好孩子 Philip的个人专页

地址: 大角咀博文街11號富貴大廈西座地下16號鋪(以下圖片可以按圖放大作最佳輸出)香港咩人都有...利申一: 有人 send message 黎話我係打手, hm...湯底用左幾多個鐘頭同用幾多斤豬骨煲, 食店既食材喺邊度運黎, 呢 d 我唔識寫, 我只寫我食完既感覺。香港咩人都有...利申二: 拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感。好唔好食? 又睇落去? 黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...小林札幌拉麵大角咀博文街位置不太就腳, 不過附近有奧海城幾個屋苑, 亦有商業大廈, 所以亦有唔少中西日食市進駐呢區, 其中一間拉麵店係小林札幌拉麵!晚飯時段, 有二人餐, 亦有一人前, 後者 $78 同 $85 分別不大, 兩 set 都有小食選擇, 可配小食: 餃子/炒飯/雞軟骨/雞翼/咖哩飯/炸薯餅, $85 跟飲品。SET 送上薯仔沙津, 薯仔加洋蔥絲仲有蛋味, 幾甜, 好醒胃! 好味!點了招牌牛油拉麵, 上面黃色正溶解中既係牛油。賣相跟八八八拉麵同 Domon 札幌拉麵相似。湯對我個人喜好黎講豬骨味唔夠濃, 飲一啖無躍躍欲試再快快飲多一啖既感覺。嘗試將溶解緊既牛油撈暈全碗再試一口, 好一點! 再加少少七味粉先啱番個人口味。叉燒接近完全走肥。麵條煙韌係全碗麵最好一環!拉麵配餃子是王道!餃子絕對驚喜! 一定唔係包包雪藏餃子 STYLE, 半開口煎有肉汁唔乾! 即使餃子皮不脆亦好食! 咬下亦有一小點攻鼻感覺, 係多蔥還是有 WASABI? 好味!晚飯時段, 客人一兩枱 (我進場時一枱, 離場時兩枱)。總結:埋單 78 連加一 $85, 呢個價錢有拉麵加小食同沙津係相對抵食。至於味道方面拉麵唔能令好孩子有太深印象, 反而餃子確實同其他拉麵店唔同! 店處於大角咀地帶, 地方有點隔涉, 未至於為試食而去。環境:♥♥♥衛生:♥♥♥服務:♥♥♥味道:♥♥抵食:♥♥♥♥推薦:♥♥以上: 旺角, 小林札幌拉麵, 好唔好食又睇落去, 好孩子香港日本拉麵道場小戰爭, 拉麵, 香港日本菜 …查看更多

好唔好食?又睇落去? 第345回: 香港日本拉麵道場小戰爭(10) 荃灣台風拉麵湯底水質與別不同! (哇! 咁抽像?)!地址: 荃灣大河道81號寶成樓地下7號舖(以下圖片可以按圖放大作最佳輸出)拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去? 黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係... らーめん台風!拉麵小戰爭集中銅鑼灣區尖沙咀區, 其他比較冷門既新界區例如呢次食既 "らーめん台風" 就位於荃灣。話說七點黎到門口有五六人坐喺門口排隊! 店員遞上一張點麵紙, 揀好進店開餐, 好唔好食?又睇落去?門 口用透明膠篷分隔開街外同食店, 因為對出面係小公園, 無玻璃門相隔其實衛生方面會有點兒那個...走入店內, 目測約可容納十多人, 反 "L" 字形座位。帶位店員非常殷勤細心, 全店職員亦好有熱誠, 真係感覺到! 值得一讚! 所有食客都踏上高凳既一級就座, 然後由店員推食客高凳進內, 因為地方淺窄, 有點壓迫感。店員再遞上吊鈎, 等客人可以將隨身物吊喺枱下, 日本好多拉麵店都有呢種做法啊!店內四款拉麵 (見圖), 其中豬軟骨骨膠原撈麵原來係"沒有湯的拉麵", 哈...我今次試 CLASSIC 既魚介豬骨湯拉麵, 好味既話, 日後再試"沒有湯的拉麵" 都未遲!可以選擇個人喜好既點菜紙, 揀適合個人口味既選擇, 通常覺得味道唔好既機會相對細 D。喺 ORDER 紙上其中一 PART 加配菜, 見到有半熟蛋揀, 問問店員本身碗麵原來係包半隻蛋。香港部分拉麵店本身係唔包蛋既, 呢點要留意啊。魚介豬骨湯拉麵 $78拉 麵上枱, 賣相擺位一般, 碗拉麵既外表我睇得好重...因為一碗拉麵有系統咁擺位, 湯汁唔會四淺, 整整齊齊, 大多數日本當地既拉麵外表上藝術性含量高。要令食客有正面既 "哇! 睇落好好味啊!", 你已經成功一半! ANYWAYS, 唔好好似亂放食材既車仔麵為合格指標。指 定動作, 用匙壓一壓欣賞漩渦裡的湯! 豬骨湯味濃, 很厲害既湯底! 我指既唔係個味道! 味道濃但層次感不高, 即係湯很單調, 但係個湯水質地好明顯同其他拉麵店唔同! 你可以笑 "哇! 你講咩? 咁抽像! 咪扮高深!" 簡單 D 黎講, D 水真係有 D 唔同!叉燒我純個人口味傾向咬下即化油脂多那種, 這塊叉燒肥脂不多。一碗麵跟半隻半熟蛋。麵條中粗麵, 選擇最硬度。有點似油そば!總結:唔喺拉麵道場既地區競爭係 OK 的。整體拉麵唔算突出, 如果住得遠離荃灣, 不建議為去而去。環境:♥♥衛生:♥♥服務:♥♥♥♥味道:♥♥抵食:♥♥♥推薦:♥♥以上: 拉麵台風, らーめん台風, 好唔好食又睇落去, 好孩子香港日本拉麵道場小戰爭, 拉麵, 荃灣, 香港日本菜…查看更多

