼續經營落去。…查看更多

平時喺旺角行街都會見到好多人喺呢度排隊，最近ig又成日出現，上網check完個地圖知道佢係良心小店之後，今次我都排埋一份。自從有疫情之後其實都有啲怕喺街度飲嘢，一來唔係咁快可以飲曬，二來嗰支飲管好似暴露係空氣中間有啲驚。不過其實大家都戴咗口罩應該冇事嘅今次飲咗一杯朋友話喺台灣飲完覺得超級經驗嘅大甲芋頭鮮奶。佢哋落嘅芋頭真係好多完全唔會覺得好孤寒，手工芋頭蓉有大有細，口感一流。飲上去覺得芋頭味好濃 , 口感好綿，同埋芋頭嘅甜味好出。呢款飲品嘅甜度係冇得揀嘅，我個人覺得比較甜，但係真係好鍾意芋頭蓉喺口裏面嗰種嘅口感，一定會返嚟再買！ …查看更多

嘩，前日睇fb見到有人話香港有得食台灣既3q餅，間鋪仲係良心店 tim! bookmark入openrice 之後，行街時諗起佢係附近就搵地圖過去。我買咗三q餅做買咗鳳梨酥同埋一個芋蓉酥，再加多一包好出名嘅芝士吐司。前面嗰三樣嘢呢都係要請店員幫你夾出嚟嘅，而芝士吐司就係畀錢個收銀機隔離 (我搵左好耐先見到) 所以寫比大家知~返到去即刻拎出個三個甜品嚟食先講鳳梨酥我就覺得鳳梨酥比起其他三樣嘢一般，鳳梨比較酸個酥係比較實，比起平時台灣食嘅冇咁鬆。聞落去冇乜特別嘅香味。芋蓉酥：酥皮今次就比較香口，裏面滿滿嘅芋頭蓉真係一個大滿足，啖啖都有芋頭香。不過食完好飽~~3q餅：3q餅真係名不虛傳，佢唔單止有少少甜嘅紅豆蓉有麻薯，有肉鬆亦都有鹹蛋黃。呢幾樣嘢嘅口感加埋真係不得了，我好鍾意佢哋嘅紅豆蓉唔係太甜而肉鬆聽講喺台灣嚟香港嘅真係好香好香，所有嘢嘅比例啱啱好。食完第一次, 我已經再去買左2-3次  :) 太正芝士吐司：話說我喺油麻地買咗一包芝士吐司之後，裏面嘅芝士同麵包嘅比例係1比1，不過中間有少少空心。咁多芝士, 真係食得好開心。所以下次經過窩打老道嘅分店時, 就買多一次芝士吐司。我發覺兩間餅鋪嘅芝士吐司係唔同嘅。窩打老道嗰間，佢嘅吐司芝士係畀呢一間少一半，但係每一塊麵包都唔會空心。外面嘅芝士都畀啲一間烤得香脆。如果兩間餅鋪可以平衡一下就好，我好希望可以食到芝士比例一比一，唔空心嘅芝士吐司好貪心~尋晚睇新假期既video，佢介紹呢間麵包鋪竟然有午餐肉炒蛋包，睇完真係好想試呀。唯有等下次有機會經過再買啦!! 呢到D野真係好食, 平過連鎖店, 但係比佢地既質素好好多, 咁當然又貴過D街坊麵包鋪少少。 性價比高! 我仲有幾款野想試... 唯有等下次經過啦~…查看更多

