C9靚太的个人专页

今日同四位同事去咗筲箕灣嘅「櫻月」食lunch，一行五人試咗幾款 出色嘅菜式。先食「芝士酒盜青瓜」$78， 老闆飲一集酒杯做器皿， 呢杯前菜係一道好有驚喜嘅前菜。酒盜係魚嘅內臟，加上芝士粒同青瓜片。食法係先食芝士同酒盜，最後至食青瓜片清一清味蕾。正！ 回味無窮。老闆跟住拎出一塊喜瑪拉雅山粉紅鹽板， 然後放上燒雞翼@$40 ，佢教我哋食之前用雞翼輕輕磨擦鹽板底部，以增加鹹味。老闆提點只須輕輕磨幾下，如果唔係就會太鹹。 呢隻日本直送嘅「手羽先」 外皮香脆，肉汁鎖得好好，我同同事都一致認為係全世界最好味嘅雞翼 (冇之一)， 我甚至認為係「宇宙最強」！輪到主食~拉麵 ，我同一個同事食「 廣島生蠔拉麵」$68。 一碗有兩大粒生蠔，雖然數量唔算多，但每一粒都鮮甜飽滿，湯底清甜，兩粒生蠔嘅鮮味已經足夠cover成碗麵， 我認為老闆係計算過嘅，兩粒生蠔就啱啱好，三粒就會膩。 仲要提一提嗰隻流心蛋原來係日本蛋，老闆做得好好，蛋尾極濃。成個lunch最窩心嘅係老闆嘅款待。 我哋第一次嚟，佢主動請我哋每人一杯清酒，小店嘅人情味真係好得。最後老闆仲提議我哋食個甜品，五個人 share 兩個甜品， 完美結束成餐飯。5個人食咗千二蚊，人均$240，以咁高質素嘅食物同埋貼心服務，CP值真係無得輸！隔日我同老公再食lunch， 我哋仲book埋 12月 christmas包場添（補充：我哋仲食咗其他前菜同小食）…查看更多

今日兩公婆去越南餐廳撐枱腳, 嚟咗呢間小店, 覺得性價比非常高, 一定要推介畀大家。我哋叫咗牛肉法包， 外脆內嫩，烤牛肉有烤得好味，要畀十分，下次要試埋佢個扎肉法包至得。又叫咗生牛肉河， 湯底夠濃，牛肉都好嫩又唔肥，唔係普通肥牛，略嫌芽菜同九層塔少啲。又叫咗個大蝦米紙卷，非常紮實仲有 米粉酸菜紅蘿蔔做餡，好好食！仲叫咗兩杯嘢飲，一個係椰奶咖啡 ，咖啡夠濃椰奶又香，恰當好處！ 我就叫咗杯牛油果沙冰， 攪得好碎好好絲滑，一流！…查看更多

話說去大圍踩單車經過見到呢間茶餐廳咁多人，就入嚟試下啦， 叫佢裝修好舊，但係啲人又食到津津有味，就知道有料到！👍我哋叫咗個泰式豬柳肉飯， 同黑醋豬仔肉飯， 雖然等得比較耐，但係真係堅好食👍 豬柳同豬仔肉嘅做法係相同嘅，都係鮮炸脆再上汁，但係炸到外脆內暖，醋汁同酸汁唔會太酸太多，啱啱好！d料頭索哂d汁，真係唔止係茶餐廳嘅水準！我哋食哂成碟.... Hahaaa臨走嘅時候發現佢有生豬肉餅賣， 因為肉餅飯都係招牌菜，所以我即刻買咗返去今晚加料， 一樣咁好食😋😋😋PS: 可以加15蚊轉炒飯底…查看更多

一知道係 Ricky開嘅餐廳就即刻黎食, 雖然遲左少少。首先試下“兩日兩夜羅宋湯”，真係充滿濃郁嘅蔬菜味，湯質較清同少少稀，我同行嘅 partner 嫌唔夠杰身，我就覺得好 ok。我叫左慢煮牛舌意粉。一般餐廳嘅牛舌食都係唔夠淋，呢間真掂，夠哂淋，仲有3大舊，好好味，好滿足！至於d意粉好爽身，好好趙口，襯托黑椒汁，好正！我 partner叫左鐵板豬手，好正好正！豬手唔太咸，但好淋，又有鐵板燒效果，好有懷舊feel呀！至於飲品，我叫左“茶走”，好耐冇飲，又唔太甜，唔錯👍。我 partner 就飲話梅波蘿冰，好醒胃😋。甜品叫左楊枝甘露冰冰，d冰就太大粒，有d奇怪，但味道 ok。總之係性價比高嘅高級茶餐廳。…查看更多

