AkiWong8427的个人专页

同朋友係尖沙咀行完街，想醫肚個陣就被這家餐廳的霓虹燈吸引，雖然店裡位置不多，但看上去環境氣氛因霓虹燈變得非常重香港味！呢間餐廳主打日式和西式菜，每碟菜的名字都很奇特和有創意，讓人想試盡所有菜式呢～黑松露唐揚雞 $98 呢個炸雞一上菜就已經好香！除咗炸到外脆內嫩，亦唔會粉多過雞！最好食係因為黑松露醬滿佈全部雞塊，而不是一般的點冷冰冰的醬吃，味道融埋咗一齊！推介！焗秘製豬仔骨 $128個人非常喜歡有煙韌度的ribs，這樣才不會像煲湯的豬肉般肉質鬆散。而豬仔骨焗的時間剛剛好，照片看上去以為好燶，但其實不是喔😏肉質香軟又不會太淋，而且不會太瘦，醬汁調味剛好！吃完非常滿足！特別提一下薯條很好吃！炸得比平常吃的脆口！…查看更多

放工係灣仔附近想Chill一下，見到這家有點像酒吧又傳來肉的香氣，就和朋友進去了。看到Menu才發現是漢堡包店呢～看到他的Cheese Burger是店家推薦的，我們四個二話不說也點了這個，還可以加不同的Toppings，如黑松露、芝士、菇等等。除了單點包之外，可以叫 + $30 套餐Combo，便會送飲品和薯條🍟～最驚喜的是，除了一般薯條外還有多款選擇，如炸蕃薯條、芝士煙肉醬薯條，還有香港少見的脆薯球都有！真的不能錯過脆薯球！喜歡吃薯餅的你真的不能錯過！而這個漢堡包一上菜時便傳來牛油的香味，初時以為係肉的香味，但咬下去就知道，麵包香脆而且麵包顏色偏黃，是因為用牛油煎過！肉排厚而不硬，有啖啖肉汁，我點餐時加了黑松露，還加了不少呢。另外包裡的蔬菜也非常新鮮，中和了肉的油膩。飲品方面推介這個曲奇味Milkshake，看Menu的圖覺得實在太好看了，而且上面滿滿的Cream很滑～但吃薯條還是要配啤酒，相對傳統老牌，推介Rogue（Dead Guy Ale)，這款麥啤除了重麥味更有一陣香氣，味道非常有層次，下次再來都要點這杯！…查看更多

鼎王來到香港一段時間，終於得今次一行四人食到啦！餐廳佈置簡潔舒適，以木系擺設為主，而且有圓拱門分隔不同空間，有點日式的，都幾特別～叫了個鴛鴦鍋，一邊麻辣一邊中酸辣。小辣是麻辣湯，辣度對我而言已很足夠，配上粉條或蔬菜會更香辣！最開心的是會豆腐、鴨血和酸菜都是無限添，朋友很喜歡吃，不斷的添。中酸辣湯裡有大量的酸菜，非常開胃，喜歡吃辣的朋友可以再點大辣～湯底價錢是以人頭計 $68 一位，好抵食！五花去骨鮮牛肉和特級牛肉。兩種牛肉色澤都好美，很有牛香。而五花去骨的牛肉脂肪雖然多一點，但香而不油膩蛋餃比一般餃子口感更彈牙，因為蛋皮不會太淋，食落還有蛋香，值得一試呀～蝦滑上菜時已看到有很多蝦肉，十分足料！所以整個蝦滑很彈牙，而且亦很有鮮味。粉條質感很煙韌和彈口，建議放入麻辣湯吃。枸杞菊花露材料很足非常好飲，不會太甜又可以解辣，絕對要點一枝！…查看更多

