ข้อมูลส่วนตัวร้าน lkyannnnnnn

好少可出沙田今日做完嘢係商場行左好耐諗食咩 最後喺門口睇Menu揀中左呢間點知就係咁中左伏 月見燒牛肉意大利飯：俾個menu fake哂 完全係圖片只供參考黎到啲牛比較厚 又太熟了 好靱 完全唔好食🥲飯底正常發揮 無特別 抹茶豆腐沙冰：佢寫到明係沙冰 沙冰喎🥲🥲我飲落 全部都係碎冰粒味道係正常 但每一啖都係碎冰難飲🥲呢個價錢 呢個質素 不了員工態度不錯的 斯斯文文同埋環境不錯 坐得幾舒服但今次叫兩樣嘢 兩樣嘢都唔好食唔會有信心再黎試下次 …ดูเพิ่มเติม

早排係公司附近開左間姓價比幾好既餐廳見佢餐牌上面啲嘢都係40-50蚊左右今日早放飯 見未係太多人排隊 終於可以試下！！坐低掃code落單 順便比埋錢 都幾方便但係無apple pay 比信用卡要入卡資料🥲希望遲啲會有埋apple pay啦 會仲方便海帶湯同泡菜係免費任食🫣 自己係出面攞唔洗特別加錢黎講 兩樣既質素都好高唔會話唔洗錢就好難食😂嗌左個大醬湯 $35 加 $8有埋飯 飯仲要係無限添加 雖然我食一碗就飽其實😂😂大醬湯都幾足料 有啲薯仔豆腐金菇 好抵食🫢同埋石鍋上 好夠熱！…ดูเพิ่มเติม

係外賣嗌左外賣 送到黎有驚喜..估唔到有保溫袋芝士漢堡扒係中間啲芝士仲流心緊同埋明太子醬好好食！好夠味驚喜到忍唔住突登過嚟打食評哈😂不過外賣app叫 無折就唔會考慮了…ดูเพิ่มเติม

係附近番工 覺得呢間米線好好食 食過好多次今日難得同啲同事去堂食 如常叫番撈米線小辣點知係辣到完全食唔到.......明白唔同廚房師傅既手勢可能有啲唔同 但相差到咁又太過份了吧側邊同事更加唔食得辣 想話可唔可以攞碗湯溝淡少少 點知要收6蚊.. 勁細碗 係茶杯size...問佢有冇熱水 佢話淨係得支裝水😅😅😅請問正常廚房會唔會係無熱水？想講明明係佢哋廚房出品個標準不一我地只係想有個方法可以繼續食到個米線相信一碗湯或一碗熱水對一間餐廳的成本並不算什麼 可惜最後的結果完全係消費者無辜去承受決定以後唔會再食🙂‍↔️…ดูเพิ่มเติม