kanads的个人专页

整體裝修很符合店名「稍息」有一種令人放鬆的感覺幸運地坐到榻榻米位置☺️☺️定食賣相已經很吸引最令我欣賞是湯品選擇了「昆布蜆湯」有別於普通的面豉湯每一口都是鮮甜的味道🥰茶碗蒸亦很滑特別推介夏日限定的「開心果千層盒子」小方轉切開內有乾坤外皮松脆的麵包加濃郁的開心果夾心超級好食開心果fans必定要點一早book mark了這杯藍色的「昭和の富士山」放上枱一刻視覺上已經覺得自己身處在日本波子汽水口味配上雪糕很夏天😋Latte 的拉花是一隻獨角獸🦄️超厲害的他們的Menu經常有不同的期間限定很期待下次在訪😉▫️秘制蒲燒鰻魚定食▫️京蔥牛柳壽喜燒汁蓋飯定食▫️昭和の富士山▫️Hojicha latte▫️開心果千層盒子（夏日限定）…查看更多

對可麗餅有種情意結每一次見到都會好想食估唔到Cafe Crepe既主食都幾好食中環威靈頓街店相對寧靜仲多左意粉漢堡包等主菜既選擇龍蝦肉扁意粉——龍蝦非常新鮮完全冇雪藏霉味，意粉用蒜蓉橄欖油炒過，調味做得好好，而且煮得軟硬適中，食完會意猶未盡。可麗餅有甜味咸味兩種選擇，除咗指定款式之外仲可以額外加配料。我個人偏好肉桂甜味，而且鍾意超多忌廉，所以選擇單點original嘅肉桂糖味額外再加忌廉同榛子醬🤤三樣嘢加埋一齊絕對係完美嘅配搭。極力推介呢度嘅奶昔，奶味超濃，我揀咗Nutella榛子醬口味🤤成件事好邪惡…查看更多

上網睇到佐敦開左一間新嘅和牛燒肉放題Book左最早既時段1730完美避開多人時段因為食完當刻真係超多人等位門口同洗手間旁邊都有牛牛裝飾放題有分A至F六個級別今次揀咗食C餐$448一位另收加一餐廳環境都算闊落兩個人都可以坐大大張卡位而且環境光猛坐喺卡位隔離見到有兩部大大嘅空氣清新機所以都唔怕好大油煙每張枱隔離會有一個密封路軌食物就會喺路軌度送過嚟然後按開門掣就可以取出食物都幾快捷又衛生餐廳仲有自助飲品沙律吧選擇真係非常之多單純係飲品都已經有好多種類有果汁、汽水同特調飲品雪糕櫃都超正入邊有超多口味日本雪條我揀咗最吸引嘅忌廉曲奇口味真係超級好食😋我出去自助吧行完一圈返到嚟已經見到隻船送到即刻要影相打卡先呢間餐廳喺擺設方面做得非常好絕對係打卡able食物擺放得非常靚船上包括有US&AUS牛肉、豚肉、雞肉、蝦、元貝及野菜仲貼心地有大大嚿牛脂令烤網冇咁容易癡底呢隻船係所有套餐都會包括另外泡菜拼盤都味道不錯調味非常開胃特別是大豆芽食完仲要refill多一大碟C餐仲有包括桶盛（小）係呢間餐廳嘅特色小田牛果然味道肉質都比較嫩滑同有肉味如果叫貴啲嘅套餐仲可以encore推介大家可以選擇薄炙牛肋肉有幾款口味可以選擇我覺得壽喜燒味係最好食提供埋半熟蛋同醬汁係燒完一刻放入蛋汁食嘅時候真係好鮮甜同順滑而且塊肉切得好薄燒幾秒都已經食得其他食物都有好多選擇比較特別嘅係有特選拌生牛肉味道都唔錯、肉質鮮甜而且食完無覺得肚仔唔舒服可以一試日本燒肉放題來講呢間都算係做得好好出餐速度快，感覺光猛衛生肉類提供嘅質素頗高而且口味選擇好有日式風格仲有日本叔叔服務員真係好似去咗日本一樣唯一覺得冷氣偏凍怕凍嘅女士要帶定件外套兩個人晚餐埋單$1000唔使…查看更多