餐廳名字為蛋哥，故名思義以蛋作主題，就算只是頹飯— 餐肉煎蛋飯也可以很優秀，是近期在觀塘最喜愛去吃午飯的餐廳！邪惡三眼仔｜三眼仔正正是三隻會流心的太陽蛋，不是分開而是連在一起的，看上去很吸睛！蛋沒有煮得太熟或太生，香滑的蛋汁再配上秘制的甜䜴油拌飯，就算是普通的餐蛋飯也很美味！餐肉煎得皮脆，厚度適中～午餐會送飲品，我們多數會點柚子蜜～另外這裡服務也很好，我們之前來過一兩次，店員都記得我們上次吃過什麼再推薦新菜式給我們。他們不時也有限定菜單，用時令的食材，大家可以留意一下那個大黑板喔～…查看更多

星期五晚想和朋友喝點酒輕鬆一下，在尖沙咀經過這間餐廳，看到戶外區有人吃水煙，感覺很Chill，加上餐廳裝修挺Modern又帶點異國風情，就決定一試。先點兩杯 Cocktails，第一次嚐到帶點辛辣的飲品再配上水果的味道，一試就愛上。 😍Jalapeno Paloma 有芒果和荔枝，The Bad Mujer 有菠蘿和薄荷，兩杯都很特別～玉米芝士炸丸子 |必點！炸得金黃又香脆的丸子，芝士除了多得可以拉絲，裏面的玉米香甜，配上紅色的酸辣醬，不太膩也不太辣非常好吃😋Enchiladas 辣醬玉米餡餅 |羊肉配厄瓜多爾醬，😏一看到名字便想點的菜！而且才剛知道墨西哥菜原來有這個菜式～賣相非常好，餡餅表面佈滿了芝士和酸酸的厄瓜多爾醬，非常惹味和開胃！🤤入面的羊肉很滿很多，味道香而不羶，還有蔬菜在內帶點清新。推介！雞肉 Nachos |醬汁和芝士跟Nachos溶在一起！配上雞肉絲令口感更豐富而不會只有乾巴巴的粟米片。最特別的這並不是一般黃色的粟米片，而是紫色和紅色的，加上不同的配菜和蕃茄還有醬汁，色彩繽紛的～分量也很多，兩個女孩子差點吃不完～最後店員問我們要不要Shisha一下，看到附近的人也陸續吃水煙，我們也忍不住了～我們點了 Earl Grey ，味道清新而且特出，也較持久不會很快淡。價錢也沒有很貴約二百多，絕對推介愛水煙的朋友。…查看更多

同朋友聚餐想食好野，行左去尖東搵左間抵食鐵板燒餐廳環境都幾舒服，一入門口已經見到老闆擺好多私人珍藏figure係店入邊，位置好闊落咁啱我地三個人lunch時段早到，俾左房間我地我地三個人點左2個午市A餐，1個午市C餐。等緊師傅準備食材時候，先上左沙律俾我地，入邊有蟹子、蘿蔔、蟹柳、海藻，冰菜等等，柚子醋酸味可以增加食慾。我地三個餐全程share黎食，首先黎左聖子皇。第一次食鐵板燒聖子，平時食開蒸聖子皇，本身無期望，點知有驚喜。聖子皇鮮味保留到，鹹味啱啱好，完全唔需要再調味，多肉汁，而且好爽口。老闆仲話唔係成日都有聖子皇，我地好幸運食到，所以推薦大家揀左聖子皇先～銀鱈魚牛油味好香，皮脆肉嫩，好juicy燒大蝦先將蝦頭ge膏用個專用器皿裝住煮好，燒好蝦之後再淋蝦膏係上面，真係超多膏，我本身對蝦無咩好感，都忍唔住食多d鵝肝多士+菠蘿我本身對鵝肝已經無抵抗力，食之前聞左下，鵝肝油香味好濃，雖然外面煎到好香脆，切開原來入邊仲係好嫩，食完鵝肝之後食返菠蘿可以中和油膩感紐西蘭羊架我地要左7成熟比較香口，紐西蘭羊架臊味唔會太勁，因為脂肪同肉比例啱啱好，食落肉質彈牙，燒完加埋香草，香味更加突出薄燒牛肉師傅話牛肉要差不多燒時候先攞出黎，如果唔係會影響口感。師傅介紹3成滑口，7成就香d，根據自己愛好選擇，我自己要左3成熟。因為有好多炸蒜片同蔥，其實3成熟都好香口，師傅建議食牛可以點返少少芝麻醬魚籽蒸蛋我地另外點左蒸蛋，竟然連埋蛋殼上，直接擺係鐵板上面焗，無影響到品質，都係超滑口炒飯師傅話用返啱啱舊鵝肝煎出黎既油炒飯，粒粒分明，落左蝦乾魚乾仲有蒜片一齊炒好香口，我自己略嫌乾身，同行朋友就好like

