tingtingyang的个人专页

早排接另一半收工，所以就係佢公司附近搵野食。當日我地2個都想食韓國野，Openrice 搵到依間，評價都唔錯，就去試下。環境都相當乾淨、整齊，裝修亦都好靚。食韓國野，緊係要食炸雞啦！於是我地就叫左個無骨香脆雞，由於我地得2個人，又想試多啲野，所以只係叫左半份。佢個炸雞跟配左2個醬，一個係甜辣醬，另一個係芥末醬。佢個炸雞炸得都好鬆脆，唔會太油，雞肉亦都唔會太乾。香香脆脆既炸雞配上甜辣醬，令炸雞食多兩舊都冇咁易飽。我地另一樣叫左既就係韓式魚片湯。佢啲料都相當足，個湯冇腥味。食完個人好暖笠笠。然後我地每人都分別叫左一杯飲品。我就叫左Strawberry yogurt  smoothie，而我另一半就叫左Mango yogurt  smoothie。兩杯都好好飲，唔係人造既假味嚟，而且又甜度適中，唔會太甜或者太淡。…查看更多

早幾日突然好想食日本野，於是就揀左食古今二啦。🤤首先，我地叫左個前菜 龍卷風沙律。上面有啲蟹籽、蟹柳、中華沙律同薯片碎。啲菜都好新鮮。食到停唔到口🤭。古今二有好多好有趣既壽司，我地叫左金龍卷🐉同富士山🗻。金龍卷係包住炸蝦，上面係三文魚。炸蝦好鬆脆。而富士山入面係鰻魚，上面有啲蟹柳絲同薯片碎。兩款都好好食😋。之後我地仲叫左個豚肉泡菜鍋。係到要大讚下啲職員，佢地好細心，幾次見到太大火都好主動行過嚟幫手較細個火。佢個鍋好豐盛，啲料都算多，個豚肉味都幾出，不過唔太食得辣既可能就要叫店員小辣，或者泡菜分開上啦，因為煮煮下都會愈食愈辣。最後仲叫左個埼玉網燒牛舌。牛舌爽得嚟又易咬，而且都好香牛味🤤。最後，兩個住埋單$525.8。好飽好滿足☺️。…查看更多

係佐敦行街，心血來潮想打邊爐，所以就係附近搵左依間《尚鮮火鍋》。門面都乾淨、闊落，不過我地早食，所以都冇咩人。我地揀左個鴛鴦鍋《鮮茄野菜菌湯》同《姬松茸冬瓜湯》。《鮮茄野菜菌湯》唔係落茄膏開出嚟，有蕃茄味之餘，又唔會蓋過晒其他食材既味道。《姬松茸冬瓜湯》清清甜甜咁，好好味，忍唔住當湯飲。第一樣叫左《鮮打四寶丸》，分別係牛丸、豬丸、墨丸同蝦丸。當中我覺得最出色係墨丸，好香墨魚味同好彈牙。第二樣叫左《雙併餃子》，分別係木耳鮮蝦雲吞同西洋菜香菇餃。2款餃啲料都好滿，木耳鮮蝦雲吞仲要成隻蝦係入面，好滿足。打邊爐又點可以冇牛呢？第三樣叫左既就係《手切安格斯牛》，佢啲肥瘦分佈得好好，食落牛味都幾重，而且好嫩滑。有牛當然都唔少得豬啦，所以就叫左個《黑豚肉片》，好香豚肉味。之後仲叫左個《有機田園盛》，當中我最欣賞就係佢個白蘿蔔，出面好多地方都會切到啲白蘿蔔大大舊，依到薄薄地，可以快好多入味，唔洗一早就要倒晒啲白蘿蔔落湯，到最尾先煲到入到味。最後叫左個《日本葛絲》，依個口感好Q彈，同好易入味，比起平時食開既粉絲同芋絲更加好味！…查看更多

係OpenRice search到依間餐廳評分幾高，所以去左試。去到唔洗等位就直入左，叫左好多人推介既<砂窩雞湯翅>，嚟到好熱辣辣，啲湯仲滾緊，喳喳聲，好香，食落幾鮮味同濃味，個湯底好好飲，一啖接一啖咁飲雞肉都好嫩，好有雞味，啖啖肉！啲魚翅份量都好多，絕對唔係得幾舊扮晒野咁！叫左一個小食<鹹水雞腎>，係熱食嚟，味道岩岩好，唔會太鹹。仲叫左佢地好出名既<醉雞>，啲雞肉同樣好嫩滑，唔會太老，酒味亦都岩岩好入味 ，唔會太濃，啲花生都好好食。最後，跟主食加左個醉蛋，小小溏心，好好味，蛋味都好出，同樣都係唔會太濃酒味。跟主食加$10就有，好值得試！埋單2個人$172，性價比真係好高，有機會會再食同試下其他野食…查看更多

台灣美食一向都係我鍾意既食物之一。之前已經聽朋友提起過依間，所以就約左朋友去食。餐牌既圖片相當吸引。太多選擇，實在花多眼亂，最後揀左2個主食，2個小食，2杯飲品。依個小食味道濃郁，豬手、鴨吞、雞件都好入味。個人覺得鴨吞最好味。鹽酥雞係新鮮炸起，嚟到熱辣辣，炸粉冇太厚。最特別係有6隻調味粉比你自己揀，自己落。個人認為紫菜、芝士、香辣都好夾，其他3隻都幾有趣，可以一試。牛肉麵個湯好香，易入口，牛肉/根都好易咬，唔’鞋‘。拌麵醬料夠，份量多，夾埋芭樂同菠蘿又幾清新同開胃，值得試。好大杯抺茶味好濃，唔會太甜，飲落好滑。一樣又係好大杯，士多啤梨味幾出，唔係人造味，果肉都算多，又係飲落好滑口。叫咁多野食都只係$406。…查看更多

