rubymouse的个人专页

訂了枱週末晚4人打邊爐，不需要等已經可以入座。安排了一張卡位枱給我們，位置寬敞舒適，只是冷氣間中太凍。雖然理論進餐時間係2小時，但唔滿座，冇催我們埋單一直由食咗3、4小時，可以盡情傾談。各員工都很殷勤和有禮，非常滿意。食物方面很美味且美觀，選了椰子海鮮湯底，先飲湯食海鮮😋後加豬骨湯開始打邊爐。叫了海鮮拼盤，新鮮美味。潮牛双併，肉質柔軟有牛香味😋。蟹粉湯包有香濃蟹粉和蟹肉，推介🤤。包芯丸和蝦滑都好彈牙。叫了7款食物，平均每人$500。…查看更多

與家人在這店食午餐，我們是第一枱人客，而坐了成20分鐘多先有多兩枱客人。店面有3個待應，但所有都不主動招呼，店面一眼看晒都要搖半分鐘手先有人回應。放低幾杯水，有黑色塵粒，叫冇人應，要自己換杯添水，待應完全視而不見。整體服務極差，好似自助式。食物方面，叫了5樣食物，除了安格斯一口牛，其他賣相和味道都一般，而且欠缺熱度。一口牛又冇牛味又「嚡」，總對唔值。總結，試過一次絕對唔会再光顧，如此質素，自己煮都比這裡好味和好看。…查看更多

小小的一間店，但裝修得有台灣感覺，乾淨舒適。服務員誠懇有禮，叫了1支台灣啤，不但給我們雪凍了的杯，而且把酒放在冰桶中保存，幫客人添酒，好貼心。食物方面，每款都很有水準。醉雞卷有很香的花雕酒味😋。麻辣臭豆腐雖然不及台灣的臭，但乜很野味。 胡椒蝦煲，好香辣鮮味，蝦好多蝦膏，正! 麻醬小魚伴秋葵清清地，可以幫助解辣。火焰雪山焗鱸魚，上枱時在鹽面點火再燒下，魚味更香和嫩滑😋😋。魯肉炒新竹米粉，好香好味。煎餅味道ok。食完仲送甜品，粉圓涼粉，唔太甜，。伴菜仲用上貴價的雨衣金蘭。每道菜都好美味，值得推介，下次再食，試下其他菜😋😋。…查看更多

食物味道有水準，尤其海鮮夠鮮味，牛肩胛串都調得美味。但價錢唔算平 ，飲品平均三四十蚊一杯，手工啤要七八十蚊。 推薦馬來大蜆，扇貝，芝士蘑菇雞翼，牛肩胛，雞軟骨和美國珍寶蠔。員工服務殷勤，食物上得都算快。雖然用加熱石板放食物，以保持食物温度，但石板保溫力不太夠，食完第一輪已經冇熱力。由於店面細， 得10張小檯左右，枱與枱之間很近，鄰檯講嘢都聽得清楚。 大部分是細枱和高櫈， 坐得唔係太舒服，唔係咁適宜一大班人聚餐。…查看更多

兩個人點了粥底鍋，7款當日海鮮尚算新鮮。加$20一位嘅牛肉亦好有牛味和嫩滑，對非牛魔王的人來說份量算ok。而5款手作食品選了蝦棒、 花膠、鮮淮山、 墨魚磚 和 黑松露餃子，味道一般。 網上好多人讚蝦棒，本以為似蝦膠，但食落冇彈牙感，失望☹️。黑松露餃子唔鮮味，而且偏鹹。其餘3樣尚可。 網上好多人讚個響鈴，但係職員放咗喺個架下面又冇話畀我哋知，等我哋食到7788先知原來未食響鈴， 軟曬且好油☹️。 服務方面都係一般，到我問佢係咪黐底， 佢先至話過嚟搞下話有少少黐， 閂細個火，叫我唔好搞咁底，就行開咗。見我們仲有好些野未食，都唔話畀我知原來係可以加粥底，搞到煲嘢 又鹹又黐底。 到揾第二個阿姐問嘅時候佢先至話幫我加啲粥底。最後個粥嘅味道尚算鮮。 甜品係綠茶雪糕，但係真係未食過甜成咁嘅綠茶雪糕， 食咗兩啖就已經放棄咗啦! 整體而言，除咗環境坐得舒服同埋冇限時之外，呢個價錢同食物和服務嘅質素，唔係太對稱，唔會再來。…查看更多