話說喺深水埗食完新香園既蛋牛治, 行去另一邊試下另一間人氣食店: 芽莊城。哇! 喺街市上既熟食市場啊! 下午茶時段部分食店落場中, 無咩燈光暗暗地, 環境唔多乾淨, 會唔會中伏呢? "好唔好食? 又睇落去?"!好唔好食?又睇落去? 第342回: 深水埗芽莊城三十元碗足料越南牛肉粉!地址: 深水埗北河街市政大樓2樓熟食中心10號(以下圖片可以按圖放大作最佳輸出)街市上層別有洞天。芽莊城係行到最篤篤角落頭位置。睇下餐牌, 價錢真係化算, 最貴既招牌湯河粉都係 $32! 今時今日租金咁貴, 想搵間食店 $30 一個飯真係好少見! 仲要最賺既加錢涷飲都係加一元!要個招牌湯河粉, 哇! 比想像中大碗好多啊! 食物擺法唔"拿西"!料有肥牛、牛展、雞肉絲、扎肉、芽菜。個湯香料幾濃烈, 飲一啖湯, 未至於天下無敵, 但係都唔差, 性價比特高!新鮮熱辣辣, 河粉同配料無將貨就價! 只可以講 $31 大大碗足料, 已經加分不少!總結:今 時今日香港有好多食店因為租金貴而偷工減料, 遇到性價比高既食店機會少左好多。當然 $30 一個飯絕對無可能要食店比到酒店式既服務同環境你, 呢樣野正常人都知道 (不過據我所知好多都唔係正常)。呢個招牌湯河粉唔係 100 分好味, 我覺得 70分好味, 但性價比值 $60, 即係高出自己願意比既價錢兩倍, 好抵食! 如果係因為為左味道而去食, 亦未至於; 但係如果為味道 OK 同飽肚同抵食, 呢間真係 GOOD CHOICE!環境:♥衛生:♥服務:♥♥♥味道:♥♥♥抵食:♥♥♥♥推薦:♥♥♥以上: 好唔好食又睇落去,深水埗,芽莊城…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食? 又睇落去?"!地址: 深水埗桂林街38號A地下好唔好食?又睇落去? 第341回: 深水埗新香園蛋牛治一招打天下!(以下圖片可以按圖放大作最佳輸出)深水埗好多小食好出名, 咁啱整野經過, 今次試左兩間, 呢間名氣店叫新香園, 馳名蛋牛治。TEA TIME 時段, 店內坐滿人, 一個人食搭枱坐密 D 所以無問題。食野期間, 客人真係絡繹不絕, 大部分食客都係要蛋牛治!隻碟寫住おいしい啊! 試下?我鍾意個蛋有 D 蛋汁, 呢個就少 D...牛肉碎就幾好味。埋單 $17 (烘底加 $1)總結:蛋牛治味道 OK, 經過可以一試, 但就唔使特登為去食而去深水埗。收銀既係一個 TVB 既男藝員, 但我真係 UP 唔出名...環境:♥♥衛生:♥♥服務:♥♥♥味道:♥♥♥抵食:♥♥推薦:♥♥♥以上: 好唔好食又睇落去,深水埗,新香園…查看更多

拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係... 地址: 中環歌賦街5號地下(以下圖片可以按圖放大作最佳輸出)來自四國既周月喺, 中環歌賦街, around 中環上環交界, 要到周月食拉麵, 要先有爬五分鐘斜路既決心! LUNCH TIME 等左十分鐘有位。menu 幾得意, 畫畫作為 menu。拉麵店既 menu, 有沾麵,撈麵和三款拉麵揀, 只要有つけ麵既選擇, 都會優先選擇 order!面向廚房, 睇住拉麵男煮拉麵; 其實都係一種享受, 周月都好有日本風!周月つけ麵既湯, 有超強烈醬油味, 有別於其他店既つけ麵。85元, 要加一。喝了一口湯, 那層醬油加上蔥揮發出既味道非常濃烈!肉既肥膏與肉比例也不錯, 一塊上可能太肥, 切粒就相對易入口, 唔錯的!麵 條是冷粗麵, 麵質剛好, 完全 match 我個人喜好! 以麵條黎講, 冷, 粗, 彈, 暫時我覺得最好既一間。3款麵條可供食客選擇, 分別係100克、200克及300克, 我揀 200克, 價錢一樣。我見到隔離食湯麵既麵條, つけ麵麵條係粗 d。原來呢間店喺麵條上處理幾細緻!