food_kayou的个人专页

經過餐廳門口，俾入面嘅露營車同live band吸引住，估唔到竟然係食越南菜同泰國菜，好有驚喜！🌼越式海鮮沙律凍盤醬汁酸辣開胃，有蝦有魷魚非常足料，配埋蘿蔔絲好有口感🌼迷你小食拼盤蝦餅脆卜卜，魚餅香辣惹味，雞翼甜蜜蜜中和辣味，菠蘿超多汁🌼馬拉盞炒通菜份量多，馬拉盞鹹香味足，通菜爽口無渣🌼慢煮牛舌飯配咖哩汁牛舌超軟熟，咖哩汁唔辣偏甜好啱小朋友食，最鐘意佢用左珍珠米，粒粒分明非常煙韌🌼泰式椰香海鮮燴意粉帶子厚肉、蝦彈牙新鮮，淡淡椰香配上酸辣汁有層次，意粉好掛汁😚🌼桂花花蜜（熱）&芒果菠蘿沙冰沙冰大杯酸甜解膩，桂花花蜜好特別，清香花味又暖胃…查看更多

同同事去開亞太中心有野做，發現左依間小店，入面啲菜式好細緻咁，所以決定試試佢😋結果食得開心又坐得幾舒服，聽講包場仲有9折，同事諗住返去同老細建議下🤣🌼意式煎豬柳配香草車厘茄豬柳又嫩又多汁，咸香惹味再有車厘茄酸酸甜甜中和返，非常夾👍🌼經典黑胡椒芝士手工意粉（帶子）手工意粉有咬口，帶子厚肉煎得金黃好香口😋仲要現場即時添加芝士，職員超闊綽俾勁多！🌼自助海鮮青口鮮甜帶海水味、白蝦實肉、翡翠螺彈牙甘甜🌼冷盤切肉選擇多，鹹辣都有，質地偏柔軟唔膩口，好適合配酒食🌼煙三文魚不斷encore 🤣 油脂味超香，煙燻味都出，食落啖啖肉，正🌼菠菜忌廉湯濃郁菠菜味，忌廉味重，飲落好順滑…查看更多

近期食過最滿意嘅西班牙餐廳，每樣小食都好出色好有心機整，得閒想試吓異國菜式嘅話推薦！最最最吸引係有得free flow 🤤😚sangria 都任飲～伊比利亞黑毛豬火腿配蕃茄包真·蕃茄醬，係用新鮮蕃茄整，即刻幫咸香嘅黑毛豬火腿refresh ，有層次～酸汁醃帶子配牛油果香蔥醬帶子唔算厚但好鮮甜，好香嘅蔥油味，加上牛油果醬，完全唔會膩八爪魚腳配薯仔、紅椒粉及橄欖油八爪魚腳超嫩易咬，紅椒粉、橄欖油同沙律醬嘅組合好新奇，香氣濃郁🤤牛頰肉配薯容超腍，完全係入口即溶個隻，滿滿骨膠原加利西亞新鮮生蠔🦪兩小盤都大大隻夠曬海水味，好新鮮👍食完一隻又一隻停唔到伊比利亞豬肉野生燴飯推薦！無諗過豬都咁好食，完全唔鞋好嫩，食落有豬味，最欣賞個飯嘅硬度，唔會太腍😻巴斯克芝士蛋糕配雜莓雪葩&西班牙脆條配朱古力醬及雲呢拿雪糕超驚喜嘅甜品🥰好豐富，特別係雜莓雪葩好濃味，脆條上嘅粒粒砂糖好有口感😚三個字總結：大滿足😌…查看更多

俾餐廳嘅環境同餐牌吸引左，簡約小清新風嘅裝修，選擇超多嘅semi dinner buffet : 冷切肉盤、芝士、前菜、沙律菜、海鮮有蝦、青口、翡翠螺，全部顏色鮮豔，非常新鮮👍🌼經典牛肉漢堡配竹炭包牛肉漢堡油脂味香，個包好夠熱，溶左嘅芝士配埋source好夾。去嘅時候咁啱係萬聖節，仲有個牌仔非常應節🤣🌼白酒忌廉蟹肉粗管麵賣相好靚，粗管麵口感煙韌有口感，非常掛汁，每啖都食到蟹肉絲，滿足😋餐廳仲有多款酒精飲品選擇，2點半至8點仲有happy hour好抵飲，抵至8折😍如果有一大班朋友想包場都冇問題，職員話早兩星期booking 有85折優惠…查看更多

