flavorexplorer's Profile

今次嚟咗食晚飯，嗌左個暖笠笠煲煲套餐，入面都包齊曬前菜、同埋幾樣主食，有黃金雞軟骨、豬肉肉骨茶、豆漿海南雜菜煲、同埋一個中份招牌海南雞。黃金雞軟骨係新鮮炸好，外皮包裹煮一層鹹蛋黃醬嘅雞軟骨，食落有陣鹹香熱辣辣，好香蛋黃味、有嗰種鹹蛋黃沙沙地嘅質感😋，仲要份量都好多！ 個肉骨茶好特別係用傳統火鍋爐🔥裝住，有火喺底部度加熱，所以全程都keep住溫度🌡️只不過煲到後尾個湯底濃縮左，變鹹左😂 入面既排骨煲到肉骨分離，仲有豬肉丸、豆卜，全部都非常入味😍 嗰湯就有小小藥材味，偏鹹，飲完都feel到好補身😌豆漿煲入面有一大住粉絲、紅蘿蔔、白精靈菇、蝦乾、菜，湯底陣豆味好出，有豆香又好清，連我呢個唔鍾意豆類既人都係咁飲🫘🫘海南雞就反而冇咁突出，頭幾舊算滑嫩，但係有好幾舊都嚡熠熠，熟度岩岩好，但係雞肉可能就品質爭D🙂‍↔️ 佢既豉油、薑蔥、辣醬就平平無奇，不過不失。值得一提既係佢既雞油飯，又大碗又好食，色香味俱全、好香雞油味但又唔會油膩。最後仲嗌左炸饅頭配咖央醬，外皮酥脆幾好味，咖央醬微甜，好岩唔食得太甜既人😍仲有，D職員服務好好，全部都好nice😇…Read More

小籠包上菜最快，熱辣辣！個皮都幾薄，肉量不算很多，味道一般般沒有想像中咁「爆」，如果啲肉同啲汁味道勁啲，應該會好啲。蝦球熱辣辣，個皮鬆軟唔會一嚿嚿，食落去feel到淡淡鹹蛋黃味，超驚喜嘅味道。🤩蝦球份量好多，真係超值👍🏻熏魚拉麵啲拉麵唔會淋得滯都幾爽口，湯底非常清淡唔會有勁味精湯底嘅感覺👍🏻，不過熏魚啲骨就比較大條，真係要小心啲食，味道就不過不失啦。三鮮湯年糕湯底好香滑好似牛奶咁入口滑捋捋，🫶🏻湯年糕唔會黐埋晒好有口感，加埋啲菜入口好香滑完全唔會覺得油膩，清香好味😋高力豆沙最後出場，仲要落定單後上，否則就食唔到，真係新鮮滾熱辣，個皮軟綿綿大大粒，裏面啲豆沙少少甜，如果豆沙多啲仲好味🤤，因為個餡唔係太甜，所以食多粒都唔會覺得滯😆！整體嚟講 食物 的味道及份量一般般， 不過不失 但唔算突出， 店舖環境比較迫， 服務員 有時會呼呼喝喝 好地道嘅上海模式， 所以整體3.5分…Read More

第一次喺觀塘上樓上餐廳食嘢，一直只係有地下舖嘅選擇，冇諗住樓上都有咁抵食+環境咁好嘅餐廳。😛😛😛首先到嘅係南瓜餐湯同埋沙律菜，餐湯嘅溫度很夠用，陶瓷杯裝住，一飲落去好夠熱度，南瓜味亦都濃厚🫶🏻🫶🏻♥️♥️嗌咗個招牌煙鴨胸瓜麵，那個麵條質地很有趣，真的吃來很健康的感覺，食完真係自我感覺良好，啲煙鴨胸好新鮮，唔會太硬，又唔會太軟，是厚切，加埋下面熱辣辣嘅橄欖油，味道一流，是健康CP值又高的🌻最後嗌咗另一碟招牌冬陰功意粉，他的冬陰功味很濃，也比我想像中辣，但是是鮮味的冬陰功，加上鮮蝦及蕃茄的味道十分好吃，跟住有種西式及泰式合璧的感覺，食食吓發現仲有魷魚同鮮菇，真係好足料啊！真係隱世嘅好餐廳！♥️♥️♥️…Read More