麵唔難掛湯, 如果覺得咸, 落多幾注麵掛一掛就會體會到個醬油味道其實好好味!一碗麵跟半隻蛋, 反而覺得麻麻。食完個麵, 要求加湯, 味道無咁濃烈剛剛好。總結:周月個魚介醬油湯, 上佢地既網頁睇有關資料, 原來個湯有來自熊本既鯖魚粉, 愛媛縣出產既醬油, 北海道既昆布, 還有瀨戶內海既鰯魚乾, 產生既味道令人深刻, 雖然以香港食客黎講, 未必接受到周月咁濃醬油既湯, 但係呢個特點真係可以喺香港既拉麵店群中 differentiate 到自己最特別既形象。我接受到呢款味, 但不至於大愛; 大愛既係佢地既麵條, 水準好高! 我會繼續喺搵最啱自己口味既湯底!環境:♥♥♥♥衛生:♥♥♥服務:♥♥♥♥味道:♥♥♥抵食:♥♥♥推薦:♥♥♥以上: 好唔好食又睇落去, 好孩子香港日本拉麵道場小戰爭,中環,拉麵,周月,日本菜, 食評, 食記,ラーメン,ramen, 好孩子,好孩子PHILIP…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...好唔好食?又睇落去? 第337回: 香港日本拉麵道場小戰爭(5) 荃灣睦美屋拉麵來自北海道之賣相絕對係重要既一環!地址: 荃灣大壩街4號荃灣廣場4樓一田百貨4003至4004舖(以下圖片可以按圖放大作最佳輸出)睦美屋來自北海道, 日本全國有 28 間分店, 位於荃灣一田百貨內既係唯一一間海外分店。創辦人竹麓輔更有漫畫家將其奮鬥史更改編成漫畫。呢間我係之前睇宣傳相片而黎, 因為幅相影得十分吸引。問店員邊款多人話好味? 黑味噌同酒粕濃厚味噌都多人鍾意! 酒粕濃厚味噌拉麵睇黎幾特別! 就呢個!通 常傳自日本既拉麵, 無論係蛋, 叉燒, 配料等擺位好多都會有個基本型態喺度。即使影宣傳或 menu 相唔會完全一樣, 亦唔會相差咁遠...呢個拉麵只睇隻蛋既蛋白比蔥菜蓋住外觀上唔太好吧...係咪我雞蛋裡挑骨頭? 你可以睇以下我最近兩篇拉麵店既正面影既拉麵圖黎比較一下:http://www.openrice.com/restaurant/commentdetail.htm?commentid=2328173&tc=sr2&con=rvwhttp://www.openrice.com/restaurant/commentdetail.htm?commentid=2327485看看賣相相對不太好吧?講完賣相, 就睇內涵, 先喝豬骨湯底濃厚, 酒粕令湯帶酒香, 幾特別既處理手法, 呢個湯真係唔錯! 平時飲豬骨湯, 頭兩啖好飲, 跟住就無太大感覺, 反而呢個湯因為酒粕, 令每次食啖麵, 飲一下湯仍然可以保持新鮮感!叉燒用的豬腩肉, 一小塊, 跟其他拉麵店比較, 叉燒未見突出。而且呢塊迷李叉燒一定不夠喉。鍾意食叉燒既朋友一定好失望而回。本身拉麵無跟蛋既, 加蛋要 $5, 上枱先知道係半隻。麵...純個人喜好, 對我黎講, 真係太淋...非常麻麻。注意: 埋單要加一。總結:去之前睇過雜誌同食評, 發現開業初期既每碗麵既叉燒同蛋放喺碗上睇起黎確實唔錯, 宜家一比之下明顯係兩回事。賣相絕對係拉麵好重要既一環, 外觀好增加食慾; 以呢個價錢黎講, 更好既拉麵選擇多的是!環境:♥♥♥衛生:♥♥♥服務:♥♥♥味道:♥♥抵食:♥♥推薦:♥以上: 好唔好食又睇落去, 好孩子香港日本拉麵道場小戰爭,荃灣,拉麵,睦美屋,北海道,日本菜, 食評, 食記,ラーメン,ramen, 好孩子,好孩子PHILIP…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...好唔好食?又睇落去? 第339回: 香港日本拉麵道場小戰爭(5) 麵屋武藏集團加入"不會光顧系列"?地址: 沙咀廣東道17號海港城海運大廈 LCX 3樓31號店(以下圖片可以按圖放大作最佳輸出)所 有食店打開門口做生意, 再差都一定有佢優點之處, 開餐既時候都會盡量欣賞食店既野食味道既優點, 我既尺度唔算高, 所以 "OH! 好味" 或 "咦! 幾好味" 都常掛咀邊, 食野既過程都好享受, 食野除左求好味, 由進入食店進食到離開成個過程亦係求開心。不過, 有時真係會遇到不快經歷。麵屋武藏集團初登陸香港時試過去 APM 食沾麵, 印象中味道中下, 質量跟其日本主店相比仲有一段距離, 。近期寫番 BLOG 到處搵拉麵食, 見其分店開多左好幾間, 於是試試水準有無進步。食店我係入左去, 不過無食就離開, 點解? 又睇落去?