二人套餐🌼海鮮龍蝦湯一定要加！龍蝦味濃郁，而且仲有龍蝦肉好足料😋🌼慢煮雞胸柚子汁沙律雞胸嫩口唔鞋冇雪味，沙律菜新鮮，配埋柚子汁好夾！🌼肉眼扒牛板鍵賣曬，臨時換左肉眼，超有誠意！勁大塊！煎得啱啱好，肉汁多又有牛味，正！🌼青醬帶子螺絲粉帶子新鮮厚肉，螺絲粉沾滿青醬超香🤤仲有啲沙律菜中和下冇咁膩👍🌼Tiramisu 酒味比較濃，食落夠凍，cream都滑身，上面仲有幾塊動物餅好可愛🤣🌼cappuccino & passion fruit soda Cappuccino 泡沫感重唔甜，熱情果梳打酸甜開胃…查看更多

去到咁出名嘅打卡酒吧就一定會飲酒，但係冇諗過小食出色～🌼Drunken chicken roll花雕酒味香，食落都好嫩口唔會乾，好有心思嘅製作，有種食fusion菜嘅感覺🤣🌼Crispy chicken wing炸得香口，擺耐咗仲係好脆，即叫即炸熱辣辣，咬落仲有汁，Jeng🌼Edamame 係滷水味嘅枝豆好得意🤣枝豆煮得比較軟身，所以索曬啲滷水嘅精華🌼Crispy Potato Wedges 依度嘅薯角係貨真價實嘅薯仔🥔上面曬咗少少香料，所以食落好惹味好滿足～…查看更多

終於知點解咁多人🥹每一道菜都好好食好有鑊氣，特別係雞翼真係好正！而且環境好舒服企理，好啱一班人gathering~🌼蜜椒薯仔牛柳粒薯仔軟硬適中，牛柳拿捏得好好，粒粒軟腍易咬，每一粒薯仔同牛柳都沾滿蜜糖😚🌼金銀蛋浸時蔬（菠菜）健康之選☺️時蔬有勁多選擇！連平時好少有機會食到嘅菠菜都有得揀，份量好足，個面鋪滿晒金銀蛋～🌼風沙蒜香雞中翼鍾意香口嘢一定要食！！蒜香味重，雞翼大大隻，影相擺耐左仲仍然外脆內軟滑，隻隻都痴滿風沙蒜粒🥹勁正🌼杞子龍眼菊花蜜（渣）好滋潤嘅菊花蜜，龍眼味出，啲杞子都好甜，仲有得叫一渣幾個人share~…查看更多

去西九睇完日落發掘到嘅日式餐廳，價錢親民🥹仲要有無敵大海景任睇！🌼廚師發辦壽司八貫壽司件件都好靚仔！甜蝦、帶子、三文魚、油甘魚都好厚身肥美，八爪魚、墨魚好柔軟鮮味足，一啲都唔難咬😙左口魚燒過之後好香口😆滿足～🌼極上厚切牛舌心超正🤤厚身軟熟又多汁，牛味濃🌼燒雞肝、雞腎兩串都燒得啱啱好，唔會太乾身。雞腎爽口唔腥，雞肝帶顆粒感，味道溫和易送酒🌼番薯條（芥末醬）份量多，幼身番薯條炸得好脆，每一條都好甜，食耐左怕膩嘅可以點芥末醬中和下🙈🌼Highball (Coke) / Haru sunset兩杯酒都好唔錯🥰冇偷工減料。特別鐘意佢個Haru sunset，菠蘿汁加橙汁嘅味道，酸酸甜甜，好易入口～…查看更多

食咗一次已經非常驚艷🥹去尖沙咀搵食，唔想食太貴，但係又要有質素，極力推薦！！🌼鐵板西冷牛扒壽喜燒汁依個價錢，依塊牛扒絕對好有誠意，火候控制得啱啱好，切開仲好粉嫩，咬落超多肉汁唔會韌，配壽喜燒汁好夾，仲要俾埋隻蛋你中和下，唔會太鹹，洋蔥最後索晒啲汁超正🤤🌼雙層牛舌咖哩漢堡蛋包飯擺盤幾有心思，漢堡有好濃嘅牛味，中間仲食到粒粒嘅牛舌粒好有口感，咖喱甜甜地唔會太辣搶咗牛味，配埋個滑蛋，超有層次😋🌼套餐加配薯條🍟、湯🥣特別想讚薯條擺耐咗都唔會淋，仲係好脆口，而且個湯都好用心煲，入面有啲牛，飲落好清甜解膩…查看更多

