為食亞囡的个人专页

同屋企人慶祝生日🥂環境十分舒適👏🏻有日落又有夜景😄地點亦十分方便👌香草餐包都好好味😄牛扒同鵝肝味道一流👍🏻心太軟仲係重點推介服務很好十分貼心值得推介😁…查看更多

呢間野都好耐無食啦!對上一次食已經係成年幾前,果時覺得食物質數下降所以唔再幫襯。直到而家小左間食肆,加上諗住時隔咁耐不如試多次啦!點知仲差過以前服務態度差,坐近門口出面卡位都無人理,叫人落單都叫左好耐先有人黎,就連加水都要叫到賣單先黎,😕晚飯小菜款式小左好多好多,連本厚Menu都無埋,得返張叫餸紙同一張得幾張圖既Menu😑就連雞絲粉皮都無埋!只好叫海蜇青瓜,青瓜得酸味又唔爽,而蓮藕餅更淡而無味,全晚最好食已經係小籠包,而啫啫芥蘭煲都食得過既。…查看更多

係黃大仙見到有間火鍋放題新開張,加上見到有團購一於搵埋朋友一齊試下,可能係閒日關係,人流唔多,全場得4,5張枱,唔使爭食都唔錯,自助火鍋配料都OK,仲有沙律,雪糕,可以慢慢揀啦!我地試左海南椰子湯底,味道唔錯,真係啖啖椰子香,雞肉夠嫩,椰子味滑雞,令人齒頰留香,至於雪花肥牛粒.黑豚腩肉,蠔,元貝,青口,翡翠螺都算新鮮美味,美中不足三文魚剌身拼盤得果幾塊真係太小啦,想食多D就自己追加$68啦!服務態度都唔錯,起碼唔會一夠鐘就隊張單比你先啦!團購價絕對超值抵食!值得一試呀!…查看更多

 與2位好友食飯聚下,今次選擇到Star House北京樓,訂左位,唔使等,7點半已經開始多人,其中一位樓面服務阿姐態度麻麻,問我地飲咩茶都面膿膿咁,很不友善,好彩第2位服務生態度完全不同,又好笑容又好禮貌。已經好耐無食片皮鴨,3人叫左1隻片皮鴨鴨,仲要加多4個餸,松子魚-酸甜味岩岩好,好味道北京片皮鴨-大大隻,不肥不油膩,好正宮爆蝦球-大大隻蝦,香嫩可口辣牛肉-辣味剛好,好味至於年糕就麻麻地,太霖太淡總括而言呢餐都好好味,好豐富,相當滿意,傾計其間,又可欣賞到師傅拉麵的真功夫,真係好滿意呢餐晚飯呢!…查看更多

多年前食過富豪東方,記得價錢奕算便宜,更要搶食先有得食,當時印象不太好,今日再去到呢個地方,可以說煥然一新,食物質素高左好多,聖子,青口,長腳蟹,凍蝦,小龍蝦,雜錦壽司,魚生,很新鮮,香煎鵝肝,美國Prime牛肉粒,特式咖哩,樣樣都好好味,而甜品奕好豐富,朱古力噴泉,仲有多種精美甜品最特別係有部窩夫機,自己整窩夫,似乎特別好味。…查看更多

經同事推介,試下呢間(瀛素食),訂位7點半,但都要等到8點3先有位,真係好多人呢,餐牌上好多壽司款式,樣樣都好吸引,而我地只能選擇幾個試下,三文魚刺身~外觀相當似,材料原來係蒟蒻,口感真係好似三文魚,濃湯鹹菜浸雲吞 ,黑糊椒鹹菜,味道令人諗起鹹菜豬肚,好味道,雲吞有d似某牌子既大粒雲吞,有粟米,冬菇作醃料,另外有d粒粒似係模仿肉碎,但食唔出係咩,=o=軟殼蟹手卷,外觀都似,不過,顏色有點不同,食落脆而不膩,原來係紫菜@o@椒鹽淮山,外觀似炸薯條,椒鹽食落鹹鹹地,有d似炸薯條同芋頭,呢個係用新鮮淮山製成,good日式海鮮比薩 ,等得好耐,不過份外好味,食落真係好似真pizza一樣,芝士焗製,熱辣辣,好正一樣有磨菇,菠蘿,仲有d似八爪魚口感既食物,但諗唔到係咩kaka3個人食得好飽飽,好滿足…查看更多

刺身~大大碟~鮮味十足~生蠔拼盤都幾好~長腳蟹~青口~翡翠螺~但青口~翡翠螺就較淡味~沒有太大驚喜~特別好食就係生蠔~比想像中更肥美~好正~我地叫左4次當然~不能與酒店的比較~壽司賣相不錯~樣子能吸引客人呢~番薯~炸蝦~天婦羅奕炸得好味~一口牛肉~燒粟米~燒雞腎~鹽燒雞翼~炸帶子~牛舌~樣樣都好好味~可惜款式似乎不太多選擇~不過勝在效率高~呢頭落單~轉頭有得食~都算好有效率~食物奕算新鮮熱辣~唔會似旺角既放題咁耐~更沒有飛單情況~服務更非常好~有禮貌~快捷~不錯的放題呢~…查看更多

好耐以前食過一次,總算不過不失,同今次比真係差得遠,1點10分落完單,第1碟燒味飯好快送到,其餘3碗係燒味米粉,等左半個鐘,第1個人碟飯都食晒啦,我地就開始崔,點知比伙計話(整緊啦)再過10分鐘,終於有得食,點知家人果碗燒鴨米份,竟然得3塊鴨皮,同個伙計理論更換,伙計竟然話(鴨有咁多部份,有頸,有肉,你唔講要師傅咪是但比你囉,咁幫你取消啦,你下次要講明要肉呀)講完一次,行過再講多次(你下次要講明要肉呀)街坊咁耐,真係未試過有間咁差餐廳,等40分鐘先有得食燒味米粉,仲要咁既態度,很過份,這一次後,我們不會再光顧這餐廳.…查看更多