三 點半 TEA TIME 時段喺尖沙咀, 想食拉麵, 因為大多拉麵店都會有落場時間 (AROUND 2;30-6:00), 位於尖沙咀海運既麵屋武藏虎洞 TEA TIME 仍然營業中, 所以走去一試。坐低三點九就座點左個沾麵。坐喺 BAR 枱前, 睇下廚房, 幾個 STAFF 可能 TEA TIME 關係, 動作頗悠閒。結果我等左十五分鐘都未有拉麵到, 大部分食店上拉麵既時間大約五分鐘至十分鐘, 我心想會唔會係 TEA TIME 所以處理上需要多少少時間, 例如燒叉燒或甚麼原因, 再等多五分鐘。呢段時間我留意廚房既 STAFF 係咪整緊碗麵。係無既, 所以我相信係漏左單。於是我向個著西裝既 STAFF 話可否追追個拉麵? 香港既 SERVICE 有幾好你我都知, 聽左你之後回應會追十居其九都係唔會再番黎同你交戴要等幾耐或者發生咩情況。廚房既 STAFF 既零動作顯示, 似乎...或者整拉麵喺另一邊廚房? 等多五分鐘後, 我搵你一個 STAFF 追, 呢個 STAFF 喺我視線範圍內直接向廚房既 STAFF 指示, 跟住佢過番黎回應, 原來廚房漏睇單, 要等八分鐘整過。我回應很簡單, 不用煮了。而由始終至終我都無聽到一句道歉, 不過不用你道歉, 因為我不會接受漏單兩次既過失。總結:我作為食客, 只想喺食野既過程同野食既味道覺得開心, 因為店員兩次過失, 這次經歷很不快。環境:♥♥♥衛生:♥♥♥服務:0味道: 不詳抵食: 不詳推薦: 不推薦以上: 麵屋武藏, 好好唔好食又睇落去, 好孩子香港日本拉麵道場小戰爭,尖沙咀,拉麵, 日本菜, 食評, 食記,ラーメン,ramen, 好孩子,好孩子PHILIP, 食評…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...好唔好食?又睇落去? 第337回: 香港日本拉麵道場小戰爭(4) 元朗半天遊第三間食店: 焰拉麵! 入元朗不就是為了見她?地址: 元朗康景街1 號裕景坊20號祥發大廈地下(以下圖片可以按圖放大作最佳輸出)今 次入元朗難道不就是為了與她見面? "好唔好食又睇落去" 過往三百幾篇, 我無記錯應該係無寫過元朗既食店, 因為我真係好少入元朗。所以珍惜入元朗既短短幾個鐘, 盡量食多 d 出名好味既食店, 四點食"好到底", 五點食"勝利牛丸", 約左友人六點半去第三間目標食店, 見仲有時間, 於是五點半去"一人前"拉麵試下拉麵, 可惜到六點都未開 (食店營業時間寫五點半) , 想試都無時間喇!六點半到"焰拉麵"! 友人剛剛好到! 時間早, 人唔多, 唔駛等位直入!黎 元朗前, 我 call 元朗好友話會入元朗食野, 佢完全唔敢相信! 因為叫親我入去不下於五六次都唔去, 唔知係咪細個十二三歲時有陰影, 我無記錯搭巴士入去要搭好耐, 仲"搖"到嘔咁濟, 嗰陣時仲記得去左 d 農地...都好多年前喇...友人: "你真係入黎元朗, 我仍然唔敢相信!" 笑死了!Anyways, 講番"焰拉麵"先, 其實元朗既拉麵店我有三間係有興趣, "焰拉麵" 係首選, "千里迢迢" 黎到希望唔好失望啦! 店內有五款拉麵, 亦有鐵板飯類同小食等, 以拉麵店黎講, 種類選擇好多下! 額外餐牌更有我最愛既つけ麺!店員好清楚介紹同指示, 食客只需要圈自己按喜好圈上要點的菜即可。填完呢張紙我幾分鐘後改單都無問題, 因為加蛋 $10, 望真個 set combo 加 $20 有蛋有沙津有汽水有甜品, 好化算!Set combo: 沙津半熟蛋原隻上, 等麵上先拆開!今次無揀つけ麵, 揀湯拉麵: 鮮焰; 友人則要赤焰。木魚, 木耳, 竹荀, 蔥, 海苔齊哂腳! 快食!食拉麵第一個動作: 先試壓匙後出現旋渦裡的湯! 我喜歡濃, 所以填紙時都選濃味, 豚骨味好搶, 個人口味傾向魚介味多一點, 我估計要求加重魚介醬油會適合自己多 D。麵質我選正常軟硬度, 很好! 麵既粗幼度不幼不粗剛好! (經過幾篇拉麵食記, 下次我會量踱 mm)叉燒我要比四星半!!! 好啱我口味! 皮一層肉一層脂肪一層後又層肉又一層脂肪, 大塊且厚, 你可以選擇細啖食或好似我一啖食, 肉很嫩不乾身亦新鮮! 我當時腦內不期然浮起: "入元朗不就是為了見她"呢句句子! 我估唔到元朗有拉麵做到呢個水準!原隻咬下既半熟蛋亦唔係一般貨色! 我再去既時候會要求切一半連麵上! 拉麵碗上有隻切開既半熟蛋觀感上都係靚好多!友人的赤焰! 之前我想去元朗另一間拉麵店"一人前"食, 原來友人試過, 佢覺得"焰拉麵"較好味!