雞包仔的个人专页

好耐無去上環熟食度搵食喇，今次同老婆行開海味街順便去呢度開餐，揀左景記做試點，我要左個星洲炒米，老婆要焗鴛鴦扒飯，個星洲米炒得幾好，做到唔油膩同埋都算有鑊氣，依家都好小食到又乾身又香的炒米，幾唔錯，老婆的焗飯份量十足，豬扒和雞扒調味得相當好，本身肉質唔鞋口，個飯面D汁教得好香和岩岩好，我地食完都讚口不絕，等食期間見到廚房出左好多個扒餐，見到份量都唔野小，仲有個焗薯送添，下次再來扒餐一定係我不二之選呢…查看更多

今次去點了蜜餞骨、芝士班塊、牛柳條及雜菜豆腐煲，前三個依然好味無走樣，新試的豆腐煲就唔得了喇，經炆煮過的豆腐入口依然嫩滑，好像食緊豆腐花一樣的感覺，我們一行三人都一致好評這味豆腐正正正，下次想去試埋個蔥油雞，見到好想食呢…查看更多

昨晚約埋舅仔去筲箕灣食飯，經過這裡便向他推介他們的豬肉包和煎鍋貼好好食，於是便入去了，舅仔要了個豬肉包，我和老婆點了出名的鍋貼和凍豆漿，美食送到眼前喇，舅仔一口先嘗個包，看他表情已知他享受這個包的美味，他喜歡這包夠軟及帶點甘甜味，而我和老婆吃了鍋貼，不過今次的不夠惹味，覺得好像放耐了所以帶點凍及個皮亦較以往硬，和以往熱辣軟熟有點距離，不過還好兩款豆漿仍保持水準，下次再去試個鎮江骨麵，望落好似幾得咁…查看更多

食過佢地d雞翼同茶葉蛋，始終都係鍾意食隻蛋多少少，滷得好入味又熱辣辣，蛋黃煲得剛剛好，抵食，其餘的出品除涼茶外覺得平平無奇…查看更多

行開紅磡區見到時新個招牌，見過呢度食評唔錯，於是入去食番個正地道出產的漢堡包，今次要了個黑椒汁雙層漢堡，由落單起，到烤個包，再到兩塊漢堡牛肉落鑊，簡直香氣四溢,無幾耐個包便送到面前，一咬落去，肉汁豐厚，牛肉味仍保存其中，黑椒汁好好味，配合個漢堡扒味道無得頂，跟老麥和上教雞的不同，但個人較喜歡時新的那種味道，值得推介，亦會一試再試…查看更多

以前食乜辛辣或帶微辣的美食都會帶來痕癢同皮膚敏感給我，但自從發現聯記川王之後呢個後顧之憂就一掃而空，因為食完碗酸辣湯粉後不但無身痕現象，就連嘴部紅腫的問題都無出現，真係神奇，更令我從新勾起食辣的興趣，講返個粉本身，口感夠彈性，食味頗濃，最岩我呢種好重味道者，跟著再來一碗川北涼粉，口感比不上湯粉，但味道一樣的一流，如要選食辣菜，這間食店是我的必然首選，正…查看更多

真係唸極都唸唔明，咁好食都有個喊樣，隻熱狗包又大個又軟熟，加上香口的洋蔥和醬汁，簡單得黎又惹味，做豬肉腸唔乾仲肉汁好豐富添，比老麥或中環某出名買熱狗的店還好食得多，相信以後光顧的日子繼續而來，仲有好多款熱狗和漢堡包未試，相信會一樣咁好味，另外這店有些街外小賣的罐裝飲品出售，今次的波蘿汁幾好飲，值得推介，價錢方面都算大化，十多蚊已經食到好飽仲想點先…查看更多

覺得佢地做的茶葉蛋好入味，所以每次飲涼茶會叫兩隻來食…查看更多

每次黎呢間食都係食粥多，因為粥真係幾綿同夠味，十蚊碗鮑魚雞粥唔係二打六貨色，鮑魚片都幾多，亦唔算細碗，就算剩雞粥都一樣好掂，試過小菜就麻麻，個蜜汁鱔好淋，或者係炸起備用貨色啦，齋煲唔多夠味，或者呢間粥先係強項啦，要食小菜都係美林對面間好D…查看更多

