shan19911202的个人专页

在香港食日式燒肉，除了街知巷聞的牛角之外，都不坊試一下這間驚安燒肉，午市及宵夜時段有特別59折優惠👍🏻星期一至日 , 公眾假期都有折，不過香港得一間分店，建議大家都係預先訂位穩陣d我食過幾次雞肉都覺得好juicy , 今次冇叫，主打和牛，如果夜晚食，我覺得略嫌有點貴，和牛友三角原價$178 , 但只有五塊 , 59折後$105 , 都唔算合理但都可以一試。驚唔夠飽就記得叫個紫菜月見飯 😊 不過我朋友就話牛角好食d , 因為有埋牛肉汁。想飲啤酒就好抵啦 , $48 買一送一 , 好大杯，飲完有d 微醉，再食個芝士蛋糕，濃濃的柚子同芝士味 😊😊服務態度方面我就覺得唔錯，whatsapp 亦可以直接預約訂位，非常方便👍🏻👍🏻 建議大家可以whatsapp 問職員有咩優惠 😚…查看更多

同朋友約左晚飯，裡面環境都幾日式和風，同埋夠安靜。食物方面，我同朋友都揀左最貴既丼，最多刺身款式的，有帶子，蟹肉，蝦，海膽 😝 因為一有海膽就忍唔住揀左黎到有一個暖水壺熱住魚湯，店員介紹食完刺身，淨左d 飯可以用魚湯黎浸，變成茶嘖飯。蝦同海膽我覺得不過不失，其他材料還好，份量我覺得都多，都好飽，我地仲貪心叫多左個燒明太子，我覺得可叫可唔叫啦 😂 只係我同朋友都咁岩中意食明太子就勁想食。最後食淨d 飯就落魚湯，湯既份量都好多，我覺得落一半都可以，落太多會太咸。整體黎講，果個位置冇太多好野食，我覺得算係九展既高質食鋪，下次做野放工會再去食 👍🏻不過價錢就略貴。…查看更多

環境靚，對住維港海景，如果冇睇過幻彩泳香江的朋友可以預約窗邊欣賞景色。服務態度好，不過中途侍應唔小心倒瀉左叉燒汁落朋友身上，經理即刻提議免費乾洗，以及全單有85折。因為家人請客，所以唔知價錢，但都知略貴。食物質素都好味，但份量唔算太多，性價比偏低。但擺盤靚，得體。…查看更多

其實我係尖沙咀返工，已經食過三次Food Simple , 每次都會覺得，咁唔起眼既店鋪，煮既野估唔到會有驚喜，係好食，但每次入到黎真係好少人，每次都有位坐。冇計 😂 門面太唔似日本野，以為係普通既魚蛋粉鋪頭。每次都係冇咩人，鋪頭安安靜靜咁上次已經聽到有其他客人話好食，所以今次一定會試哩個---漢堡扒芝士流心定食 $108不過餐廳menu入面冇話特別推介哩款定食，所以要細心d 要搵先睇到 😂😂果然係流心，而且唔會覺得好漏/好滯，配合埋蛋漿，口感同味道真係非常配合👍🏻👍🏻服務態度我覺得一般，中規中距。價錢其實以食物既質素黎講，我覺得係值既，但如果計埋地段黎講，同埋入面環境，我會覺得偏貴。所以我都唔會話成日食，但就一定會推介俾好少黎尖沙咀既朋友仔 😉…查看更多

哩間已經係我同男友食過第二次既燒肉店了 😍首先價錢算係幾平民，而且質素更加係同價錢成正比，希望可以keep 住價錢同質素啦，因為平而又好食既燒肉店真係少之又少了 🥲裡面環境其實都幾有日本特色必食既牛肉九宮格佢有分兩個價位既九宮格我地就叫左平果個，三個人都夠食店員都好細心話我地知，首先要食未經掩製既牛，再食有調味既牛肉會較好d 牛真係好重牛味，口感都好好和牛刺身 $98 (4/5塊）我覺得反而哩個刺身就麻麻地，冇咩驚喜 😂😂覺得仲有d 不外如是既感覺可以不叫黑毛豬 ($68)超抵食店員教我地盡量放係爐邊燒，因為比較搶火，我地就試左放爐邊同爐中間有咩分別發現放係爐中間燒，由佢搶火仲好食 🤣更惹味，好有火氣，入面既豬油好入口即溶既感覺，正我地稱佢為黑松露雞肉山 🤪因為以佢既價錢同份量，絕對唔成正比如果想飽肚就一定要叫 👍🏻最後夜晚埋單每人二百幾蚊左右 👍🏻 我覺得好合理…查看更多