小泡芙內裡甜 cream 為呢餐錦上添花。因 為好耐無見友人, 所以傾左好耐, 店外雖然有人排隊等位中, 店員都無暗示或明示催促埋單。反而食一兩口麵既時候, 有問覺得味道如何, 雖然我忘記嗰位店員既容貌, 但好記得佢係帶有笑容同 helpful 既感覺傳遞過黎! 寫到呢度, 一定有人以為我係打手! 我話你知, 唔係! 店員既真誠度喺香港食店好易睇, 你下次留意下就知道咩叫有機械傳菜人, 佢地係無笑容個 tone 係交行貨, 點樣分辨好簡單, 你唔使望住個店員, 只需要聽佢講野, 一個人笑住講野同無笑講野好易分得出, 如果佢喺你唔望去之下都係有禮貌笑住講既, 佢係一個唔錯既 staff! 香港真係好少...總結:員 工服務, 拉麵質素及性價比都水準之上, 如果要挑剔既話, 係有點奇怪食物選擇太多, 以拉麵主打店黎講, 飯類也有八款, 作為以食拉麵為目的既食客去食拉麵, 好少會叫其他主菜, 我相信唔做飯類, 廚師可以集中拉麵既質素控制更好, 而且更可以省卻某 d 食材既成本。感覺到呢間店既誠意, 有機會我入元朗會再去試つけ麵。環境:♥♥♥衛生:♥♥♥服務:♥♥♥♥♥味道:♥♥♥♥抵食:♥♥♥♥推薦:♥♥♥♥♥以上: 焰拉麵, 好好唔好食又睇落去, 好孩子香港日本拉麵道場小戰爭,元朗,拉麵, 日本菜, 食評, 食記,ラーメン,ramen, 好孩子,好孩子PHILIP, 食評…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!難 得入元朗, 當然要把握時間, 試食區內美食! 今次在三小時內吃了三間, 先到老店"好到底"聞說"好到底"是元朗老店, 區內無人不曉, 亦是上一代產物, 第一站目標食店就這間吧! 原來"好到底" 初時五十年代喺元朗街邊擺賣, 到1961 年就在現址開檔至今屹立不倒! 好唔好食? 又睇落去?好唔好食?又睇落去? 第335回: 元朗半天遊第一間目標食店: 好到底麵家!原來這間老店我小時候曾經來過!雖然記憶依稀...因為我記得店的門口擺放了很多麵! 今時今日有米芝蓮推介, 相信跟以往相比亦保持水準!老店內裝飾殘而不舊, 保留上一代餐室裝潢之餘, 亦非常乾淨!店內的日歷、時鐘、木製餐桌...這就是昔日情懷...時代雖然是要改變, 但是也不希望一些碩果僅存既老牌店消失..."好到底"由自家製麵, 雲吞麵、水餃麵、蝦子麵都係招牌菜。看著店內風光, 加上枱上碗麵, 原來那就是上一代的感覺。雖然這個麵不是什麼驚為天人美食, 但是我很喜歡。一碗雲吞麵有五粒雲吞。吃下去看看?今時今日不少區外人慕名而來, 定價可以更進取, 以名氣店黎講, 雲吞麵廿元碗真係良心價!總結:或者有人會覺得味道不外如是, 裝飾又平平無奇, 甚至價錢性價比不高, 不過喺今時今日原材料同其他成本大漲老店日漸消失之下, 老店的存在是無價吧!環境:♥♥♥♥衛生:♥♥♥服務:♥♥♥味道:♥♥♥抵食:♥♥♥♥推薦:♥♥♥♥以上: 好唔好食又睇落去,元朗,好到底麵家,雲吞麵,…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食? 又睇落去?"!三小時內食既第二間店係... 勝利牛丸! 食完好到底雲吞麵過埋去另一間元朗出名食店: 勝利牛丸。問過元朗朋友, 呢間開業三十年, 亦係區內無人唔知既食店, VICTORY FISH BALL! WHAT A NAME!!!地址: 元朗康景街1 號裕景坊20號祥發大廈地下好唔好食食?又睇落去? 第336回: 元朗半天遊第二間目標食店: 勝利牛丸粉麵彈牙牛丸索索聲!(以下圖片可以按圖放大作最佳輸出)店內只賣兩種野食: 牛丸同牛腩, 通常主打只有一兩款食物而可以長做長有既, 多數都係有番咁上下水準!價錢單點或雙拼, 麵或河都係 $27一次過兩種口味吧! 來個丸腩河!湯都唔試住, 直衝向牛丸一口咬下! 確實結實彈牙, 我估計可以當兵兵波打! 食落索索聲! 但係...牛味呢??? 莫非我太嚐濃味? 真係唔多有味...到牛腩...真係唔太得, 肉老汁稀, 河粉更加係鬆散之餘浸到好軟好"粉", 好"粉"即係無粉既質感。因為細細碗, 所以冬菜撈粉之下"三爬兩步"就輕易食哂。總結:可 能期望過高, 牛丸質感確 OK, 但肉味真係一般, 牛腩更加係麻麻...我相信元朗有更多好野食! 而且 $27 一碗牛丸河/丸腩河以呢個水準同份量, 真係有點兒那個...ANYWAYS, 食完準備去第三間目標食店, 經過一個街口有間大一點的分店。