炒飯時候上埋湯，坦白講好多間餐廳提供湯都係即食feel，呢間算係唔錯，配菜好多，有南瓜，番茄，豆腐，海帶，蜆，洋蔥，蔥等等，唔會太鹹，飲完都唔會口渴炒雜菜太多野食同時送上，顧住食野完全無睇到師傅點炒，原來都有蝦乾一齊炒當我地三個飽到上心口時候，店員同我地講仲有雪糕。咁啱得返抹茶味，不過食落好重奶味，抹茶味唔出，不過不失總的黎講，係尖東地舖300蚊唔使食到個咁豐富午餐，性價比黎講算高。鍾意日本figure既朋友可以去欣賞下老闆珍藏，老闆好熱情介紹佢心頭俾我地睇…查看更多

打完邊爐鹹鹹地，固之然就想食糖水～Menu 全部都影得好吸引，好似碗碗都好足料咁～最後叫咗最愛吃的芒果味甜品。芒果達人 $40 |賣相同Menu一樣都係咁多料同咁靚，用椰汁西米露做底，入面有芒果雪糕、鮮芒果、芒果布甸～最怕西米露會無西米、好似水咁稀，好彩呢間唔係，不過椰汁唔算好香。布甸其實係奶凍質感，香滑又有小小彈口～芒果肉黎講，呢個季節食竟然唔酸，店家應該好用心揀芒果～雪糕就奶香比較重喔。雪糕貴妃甘露 $40 |必需一讚，呢個貴妃甘露的西柚粒多到就嚟瀉，而且汁底就好出色，有西柚混埋芒果嘅酸甜味，食落好香會好想食多幾啖～40蚊食到咁足料的糖水，好抵呀～好想繼續攻陷呢間舖嘅所有芒果甜品～…查看更多

今日天氣好凍，一凍就想打吓邊爐，仲要係辣個隻，同朋友經過呢間烤魚就二話不說入咗去～舖頭係Scan QR Code 手機入單，叫嘢食都幾方便的～經典麻辣味 X 清江魚 $258｜我地叫咗中辣，個鍋其實味道是不錯的，有好多花椒八角，一上鍋嘅香辣味已經令我留曬口水。揀完鍋之後就揀魚，有四種：鯇魚、清江魚、江團魚同桂花魚（順次序咁計：最少骨到最多骨，價錢都係）。最後叫咗清江魚，估唔到又幾滑，而且無乜骨，但肉質比較腍，250蚊又無話超好食，開始覺得有小小唔抵😕😕份量而言，兩個人叫一個鍋，加3個小食都差不多。之後再叫咗幾個餸打邊爐。加拿大肥牛 $68，感覺好一般，份量又唔多；炸魚皮 $28，竟然係腍嘅！一啲都唔脆... 寬粉 $ 22，每次食火鍋都係必叫的！燒椒皮蛋 $48 |本身對皮蛋充滿期待，唔知係咪食開譚仔的皮蛋，呢個皮蛋的味道實在太奇怪，所以最後都無食曬。絕對不建議大家叫。落單係自助式，但計埋加一，都要成550幾蚊，又唔係特別好食，真係覺得唔太抵。…查看更多

