啤小姐的个人专页

好少黎北角，特登睇下北角碼頭附近有咩好食～俾我搵到蚵仔煎推介，梗係要試下啦！一入店鋪，平日7點得2台客已經覺得奇怪，上菜時就知原因!午餐食得有啲飽，所以叫左2個小食，分別係蚵仔煎同皮蛋豆腐。蚵仔煎 （$48）見網友有推介，黎到當然要試試。$48唔算平，但如果好食嘅當然值得。侍應攞上枱見到好大份，貌相有啲似蛋餅，心諗都幾抵食喎。誰不知原來係食地瓜粉，除左皮厚，裡面主要係菜，更唔係一般台灣蚵仔煎嘅生菜。裡面嘅雞蛋未熟仲有透明蛋液，中間部分更食到粉感，口感完全唔一樣。。。蚵仔煎嘅靈魂醬汁亦唔夠，只有加在上面嘅S型咁多，忍唔住叫侍應再加一碗甜不辣汁。看似大份嘅蚵仔煎最後只有4粒蚵仔。充滿期待食蚵仔煎，但完全失望。。。皮蛋豆腐（$33）豆腐係完整半舊盒裝豆腐，連切片都省卻醬汁過咸，豆腐只可輕輕一沾，否則食唔到。唯有皮蛋調味還好，唔會太重鹼水味。一餐輕晚餐盛惠$81， 但我唔知道食左咩落肚完全無滿足感…查看更多

住在元朗國，經常經過羽山冰室都有人排隊，今日就帶啤先生一同試試。 星期六下午時段到達，取票第三台，大約等了十五分鐘便入座。甫打開餐牌便覺得十分有玩味，以貓公仔作主題 ，色彩繽紛十分吸睛。餐廳佈置亦見有心思，牆上掛著四幅招牌手繪菜式，電視播著台灣歌曲MV，一首首金曲： 演員、給我一個理由忘記...彷彿回到從前，心情頓時輕鬆。最後點了一份常餐和下午茶~生炸雞髀＆沙律 （$38）雞髀頗大隻，外皮香脆， 肉質不會太乾，但如果能夠保留肉汁更吸引。蝦肉爽，沙律菜正常，不是特別新鮮爽脆 ，原本配黑醋汁，但因為售完改為千島醬。豬扒通粉＆煎雙蛋配丹麥多士 （$47）一入座便看到旁邊食客的常餐十分吸引，毫不猶豫便點了一份。通粉上加上蔥花的細微位置十分讚食物貌相可以令食客進食的心情變好！豬扒通粉和煎雙蛋維持一貫茶餐廳的水準， 以街坊日常飲食來說，可以一試。CP值：🌕🌕🌕🌗環境：🌕🌕🌕🌕美食：🌕🌕🌕🌗再訪：🌕🌕🌕…查看更多

心血來潮突然想食車仔麵，上網一搵就見到蒙麵。平日Lunch時間食，12：45到達，發現原來1：00先開門～食好西就等一等吧大約過了5分鐘已經開始有人排隊到1：00入座時已經有10人排隊，瞬間坐滿了餐廳招牌蜜汁叉燒串 ($26)不慚是蒙麵的招牌菜，叉燒使用了軟瘦的豬梅肉，特別有口感。放上燒爐烤過，沾上厚厚的蜜糖汁，微微炭焦除了帶來濃郁的燒烤風味外，亦令叉燒多一層口感。不過如果可以選擇，啤小姐更偏愛半肥瘦的豬梅肉，有口感得來又有肉汁這方面以前靚靚車仔麵的黑毛豬叉燒做得更出色。三餸 (牛筋、牛腩、豬紅) +菜底要數啤小姐最有驚喜的是牛筋！牛筋選用了較厚的部分，但仍可燜得十分嫩滑但又有咬口，不會跟一般粉麵店入口便融掉。香草雞翼 ($25/3隻)雞翼以大量香草醃製過，一入口即品嚐到濃烈的香草味。外皮烤得略脆，內裡帶有肉汁。…查看更多