舖頭嘅位置好低調，無意中行過俾佢嘅氣氛同燈光吸引住，於是俾次機會佢，結果成功發掘左一間好餐廳😚😚🌼香草羊架配脆薄荷葉+芝士龍蝦必點！羊架一啲都唔羶，薄荷葉脆脆地增加口感，配埋一齊食好夾。另外加咗隻芝士龍蝦，好多膏，而且彈牙鮮甜😋🌼安格斯牛肩胛扒配烤大蒜牛肩胛扒煎得啱啱好，非常粉嫩又多汁，同大蒜一齊食又係絕配🤤🌼綠色小沙律比想像中大碟，沙律醋好香好清新，啲菜都靚仔🌼 tiramisu非常可愛嘅擺盤，上面層cream好滑，整體都食到好香咖啡味，而酒店都唔會過重🌼Green Apple Mojito 好清新嘅一杯，非常易入口，但唔會太甜，好啱女仔飲～🌼white wine易入口嘅果香味，順滑唔刺激，比較容易接受…查看更多

真係冇諗過長沙灣街邊竟然有間咁靚嘅Cafe ，環境乾淨又寧靜，地方闊落又好坐，推薦俾想傾偈傾全日嘅朋友🤣又或者初次約會都好適合🤭土耳其風嘅cafe選擇唔多，鐘意打卡嘅你千奇唔好錯過🥰一定會好滿意！🌼Special dirty 因為係用全脂奶，所以口感非常濃郁，令到成杯Dirty嘅層次更出👍而且奶好creamy好夠凍，抵讚！🌼牛角包(蛋沙律）牛角包熱辣辣，非常酥脆，但沙律都俾得好多，非常足料，仲搭左塊生菜refresh 下😋特別推薦長凳位，好多得意藝術擺設，打卡背影同咖啡都好靚～仲有個outdoor 園景，好有日本亭園feel…查看更多

今日去通菜街搵食，發現到間食米線嘅小店，入面環境好整潔，坐得好舒服，而且服務員好細心有禮貌，見到我哋好糾結唔知食咩好，會主動介紹好nice~🌼雞雜小窩米線非常少見嘅配搭，鍾意食內臟嘅我毫不猶豫叫咗，份量多，切到細細粒好易入口，而且一啲都唔腥😋雞骨湯係師傳用左4個鐘煲，飲落真係好濃郁，米線真係好Q彈，唔會一咬就斷，有種年糕嘅煙韌感😍🌼小窩米線（蘿蔔、豬潤、滷水雞翼、韭菜餃、芫荽餃、肥牛）朋友仔超級貪心，叫左勁多配料，樣樣都好唔錯🤓🤓蘿蔔夠甜冇筋，豬潤新鮮唔腥，雞翼大大隻，肥牛嫩口冇雪味，韭菜餃同芫荽㗎都係人手包嘅，好足料好有誠意！🌼尖椒滑嘟嘟皮蛋見到隔籬枱叫好香好吸引，唔食得辣嘅都忍唔住試吓🤣點知好驚喜，冇想像中辣，而且唔會好重味精香油味，感覺好天然，皮蛋上面仲有啲茄子同尖椒，食落好有層次，推薦！…查看更多

今日收工想食啲特別嘅菜式，所以拉埋同事一齊食蘇媽，性價比高，但質素唔差👍👍🌼怡保芽菜雞（半隻）隻雞幾滑，但底個醬料冇乜特別，比較似豉油雞汁嘅感覺，芽菜比較青但爽口，我自己就唔介意，鍾意點埋啲汁一齊食🤓🌼湯咖喱豬頸肉叻沙（摻摻）正常發揮，略嫌摻摻個份量有啲少，夾左幾啖就好似冇啦🌼椰香咖央多士好味！必叫！記得一定要趁熱食🌼焦糖開心果沙冰一般，開心果味唔算濃🌼美祿暴龍美祿味重，超大嘅一杯，鍾意朱古力嘅可以試吓🌼馬來西亞拉茶正常發揮，不過因為拉茶本來就好飲🤣…查看更多

之前食過好多次，雖然價錢小貴，但係食物有質素，所以經過太子都會嚟試吓，不過最鍾意都係佢個Carbonara 😍😍食咗好多次都係咁好味！！煙肉嘅鹹香味同個醬好夾，嗰醬好香蛋味但唔膩，超級好食😋可惜嘅係今次食比較稀身，再杰啲應該會濃郁啲更好食😌…查看更多

意外發現嘅點心舖，雖然餐廳比較細，坐得比較迫，但係每碟點心都有質素，可以一試～🌼豉汁蒸鳳爪鳳爪軟嫩入味，唔會太淋太重醬。🌼鮮蝦腐皮卷腐皮卷外層脆卜卜，入面有蝦同芫荽等等嘅配料，食落好香口好夾，推薦！🌼蝦餃（2粒），燒賣（2粒）蝦餃外皮薄透，蝦仁彈牙有咬口；燒賣用料足，大大隻蝦仁放面，非常靚仔～🌼黑金流沙包真流沙包🤣咬開後流出滿滿鹹蛋黃奶黃…查看更多