以前去食雖然都係難等位同埋迫，但都算食得過，但最近幾次去食覺得走晒樣，D飯硬，咖哩一時辣到跳舞，一時又無味，D粉又無以前咁好食，等位比以前仲亂，講食都係以前好運中心好，無論食味和等位都優勝過呢間,總之呢間有越來越唔掂感覺…查看更多

以前每逢會去大快活食早餐，因為好味抵食，但自從有一次老婆提議去呢度試o下D 早餐後就愛不釋手，呢度既扒類早餐比大快活份量多，味道又會好些，款式都算多，可配另外兩款常食到的食物，如煙肉、腸仔…等，總之就多啦，又有粉麵早餐，一流，呢度早餐做到好晏，成十二點都有得食，所以晏左都唔驚食唔到，夜後既晚餐亦唔差，仲可以配十一蚊既糖水食，想食完飯後來一碗糖水呢度係一個唔錯既選擇，每晚十點後還有特價，一個字形容，抵，會繼續幫趁架…查看更多

七月七日我們係度補擺喜酒，落訂後睇呢度之前既食評當堂被嚇親，唔係呱，D服務差得咁緊要，又話食物唔得，又話侍應唔得，有個仲話出席朋友婚宴無論招呼同菜式都不堪，我越睇就越擔心，終於到自己個婚宴喇，又唔覺講得咁差喎，每一個細節都做得好週到，個部長不時都會提醒我有甚麼轉換左，酒樓送左個結婚蛋糕同一個小型酒會俾我，對來賓招呼很妥貼，之後入席的準備功夫亦好有條理沒出現混亂既場面，菜肴方面都唔輸蝕，味道和賣相以至份量都合心水，整個過程比其他有些名氣的集團還談得上價廉物美，當晚每個賓客都滿心歡喜地完成宴會，其實之前我們去試食其菜式時都發覺味道和賣相都不差，由其冬瓜盅只賣＄1, 盅內的湯水和湯料都好足，燒鵝又香脆夠味，還有海鮮南瓜盅是我覺得很值推介的菜式，價錢又唔貴，以後都會多多幫趁呢間食肆…查看更多

呢間野真係有多餘錢都唔好幫趁，真係未食過好似去丐食咁捧住隻碟等派救濟tea buffet,好似鼓吹食客去爭崩頭搶野食咁，食物又唔係好食過人，就算送都係難食都唔入得口，榚點款式小之又小，食來食去都不外幾種，不似雜誌所登的多，呢個難忘經歷都唔想再提喇，是否咁差由食家自己評價吧，個人意見會bar左呢間食肆…查看更多

星期六再經過鵝頸街市，想食飯便想起這裡，人始終都係多，但今次係零捨多巴基人，坐落一陣有個唔多願做阿婆來落單，本來想要個太爺雞鴨飯，不過雞賣晒所以轉了淨燒鴨飯，燒鴨依然皮脆肉嫩兼多汁，甚至好食過對上一次，無得頂，老婆個咖哩羊腩飯水準不變，依舊辣到我入唔到口，但食得出羊肉好淋唔起渣，好，來這裡食飯都預左坐得迫架喇，不過為左食靚燒鴨同羊無計啦，依然係港島區食燒鴨首選…查看更多

昨日和老婆去開銅鑼灣食晏，行經simplybread呢間麵包店，見到d麵包款式好別出心裁，於是入去睇下，d包有別於美x和聖x娜的那種，是造型非常得意的，被它們吸引了於是買了蟲蟲三兄弟、果占千層酥試，嘩！好味呀，個包質地鬆軟，好香，咬落唔會死實實，仲有就係連d內涵都係咁掂，d果占帶微酸食落好開胃，雖然食出得出好重牛油味，但一d都唔覺滯，非常好,值得一讚，價錢還算值得，另外多款蛋糕賣相都一樣咁討好，其中一個叫白芝少女峰和午夜序幕是我最想試的，一定會多多幫襯這間的高質麵包和蛋糕，真係回味無窮，想起都食指大動呀…查看更多