太耐冇見另一個又係牛魔王既好朋友，所以係openrice睇下最近有啲咩扒房大家都推薦諗住慢慢坐，傾下計。望望下openrice見到呢間tango，好多食評都話佢唔錯，fine dine，而且係我鍾意嘅扒房佢哋嘅姊妹餐廳，所以決定帶朋友黎試下。我哋預先訂咗位所以呢到就唔使等。menu上可以選擇嘅好多因為未食過阿根廷菜嘅關係，睇名之餘都要睇下食材係咩。waiter每隔兩分鐘就過嚟問點唔點得菜，朋友想再睇下個menu所以我就請佢等等，ready時就會話佢知。最後我哋決定叫咗一個sausage platter $178,一個我好想試因為大受好評嘅牛他他 lomo steak tartare, $198, 同埋呢到扒房必定要食嘅ribeyes牛扒$378。首先上枱嘅竟然係個sausage platter $178而唔係steak tartare。呢度有三款香腸分別係兩款beef and pork sausage同blood sausage。首先要讚既係sausage好香，色香味裏面佢嘅香味真係好吸引。佢嘅份量都幾大而且有青椒同紅椒伴碟。先講比較粗嘅beef and pork sausage,肉味香濃外皮焦脆，但係調味對我嚟講比較鹹。而第二款比較幼嘅，肉粒比較突出，亦都係肉味好濃需要配佢嘅醬汁嚟食先可以Balance佢嘅味道。而血腸，切開之後，裏面比較鬆散同埋粉狀，亦都有一啲好煙韌嘅白色食材喺裏面。我唔太喜歡佢嘅味道一定要配佢嘅醬汁先可以繼續食。總括嚟講我覺得呢間餐廳第一碟上檯嘅食物，燒烤得好香，但比較鹹。再嚟就係我嚟到呢度好想好想試嘅steak tartare $198我好鍾意牛他他嘅棉花糖口感每次去有beef tartare既餐廳都會叫, 因此食過好多間餐廳嘅牛他他，每一間都好有佢哋自己嘅獨特味道。每次都好有驚喜，見openrice食評講呢度嘅汁好特別所以我特別期待。比完sausage platter我哋好快就上埋個牛他他。我選擇咗食完牛他他先食啲香腸所以可能影響咗香腸嘅味道。牛他他望落去好靚，佢唔單止有必包嘅鵪鶉蛋之外，仲有令到成道菜會更加香口惹味嘅芝麻，少少嘅魚子，獨家製嘅綠色他他醬同埋少少嘅洋蔥絲。色香味嘅色佢就有啦，影相係靚嘅。唔知佢係咪改咗menu見其他食評話冇配麵包今次我哋就有三塊嘅蒜蓉多士。呢個牛肉他他，牛肉粒切得比較大，或者因為咁， 到叫佢做steak tartare。撈勻咗個牛他他冇配多士先食咗一啖，冇驚喜只有滑嫩嘅口感一道好plain ,冇光芒既tartare. 食唔出佢嘅獨家醬汁，自己落咗少少salt & pepper 去提鮮，效果就好返啲。食過咁多次牛他他今次係最失望嘅一次。配埋嘅蒜蓉多士雖然好上色，但係冇蒜蓉香亦都冇少少既蒜蓉味。最期待亦都係最失望嘅菜。呢度嘅waiter好細心，我都同佢溝通過希望食完我哋嘅appetizers先好上main. 一來張枱好細，二來我好怕食得好急上哂檯好快凍哂。當食完牛他他，而香腸拼盤仲有一半，佢走埋嚟同我講不如上主菜啦。我請佢等多陣，等我哋食完個香腸拼盤先好開始煮個牛扒。因為盤香腸其實都好油膩，需要多少少時間先可以食曬。啱啱講完三十秒之後，另外一個waiter行埋嚟，"your steak will be here in a minute"， 我即時請佢地等等“could you please wait till we finish the sausage platter?” 我明白佢哋係細心唔希望客人等嘢食等太耐，但我都唔expect我30秒之前講完，另外一個行埋你咁講，佢仲要唔係問我ready未係直接同我講好快就可以整好上檯... 如果佢哋分開，一個人負責一區，可能信息混亂情況可以減少。當我哋ready之後我哋就請佢哋可以開始煮牛扒。好快就上咗今晚嘅主菜，黎到扒房必食嘅牛扒。我哋叫咗14安士嘅肉眼扒。嘩，好香！唔好畀你嘅視覺呃到以為得個幾塊好少，14安士嘅牛扒因為佢比較厚所以睇落去以為好少，但其實份量都多。牛扒佢配咗六隻唔同嘅醬汁，我哋都係先食咗牛扒嘅原味再試下唔同嘅汁睇下佢哋配唔配。先要一讚嘅就係牛扒bbq得外面好脆，外面嘅焦香，加添咗成塊扒嘅層次,但好咸。而且佢哋處理牛扒嘅生熟度處理得好好，完全係我哋order嘅程度。但係點解我會話所有嘢都一般般呢，就係呢塊肉眼有好粉嫩嘅顏色，已經係medium rare,但竟然食落去比較鞋，冇肉汁, 太咸。比起佢既姐妹扒房，真係大大比下去。其他食評都有講到呢度嘅紅酒好唔錯又有驚喜，我哋都有叫咗兩杯紅酒。紅酒呢一part有少少驚喜，似啲高級餐廳咁，會先畀你試一試，你ok啦佢再倒杯畀你。我哋其中一款嘅紅酒比較多人點你可以見到佢個樽得番半支以下，唔知係咪多人飲一早就開咗支紅酒。飲落去ok，已經“開咗”, 放一陣就已經好mature，未食曬餐飯就已經酸咗啦。而另一杯比較少人叫嘅，有返曬成個紅酒嘅過程，同埋可以飲得出佢嘅變化。點解我會話佢少少似茶餐廳，黎呢度大家都應該覺得佢應該係fine dining, 成個過程比較chr, 1-2兩分鐘兩就會返轉頭問你諗好未。食前菜時朋友只係放低刀差，枱上面其實仲有嘢食，就已經收咗佢既碟。最後嗰塊牛扒我哋放咗喺自己碟未食，就已經要拎走啲醬，我哋同佢講其實我哋未食完,麻煩你放低啲醬汁。啱啱食完塊扒就即刻收曬你成枱嘅嘢，畀個甜品menu你，之後好快又行埋嚟問你叫唔叫甜品呀？唔叫就不如埋單啦,有人喺度等緊枱呀。但酒都仲未飲完。。。有咩地方個waiter會成日想趕你走？咪茶餐廳囉 oh ...譚仔都可能會佢裏面仲有好幾張吉枱，但係幾張都係四人枱，所以唔想畀出面等緊嗰兩個人。因此就過嚟同我講不如你走啦，我相信都唔係因為限聚令而唔畀人哋坐4人枱,因為之前呢啲枱都full曬。如果千幾蚊餐飯感覺似茶餐廳, 而食物所有都好average, 咁..要諗清楚啦。我去佢B 字頭同L字頭既餐廳都未試過咁。。我比OK而唔係差, 因為我覺得佢CP值唔高, 而不至於難食。如果真係date/ fine dine, 我會番去TST 既N 字頭餐廳，每道菜都有驚喜~~~想食扒會番去L字頭或G字頭。人地平d ，氣氛好，野食質素高d ,仲service 好好多。 …查看更多