在 Yoho Mall睇戲之前想先吃個飯，想不到這裡也有Pokka Cafe，不過只有這間有Le Grand 開頭，價錢也好像便宜一點。鐵板和牛漢堡溫泉蛋飯 $148 ｜雖然這個漢堡扒飯賣這個價錢，但真的很值得。首先這塊是和牛的漢堡，咬下去非常Juicy，再加上溫泉蛋的流心蛋黃，令漢堡扒更加滑溜。而且那牛肉咖哩汁不太鹹不太辣，非常配！另外套餐的湯加了酥皮，但酥皮一般，不是香脆的而且偏淋，感覺放涼了，不太推薦。士多啤梨芭菲 $55 ｜最後忍不住要點一個甜品，他們的甜品Menu實在弄得太美啦～士多啤梨雪糕帶點果肉，整杯芭菲材料也很豐富，有脆玉米、豆腐、士多啤梨乾、果醬。50幾蚊就能吃到也是挺划算的～…查看更多

已經吃過下午茶，但又有點餓，所以和朋友二人來試試這家日式豬扒店～吉列豬扒泡菜湯烏冬 ｜果然是吉列豬扒專門店，豬扒又大又香脆😍，而且不是一般麵包糠的炸粉，炸出來一條條的～不過邊邊位置炸粉還是比較厚喔。最意想不到的是泡菜湯烏冬竟然這麼入味，每條烏冬都吸滿了湯汁，吃下去口感很滑溜🤤🤤。還有半熟蛋和蛋白花在湯裡，一口烏冬連湯吃味道相當濃郁和豐富！另外追加了炸蝦，蝦肉不算很大條，炸粉相對上厚了點，也沒有啖啖肉的效果。不過為了這個泡菜湯烏冬，我想我也會再來吃的～…查看更多

好久沒到日本旅行，來這家店止一止吃日本菜的癮。店員還會幫我們逐道菜燒好，服務滿分！ 先點了一個沖繩風的沙律，除了有新鮮的菜還有吞拿魚和三文魚刺身，更有少見的海葡萄，醬汁酸酸的十分開胃！龍蝦二人前浜燒盛合 |這個盛合有很豐富和多類型的海鮮～店員先讓我們看看這隻生猛的龍蝦！之後會製成刺身，每片肉都很厚身，也很爽口！其餘的龍蝦肉便會加入特別的醬料炒香，再放入龍蝦頭再燒，配上裡面的蝦膏非常惹味！除了龍蝦，還有超大的帶子真是看到都流口水，帶子肉厚又嫩滑。蟹腳很長味道又鮮甜，不會燒得太乾。鮑魚也很彈牙喔。甜品是絕不能錯過的！蕃薯、柚子和白桃味之中，蕃薯味初時以為有點不搭，但卻出奇的好吃！中柚子和白桃味的果香也很濃郁！另外，這裡的清酒星期日至三，這一款還有買一送一。今次點的「月之玉響」入口便是米香，飲到最後仲有富士蘋果和蜜瓜的味道，帶點果香的酒很適合我們女孩子喔～…查看更多