今日去咗大圍一間食越南嘢嘅餐廳入到去好有越南風格，又有越南帽掛喺牆上面😂仲播緊越南音樂😌入去嗌咗一個牛三寶湯河🐮軟殼蟹撈檬🦀仲有安南鮮蝦米紙卷🦐。個牛三寶湯海就有牛腱牛丸同埋生牛肉，D牛展唔韌煮到好腍、牛丸充滿牛味，唔會太鹹有嚼勁、牛肉就肥瘦適中，啖啖肉。湯底冇味精味，濃郁香醇但又唔會特別鹹，有啲可惜既係河粉煮到碎左、夾唔起。連埋河粉仲比埋一個迷你青檸同埋辣椒🌶️而軟殼蟹就好夠鬆脆、皮又薄又酥脆香口點埋魚露食卜卜脆😋😋撈檬入面加左蘿蔔絲、青瓜絲，食食下又咬到花生碎同埋隻蟹既麵衣，酸酸脆脆，口感豐富。米紙卷入面包左蝦、生菜🥬，蘿蔔絲🥕，青瓜🥒、粉絲，十分足料，米紙煙靭、配菜清爽，配埋魚露🐟食好爽口開胃，不過蝦就唔算多😿野飲揀左冰鎮奶茶，真係有一大碗冰凍住，奶茶茶味都有，但係甜味冚過咗陣茶味，個人覺得甜左D🍬 最尾嗌埋甜品：椰汁芒果紫糯米飯（雖然好似係泰國甜品⁉️） 椰汁甜度岩岩好，配埋酸酸甜甜既芒果同埋煙韌既糯米飯，好滿足！唯一缺點係糯米飯比得好大方，有一大舊，食完飽曬🫃🏻😂…Read More

今日得閒去咗附近一間食烤魚嘅店，店入邊有兩層，我哋坐咗近電門口嘅位都算闊落舒適，嗌咗一條蒜香酸菜味烤魚揀咗江團魚條魚度嗰陣時俾嚇親！個鑊超級大，條魚又好大條、浸喺D蒜香酸菜湯入面，迎面而來好大浸蒜香味流晒口水🤤烤魚差唔多佔曬成個大鑊，有好多肉，but到出嚟嘅肉差唔多可以食四碗！魚肉烤過，但又唔會乾曬，肉汁鎖曬喺肉入面，仲有烤到脆卜卜既魚皮，連埋魚肉食有雙重口感！D魚襯埋酸酸地又鹹既湯汁，好好味 湯入面既酸菜口感幾好脆脆地 但係個人覺得可以再酸D，佢配埋其他配菜一齊食十分解膩😸烤魚入邊有薯仔蓮藕娃娃菜同埋金針菇就算唔加送都可以食到飽，然後我再加配咗兩碗火鍋粉係類似扁薯粉嘅質地吸晒湯汁好好味條魚烤到脆脆地再加落蒜香酸菜湯入邊好多唔同層次嘅口感有幾大蒜頭味特別出鍾意食蒜頭嘅可以沖條魚好多肉唔會特別多細骨只有最主要嗰條大骨啲魚都好多骨膠原可以慢慢dap 薯仔同埋蓮藕一路煲住啲湯非常入味、又脆 啖啖肉娃娃菜同金針菇都好好食吸滿晒湯汁，熟度啱啱好 仲試咗香辣雞腎串燒 佢最先送到嚟雖然溫度爭少少唔係好夠熱，但係香料10分香 陣陣孜然香 雞腎都煮得啱啱好又脆又辣食到上癮 最尾食到飽晒再嗌咗個炸饅頭，填滿埋甜品嗰個胃炸饅頭出邊層皮又薄又脆熱辣辣 岩岩炸好 加埋煉奶一啖外脆內軟，咬落層薄薄既皮，再食埋入面軟淋淋既饅頭，食到颯颯聲甜度啱啱好 唔會甜到漏又可以中和返啱啱烤魚、酸菜浸味，係一餐10分滿足嘅晚飯，如果大家唔食辣條魚都可以轉成唔辣亦有唔同辣度可以選擇唔使驚太辣食唔到而且烤魚都可以加配好多唔同配菜例如牛肉片竹笙芋絲等等唔同嘅菜式唔使驚冇餸啱你食建議兩個人食一條烤魚再加兩三款配料食幾吋串燒同埋甜一份甜品就夠晒㗎啦 而且店員仲有提供圍裙，絕對唔使驚整烏糟件衫…Read More