男朋友生日要食得豐富啲之前食過觀塘駿業街本店覺得質素好好請佢去比較近既板神銅鑼灣店入到去覺得環境好大店員就安排咗我哋坐窗邊嘅位置見呢個便當套餐都幾多嘢食就order左一人一份沙律上有意式黑醋 撈埋味道好開胃蒸蛋味道超好食裏面仲有一舊好爽口彈牙嘅蝦肉整個味道都非常濃郁而且蒸得十分之滑便當用一個好大嘅盤奉上睇落效果真係好豪華真係非常之豐富雜錦刺身好新鮮食材選用都係偏淡味嘅魚唔會有魚腥味質感同溫度都好好天婦羅炸得香脆唔油膩食嘅時候仲感受到熱度海老Size夠大食落啖啖肉美國牛肉薄燒之前食鐵板燒嘅時候食過今次覺得煎得更加嫩而且份量仲多咗入邊包滿咗香蔥同埋炸蒜便當入邊我最欣賞呢一個西京燒銀鱈魚我本身好鍾意食呢一道餸味道做得好好而且唔會太咸點少少旁邊嘅沙律醬唔使送飯都可以食晒壽司做得都唔錯飯完全唔會散味道鮮美食完有啲意猶未盡好想再encore下次要黎試佢嘅omakase套餐仲有一杯飲品或者甜品兩位埋單$1000多啲…查看更多

難得行開觀塘朋友話想食鐵板燒佢話上網睇到呢一間好多人講高質價錢都算高價位好彩原來係兩個人套餐嘅價錢咁除翻開又可以接受入到去發現都已經坐滿左所以店員安排咗一間冇人嘅房俾我哋兩個人可以霸一間房好有私密嘅空間今次叫咗最平嘅日本牛肉薄燒套餐點完餐冇幾耐店員就送上前菜同沙律分別係「麥味增醃青瓜」同「明太子野菜沙律配和風柚子醋」-青瓜好清爽而且配上麥味增比較特別本身聽完我都唔知乜嘢係麥味增味道有啲鹹鹹地又幾好食-而沙律係撈好咗食每一啖都有好清新嘅柚子醋味面頭有三粒橙色嘅我以為係紅蘿蔔原來佢哋係明太子😂咬落嘅口感好實在，脆脆地同柚子醋嘅味道好搭配-時令刺身五款分別係「帆立貝」、「甜蝦」、「赤身」、「吉備奈子」同「沙追」「吉備奈子」同「沙追」比較罕見之前從來都未食過沙追嘅味道幾鮮甜吉備奈子魚味比較濃所以店員都建議最後先食上邊有配黃色既柚子味增剛好有提鮮既效果又可以中和魚嘅腥味食緊前菜嘅時候廚師哥哥就拎住一大盤海鮮入嚟見到呢一個擺盤真係超誇張呢餐飯就靠佢哋回本廚師哥哥仲好細心拎住等我哋打完卡影夠相佢先開始烹調第一樣燒嘅係「銀鱈魚」一開始見到廚師先剝咗佢塊魚皮我心諗做咩剝咗佢我最鍾意就係食塊皮原來佢塊魚皮會另外燒再壓到脆一脆好似薯片一樣銀鱈魚本身已經用鹽同黑椒調過味入口好嫩滑仲有油脂嘅甘香而「鐵板燒活南非鮑魚」真係非常生猛一放上鐵板佢就不斷郁動苦苦咁掙扎都係唔可以逃離俾我食嘅命運第一次試到鐵板嘅方法煮鮑魚果然新鮮嘅鮑魚係唔會有腥味口感彈牙同時神奇地唔會韌套餐送嘅龍蝦十分豪氣，超級大隻廚師會先將龍蝦肉拆出來再用蝦膏去炒龍蝦嘅頭同殼就會攞去熬湯-用蝦膏炒過嘅龍蝦肉特別濃郁龍蝦香味瞬間提升啖啖肉真係非常滿足「櫻花蝦煮野菜」食咗咁多海鮮要食返啲蔬菜中和一下櫻花蝦同菜一齊煮令到蔬菜變得鮮甜剛好可以中間過渡一下期待食燒牛肉「美國牛肉薄燒」煮之前廚師哥哥有問我哋食唔食蔥同蒜重口味嘅我就當然非常喜歡煮嘅過程非常之快相機都未影得切廚師就已經快手卷好兩份牛肉卷放喺我哋面前牛肉包住大量嘅青蔥同炸蒜片嫩滑嘅牛肉完全唔會過火再加上香脆嘅炸蒜片口感好豐富墊底嘅麵包印住餐廳嘅名係我哋打算食佢之際廚師哥哥叫住我哋唔好食因為陣間佢會再燒過一塊新嘅俾我哋係我哋好好品嚐緊燒牛肉嘅時候廚師哥哥就開始製作「炒飯」每一次食鐵板燒炒飯都係最療癒嘅一幕一路食一路睇住廚師雙手不停咁翻炒飯粒不斷係鐵板上跳動望住絕對係視覺上嘅享受放到我面前碗內嘅炒飯仍然在出煙炒得乾爽唔油膩邊食炒飯嘅同時可以飲住剛才龍蝦熬製出嚟嘅龍蝦湯龍蝦配上味增短時間就可以令到湯頭非常濃郁廚師哥哥開始製作第二塊麵包俾我哋食喺鐵板上放白糖同牛油加熱後再放上麵包片焦糖麵包就咁樣誕生左朋友大贊想學點樣整到咁好食嘅麵包廚師哥哥超級好人再額外煎多一塊仲慢動作教學話俾我哋知竅門本身我以為焦糖麵包就係甜品已經食飽到捧住個肚但原來仲有抹茶蛋糕好彩抹茶蛋糕唔會太甜茶味香濃食完都唔會覺得漏總評服務非常之好服務員會喺旁邊照顧我哋加上坐包廂剛好旁邊冇其他客人廚師一對一嘅服務有更加多嘅時間同我哋交流一路食一路傾偈唔經唔覺都食到兩個鐘呢餐飯絕對值回票價…查看更多