嗰一刻我諗, 係咪應該試元朗其他牛丸名店彪記牛丸?環境:♥♥衛生:♥♥服務:♥♥♥味道:♥♥抵食:♥♥推薦:♥♥以上: 好唔好食又睇落去,元朗,勝利牛丸,勝利牛丸粉麵…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...好唔好食?又睇落去? 第334回 香港日本拉麵道場小戰爭(3) : 尖沙咀Agura 東京 ラーメン 拉麵 Tokyo 黏厚濃魚介豬骨湯底!地址: 尖沙咀柯士甸路15號柯士甸大廈B座地下某日晏奏去尖沙咀既 Agura 東京ラーメン, 想試食佢地既つけ麺, OH! 賣哂! 結果喺魚介鹽味豬骨湯拉麵同魚介醬油豬骨湯拉麵。那一刻腦浮起一個 "塩" 字, 直覺就食魚介鹽味豬骨湯拉麵啦!店內只有我及另外兩位食客, 好像包了場一樣, LUCKY! 負責主理的, 不是 MENU 相片上的店長長谷先生。不要緊! 店內座位一排面向廚房, 也有日本特色, 枱前自選配料有黑椒橄欖油及辣椒橄欖油。望望四周不消五分鐘, 魚介鹽味豬骨湯拉麵就上枱了。賣相很好! 唔使我移番好 D 麵位直接可以影相!OK! 近鏡擺番好少少影多張就開始食麵!指 定動作: 以匙輕輕壓湯欣賞漩渦形既湯! 然後試湯底。(笑!) 呢個魚介鹽味豬骨湯, 湯質頗濃及黏, 我喜歡這個黏度, 如果係重魚介味我會做呢間店既常客, 喜歡豬骨湯味既朋友應該會喜歡。聞說係以靜岡入口的鯖魚和沙甸魚加魚介粉, 再連豬筒骨熬製十個鐘, 再冷凍成糊狀後, 再加熱! 難怪咁有黏力同濃度咁高!半熟蛋唔錯! 記得加 $10 要埋。麵既粗度屬中度。叉燒似煙肉片切一樣, 明顯經過炙燒, 加海鹽味道足, 個人口味喜歡有肥厚肉質多點, 呢塊燒過略嫌乾身了。食完離開既時候影幅門口相片, 發現霸氣戴帽店主長谷先生。總結:通常如果鍾意食嗰間拉麵店既話, 個湯一定會飲哂, 呢樣野算係個人指標。湯我飲剩四份一, 因為太黏, 油分亦多, 不過整體水準係唔錯。唔係拉麵潮混水摸魚之輩!但係我比較喜歡魚介味濃多一點。 所以喺味道方面要減一粒心。呢個係個人拉麵喜好口味, 人人唔同!環境:♥♥♥衛生:♥♥♥服務:♥♥♥味道:♥♥♥抵食:♥♥♥推薦:♥♥♥以上Agura 東京 ラーメン 拉麵: 好好唔好食又睇落去, 好孩子香港日本拉麵道場小戰爭,尖沙咀,Agura,拉麵, 日本菜, 食評, 食記,ラーメン,ramen, 好孩子,好孩子PHILIP, 食評 …查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...好唔好食?又睇落去? 第333回 香港日本拉麵道場小戰爭(2) : 銅鑼灣博多拉麵別天神拉麵有星變星!地址: 銅鑼灣告士打道277號地下3A號舖閒日食晏時去銅鑼灣呢間 "別天神" 食拉麵, 呢間係博多風味, 店舖開放式, 無大門同玻璃隔住街同店鋪, 結果出事喇! 點出事? 睇落去?上次喺"富士山 55" 食完個蝦拉麵念念不忘, "別天神" 亦都有所以一試!店內格局似日本, 排位係反 "L" 字形, 天氣熱我行到最入進食!好! 同師傅落單既同時, 需要找數。跟住等麵到, 周圍望下, 廚房大湯爐裡面既豬骨係有 D 日本 FEEL! 其實應該夜 D 黎, 個湯應該煲得夠火喉得多!上麵! 我點既係蝦味噌豚骨湯麵!第一個動作當然係試湯!都係嗰句湯既濃度好個人口味, 我鍾意再濃 d, 加 d 芝麻, 蒜蓉, 少少唐辛子香啱口味!注意: 半熟蛋要加 $10特意聞聞蝦既氣味, 我記得喺日本第一次食蝦拉麵, 店外已經聞到蝦既氣味, 湯底同用料全蝦, 當然呢個係蝦味噌豚骨, 唔係全蝦, 我只係想借 D 蝦味懷念一下日本既味道...嗚哇!!!叉燒...比較鍾意有 d 脂肪既多 d!撇除我比較鍾意粗麵因素, 呢個幼麵略嫌"粉"了一點...最後食完麵飲緊湯之際, 竟然有隻烏蠅喺度 "除襪"! 後腳係咁刮下刮下! 相信係因為店舖中門大門, 街外既蟲蟻可以爬飛入黎...總結:麵再好, 味道再好, 衛生唔得都好大件事...環境:♥♥衛生:♥服務:♥♥♥味道:♥♥抵食:♥♥推薦:♥…查看更多

