yanyi0611的个人专页

最近我鐘意左去「sensory ZERO」度食 lunch，依個月我都去左兩次，我最鐘意食佢地個M5+和牛肩溫泉蛋飯同埋飲佢地嘅特濃髒髒朱古力。有一次我飽飽地，就叫左佢地個 M5+ 和牛沙律，估唔到都好大碟d沙律菜又新鮮，真係值得一讚個M5+和牛肩溫泉蛋飯以半生熟和牛加上跟流心溫泉蛋製成丼飯，和牛肉質軟嫩，而且餐廳選用日本岩手縣「一見鍾情」新米，充滿米香，口感飽滿絷實另外，杯特濃髒髒朱古力係由三款法國Valrhona朱古力製成，包括牛奶朱古力、黑朱古力同埋白朱古力，所以杯朱古力濃郁厚滑，一飲就停唔到口。而且賣相又靚又 ，IGable…查看更多

前排，因為某某 youtuber 嘅介紹，得知道Mango Mania進駐左香港。聽聞Mango Mania 係泰國常常大排長龍，佢地嘅人氣食品包括芒果冰、芒果蜜糖多士、芒果狂熱、芒果糯米飯芭菲等等，所以我男朋友身為芒果迷，絕對唔可以錯過。Mango Mania採用清甜、無纖維渣滓嘅泰國水仙芒，配搭其他新鮮食材，炮製出一款款果香濃郁的滋味甜點。我同男朋友可能因為當日八點幾先去到餐廳嘅關係，去到嘅時候，好多甜品都賣晒，所以我地只係叫左兩杯芒果特飲同埋芒果椰汁西米露，雖然我地都有啲失望，係因為我地食唔到餐廳嘅招牌甜品，但係杯芒果特飲都好好好好味…查看更多

The Tiffany Blue Box Cafe由品牌主色Tiffany Blue和戒指盒為靈感作裝潢，Cafe內部設計全以Tiffany 色作主調，非常夢幻。我同朋友從上年Tiffany Cafe 開業後，一直都好想黎朝聖一下，可惜太多人，所以就等到今年我生日先去試下。可能因為疫情關係，而家反而唔太難訂位👍🏻係Tiffany Cafe享用下午茶，最大特色必數品牌嘅瓷器同埋餐具，精緻茶點都用自家品牌的餐具盛載，令afternoon tea氛圍更富藝術感！最後要講下個 tea set，咸點有魚子醬撻、鴨肝醬凍球、火腿芝士脆盒、黑毛豬火腿zcq吞拿魚他他三文治；甜點保留美國menu的鳥巢朱古力蛋，另有以白桃果蓉製成的香檳珍珠，咖啡忌廉味的閃電泡芙、士多啤梨三重奏等。我最鍾意食都係小紅莓鬆餅，新鮮溫熱，而且軟硬適中夠鬆軟，紅莓超豐富！…查看更多

今年母親節同男朋友一家人去左Ritz-Carlton係103樓嘅餐廳嘆返個海景下午茶佢地個 tea set 入面有四款鹹點同埋六款甜點，大部分都唔錯。不過最深得我心嘅係佢地個原味鬆餅，鬆餅配上奶油忌廉及士多啤梨果醬真係好好食另外，佢嘅 tea set 包括左自選中西茗茶﹑咖啡或麗思卡爾頓朱古力。茶嘅種類多到我揀左一陣先揀到🤣總括黎講，一望無際的維港美景，配上依個 tea set 已經值回票價我都想等遲啲疫情過後，book 一次 dinner buffet 黎試下~…查看更多

身邊總有幾個放題控，說到火鍋、雞煲，新南苑私房菜火鍋雞煲算係唔錯嘅選擇。人多聚會頗為合適，皆因火鍋店設獨立房間可訂，私隱度高。因此，係最近一個週末，我同左幾個朋友去左灣仔新南苑食雞煲同埋打邊爐。首先我想讚下餐廳嘅侍應服務態度超級好👍🏻 個雞煲同埋椒鹽炸鮑魚都好正，我好想再 encore，可惜要留肚打邊爐😂 依個雞煲打邊爐套餐包左按人頭份量海鮮、牛肉。另外包括埋其他嘅火鍋配料放題，質素不俗，值得再去，我嘅朋友果然冇推介錯😊…查看更多

有一日放工之後，同同事去咗山旮旯度食晚飯，我地都太肚餓，叫左好多野食，我哋叫咗意粉，德國豬手，泰式拼盤，炸薯條同埋炸雞軟骨等等。每一樣都好好味，可惜我地都好餓，又傾得興起，有d野食我都唔記得咗影相😭不過依餐我覺得比較深得我心嘅係d炸物，岩岩炸起， 好夠熱，好夠脆，用黎送酒一流。我地每人都叫左杯 cocktail，我叫左杯朱古力奶咖啡 Baileys，杯野嘅 presentation 好得意，post 上 ID d朋友都以為我飲緊朱古力奶🤣…查看更多