成日經過煙廠街見到大大個霓虹燈招牌又有舊式戲院畫報獨特嘅80年代風格喺香港好少再見行上樓梯閣樓就好似進入另外一個時空店內裝修不是光鮮明亮反而充滿舊香港特色有不同嘅舊招牌 到處都是打卡位今次相約朋友嘅時間比較早所以店內沒太多食客火鍋湯底選擇都多花款幾年前第一次來的時候都未有花膠鍋現在的湯底全部都加了花膠反而價錢沒有加幅太大相對變得抵食友人特別喜歡重口味的沙嗲湯本身仲想一試濃厚花膠雞湯但是這裏沒有鴛鴦鍋只好選特濃花生沙嗲花膠鍋落單後先來餐前小食是炸燒賣同炸陳皮魚蛋新鮮炸好熱辣辣炸過嘅燒賣特別好食唔夠喉可以再點「特濃花生沙嗲花膠鍋」湯底十分香濃鍋底滿滿既花生店員提醒一定要不斷攪拌因為沙嗲湯特別容易癡底未加任何配料飲第一啖已經覺得好夠味單獨飲湯都滿足鍋裏面仲有兩舊大大嘅花膠煮耐一點會比較入味今次食豪一點點了最貴既「安格斯牛小排」餐果然一分錢一分貨相比上面的「特選牛頸脊」下面的「安格斯牛小排」油花都已經差好遠食落口更有明顯分別牛小排真係嫩滑得來充滿牛味平常自己買都唔平係依度有得任食就容易回本依度嘅火鍋配料選擇都算齊全比較特別有得叫紫菜響鈴同蜂巢豆腐飲品就主要係普通可樂汽水同台式冬瓜茶、清涼茶等可能是時間比較早嘅關係落完單上菜速度都快而且冇漏單我叫了「普通響鈴」和「紫菜響鈴」個人就比較喜歡紫菜響鈴味道比較豐富吸晒濃濃嘅沙嗲湯真係好正之前從來未見過「玉米貢丸」用粟米代替香菇既豬肉丸本身唔鍾意食貢丸嘅我覺得好好食另外依度有手工餃子試了「雲吞」和「韭菜餃」雲吞同韭菜餃入邊有大大隻鮮蝦餡料都非常飽滿而且都十分新鮮可以一試叫沙嗲湯不能沒有「公仔麵」特登叫多兩碟牛肉配襯沙嗲湯+牛肉+公仔麵就可以自製一碗高級版「特濃沙嗲牛肉麵」而且湯底比外邊更好食食完一小碗都飽晒埋單有計埋八五折連加一每人$327個人覺得價錢同食物質素成正比沙嗲火鍋湯底真係令所有食材大大加分而且牛肉嘅質素真係相當唔錯店員嘅服務都好好有禮貌，上碟收碟嘅速度好快而且不時會過嚟幫我加湯同攪下個湯底下次要再嚟試過濃厚花膠雞湯…查看更多