🍝🥓卡邦尼煙肉雜菌意粉份量很大，意粉彈牙，很有口感，有意大利 嘅意大利粉味 。菇類及煙肉不會太肥，恰到好處， 醬汁 不會太濃郁，容易入口，不會有油膩的感覺。🦑天婦羅魷魚配薯條🍟薯條即炸熱辣辣又脆，好有薯仔味，少少偏鹹有啲似Five Guys薯條，不過勝在係新鮮， 唔會變咗乾柴支 天婦羅魷魚脆卜卜，新鮮炸魷魚，冇冰鮮味，脆皮有少少紫菜味好似shake shake fry, 但又唔會Over power本身魷魚 嘅鮮味， 脆，熱，香，鮮味，正🥳🤩🍝🍾香蒜白酒蜆肉意粉意粉好香，意粉係靚意粉，唔會積埋一舊舊，韌度少少彈牙，有輕微白酒香味，Aftertaste 輕微辣唔會太勁，令到想食第二啖；每一條意粉都鋪滿橄欖油，好在學佢隻橄欖油唔會好 封喉，好滑易入口，不過可以說鹹多少少 應該仲好味。蜆肉好多，唔會腥唔會有沙。加埋現場環境簡約舒適， 二十幾樓望落去旺角街景 好有feel， 仲要係睇住日落品嚐美食， 真係要畀五粒星🥭 🧊 芒果沙冰 認真凍冰冰 ⛄，每一啖都有芒果味，唔會溝稀咗， 很有芒果嘅真正甜味 🥭完全冇假嘅感覺！💯嘅feel 啲冰質感好好，唔會太沙， 襯埋炸薯條， 超級冰涼 好味 又解渴。😍熱情果乳酪沒有預期中粒粒 嘅 熱情果 ， 所以質感 就唔係好夠 ， 乳酪 味道 一般 ，淨係甜中帶點酸味， 整體偏甜， 小小掃興。🫖☕️戴安娜熱茶有紫玫瑰．紅玫瑰花，薰衣草，入口清香， 好似聞住薰衣草香薰 飲到玫瑰花茶 ，很特別嘅感覺，很有減壓作用。…Read More

餐廳環境好有温馨氣氛，舒服清靜，花香處處，靚靚 Thailand feel , 真喺以為已經 ✈️ 離開 Hong Kong 度假去了 !咖喱牛腱牛腱熱辣辣，又淋又滑，多汁好入味。咖喱唔會好辣！如添點辣🌶️🌶️將更刺激胃口呢！鹹度就啱啱好，印度薄餅就 fresh made, 外面脆卜卜，面軟軟滑。夾着牛，咖喱汁，細啖细啖咬落去，滋味無窮。是绝配之選！海鲜米線喇沙喇沙就好大碗，湯底好香,夠creamy，有鮮蝦味！好多餸：四隻蝦🦐及魚片，豆卜，半隻烚蛋。（可惜是魚片質素一般）米線韌度唔錯, 不過偏黏少少，如能改善，一定更好！雙色椰汁芒果糯米飯Mango 🥭 雙色糯米飯 dessert, 紫白橙颜色配合好靚，倍添食慾！芒果夠新鮮，糯米飯軟滑，口感甚佳。椰汁味好濃郁。🥥份量足夠，食得出唔係溝出嚟嘅罐頭椰漿。平時唔鍾意食芒果糯米飯，不過今次食咗幾啖，真係覺得好正！值得推介😋😋😋🥭。👏👏…Read More

這間餐廳CP值高，材料新鮮很好味！🥰🥰🫶🏻第一樣上菜的就是他的特飲，兩個都是健康飲品，本身對這些健康飲品類的味道不大期望，但是兩個嘢飲都很有真材料的味道，如果要批評味道稍為甜了一些。試了魚皮，他很彈牙，出便很脆，不會太腥，完全沒有魚鱗，吃落很滑口，有些像現在熱門-辣海蜇的口感！那些辣油很香。也不會太辣，絕對是招牌小食！那碗麵方面，今次試了微辣，微辣程度來說偏辣，但是很足料果然是六餸湯！🥰🥰🥰真是落足那些配料，麵條的質地也好食。那些肉肥瘦適中，絕對沒有偷工減料，是高質的！而那些餸不會太熟剛剛好，那個火候令牛肉雞肉顯得特別滑身，整碗麵試給很高分的評價。Highly recommend 魚皮真係好味🤤…Read More