依間樓下冰室之前都經過好多次，一直都想搵機會食下，今日終於同朋友去到食。入面環境唔錯，幾乾淨，裝飾有懷舊嘅感覺，座位都算闊落，唔會人迫人。餐牌既選擇都幾多，花多眼亂。不過聽講佢地出名瑞士雞翼同番茄濃湯通粉。於是，我地就叫左2個主食，2個小食，再加2杯飲品。依個番茄濃湯通粉配牛乳炒蛋 + 麻辣脆雞粒，份量好足，通粉唔會太硬/太淋，軟硬適中，番茄湯味濃，唔似就咁用番茄膏加水，炒蛋亦好香蛋味，麻辣脆雞粒唔會太辣，但好惹味。依個炒意粉幾乾身，但又唔係乾爭爭果隻，料足，味道亦岩岩好。佢地既招牌瑞士雞翼，瑞士汁好好味，少少甜甜地，好入味。炸餃唔會炸到成隻乾爭爭，外脆內軟，餡料足，隻隻都脹卜卜。華田脆脆唔會過甜，脆脆好好食。食左咁多野，埋單$200都唔洗，不過份量比想像中大份，真係飽到捧住個肚走。…查看更多

味苑除了有炒粉麵飯，仲有燒味。Lunch時間往往門外排晒長龍，基本上搭枱是必然的。午餐天天不同，每星期也不同。名苑的燒味出名正注意燒鵝要加錢的。今次我選了叉油雞飯，賣相一望就知足料叉燒半肥瘦，油雞好滑。…查看更多

咁啱睇到報道介紹有間新野，其實之前都逛過呢個場，無乜野食，既然有推薦，就黎試下。2個人居然俾4人卡坐，正套督唔駛加一，望落都幾豐富。沙律用芝麻醬，算做扮左日式中規中矩啦。味噌湯，個樣同我認知的有出入。走青，好多「芝麻」飄浮，個人認為賣相唔係咁美觀但味道ok，可以減d咸味更好。叉燒佔整個碗面面積較少，大塊d或多d會較「合比例」。兩件炸物ok，畢竟係「伴菜」啫旨在點綴，叫做「好多款野食」。泡夫林左，唔脆…查看更多

呢間平民價錢的日本菜是我喜愛的飯堂之一。門外有薯餅櫃方便外賣。整潔、光猛。炸雞普通，拉麵湯底，望落都幾濃郁。叉燒正，飯ok。滑蛋豬扒飯是我每次指定菜式連醃菜我次次都清晒。…查看更多

今日出尖沙咀shopping完，即管試試運氣去Cheesecake Factory看要等幾耐。出奇的唔駛等剛好有二人枱訂了菜就上了兩個包，香脆新鮮。美式餐廳梗要食美式野，漢堡包係正的但個煙肉乾到可以整豬肉乾薯條好味。試了這款combo，蝦+雞柳。醬汁特別，從未在香港食到的味道。雞柳本以為雞胸類會好乾好鞋，但原來唔係，配埋我第一次嚐到的醬汁，實在有驚喜。炸蝦都正，中間薯蓉也好creamy。食完無肚食蛋糕了…查看更多

之前經過排晒長龍，今次終於唔駛等，立即有位。先在門外俾錢點選食物，再去櫃面自取（好似連鎖快餐店咁）。塊西冷，睇見都唔開胃。自家薯條，正豬肉絲好咸，個包普通，配油飯 ... 以我認知，油飯係「海南然油飯」果類，所以美式餐廳居然有油飯... 好錯愕咁的價錢，咁的質素，我相信無下次。…查看更多

一田做緊雪糕展，近近地在一田超市傍食埋lunch。麵豉湯，真材實料，可以連渣食埋，分分鐘渣多過湯。三文魚煎得皮脆肉嫩，若果再大舊d就更好。珍珠米，好黏好有日本feel。…查看更多

呢間泰菜都屹立荃廣地庫好多年，但我偏偏一次都未去過。今日lunch終於有機會同同事一齊黎試下。一到步仲有2人枱，正我點了香草辣椒肉碎飯+煎蛋，無乜香草味，肉碎鞋口，蛋亦煎得好老凍龍眼冰，清甜！午餐免加一，凍飲也不需加錢。…查看更多

山長水遠入馬鞍山探朋友，但她要傍晚先ready，我就早點入去逛下街，食埋tea才見面。揾間有下午茶餐食的，慳dd。左：咸檸檬七；右：香芒雜飲，你望到咁透明，都估到有幾多「芒」無乜香茅味的豬扒，而且唔夠腸，唔滑。個湯ok，生牛肉... 好似少左d，兼沉晒、熟晒。…查看更多

星期三放工時都夜了，逛一陣街就攞飛食宵夜時段放題。見宣傳紙上「牛迷熱捧」都滿有期待的，但點知，原來只有牛丸、肥牛... 選擇不多又欠質素。自助scan QR code點選食物左：清湯；右：沙嗲湯雪櫃有不同丸、菜、麵、甜品，生蠔及帶子要自己落單。肥牛質素 ... 差！又碎又無「油花」，街市幾十蚊1磅的貨色。熟食點了五味豆腐，唔熱，但仲脆。啤酒要另外叫。…查看更多