開係旺角t.o.p 5樓既八木橋地理位置極佳方便一大班人食飯既聚腳點-午市唔洗排隊等位但係入到去都見到舖頭已經坐滿7成去之前建議訂位就唔使煩-先講舖頭環境坐置有卡位都算闊落抽風做得唔錯 唔會煙霧離漫，個身都唔會好大味飲品醬料外面自助依度主要係用鐵板夠油就冇咁容易癡底又唔怕火直接接觸燒燶啲嘢食--坐低店員就會比刺身同烤肉拼盤逐一點評下「刺身」正正常常唔會好冰-「鮑魚」幾新鮮上枱仲識郁，味道10分鮮甜-「雞泡魚乾」燒過之後超級好食，甜甜地好開胃-「比目魚西京燒」 醃得幾好 ，煎完唔容易散開仲煎到個外表好香脆-「濕式熟成M5和牛西冷 」真係超正，肉質唔會好硬，有肉味得來，肥瘦都適中，最緊要係有得refill 我Encore左3次-「mozzarella芝士雞腿肉」本身雞肉比較淡口，一點埋芝士汁成件事唔同晒，好creamy嘅芝士味❤️-「牛舌」又係必食之選，厚薄適中，今次我揀咗原味同埋芥末味。芥末味味道都幾特別。-「炸金菇」夠熱夠脆，炸得超級好食，好友台灣夜市食到嘅感覺-呢度嘅肉類大部份都有三至四款口味整體味道都好好而且種類選擇多每樣叫少少都食到好飽而且食材都好新鮮任叫都唔會有漏單嘅情況-特別讚賞店員服務態度好好好有禮貌，上菜速度都好快…查看更多