一向都好中意食牛，今次同朋友黎到銅鑼灣呢間專食牛的居酒屋，後來才發現原來牛有咁多個部位同內臟係食得嘅，連牛骨髓都有，今晚絕對係大開眼界！左至右 牛舌筋 | 牛心管 | 牛肺 | 牛筋牛舌筋口感非常煙韌和肉質彈口，是這碟串燒中最喜歡的；牛心管則很脆，沒有甚麼肉，香脆度有點似雞軟骨，會食唔停口；牛肺口感十分香腍，像是一塊和牛般但沒有那麼多油脂；牛筋柔軟郤有彈性，感受到吃了很多骨膠原。 左 牛心 | 右 牛小腸牛小腸燒得好香，像煎餃般，表皮很薄但夾住的小腸裡面原來是很軟但又黏口的，不會太肥或太油。牛心有點像豬紅的味道。左 牛大腸 ｜右 牛蒡相比下，牛大腸更爽彈 ，表皮較厚，夾著得更厚充滿油香但不太油。然後就到重頭戲兼長知識系列，牛的四個肚分別係牛草肚、金錢肚、牛栢葉和牛沙瓜，而今次點了：牛草肚 | 像有煎香表皮的牛筋腩，質感香軟，口感煙韌似年糕。牛沙瓜 | 表皮香脆，肉質更軟更多油。意想不同的是，原來牛肚肉雖厚但肉質卻十分柔軟，完全令我對牛內臟改觀。牛的橫隔肌 | 相比其他部位，呢個係啖啖肉的串燒，左至右分別有蜜糖芥末、黑芝麻醬、新鮮芥末、蒜蔥口味。個人覺得黑芝麻醬最特別，有點像胡麻醬，微甜配鹹鹹的牛肉串燒很配～店員一開始俾咗一小碟蘿蔔、窩荀、沙葛配有牛乾味噌醬，如果覺得牛肉較濃味，食一條已經可以清一清味覺再出發。順帶一提這個味噌醬牛肉味道香濃，很想用來拌飯或麵吃呀～飲品我們點了清酒🍶，最喜歡有焦糖味的～聞落甜甜的，喝到微醉吃串燒再把酒談心，是最好的收工節目。哈哈最後發現我地食咗好多嘢丫🤪🤪…查看更多

在旺角油麻地行街行到攰了，朋友推薦食這間頗有人氣的日式吉列豬扒專門店。不想吃得太飽，點了一個泡菜湯烏冬配吉列豬扒和小食吉列炸蝦。泡菜湯烏冬配吉列豬扒 ｜泡菜湯味道超好，夠辣而且酸鹹度剛好，還有滑溜的蛋絲、豆腐，上面有點泡菜，就像韓國的泡菜湯一樣。烏冬非常彈牙而且有點黏住的感覺，口感又彈，果然是日本的烏冬～吉列豬扒非常脆，肉質也不會炸得太乾，但個人認為炸粉有點厚，我差不多每塊都咬走一點炸皮才吃到豬扒。吉列蝦也有相同的情況。總結，為了烏冬和泡菜湯，我是會再來的～但豬扒就不了。…查看更多

估唔到大埔熟食中心有咁多好野食。黎到已經四點鐘，好多舖頭都閆咗，好彩仲有呢間泰菜未閆，如果唔係會餓死。兩個人叫左一個麵同一個小食咋。泰式烤豬頸肉 |份量頗多，豬頸肉肉質香軟，而且烤得偏燶，所以側邊啲肉好脆，但有幾舊硬得濟，側邊變咗豬肉乾，但味道都好鹹香，加埋酸甜汁好惹味！冬陰公米線 |好好味！好重椰香，最緊要夠酸辣！而且料多，有齊菇、蕃茄仔、蝦、芽菜仲有生菜，會忍唔住一路食麵一路飲湯，食曬成碗都唔洗食晚飯～…查看更多

呢間泰國餐廳有好多卡位，甚至有8、9個人都坐到嘅卡位，啱曬成班同事一齊黎食。環境都係其次，重點係野食。價錢又唔貴，下午茶食午餐餐牌仲有平！入正題：泰式烤豬頸肉飯 |豬頸肉烤得好香，肉邊微脆，肉質香腍入味，而且個醬汁酸甜辣味集於一身，食落會停唔到口。份量都唔少，差不多有8-9塊豬頸肉，夠送曬啲飯㗎。海南雞飯 |雞肉又香又滑，酸甜汁好食就緊，但係深色的醬油汁個人覺得有啲怪，有少少藥材味，但同事就話好好食。各花入各眼～值得一讚佢用黃油飯～好夾好香丫～絕對相信呢間泰菜會成為我地同事的飯堂…查看更多