 無寫"好唔好食又睇落去" 至少三年喇! 先講少少野先! 一下子寫番都有 d 生手既感覺! 寫食記既過程雖然都幾用神同時間, 睇既朋友可能只係用五分幾鐘睇, 但係我由揀相, 到寫至整圖既時間, 平均都要半個鐘至幾個鐘不等, 不過過程好有趣! 以前寫過既食店, 無論食過 d 咩, 同邊個去, 當日發生既事, 都會輕易回憶番, 呢個就係寫食記既樂趣! 呢幾年無寫, 好多食過既食店同當日既人同事, 亦比寫食記既時候模糊。我知道有網友 (有發言又好, 陣係睇都好) 都幾鍾意睇 "好唔好食又睇落去", 我寫得開心有回憶, 網友睇得過癮有得著, 亦係我重新再寫既動力! "好唔好食又睇落去" 再開!!! -----呢句說話黎緊每次都會講架喇: 我唔係食家, 文筆唔好, 更加唔係打手, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!  好唔好食又睇落去第 330 回: 牛一極上和牛 SHABU SHABU 放題 日式放題任食牛有好幾間較出名既店, 近年我食過既有"牛陣"同"日牛", 呢間"牛一" Nobe One 都聽過唔少朋友推介, 聞說係一壽司集團的, 星期六無 book 枱情況下 walkin, 早早地六點九等十分鐘就可以就座! LUCKY 啦! 地址: 尖沙咀樂道32-34號1樓 間食店喺一樓, 等位喺地下, 入座之前已要揀定要邊款牛肉 set, 前台職員好急...好似催命符...好有壓力...ANYWAYS, 兩款食法, shabushabu 涮涮煱同 sukiyaki 壽喜燒都係按你揀咩 set 而計價錢:分三種肉 set:$138 美國牛肉, 豚肉$168 極上美國牛肉, 豚肉$288 特級日本和牛, 豚肉$338 極上日本和牛, 豚肉呢次我地揀 $338 極上日本和牛, 豚肉, 湯底揀干貝清湯。限時 90 分鐘。 上湯時間, 出去睇下有 d 咩野配菜? 菜, 丸, 麵, 飲品, 雪糕 yogurt 任拎!雖然放題牛肉先係主角, 不過作為"孩子"既我, 亦拎幾粒丸幾條腸, 菜就一條都無拎, 番屋企先食啦! wakaka...限時放題關係, 要注意時間, 因為店內 staff 都計得好緊, 坐低時已經聽到個 staff 對隔離枱食客話仲有十五分鐘, 哇...好大壓力啊! 真係食得好有壓力...wakaka...由湯上枱至煲滾大約需時十多分鐘, 期間可以出去拎 d 配菜同飲品啦! 不過最緊要都係拎醬油, 黑蒜醬油, 柚子醬油, 原味醬油, 麻醬同辛辣醬油多款, 我 pick 四款點牛肉! 排好陣就開波!第一碟牛上了! 近望一望也不錯啦 拖一拖至粉紅色 即上碟食,第一口 唔蘸醬油食! 試試原味, 我條脷唔係食神脷, 唔知係澳洲和牛定日本和牛, 不過和牛普遍都係肉味淡而肥脂多, 這塊肉嫩牛味不濃而肥。食完呢碟, 之後繼續上牛,呢碟係第二碟,新鮮度不及第一碟,但肥脂很不錯!  跟住豚肉,其實幾好味,只係我係嚐牛多點! 之後發現牛肉供應速度不及我地食既速度, 所以只要牛肉一到, 就再 order 下一碟, 不過我地又未至於一次過 order 五六七碟咁癲既!一口氣食得多牛肉好易滯, 要食下其他野! (謎之聲: 呢 d 都係肉啊! 唔係菜啊! 暈了!)  多口試下美國牛,肉味濃,同極上和牛差天共地,仲係咁大碟,瀨野...  一次過上,仲有一碟極上美國牛,同普通美國牛分別唔大......係肥 D D!衝左一輪, 睇枱上左面由個煱抽出黎既油就知道戰況幾咁慘烈...宜家睇番個醬油陣十足打將一樣! WAKAKA... 最後十五分鐘被侍應提示要埋單找數。又一次感受壓力...食飯姐大佬...咁叫多最後一碟先, 哇! 最後既極上和牛變左打風和牛?!!     因為食得太多牛,要滑一滑甜一甜個胃, 整個雪糕埋尾先! 食飽飽最後埋單每人連加一係 $371。 總結:同類牛肉放題店牛陣同日牛, 我未試過食前兩店既最高價牛肉, 如果要連同牛一比較牛肉質素亦唔啱標準, 不過以其他食物同配套, 我會以日牛>牛一>牛陣黎排, 日牛一人一鍋我幾鍾意, 自己烚自己個鍋幾方便, 同埋 D 蟹腳幾好食。牛一就環境舒適 D。整體黎講呢個價錢性價比不高, 除非你係超大胃王, 一人可以鯨吞十碟以上極上和牛, 如果唔係, 呢三百幾元可以去淺嘗更好既牛肉呢! 環境:♥♥♥♥ 衛生:♥♥♥♥ 服務:♥♥♥ 味道:♥♥♥ 抵食:♥♥ 推薦:♥♥ 以上: 好唔好食又睇落去,好唔好食,又睇落去,日本菜,SHABU SHABU, SUKIYAKI,牛一,日牛,牛陣,食評,尖沙咀,打邊爐,好孩子,好孩子PHILIP,和牛,東京,涮涮煱…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!秋風起打邊爐係一生一大快事! 