自從van仔事件後一直都想找機會支持一下魚一，今日終於經過附近，當然要一試今次點了火炙三文魚壽司、海鮮沙律、芝士年糕。首要推介芝士年糕😍一端上枱時年糕外皮脆脆的，配合流心芝士，外脆內流心的口感非常吸引😋加上啤小姐最愛的煙韌口感，絕對大推即使過了15分鐘食流心依舊！火炙三文魚壽司燒得剛好，不會過熟。魚面有微微的焦香和略融的芝士，另一面的三文魚則充滿鮮味。刺身沙律的沙律菜非常新鮮，配搭酸酸甜甜的沙律醋十分開胃。唯部分刺身有少少腥味，影響整體感覺。…查看更多

成為元朗牛已經接近一年，之前曾經聽過街坊推介大阪日本料理，但始終未有機會一嚐。今日機緣巧合下決心要試一試啤小姐星期六中午十二時到達，人不算多，只需等一張枱面輪到我們，大約十分鐘便安排入座🤗一進去就明白為什麼經常都有食客等候座位，原來餐廳內只有六張枱。一打開餐牌簡直不敢置信$4x 竟然可以吃到一個日本丼，都近年已經十分少見！我們追加了刺身及前菜，刺身十分新鮮。最欣賞的是一口牛 ，是啤小姐食過烹調得最好的一口牛，沒有之一。牛肉熟度剛剛好，裏面略帶紅色，一咬下去肉汁濺出，十分Juicy雖然假日有可能要等位，但以$40-50的價錢食到如此出色的一口牛，真是物超所值💛值得推介…查看更多

難得放假，啤小姐約了啤媽媽 一齊食個下午茶🥰最重要的任務當然是找尋一間CP值高，又有海景的餐廳。最後搵到這間位於尖東海旁對面的餐廳，午餐價錢不貴決定一試平日兩點半來到餐廳，客人不多，只有兩枱客。啤小姐怕路邊多塵，所以不坐戶外，選擇了室內靠窗位置。座位開揚，有落地大玻璃望到海景，只是如果窗抹得乾淨，感覺更好點了兩個套餐，一個business lunch set，一個express lunch set。兩個差別在於有一份小食及甜品海鮮喇沙的湯底十分香，海蝦有口感，其他海鮮亦都沒有腥味，整體不錯紅咖哩牛肉飯的紅咖哩略帶甜，不太辣，比平時食的黃咖喱清新 。牛肉炭燒過，所以帶有一陣炭香味但牛肉部位比較韌，口感不太好(由於相機不夠快🤣食了1/3才記起要影相，已盡量排好原貌)整體來說性價比頗高，88元起一個午餐，可以擁有無敵大海景，而且客人不多，是一個悠閒的好去處…查看更多

Ched Stage在openrice尖沙咀排行榜經常都係處於頭十嘅位置，食嘅都係premium嘅菜式， 但唔知大家知唔知道佢午餐嘅CP值係勁高呢晚餐食一個扒餐大約400至500蚊一位，但午餐只要$1xx已經有前菜、湯、主菜、甜品及飲品。沙律油醋汁調教嘅味道十分好，甜甜酸酸令沙律的草青味中和咗，再配上一塊鴨胸點綴，不禁令你一口接一口即使只是一碗湯，餐廳都十分講究上菜時的湯碗必需要有足夠溫度，見到侍應都用布上湯，預熱湯碗令湯的溫度保持住羊架熟度剛剛好，肉嘅中心係粉紅色，並且有 少少肉汁流出， 羊肉鮮甜又juicy…查看更多

之前已經來過幾次呢度食lunch，覺得環境好Chill， 係啤小姐me time嘅私藏好地方❤ 透明嘅落地大玻璃令陽光透入餐廳內，視野廣闊使人心曠神怡位置更可睇住廚師用心烹調，拉近與食客之間距離。Sole coffee 主要提供健康輕食，特別鍾意牛油果慢煮雞胸墨西哥卷和All Day Breakfast。墨西哥卷嘅外皮烤得香脆的，配上creamy牛油果及嫩滑的慢煮雞胸/煙三文魚，仲有大量沙律菜，食落十分light啤小姐有時進行生酮飲食，呢度嘅All Day Breakfast就十分適合! 餐廳十分貼心，可以安排將薯餅轉為大啡菇或腸，再自行走多士，就成一個合格嘅生酮午餐最後以一件藍莓蛋糕和一杯 cappuccino 作為完結。 飲下去被厚厚的泡沫沾滿唇邊，滿滿幸福感…查看更多