同爸爸媽媽行Yoho，佢哋見到Glasshouse環境好靚，又想試吓六點左右入到去唔算好多人仲有窗邊位坐，望到yoho戶外花園環境同glasshouse 嘅設計好配襯感覺好舒服我哋叫咗一個二人晚餐額外再單點一個主菜二人套餐都幾抵食入邊有晒前菜、餐湯、主菜、甜品、飲品餐湯係「意大利蔬菜湯」好濃郁嘅蕃茄味而且菜嘅份量都頗多店員仲好細心拎兩個小碗俾我哋分享前菜我哋叫咗「炸薯條配黑松露蛋黃醬」同「炸雞粒拼單骨雞翼」炸薯條真係不得了，夠熱夠香夠脆作為薯條控既我真係要比好高分佢薯條外面包着一層脆衣所以每一條都好脆媽媽仲一路食一路讚未食過咁好食嘅薯條仲清晒旁邊嘅黑松露蛋黃醬炸雞粒都炸得唔錯夠熱又唔會好油單骨雞翼好脆，少少微辣飲品額外叫咗「芒果雲霧」同「紅豆椰子冰」芒果雲霧係芒果沙冰上邊有厚厚嘅椰奶味道好清甜，唔會有化學嘅芒果味紅豆椰子冰係椰子沙冰我見爸爸飲得好開心應該味道都唔錯「香辣龍蝦意粉」呢一個意粉套餐要額外加$28分量都算幾多而且炒得非常有鑊氣食到入邊加咗蒜蓉、金不煥、辣椒好有東南亞風味龍蝦肉嘅份量都唔孤寒「美國頂級西冷配秘製京醬」牛扒同樣需要加$28用鐵板上碟，送到黎嘅時候仲出緊煙配菜有大量洋蔥辣椒青椒香味十足，旁邊嘅薯仔都係煎過好好食牛扒我叫五成熟切開仲係淡淡嘅粉紅色肉質軟嫩，容易入口亦唔會太多筋配嘅秘製京醬酸酸甜甜我建議點少少就足夠老人家一定要食飯先滿足所有額外加咗「馬拉盞炒飯」同樣炒得好香好有鑊氣味道配得好好，唔會好咸入邊有大量蝦仁少少微辣嘅味道會令人食唔停口套餐有包兩個甜品有「是日甜品」同「即焗牛油軟曲奇」是日甜品係隨機的今次係朱古力波波入邊有好濃郁嘅朱古力慕絲味道唔算好甜，口感都非常厚實牛油軟曲奇送來嘅時候是非常之熱曲奇充滿牛油香味上面配上冰凍嘅雲呢嗱雪糕一凍一熱嘅感覺係超級好味我見我哋有四個人就貪心額外叫多咗一個「脆皮雲呢拿疏乎厘」呢個要多人分享先食得晒上碟嘅時候見到超級大個趁熱切開蓬鬆嘅疏乎厘一定要超級快食晒如果唔係就會縮呢個爸爸媽媽都讚好好食有蛋香，而且脆皮令到疏乎厘嘅口感更加有層次總結：餐廳環境舒服，而且店員都有禮貌嘢食好啱我嘅口味，偏向東南亞風淨係價錢都唔算貴，合理價錢一定會再嚟食😍…查看更多

同朋友仔行開荃灣DONKI 經過見到間幾有特色嘅燒味茶餐廳見到個logo都已經認得係鼎爺門口仲有大大個窗掛滿燒味入面餐廳嘅設計有好多Q版鼎爺餐牌特別推介燒味飯當然要試吓鼎爺做招牌會唔會真係特別唔同呢？「男人終極浪漫‘’原條燒腩‘’飯」$99我覺得食燒味飯一定要食燒腩仔依度嘅燒肉原條上，打卡一流真夠盞鬼😂我問店員應該點樣食佢笑說影完相就可以攞返去幫你切件外表就幾吸引啦味道都真係唔錯喎肉質軟嫩，調味唔會過鹹外皮微脆，最緊要裏面脂肪足夠旁邊配嘅芥茉醬有特別調配味道有啲似蜜糖芥茉同燒肉都幾夾「火焰柑橘燒鵝髀」$198燒鵝唔係得個名，呢度真係俾埋個火爐你燒用火爐快速加熱燒鵝髀出晒煙滴晒汁，燒緊都已經好想食影好相之後店員就可以幫你切開當然如果自己食最好就梗係成隻揸起咬啦🤣呢度嘅燒鵝標榜無添加味精用鮮橙、檸檬等醃製食落肉質又真係軟滑好多而且食完唔會覺得口渴加上呢一隻髀真係幾夠大隻食落啖啖肉👍🏻旁邊配左鮮橙做嘅手工柑橘醬入口有天然嘅甜味簡直就係想將全個醬撈落個飯度食「招牌溫泉蛋四寶飯」 $128呢度燒味選擇咁多又想樣樣都試到叫返個四寶飯咩都有啲呢度入邊有包括燒肉、叉燒同燒鵝同一般出邊食到嘅四寶飯有啲唔同呢度鹹蛋轉成溫泉蛋因為平時隻鹹蛋太鹹我每次都食唔到反而溫泉蛋蛋汁撈埋個飯我自己覺得更加容易入口套餐仲會有埋沙律當食到覺得太多肉好膩嘅時候食兩啖沙律感覺清新啲「芝士奶蓋鐵觀音」「芝士奶蓋馬嬲摵烏龍」套餐有包一杯飲品我同朋友都加錢轉左芝士奶蓋茶茶底清香唔會有苦澀味芝士奶蓋打得細滑而且濃郁而且依度冇額外加冰唔怕放得耐變得好淡「脆香蜜糖吐司配北海道5.0牛奶雪糕」食完飯當然要配返個甜品先完美見到呢個蜜糖吐司有就揀佢黎試吓甜品需要等30分鐘所以差唔多食完飯就要叫店員幫你準備上枱嗰一刻見到成舊金黃色好香牛油味賣相認真吸引切開入邊全部查滿晒牛油基本上冇一個位置係空白㗎麵包質感軟綿綿有口感再加埋旁邊嘅牛奶雪糕雪糕嘅凍加埋麵包嘅熱就緊係正個雪糕牛奶味好濃食完真係充滿罪惡感呀今次我4點幾去到餐廳未算好多人所以整體上菜速度非常之快店員服務態度都好好不時留意我地有啲咩需要而且舖頭環境新裝修有文青嘅感覺坐低都覺得幾舒服雖然埋單連加一都差唔多$600撇除貪新鮮試燒鵝髀有點小貴已味道來說其他都係合理價錢…查看更多