大角咀有好幾間打邊爐都好正! 呢間 "力奇" 第二次黎食,好唔好食? 又睇落去?! 好唔好食? 又睇落去?好唔好食?又睇落去? 第332回: 旺角大角咀力奇四季火鍋巨形肥牛大大份份!地址: 大角咀角祥街53號地下去"力奇" book 位係必需既, 雖然 book 左去到都係要等! 不過佢有兩個地鋪位好大, 閒日都可以輕易入座! 呢間食店 d 野食件頭好大, 例如豬骨煲, 擺到成盤滿一滿! 有蕃茄、粟米、蘿蔔、雞腳，豬骨放喺底!黎呢度食, 最難忘一定係佢大大碟巨形肥牛 (掛住食, 無用一 d 實物比大家比較下碟肥牛有幾大 tim)! 總之真係 "numb" 包山咁高咁大啦! 唔係講笑!得個大字無用 woh, 新鮮先係王道啊! d 牛肉上枱唔係冰鮮都硬掘掘嗰隻, 大大塊~~~放落煲拖兩拖見粉紅即夾去, 軟腍腍鮮嫩食落有種想大叫 wow 既感覺!總結:其 他食物都係大大份, 我推介蝦膠滑! 亦非常唔錯! 味道同價錢絕對合理! 一尾得個讚字, 有無唔好? 梗有! 就係服務唔多得, 野食上菜速度時快時慢, 不過打邊爐大家吹住水又無咩野呢! 見到隔離枱食客火滾到鬧 d staff, d staff 都好好火...哈哈...咁樣打邊爐先係風味呀! 夠哂慶合合!野食太多, 不能盡錄! 你問係咪超好食? 唔係! 但性價比高, 價錢合理質素唔差就是了!環境:♥♥衛生:♥♥服務:♥♥味道:♥♥♥抵食:♥♥♥♥推薦:♥♥♥♥以上: 好唔好食又睇落去,好唔好食,又睇落去,…查看更多

呢句說話黎緊每次都會講架喇: 我唔係食家, 文筆唔好, 只係將自己覺得好唔好食既感覺寫出黎, 味道呢樣野好主觀, 喜好亦各人有各人既口味, 我係寫比自己睇, 你鍾意睇我會高興, 你唔同意亦無問題, 最後一句講哂: "好唔好食又睇落去"!拉麵味道好唔好, 係好睇個人口味! 拉麵既粗幼、湯汁既濃度、配料如何...各人食落都有唔既感受, 所以好難一概而論好唔好食。所以呢一篇拉麵食記, 純粹個人觀感呢! 好唔好食? 又睇落去?近年喺香港, 都試過廿零三十間打正旗號 sell 日本拉麵既食店, 因為呢幾年無寫 "好唔好食? 又睇落去?", 所以都無影食物相, 不過好味同唔好味既拉麵大致上都記得。黎緊我會為每次食既拉麵作一個連載, 名為 "好孩子香港日本拉麵道場小戰爭"! 個名夠哂低能! haha...而今次食既係...好唔好食又睇落去第 331 回: 尖沙咀富士山 55 GO GO!地址: 尖沙咀麼地道75號南洋中心地下7至8號富士山 55 來自名古屋, MENU 一大塊一眼睇哂有咩款式既麵, 我最鍾意既既都係 つけ麺, 喺店內四款沾麵揀一款: 豚骨、特濃豚骨、辛辣同濃香櫻蝦沾麵。"蝦味"既沾麵喺香港選擇唔多, 就揀呢款! 友人則要名古屋二郎系拉麵。落單自己選取要 ORDER 既野食, 其中走唔走蔥, 麵既硬度亦可以自選。另追加餃子。十分鐘唔駛, 櫻蝦つけ麺上枱!拉麵賣相好好, 叉燒有"油光反射"望落好新鮮! 有半熟蛋、蔥、 荀、青檸同麵。沾麵湯亦佈滿櫻蝦乾。枱上有一個電爐可以為變涷既湯加熱, 幾細心啊! 我唔客氣了! 呢個つけ麺確實不錯, 就算唔混入櫻蝦都好好味, 加櫻蝦只係錦上添花! 好味!半隻半熟蛋, 水準不賴! 綜合以上外觀, 真係有日本風味。叉燒有光澤!先試一啖湯, 撈暈 D 蝦飲一口, 濃濃地很不錯, 可以聞到一陣蝦香, 我覺得個湯係靠蝦乾逼住 D 蝦味, 而唔係本身個湯係蝦湯, 不過問題不大, 呢個湯都好合個人口味! 麵身粗 2-3 mm, 唔算最粗同最幼, 亦勝在不黏不乾, 好有意欲去食!試一下友人的名古屋二郎系拉麵, 個湯無櫻蝦沾麵湯咁濃, 味道有點混合, 有豬同魚味, 唔係單一味道幾奇特! 都係好味!拉麵配餃子係"幸福"既食法, 咩幸福? 一軟一脆既口感, 幾幸福呀! 哈...不過, 個餃子肉汁欠奉, 皮是全乾, 頗一般。總結:估唔到重寫 "好唔好食? 又睇落去?" 既拉麵店, 一寫就寫左間好味拉麵店, 總結整體有日本水準, 價錢屬拉麵店中價, 呢間我會再去! 睇到呢到, 你可能懷疑我係打手, 又或者寫每間食店都係覺得"好味"? 其實呢個星期我食左三間拉麵店, 呢間係最好既一間, 另外兩間既 "好唔好食又睇落" 黎緊再寫。) 如果同以前食過既廿多間拉麵店黎排, 呢間係 TOP 5 之列, 味道整體真係有日本風。下次要加麵底同試下食店推介既芝士粥飯!環境:♥♥♥衛生:♥♥♥♥服務:♥♥♥味道:♥♥♥♥抵食:♥♥♥推薦:♥♥♥♥♥…查看更多