今日要自己食lunch , 就揀左間坐得舒服既餐廳食 😜 好中意the one 既餐廳，因為都一定係坐得舒服，而且質素都一定唔差（但一定貴囉 🥲）今次叫左個set lunch , 我唔係太好飯/意粉，所以我好欣賞哩間餐廳會有特別既菜色 👍🏻 set lunch 入面送既餐湯，西蘭花忌廉湯好多菜蓉，好有咬口，個口感好飽滿，好味 👍🏻近排中意食素叫左個植物肉丸溫泉蛋芝士薄餅$85肉丸表面炸粉好薄好脆，咬口一流，不過始終係植物來源，所以冇左肉汁既感覺其實似食薯餅 , 不過叫得植物肉丸都預左，所以我覺得可以接受，薄餅好有彈性，口感好好，夾心有蛋同芝士，好香口，而且賣相都好靚，好壯觀份量都唔少，我就食唔晒喇Mocha (另加$18)我戒左糖既關係，冇落糖，所以唔會好甜，咖啡同朱古力既比例都好好，唔會一面倒仲送左塊薑餅，非常貼心入面既環境都好舒服，唔會太迫，而且有大玻璃好光猛…查看更多

今天在公司食外賣lunch 😊 就試下一間未食過既定食居酒屋，外賣黎講加埋運費唔算好貴 (而且有discount)先講包裝，我覺得幾好，冇漏瀉，d 盒表面全部乾身麵豉湯用左咖啡杯黎盛載，好聰明👍🏻叫左雞扒鹽雞定食，因為減肥 🥲 想補充多d 蛋白質做營養雞扒燒得幾好食，配上檸檬汁，冇咁熱氣開頭見到嚇親 😐 中華沙律同沙律菜放埋一齊，好驚兩樣汁會溝埋一齊變到好核特好難食，但好在中華沙律冇準，乾身，就冇哩個問題🙂中意食定食既人黎講，飯係好重要，佢係用左日本米，不過可能外賣既關係，都冇咁軟熟，一般般啦。外賣黎講，我下次都有機會再食👍🏻都OK …查看更多

今日見完客，諗住快食一個飯，就入左雅蘭中心見到一間環境唔錯，有定食，有打邊爐既就入左去。我就揀左個燒牛肉定食，價錢大約$98 , 加左支原味波子汽水（另加$11) , 再加一服務費 , 埋單$120牛肉有點難咬，要成舊吞 , 飯唔係日本米，冇軟熟既感覺。配菜係凍，甚至覺得有d 難食。我覺得價錢平，係可以接受，但價錢我認為算中上，對於一個lunch 黎講 , 我覺得食物質素不配有哩個價錢 btw 對於一個快飯黎講，性價比唔高，我亦唔會介紹俾朋友食…查看更多

今日男朋友特地接我收工，問了一個識飲識食嘅朋友仔介紹了一間日本料理 🤤 我聽完後未出發已經先興奮，事關我太愛日本料理，要求都相當高。這間不但冇令我失望，亦有喜出望外既感覺。價錢算中上，最後我們結帳每人$3xx 元，但我和男友都認為這間是值得再試，亦會介紹給朋友的一間日本料理小店 😜😜我很喜歡留意店入面的裝橫，亦會欣賞餐具的小細節，店主好有心思，花的圖案是餐廳的logo 🌸先來第一碟雞泡魚乾，剛剛熱烘的魚乾，又不油膩，口感軟而又有口感。羽太刺身第一次食這種魚，但感覺好清爽鮮甜，配上特製柚子味調味料，更加覺得開胃（愈黎愈肚餓🙈🙈）驚喜之作 🎉 火炙鰹魚沙律這個我認為是最值得推介，最有驚喜，想一食再食的一道菜，裡面有一種香菜跟魚味完全配合得恰到好處，再加入香口炸過的蒜片，放入口有三種層次，我見到男友都流露出幸福的表情 🤣 串燒（白鱔/一口牛）燒鮑魚左口魚壽司抵食之選，如果怕唔夠飽嘅朋友，一定要叫壽司拼盤，入面有6款壽司（每款各一），絕對夠飽，而且每一舊都有入口即溶的感覺 😚最後店主都會問每台客人意見，很是貼心。原來因為疫情關係，店鋪都被迫多次提早關門，如果喜歡日式料理的朋友仔，都希望多多支持小店 👍🏻👍🏻💪🏻 亦都好多謝男友既朋友冇介紹錯 😄…查看更多