今日去左屋企附近新開既甜品店 小甜頭，宜家就分享一下我既體驗啦！一入到店，唔算特別大，但D座位都幾寬落，裝潢簡樸明亮，仲播緊廣東歌，整體氛圍唔錯👍🏻。 兩個人嗌左三樣野：（凍）椰汁桃膠盛、開心果沾醬麻糬、大甜頭；個人覺得兩個人其實嗌每人一樣已經好夠，所以今次食到有D滯😹桃膠嗰個勁有誠意，滿到瀉😻 成碗超多桃膠，懷疑老闆做緊蝕本生意🤡芋圓大粒又煙韌, 椰子雪糕球鬆軟香滑, 入口即溶又冰涼， 椰子香味湧曬出來，芋泥 好大舊， 味道唔濃但襯埋其他就啱啱好中和返， 全個甜品唔太甜🫶🏻大甜頭既紅豆綠豆有小小未熟、西瓜清爽香甜、椰肉都好味，不過個通心粉（唔係食開嗰隻😂，係透明、似係用比較硬既涼皮整既）個texture唔係好岩我口味 麻糬每粒都沾滿花生粉，再點埋開心果醬、開心果碎，啖啖開心果味😋 開心果碎嗰size岩岩好、又脆，食幾舊都唔會特別滯🤠只不過如果自己食曬、可能會有D乾整體而言，呢間既甜品全部都好好味、又足料，環境唔錯，黎開大圍既一定要黎試下，係一間氣氛可以媲美cafe既小店仔，又可以邊同frd傾計一邊jap 下 jap下！😻…Read More

這間高質高，CP值高，推介！❤️❤️❤️🥰首先係佢個咖喱蕃茄烏冬，蕃茄湯底濃郁，牛肉是薄切新鮮，只是烏冬，稍為質地淋了一些。吃了招牌蟹柳蛋，它的味道有驚喜，蛋很滑和蟹柳都溝得很濃，一食落去暖笠笠上面脆卜卜嘅蟹籽味道一流！帶子小食新鮮，入面熱辣辣，外面脆卜卜，帶子鮮甜，唔會太乾太熟👍🏼至於那個照燒三文魚吃落很脆，但是又不會太油膩，油到適中，吃落去那個三文魚的質地慢慢用在口中，很好味！加埋蟹柳同合適飯的比例吃落去，味道剛好，如果要批評，三文魚的味道不夠強烈。之後仲食咗個特色壽司，呢個勁正，啲蟹肉絲同軟殼蟹好多完全足料🙌🏻！❤️❤️❤️一入口第一隻味道是黑松味的味，第二樣是感受到軟殼蟹鬆脆質感，之後就到芝麻味，三色芝麻好特別，有少少甜味同芝麻味結，食完壽司後2分鐘後入邊仲有絲絲的芝麻味，很特別！呢個幾重味道的壽司值得大家一試！❤️這間餐廳價錢不是太貴，但是每款美食也有他的特色非常推介！…Read More

🍔😋牛肉漢堡包啲牛肉又口又唔會韌，好有份量又有口感，仲有新鮮切煙肉，足足有3片，又不會油冧冧，襯托漢堡包啱啱好! 咁嘅價錢實在是意外驚喜，值得推介！👍🏻👍🏻👍🏻伴碟嘅薯條出面脆入面有薯仔味，熱辣辣少少鹹，同漢堡包是絕配🫶🏻不過追加是日餐湯+$8（應該係椰菜花湯）味道就一般般啦，似打碎咗嘅椰菜花加少少罐頭湯.🍷🥩紅酒牛肋骨餐🍚意粉同配菜份量多，質量可接受，主打牛肋骨份量比想像中多好多！炆得很淋很入味🤩不過比較乾身，如果多啲汁就更加好😜可以襯意粉食追加+$8嘅蔬菜沙律份量多，沙律汁（balsamic vinegar比較多，所以少少酸，不過夠晒開胃，好味意外驚喜👍🏻。整體說：抵食好味😋👍🏻…Read More