最近喺荃灣發掘左新開嘅泰國任食流水蝦喺正荃灣千色隔離，地理位置十分方便餐廳分時段入座我就訂咗五點去食餐廳環境充滿泰國風情仲播住泰文歌店員安排咗我地坐蝦缸旁邊嘅位置可以直接坐喺座位就可以夾到蝦😄枱面上會有冰桶用嚟浸暈生猛嘅蝦另外仲會有手套濕紙巾提供方便剝殼個爐火力好猛啲蝦一放落去好快就熟我自己會預先剪好晒蝦鬚一次過燒就好快有得食再加埋泰式嘅綠色海鮮醬汁真係超級鮮甜我諗我自己都食咗差唔多30隻另外仲有鮑魚帶子呢度嘅鮑魚真係洗得超級乾淨連側邊都係白雪雪而且好新鮮帶子又係very good夠大隻呢度連刺身都係任食食完唔夠可以同店員講再refill刺身嘅味道都唔錯正常貨色店員細心提醒鮑魚同帶子嘅外殼好容易燒燶所以未係全熟嘅時候要拆出來店員哥哥仲好好人幫我哋拆埋外面仲有自助海鮮全部都係任食有蠔、大蜆、帶子、八爪魚等全部都係超級大隻食多幾次都已經返本全部質素都係超級新鮮旁邊雪櫃仲有不同嘅蔬菜同肉類都係大部份燒烤會見到嘅食材呢度有漢堡扒真係不得了🤤🤤🤤雞翼都有幾款唔同嘅味道試咗黑椒同埋麻辣味黑椒雞翼味道醃得唔錯麻辣味真係太辣我本身食開小辣真係辣到頂唔順再行入少少係熟食區有冬陰功、炒飯、粉麵自助最入仲有炸物櫃左下角圓形嗰個係榴槤炸彈真係超級正竟然任食有依個食❤️❤️❤️雖然有少少太油但係依然好好味😋去飲品櫃旁邊有泰式小食同甜品有泰式鳳爪、椰汁糕椰青就要另外收費嘅佢哋嘅椰汁糕好有泰國風味鹹鹹甜甜味道唔錯👍🏻埋完單行到去電梯口先發現原來有雪糕櫃入邊係Coco Berry 波波雪糕店員哥哥見到我望住啲雪糕仲好好人叫我攞多兩個坐喺旁邊空位食埋先整體感覺呢間餐廳十分唔錯環境乾淨企理蝦嘅補充速度都非常快店員見到枱旁邊嘅蝦缸開始少蝦就會即刻補返一大桶而且服務都好好會喺旁邊幫你處理海鮮👍🏻整體性價比不錯一個人388有七折食足兩個鐘淨係食海鮮都回本不過唯一有個小缺點就係自助區食物好多冇標籤單純靠肉眼睇唔知道係乜嘢…查看更多