十蚊兩球雪糕仲要咁大球係邊度搵呀？ 真係好耐冇食過咁平嘅雪糕，而佢嘅味道重要充滿驚喜！喺旺角行街成日都會見到個男仔拎住個牌買十蚊買一送一嘅雪糕卷，今次拎咗張券去睇下究竟係乜嘢，見到佢嘅雪糕味道好特別所以就試下。如果唔係個男仔同埋網上面良心店介紹，真係留意唔到佢哋嘅存在,味道好多,而好特別嘅白兔糖味，繽紛樂味，金沙味。仲有超級靚嘅彩色雪糕望住d choices 樣樣都唔錯, 真係好難揀。普通味嘅雪糕幾十蚊就可以由兩球特別版嘅可能就要加三蚊左右。我叫咗超少女心嘅彩色雪糕再加上繽紛樂彩色嘅雪糕，我相信係顏色嘅分別其實係同一樣味嘅奶味。如果你哋食得出唔同你記得話我知呀:)另外繽紛樂第一站感覺好似食緊金沙咁，但係當你食到榛子粒同榛子醬嘅時候成件事就返曬嚟喇雪糕畀我嘅想像中大，我以為佢會好似啲貴㗎sorbet店既size. 所以有少少驚喜。喺旺角呢個價錢食到咁嘅味道，咁嘅份量嘅雪糕，嗰個人覺得cp值幾高。不過因為疫情嘅原都唔係好想係街邊食嘢，好在佢係落咗地牢，感覺係街邊好少少:)…查看更多

太安樓係東區想掃街既好地方，佢唔只多款，仲價錢平民。想飽d可以食個熱狗，車仔麵，食個海南雞飯，粥品或者糯米飯； 口痕 可以食下雞蛋仔，魚蛋，手抓餅。。。今晚大概八點鐘先嚟到，又係嗰啲少少飽，唔太想食嘢，但係又想食啲嘢好矛盾嘅時刻。喺度行咗兩個圈食咗串魚蛋之後好想食返大雞蛋仔。呢度有兩檔雞蛋仔都好出名，就真係好睇你鍾意比較厚，定係比較脆，比較香，定比較有蛋味。我就比較鍾意蛋記，佢唔單止有過外國傳媒嘅報道亦都有阿蘇嘅認證。今晚比較晏所以只需要等一個人就到我啦。已經大概一至到兩年冇食過，入口嗰下所有感覺返曬嚟，比較薄身同埋脆。我講多次佢係比較脆，大家請留意蛋記雞蛋仔唔係嗰種中間好厚你咬落去啖啖蛋糕咁嘅雞蛋仔。佢係脆既😂😂我鍾意佢即叫即整熱辣辣。雖然熱得滯放唔落口，但係冇鬧市街頭一早整好放喺度畀你，上手淨係得暖嗰種好好多。好多人都話個仔整得畀媽媽好，食過好幾次我大致上認同呢個說法。但係如果講最好食既雞蛋仔，個人覺得一定係筲箕灣地鐵站附近嘅x調高手。如果去開太安樓又人多 你可以兩間都試哂架…查看更多