Hazechanhei的個人專頁

今日終於試左樂團圓啦!叫左谷友推介0既出名大隻0既雞脾黎試,諗住試下咖哩汁同黑椒汁，但係同外甥女去食關係吾叫得辣;所以叫左茄汁!等左約15分鐘終於到有得食啦~嘩…真係好大隻雞脾丫😍!正~睇落好似燶燶地但食落一d都吾燶，外脆內嫩☺!!!老闆都好好人吹下水話點解要等甘耐，原來是個師傅堅持即叫即炸!👍👍👍等是值得的!…查看更多

4人行晚飯後，睇完5個小孩的校長去食個糖水先!上open rice睇下有咩推介啦!搵到間老字號糖水舖'浩記'!!!行到門口仲以為係買藥材的小舖(外圍睇以為鐵打舖過D門口比較舊)!環境比較細只得6，7張圓枱!入到去只得一枱客~死啦我心諗無咩人食0既，座低左無理由走嫁!睇下餐牌有咩甜品先!仲後我地叫左馬來喳咋，蓮子桑寄生蛋茶，生磨合桃糊 同 芒果西米露!個個食完都話正，我地又多個食糖水地方;樣樣都係傳統0既糖水~好有懷舊0既感覺!不過只有個芒果西米露中💀~西米一舊舊，事實証明傳統野緊係食熱野啦😂😂😂餐牌原來有餈飯叫，吹吹下水口痕諗住叫個黎試啦;點知話買曬……下次真係要試下個餈飯先得走時張張枱都座爆……仲有人係外面等位tin，事實証明我地帶旺左個場😂😂😂…查看更多

復活節最後一日假，陪老豆去左金魚街睇魚!行到肚餓……之前同事介紹過旺角豬油渣麵!今次帶老豆去試下啦!都吾算難搵~係花園街中間位~一入到去已經好爆!好彩剛剛有2個人食完走即時有位座!環境都算乾淨，不過地方較窄!睇下餐牌有咩好食先~嘩……好似中學時代去到小食檔食飯甘~好多小食!最後叫左2碗馳名油渣麵，1份煎魚餅 同 2杯豆漿! 黎到碗油渣麵好有驚起(七彩顏色甘~好靚又有火腿絲啦冬菇啦菜甫啦冬菜啦仲有少少蔥花)味道有點咸又辣辣地(因菜甫是辣的)，又幾好味wor!同出面油渣麵好吾同好足料! 煎魚餅$13~3塊! 好大塊味道好味又熱辣辣(入門口左手邊可見到即時炸)加埋杯豆漿-食到好飽!老豆都話吾錯!見到好多人食腸粉下次試下先!…查看更多

前兩日預早訂左今晚4位六點半，地鐵站A出口行去都吾洗8分鐘;去到未算多人!座低後大家睇下有咩好食，個個話無所謂~最後由我發板，好彩小弟做足功課睇下巴打C打有咩推介者!叫左個蠔仔粥~好大鍋…每人都分到3碗!又好味又多料呢個薯仔牛柳粒…黎到個樣已好吸引-一食個個都贊好味!!!好味不是牛柳粒而是薯仔粒~個朋友仲問可吾可以淨叫薯仔粒😅，最後緊係一粒薯仔粒都無得淨啦…淨返只有幾粒牛柳粒石頭芥蘭又幾特別，聽聞得呢間萬發用石頭鍋~味道好合大家胃口…無得淨😂豉椒炒聖子~$35隻大聖子!黎到比我預期細…每人一舊仔一啖食曬-個豉椒汁偏辣~個個朋友又話好辣!不過我覺得辣得黎好正😙風沙雞半隻，個肶位外脆內嫩~每次食小炒-椒鹽鮮魷是必食之選…黎到個樣好吸引炸到金黃色又大件!不過食落有d失望太多粉4個人食左6款野，每人都吾洗$150-抵!味道又好味!等我諗定下次黎食咩先!…查看更多

今早食左個早餐~炒蛋真係好好味!多士又正~旺角黎講早餐真係good good good !環境好好，好多明星簽名;不過見吾到明星隔離枱叫左校長多士，睇個樣好吸引;下次一定要試下!叻~我至叻…查看更多

問左深水涉地頭蟲有咩晚飯推介，介紹左: 容記小菜王，4人行約6點半到時~好好彩吾洗等位(可能早0既關係)，一座低個服務員就話7點9就要交檯; 仲諗住慢慢食慢慢吹水tin!唉~得個幾鐘時間!拿拿淋問下有咩推介啦~服務員都好有禮貌同詳盡介紹-good!最後叫左真係無介紹錯，好味到停吾到口嘩-睇見都想食~數到有5層蝦餅配個沙律醬-彈牙薯仔好味過牛仔~吾錯丫有水準😊呢餐個個都話正,下次約多d fd黎叫多幾款餸先得👍👍👍👅…查看更多