之前朋友介紹呢間餐廳，Bookmark左好耐，今日放AL終於的起心肝出上環試必試嘅當然係龍蝦湯牛角包😚果然名不虛傳！一黎到時同普通牛角包的外貌無異，面頭鋪上一些芝士碎，但一切開就知內有乾坤！才把牛角包的角落切開，澎湃的龍蝦湯就滿滿地湧出，雖然包裹著龍蝦湯，但牛角包依然保持鬆脆。所以大家記得上枱趁早食本是慕著龍蝦湯牛角包之名前來，估不到最令我驚喜的竟然是黑毛豬腩！黑毛豬腩鹹度適中，燒得外面脆脆，最頂層的外皮有少少焦，肥瘦均勻，食落除左有微微焦香味外，咬落去更有香味的油脂滲出，但又唔會覺得太漏食落會有滿滿的幸福感 （中意食和牛的朋友應該會同我有同感）。雖然燒得乾身，但肉質仍然柔軟，唔會太老太硬。再試一杯飲嘅Tiramisu😂咖啡味香濃，加芝士奶蓋面，仲有餅碎可以加，幾得意嘅一杯飲品後記：建議大家由中環的半山扶手梯上黎， 唔好好似我傻傻地由上環行3條長樓梯先到…查看更多

之前食過一次唐宮小聚， 覺得菜式都好有驚喜，留下深刻印象今日和啤先生行經廣東道沒什麼點子，就想到帶他試一下約八點到達取票，大概要接近九點才可以入座，如果大家有thegulu建議先取票必食嘅當然係佢嘅乳鴿！外脆內滑，而且價錢十分實惠，39元就已經有一隻牛肉叉燒都好有驚喜，平時豬肉做的叉燒就常食，牛肉做的都係第一次試。 牛肉叉燒烤得不會太硬，沒有柴乾的感覺。除了有甜甜的汁外，牛肉都十分Juicy，連平時不太喜歡食甜的啤先生都讚其中一樣特色的點心就是 非常山竹，它有咸水角的外皮，內裏是龍蝦汁和蟹肉，造成山竹造型好可愛咬落下去先有脆脆的口感，再有鮮甜的餡料，值得一試鮮蝦炒腸粉也很有特色，大廚用了XO醬炒腸粉,味道辣辣鹹鹹的，十分惹味 腸粉也十分滑，不禁讓人一口接一口！水煮魚春卷， 聽上去也很新奇，春卷酥脆的外皮配上帶微辣的水煮魚，麻辣汁完全沒有令外皮變軟，當中功力不容置疑…查看更多

啤小姐最鍾意捐窿捐罅搵好嘢食 CP值高是常識吧! 自從搬入元朗國後，最喜歡尋找隱世小店食好西，今日就嚟到經常光顧嘅有得餃基本餃子款每款42元8粒，亦可以雙拼。餐牌上雖然冇寫，你問一問都可以加2元雙拼~小店嚟講有得餃算係坐得比較舒服， 除咗有中間位外，亦有梳化位，唔洗背貼背坐以一個普通女性嘅份量來計，一碗八粒已經相當足夠～韭菜餃一咬開係大大粒嘅韭菜，同出面有啲唔同，佢依然有韭菜口感，好足料。如果中意帶有少少菜青味嘅朋友會岩，啤小姐都係中意平時韭菜碎包成的餃啤小姐私心推介 蒜香萵筍餃，每次來到一定要食呢一款！咬落去有好香嘅蒜味，啖啖豬肉加上萵筍十分配合，惹味得嚟又唔會覺得漏對比韭菜餃同萵筍餃 ，啤小姐都係覺得萵筍餃搞咬落去比較有質感，唔會鬆開不得不提有得餃嘅秘製醬料啤小姐通常都會揀辣汁，酸酸地咸咸地帶辣味，沾上餃子後令餃子味道更出，仲可以中和咗餃子的飽滯感，值得一讚之前都喺黎食午餐，今次第一次晚上嚟食，一坐低就有豆漿送，平時午餐就未見有…查看更多