朋友成日話要試日本嚟嘅過江龍「京都勝牛」話要搵番日本既感覺今日見出開銅鑼灣就特登走來試吓食店位於喺銅鑼灣Tower 535有好多新開嘅餐廳全部都大有來頭舖頭入面嘅裝修走簡約日本風路線全部都用木色來做主調牆上都有許多日本特色嘅圖案幻想一下自己身處於日本「京都勝牛」單睇名字都知道主要是牛肉做主打當然要點一下佢哋嘅名物「吉列牛」呢度除咗牛肉，仲有豬肉、三文魚等選擇就算唔食牛嘅朋友都可以嚟試吓「霙花翼坂牛扒套餐」上枱時店員會細心講解食法套餐有配上多種唔同嘅醬汁-吉列牛扒本身炸至三成熟裏面保留嫩嫩嘅紅色上面鋪滿厚實嘅蘿蔔蓉蘿蔔蓉幫助消除吉列牛嘅熱氣店員建議一開始可以試下牛扒既熟度如果想熟啲可以用鐵板加熱-套餐有包麥飯、椰菜沙律同味增湯旁邊伴碟嘅椰菜沙律都幾新鮮全部都無限量供應-第一口試未加熱嘅熟度外皮香脆、麵包糠亦壓得夠實唔會鬆散不過略嫌牛扒三成熟有點而生都係加熱少少比較好食加熱後有多一層牛扒嘅香氣個人特別喜歡配搭山椒鹽少少椒麻嘅感覺同牛扒出奇搭配❤️「香脆炸里脊豬排套餐」-另外點左一個炸豬排套餐日式炸豬排要做得好食並不容易控制不好就會過火 豬排變得好乾好硬-但係呢度食到既吉列豬排口感軟嫩裏面亦保留到水份，而且肥瘦適中外皮比牛扒炸得更加脆豬排有少少油脂，唔會食到一口油點一點豬排醬，酸甜味中和油膩感「藍柑荔枝特飲」「芒果奇異果特飲」 兩杯特飲外表都唔錯，打卡好靚味道唔會死甜兩個套餐加飲品埋單連加一$405其實價錢又唔算好貴而且味道幾似係日本食到既店員嘅服務非常之好講解得十分詳細而且有禮貌上菜速度都好快下次要再去試埋其他套餐👍🏻…查看更多

上網見到八幡屋有優惠第二位半價 ，提早一日book仲有鮑魚同和牛，食足三個鐘，見到幾吸引就去試下。我自己習慣去食放題任食都會book早啲，所以未夠1700就去到，餐廳仲係冇乜人，可以避開多人嘅時間，同埋冇咁容易漏單。埋位坐低已經好快有刺身同埋海鮮，整體感覺新鮮，刺身冇雪味，三文魚夠肥美而且解凍得幾好。海鮮方面真係要讚賞一下，送既鮑魚都幾大隻，而且生猛仲識郁，而其他蝦、青口等都係任食 ，啱晒海鮮怪海鮮刺身只係前奏，重點梗係留返起和牛身上，套餐有贈送一客日本和牛，見到啲油花靚到不得了，而且切得厚身，分量都幾多，真係十分滿足另外有澳洲M5和牛同美國牛肩胛係任食嘅，澳洲M5和牛油脂分布都平均，而且切得薄身唔會怕煮過韌。湯底今次就揀咗骨膠原豬骨湯同沙嗲湯，鴛鴦鍋要+20蚊，味道就正常唔會好淡呢到仲有任食天婦羅，見到有炸金菇即刻心心眼😍，好掛住台灣夜市食到既味道，呢到炸得都似似地，金菇脆卜卜，加埋椒鹽好味到我encore左兩次，而且呢度係即叫即炸，出到嚟熱辣辣。炸薯角都好好食，夠熱夠脆除咗QR code落單入邊有海鮮、肉類、炸物之外，旁邊仲有自助區，有唔同種類嘅蔬菜、丸類、甜品，全部睇落都乾淨新鮮，選擇都幾多下。同埋沙律甜品都特別每個用保鮮紙包住，感覺都幾衛生食完火鍋其實已經好飽，不過都要食個雪糕埋尾，有我最愛既mega薄荷味埋單唔使人均唔使$350，任食有和牛黎講算抵食，而且種類選擇多，上菜速度快，無漏單，值得推介…查看更多

