inRyenot的个人专页

午餐50-60蚊有湯同野飲送 D份量係食到脹個隻 日日都唔同 每次嗌都冇失望過 湯正常好飲 不過不失焗飯意D肉好夠 但係嗌意粉的話汁就略為不足 有啲意粉會比較淡少少 蛋包飯好食 啲飯有蕃茄同腸仔 加埋舊吉列豬扒一定夠飽 啲芝士加埋蕃茄真係5** 不過舊蛋嘅形狀就要睇運氣 我第一次食嗰陣時就包得好靚第二次就稍為鬆散下午茶40幾蚊飯份量都足 雞翼同薯條都炸得脆卜卜 咖哩雞飯啲咖哩甜甜哋幾好食 不過下午茶嗰D肉份量就一定少過午餐嗰個 舊芝士西多冇想像中咁甜 百分百嗰啲甜過佢多多聲 甜甜地帶啲鹹味好過死甜好多 幾好食 服務態度都正正常常算係 因人而異 冇話特別*口*面 枱側邊有紙巾 個人覺得幾加分環境都算闊落 卡位坐得幾舒服 嗰啲一人位都企理闊落 繁忙時間嗰陣時地下會有少少污糟 但係個枱同櫈都算乾淨 不過條柱隔離有個卡位對住冷氣吹真係好凍 Tldr: 抵食又幾好食 十分推介…查看更多