休息咗一段時間終於的起心肝寫返食評。我成日係 IG 都見到d人 post食Omakase 嘅相，每次見到都好想食。前排我同男朋友係拍拖紀念日當日，去左位於銅鑼灣嘅鮨幸食 Omakase 慶祝。我想講由沙律、壽司、手卷、茶碗蒸及甜品每一樣都好精緻，食材好新鮮，調味有 surprise 到我同男朋友，真係好好食，我地都食得好開心🥳最令我印象深刻係紫蘇花果件壽司同埋吞拿魚腩金箔手卷。而其他壽司例如北海道甜蝦、海膽、赤身、中拖羅、大拖羅、野生銀鱈魚、針魚、右口魚等等，都屬水準之作。最後食埋個咖啡味雪糕做甜品，真係為完美嘅一餐，正式劃上句號。…查看更多

我一直都好想去九龍城食一次泰國菜，因為成日都聽聞九龍城有好多好食嘅泰國餐廳，所以趁住今個月我生日，決定同朋友去九龍城食飯慶祝。我聽哥哥嘅推薦後，就揀左金寶泰國菜館。我哥哥推薦e間餐廳係因為e間餐廳可以同一時間叫泰國菜同埋越南菜黎食，而且味道算係好正宗，正正滿足我兩樣菜色都想食嘅慾望。我同朋友叫左泰式生蝦，冬陰功，泰式串燒，越南小食拼盤，菠蘿炒飯，柚子大蝦沙律同埋甜品。咁多樣入面我最鐘意食生蝦，串燒同埋越南拼盤。佢嘅生蝦好新鮮爽口，係生蝦上面舖上大量蒜粒及指天椒，淋上青檬醬汁，大辣大酸咁好過癮，岩晒鐘意食辣嘅我。至於佢嘅越南小食拼盤有蒸粉皮，鮮蝦粉卷，越式炸春卷，炸蝦餅，各有各嘅特色，每一樣都好好味。不過個人私心推薦係佢個蒸粉皮同鮮蝦粉卷另外，佢嘅串燒唔會燒得好乾，d肉都幾 juicy，沾上沙嗲醬黎食好野味整體黎講，e間餐廳價錢公道，材料新鮮，菜色多樣化，如果有機會我一定會再來!…查看更多

今晚同男朋友去麵屋福度食晚飯。餐廳嘅沾麵有三種口味，分別係魚介豚骨，黑蒜油豚骨，蕃茄紅油。 最吸引我想試嘅係佢嘅魚介豚骨沾麵，因為越簡單嘅菜式，要煮得好味，其實係好難的。而我男朋友就揀左黑蒜油豚骨沾麵。 佢嘅魚介豚骨沾湯色澤深濃，沾湯上有大量魚介粉，加埋蔥同埋洋蔥，令到味道更加有層次，而d麵都能夠掛滿沾湯，好味不過我覺得有少少可惜嘅係個沾湯唔算好夠熱，同埋個麵冇得揀凍麵...不過e個只係我個人嘅偏好，所以100分黎講，佢都有70分，e碗麵入面食得出有用心烹調嘅味道爭d唔記得左講下，個沾麵本身包左一隻半熟蛋同埋二片肩胛肉叉燒，半熟蛋味道濃香，而佢嘅叉燒雖然薄，但豬香味足，同埋調味岩岩好，唔會過咸又唔會冇味，我鐘意食…查看更多

Sodam Chicken係韓國十分有人氣，佢係2016年黎左香港。不過我印象中第一次去食都係係舊年，我記得我係為左試佢個鹹蛋炸雞而黎。餐廳主打各款炸雞、烤雞，佢會不定時推出唔同嘅特色口味，例如鹹蛋味、檸檬柚子味炸雞。今日 lunchtime，我同同事黎左 Sodam 食飯。餐廳由今年年頭開始都做緊買一送二嘅優惠，即係叫一個炸雞或者焗雞，都會送多一個雞同埋一個小食。小食可以揀薯條，薯格或者泡菜魷魚，好抵食😆我地叫左鹹蛋炸雞，檸檬柚子炸雞，甜辣醬炸雞同埋濃蒜炸雞。想講餐廳上菜速度係有d慢，所以你地需要預多少少時間黎食。係四個味道入面，我緊係最推薦鹹蛋味，我覺得配炸雞好特別同幾夾，同埋係出面食唔到。反而我覺得其他味道太過中式，有d唔太夾，例如濃蒜味，個炸雞冇配上炸蒜片，餐廳係用左蒜醬代替，但個醬太似食緊蒜蓉蒸帶子個味😂…查看更多