難得同男朋友一齊放假梗係要搵個舒服嘅環境拍拖就揀咗去尖沙咀K11Musea 嘅velo入面環境超級舒服選擇坐靠裏面有窗口嘅位置特別寧靜咁享受午餐餐廳係半自助形色 先選擇左主菜今次我就揀咗香煎比目魚配蘑菇醬男朋友就想食pizza點完主菜就到外面自助吧自助吧有不同款式嘅沙律、肉類、海鮮、甜品等沙律種類選擇非常多菜亦十分之新鮮特別鍾意依度有羽衣甘藍平時出邊買都好貴有任食長腳蟹蟹腳解凍得好好唔會冰到硬晒特別要讚賞佢個蝦肉質非常之結實、新鮮又彈牙而且refill速度都快亦有燒牛肉同烤雞燒牛肉口感嫩滑唔會柴可以選擇配上燒汁味道都不錯主菜都頗快上菜比目魚煎得唔錯外皮香脆魚肉唔會過火變老蘑菇汁味道配搭得合適份量唔算特別大不過對女仔來說足夠畢竟外面仲有好多食物嘅選擇意式辣肉腸薄餅分量滿滿係平時普通批嘅大細男朋友都覺得有點食唔晒味道幾好芝士分量足夠一定要留肚食佢哋嘅甜品整體全部都做得好好食我自己特別鍾意切片蛋糕雖然睇落去個賣相俾人切到唔係好好睇但係入邊個蛋糕蛋味香濃而且好軟熟好滑本身唔係10分鍾意食甜品嘅男朋友都食咗兩件旁邊切件既朱古力蛋糕都好好食朱古力味非常香濃另外套餐有包一杯餐飲不過我已經飽到飲唔落整體來說價錢合理而且食物質素高特別喜歡呢度環境一定會再嚟食…查看更多

銅鑼灣食街出名多高質餐廳最近又新開左主打食烤鴨既京滬佳餚呢到同食街其他餐廳一樣都設有戶外坐位室內嘅位置十分闊落枱與枱之間嘅距離夠遠絕對可以保持社交距離菊木清茶（$58）接骨木花加菊花既配搭好清新又唔會太甜好適合配襯中菜十分推介呢到主打加入茶調配既雞尾酒有無酒精成份既岩晒唔飲酒既我酥炸廣島蠔（$198）上枱熱辣辣岩岩新鮮炸好一啖咬落去要小心因為入面實在太多汁廣島蠔蠔味濃厚又鮮甜炸漿做得夠酥脆👍🏻Size都夠大隻孜然小羊排（$178）小羊排外皮炸到酥脆配搭孜然既香辣完美蓋過羊肉嘅膻味肉質好嫩滑又唔會有過多既油脂京滬香酥鴨（$228）呢到主打既招牌菜當然係烤鴨鴨肉唔單獨食都唔會覺得膩而且肉味香唔怕口臭既一定要包蒜蓉食真係會好食停唔到口新疆羊肉熗湯麵（$88）湯頭濃郁，亦唔會有膻味羊肉片份量都好多而且好大碗2個人食都好足夠…查看更多

同朋友食飯想搵個可以坐得耐嘅地方就揀咗呢一間打冷小菜嘢食嘅選擇都算幾多。價錢相宜黎打冷一定要食滷水叫咗個滷水鵝片細份嘅份量都已經好多底部仲有埋豆腐添鵝片一啲都唔鞋肥瘦適中滷水亦都好入味推介大家試👇🏻滷水鵝片（$98/招牌）蠔餅熱辣辣炸得非常香脆蠔既分量都大方食落啖啖都有蠔肉唔會一味得啲粉漿👇🏻香脆蠔餅（$78）炸野配啤酒一流新鮮炸起 香口到不得了魷魚大大嚿咬落啖啖肉調味都做得非常好唔會過鹹而且用料新鮮👇🏻椒鹽鮮魷拼九肚魚（$128）枝竹豆腐斑腩煲（$88）食小菜一定要叫煲仔餸上到枱出晒煙分量好夠大枝竹索晒啲汁岩晒送飯斑腩都有7-8舊呢個價錢抵食啦啱晒三四個朋友過嚟食飯吹吓水飲下啤酒而且地方闊落店員服務都好客氣…查看更多