這是一間CP值幾高的餐廳，這個價錢吃到這個質素，實在是推介及便利餐首選！❤️🙏🏼🔥唔講都唔知有一間咁高質咁平食晚飯嘅地方⭐️⭐️⭐️⭐️首先試了招牌蟹底面，🦀蟹麵(海老濃湯叉燒拉麵）湯底好味，麵條很幼，拉麵質感一半像上海麵一半像日式拉麵，叉燒肥瘦可以，湯底及餸菜也新鮮好味，另外嗌了一碗湯底沒有那麼濃厚的面，湯底好味，啲蔥好新鮮，一啖蔥一啖湯，好食溏心蛋十分好食，非常有蛋的味道👅！了如果要嘴刁批評，面的質素有些少進步空間，麵條稍為較澀同過熟，吃到一半開始有這的感覺，建議大家嗌那個招牌蟹湯底，他的湯底濃郁很多，和那些軟生麵條比較夾，因為有湯底carry，吃全碗也沒有這個感覺。之後這碟餸有驚喜，麻醬豆腐，他的麻醬汁非常好味，豆腐很滑身，夾起來有蟹乾的味道是額外的加分，吃落去特別滋味！最後試咗佢哋嘅特別燒賣，有啲似蝦餃味，裏面嘅蝦味都幾重，側邊好似薄薄嘅雲吞包住。…Read More

這間是中式餐廳中的隱世日本美食！❤️🫶🏻⭐️這是一間中式餐廳，但是今日突然想食日式嘢，所以喺度叫日式嘢。對於一間主打中式餐廳來說這類的日式食物CP值算高！⭐️⭐️⭐️⭐️我先用中式的步行法，介紹這間餐廳。一進去，餐廳環境及擺設也很得體，第一杯來到的飲料，冰鎮奶茶，味道濃郁，茶味重，第一啖飲完茶味，後有濃郁嘅奶味。三文魚刺身，鮮味唔腥又滑口，非常厚身新鮮的。芝士玉子燒，是暖笠笠芝士很厚身，可能些少補充，芝士不夠熱（中間那塊芝士完全未溶的），個人覺得吃不夠軟身的芝士，吃落有些很滯的感覺，但是芝士下的玉子味道也很香。整體來說，不知道是玉子的汁有不夠還是芝士不夠溶，只是吃了兩口就有些滯。再之後到的是花枝丸蟹籽，非常足料。最後試了鰻魚飯，鰻魚少許黐牙，配上暖笠笠的飯，食落有些少滯口，是足料粥味的，但是不是最正宗的日式味道。以上大部份美食都非常新鮮好吃，只是個人比較挑剔，但是以這間主打中式地方來，付出和壽司郎差不多的價錢，在這個環境有私人房間、有這個質素的美食，性價比算高，如果大家去飲茶又突然間想食啲日本嘢也可以參考吓這篇文章。…Read More

成日喺鑽石山行過都見到呢間餐廳，今日終於入咗去試。🙏🏼 以下我會跟餸菜嚟到嘅先後次序，分享些少我品嚐的心得：第一碟上菜係薯條，薯條即炸新鮮，食得出係真用薯仔做的🥔外脆內軟！南瓜湯好味，是南瓜打到很creamy 的味道，味道適中，忌廉不會太濃味，足料。第二碟到的是意粉，意粉第一啖比較乾，之後發現原來啲油喺底，撈完之後成碗意粉嘅味道提升咗，先味好多。每一碟上面都有趣波波嘅蒜片，後期發現每啖意粉都加一粒蒜先會最突顯嗰種先蟹肉味，建議大家咁樣食！😻🫶🏻之後就是想從頭戲，他們的招牌鐵板燒，我們叫了個多拼的，因為想試吓不同肉的味道。餐包有驚喜，食落去唔係硬過嗰啲，係軟身有麥味的，燒肉方面，整體來說燒肉都比較乾身，有肉味但是裏面的汁不是太多，不過CP值來說，一個套餐這個價錢有+$8薯條任食、餐飲及錢財還是可以的。最後加了$48上了個窩夫甜品，是即做的外表幾好水果也新鮮只是窩夫皮稍為厚了一些。以上係個人少少評價，少少食物的美中不足。整體來說，這個價錢吃到這樣的套餐+環境，也不錯，推介朋友及家人聚會的好餐廳。…Read More

這間一向很喜歡，是推介給香港人世高質Cafe來的，之前被它的雞蛋布甸吐是吸引了，之後更試了他的不同吐司🍞，實在是回味無窮！🥺🥺❤️❤️都是內脆外軟，吃落去那種牛油及蛋的味道調配剛好，而麵包內夾了熟食的餡也不會影響麵包的質感，吃落去也是鬆軟及有層次的，的非常推介❤️‍🔥❤️‍🔥❤️‍🔥…Read More