聽到瓏門告急，見到網友都話食物質素有提升，決定再給他一次機會先講內裡環境，有多個卡位，而且一入門口已經見到好多蘋果日報貼喺門口收銀處旁有一個口罩corner, 放左超多口罩款式可供購買。揀左常餐，先見餐牌已經好有誠意有多款玉子選擇而不是常見的煎蛋。玉子仲要超大份， 黑松露同菇都好足料多士全部都係烘底，仲有四款味道可選熱奶茶有茶味但無苦澀，入口滑沙爹牛肉通粉牛肉超多,味道適中唔會太鹹總結：瓏門的出品質素真係唔錯，而且餐牌的設計都見誠意，值得大家再俾一次機會不妨一試後再重新評價後記: 超感動！中途見到有人買飯券而不拿走💛希望幫到有需要的小朋友…查看更多

近期最hit的壽司郎荔枝角店開幕，真心被大拖羅吸引了即使等了三小時，依然覺得值回票價! 食品種類多，質素高價錢不貴拒吃元氣千兩後終於有選擇!大拖羅超新鮮!一咬落口有一陣甘味慢慢滲出，跟著再有一陣甜味。 食完後甘味喺口中不斷徘徊我自己鍾意淨食塊刺身因為飯味有點蓋過魚生的鮮甜味火炙三文魚超好食，首推! 三文魚嘅面燒過有一股香味滲出， 加上它的醬汁十分惹味! 三文魚燒得十分甘香，未放入口只在嘴邊已經有一股油香日溢出， 咬下去時魚油與飯融合在一起再加上醬汁甜甜的十分惹味，而飯和魚嘅比例十分好，三文魚大大塊與小小一團飯令鮮味醬汁味突出，不得不encore!雖然十分抵食，17元有兩件油甘魚 ，但絕不欺場厚切油甘魚一咬下去食到有魚嘅口感，鮮甜甘香味很突出，再配上飯的甜味兩者十分配合!帶子有驚喜咬下去很有口感， 雖然火炙令帶子少了點鮮味，但多了一種甘焦嘅味道，甜味再慢慢滲出魚子非常新鮮，咬下去「卜」一聲從口中爆開， 不過魚子略嫌偏鹹，鹹味蓋過了三文魚， 可能單獨食更好鰻魚燒得剛剛好， 外面有少少乾焦口感但魚肉仍然保持嫩滑， 加上燒汁十分惹味，十分吸引這個甜品超推介! 本來想外賣，可惜全店所以食物都不設外帶…查看更多

自從上個星期社交平台見到有人post, 澳洲牛奶公司的侍應哥哥叫食客不用急慢慢坐之後， 一直都好好奇到底是不是這樣的今日經過附近，看到人龍沒有了，二話不說便入去食個下午茶！的確餐廳裏面有吉枱， 四人卡位亦都准許啤小姐和啤先生坐跟以往一樣，澳牛水準依舊， 食了個燉奶同咸牛肉蛋治烘底燉蛋滑， 咸牛肉蛋治的蛋滿得爆棚，咸牛肉略嫌味道不太出，但三文治底有驚喜！ 烘得剛好，外脆內裏蛋滑，這個組合很不錯和啤先生食完的碗碟竟然可以留在桌面上 看見我的清水喝乾，侍應哥哥還十分貼心地幫我換上一杯新的…查看更多

見到功夫點心係連鎖嘅本來沒什麼期望， 誰知出奇地有驚喜喎先講排骨， 呢度用了蒜蓉做調味， 雖然不是新鮮排骨，但調味搭夠，不用太濃味已經足夠。腸粉皮薄而且嫩滑， 捲著油炸鬼在中間， 先食到薄薄腸粉皮，再食到中間的香脆，口感十分豐富蝦餃皮薄餡多，一咬落去滿滿彈牙的蝦肉，肉汁流入口中唯一要彈的就是鳳爪排骨陳村粉，滿心歡喜以為是透明的陳村粉，誰知道端上來的竟是腸粉失望題外話，進入舖頭已經見到有自家製辣椒油售賣，馬上叫侍應端來一碟辣椒油嘗試，結果不負所望，辣椒油香中帶辣，沾上食物時不單沒有搶去食物的味道，反而突出了味道，值得一讚…查看更多