今日同同事黎左 Hysan 嘅 Pizza Maru 食 lunch。一進入餐廳，牆身色彩繽紛嘅佈置，旁邊擺放著多個小盆栽，綠色植物令人感到 relax，整體充滿朝氣活力，環境舒適寫意。餐廳嘅招牌菜係Pizza，我本身想食 Pizza 嘅。但d同事想食意粉同埋炸雞。所以都係留返下一次有機會再黎食啦除了左Pizza ，餐廳仲有多款炸雞、韓式拌飯/炒飯、意粉、炸物、炒年糕、小食、沙律、特色飲品等等。我最後揀左個蜆肉意粉同埋蜂蜜牛油秘製炸雞。個意粉幾多蜆肉，意粉煮得岩岩好，個調味又唔錯。反而個韓式炸雞我就覺得麻麻地，有d炸得過左火，冇左香脆多汁，肉質嫩滑可口嘅感覺。同埋調味方面略嫌不足…查看更多

朋友生日，佢好鐘意村上隆嘅作品，所以我就帶左佢黎Curator食野。Curator 係一間潮流藝術咖啡館。餐廳將藝術融入生活之中，餐廳放滿草間彌生丶村上隆丶KAWS丶Jeff Koons Balloon Rabbit丶KAWS 等等人氣展品，讓客人可以係餐廳內一邊欣賞藝術品，一邊嘆下午茶，感受一下現代嘅藝術情懷餐廳裝潢色彩繽紛，讓人感到充滿活力。雖然環境不算好大，但都算係坐得舒適自在。餐廳最大特色嘅係藝術打印咖啡！客人可以自行選擇圖案或自已提供圖片比咖啡師，製作出獨一無二的凍咖啡或凍朱古力，杯朱古力又靚又好飲，用嚟呃like就岩晒喇至於食物方面，我最鐘意佢碟大蝦意粉，意粉有六隻牛油焗蝦，d蝦肉飽滿彈牙，味道唔錯！意粉用蕃茄醬丶九層塔和帕馬臣芝士調味，蕃茄味濃，又惹味又好食！而佢個炸雞都唔錯，佢嘅外皮好脆，加埋溶左嘅芝士，好好食…查看更多

不忘位於又名韓國街嘅尖沙咀金巴利街，聽朋友講呢間小店主打雲浮石磨腸粉同自家手工餃子，即叫即製熱辣辣好好食。我同男朋友今晚各自叫左佢腸粉配餃子果個 set。佢地嘅腸粉有九款配料想點配搭都得。我就揀左薑蓉豬潤芫荽腸粉同埋韭菜豬肉湯水餃，而我男朋友就叫左香蔥肥牛雞蛋腸粉同埋生煎韭菜豬肉餃。聽人地講過，其中一位店主去過雲浮跟師傅學過點整當地嘅正宗石磨腸粉，難怪d腸粉皮蒸出黎厚薄剛好，d腸粉透薄到可以清楚睇到配料，而且又好滑我果個薑蓉豬潤加埋芫荽嘅調味同配撘真係無得輸嘅。而肥牛雞蛋腸粉，雞蛋包住腸粉皮，我覺得食落個口感都好過癮，仲更加滑，不過我個人比較鐘意我揀果個多d，因為感覺先係食緊傳統嘅腸粉。另外，最值得一讃嘅係佢地嘅甜豉油同辣椒醬都係佢地自己整架，調配過嘅豉油甜甜地又有鮮味，手炒辣椒醬又香又辣，好岩鐘意食辣嘅朋友。最後要講下佢地嘅煎餃，餃子個皮脆卜卜，而且餃子皮厚薄適中，唔會一夾就爛又唔會厚到好似食緊粉咁。裡面嘅豬肉亦仲有少少肉汁，調味又岩岩好，加埋我最愛嘅韭菜，真係冇得輸…查看更多

我平時都有同同事黎呢度食 lunch 嘅，但我就從來冇叫佢韓牛 bbq嘅 set。我見平時佢嘅 lunch set 質素都唔錯，所以就同男朋友黎試佢個韓牛 bbq set。我地分別叫左一個自選嘅set 一個特定左嘅set。兩個set都有跟個韓牛飯，個飯 mix 埋粒生雞蛋連埋少少醬油嘅調味，超好味至於d韓牛，每件都好好味，我覺得最好味係果塊月見韓牛同牛舌，塊月見韓牛好香牛肉味，油脂比例啱啱好，正下次再黎食一定會再叫。最後不得不說，佢d前菜都好正好新鮮架，絕對唔係 hea野…查看更多

至從上星期同男朋友食完覺得e間台灣野好有 heart 後，今晚再黎食多次啦，點知道野食質素好似有少少遍差了。我地今次叫左個鳳梨三色蕉炸蝦球，同埋炸雞扒，兩樣上黎都唔係新鮮炸起，好似係已經炸起放左一段時間咁樣，兩樣野食都唔係熱辣辣，特別係個炸蝦球個炸皮好林，又冇調味，如果連個沙拉醬都冇埋，咁就真係乜野味道都冇。至放個炸雞扒，由於唔係即叫即炸，所以都係比起上次失色左。Anyway下次都會再食多次，希望能夠去返第一次嘅水準啦…查看更多