我同兩位朋友食 lunch, 就係想食蛋包飯，俾呢間餐廳d圖片吸引住。一入餐廳，佢嘅裝修唔錯，仲俾卡位我地，感覺良好。好快 order左嘢食，上餐速度正常。我叫左時令嘅'' 大勢蟹黃蟹膏蛋包飯'' ，真係好奇待😍！！侍應上碟之後，用刀切開蛋，蛋液流落兩邊，同日本嗰d一樣，跟住淋上蟹膏.....嘩，好似好正！我即刻大啖食，咦，點解有茄汁味嘅？原來飯底係茄汁炒飯，oh no！d茄汁味搶走哂d蟹味😒，令蟹膏味減半，激氣呀，點解唔用白飯？我覺得個飯味真係over左，我揀走d飯，淨食蛋同蟹汁又爭d飯底陪襯，所以有d失落感。朋友叫左'' 黃咖喱白露蟹肉蛋包飯'' 都有同感。另一位朋友個''蟹膏意粉'' 就有d 乾，個 source可以稀少少，成個意粉就冇咁 dry。整體ok嘅，如果嗰個蛋包飯改番做白飯就會ok好多。…查看更多

要喺金鐘搵到位食飯，仲要唔使80蚊， 呢間「現時泰」係我十分推介！我lunch已經食過好幾次，有食金邊粉丶 又食過豬手飯丶湯粉丶湯河都好好味。我最鍾意食佢豬頸肉湯金邊粉， 金邊粉夠曬爽身， 豬頸肉又夠淋又唔肥膩。豬扒炸得唔肥，好好味，而且係價錢抵。豬手飯嘅豬手好入味，又夠淋，我都好鍾意食。有時候，我加碟生菜， 好經濟都係15蚊。 就算加嘢飲都好平，泰式奶茶，真係有八成泰奶像真度。泰式雙檸茶用青檸同黃檸檬沖，好有誠意👍講到咁好，因為好快揾位堂食， 座位流轉得夠快，上菜又快。另外，好多人都鍾意佢外賣夠快手。 我讚不絕口誠意推介大家去試一試。…查看更多

睇電視介紹土瓜灣以前"白宮冰室"個舖位改成咗懷舊嘅日式餐廳,好想即刻去試。從門口嘅裝修已經覺得好有日本feel,好似置身於日本嘅小巷裏面。打開門嘅感覺就完全唔同,係近年至流行嘅mix and match: 有懷舊玩具、有卡位、有長枱、有五光十色嘅吊燈、星球掛飾、單車、騎木馬、懷舊馬賽克地板、日系裝飾、英式擺設…...林林總總，目不暇給。連家燕媽媽後生嗰陣嘅鐵皮日曆板都畀佢搵到,佩服!打完一輪卡,終於點餐。我哋叫咗日式燒酒青檸梳打,好飲!另外,梗係咗最受歡迎嘅"火炙三角燒肉定食",有麵豉湯、漬物、薯蓉同一碗鋪滿和牛片嘅飯,賣相一流,味道仲一流個和牛全靠嗰個柚子汁,點完嚟食即刻減去和牛嘅油膩感,仲帶出鮮味添! 可惜食到尾你會見到個碗充滿肥油,覺得好邪惡咁。不過和牛唔肥又唔好食喎,噢,我呢一刻嘅心情真係好複雜呀…...雖然心情複雜,都要食甜品㗎。我哋叫咗兩杯雪糕,一個芝麻,另一個係"梨酒牛奶雪糕小杯",其實係用梨酒淋喺雲呢拿雪糕上面囉,賣相幾靚，但價錢比味道高🙄你明啦。總結,小貴但好食👍…查看更多

白色情人節同兩個友人去dinner, 大家無所謂入左呢間好似中伏嘅日式放題燒烤…包場!由於得一枱，所以店員招呼非常週到，慢慢講解推介,都幾細心。首先叫左d刺身,隻蝦大到手指公咁粗，好食!我哋黎左兩round, 仲有例牌三文魚,但係吞拿魚就麻麻。黎到燒烤,叫左和牛片、牛柳粒、唔同醃味嘅豬肉片、雞翼(開邊)、大菇、翠玉瓜、菠蘿、洋蔥。為左健康著想，就冇嗌嗰啲高膽固醇嘅魷魚墨魚之類啦。佢有蝦，不過食咗刺身蝦，又唔使食咁多蝦嘅…...生蠔到啦! 店員畀咗個計時器我哋燒完一面再到另一面,仲幫我哋開埋殼,好鮮味,好好食! 我哋仲叫咗啲小食,好似蕃薯波波、碗仔翅同埋炒通菜咁,都好夠食…...飽晒! 唯獨甜品欠奉,如果送埋雪糕就一流,不過而家都ok。我覺得以燒烤黎講,佢個火喉較得幾好,唔大唔細啱啱好,燒落又唔似啲韓式嗰啲咁成頭煙同一陣燒烤味。簡單黎講,呢間餐廳通風都唔錯。最後，埋單每人唔洗$380, 中規中矩。下次多幾個人就可以叫多幾款。…查看更多

想中午喺中環搵食真係好艱難，大多數人多擠迫,等都要等一兩輪至有得食。嚟到昭隆街諗住都係又要等，點知呢間小店有位，即刻入座。心諗唔通嘢食麻麻地，所以冇人去呢?第一次去我叫咗$60鰻魚飯,諗住都係一般貨色…...估唔到鰻魚嘅size一啲都唔細，有塊生菜墊住，仲有紅蘿蔔同埋白蘿蔔奉上，補充左蔬菜類，唔會好似一般茶餐廳有肉冇菜，即刻覺得店主好細心。第二次我叫咗雞翼紫菜溫泉蛋飯，溫泉蛋一啲都唔馬虎，非常好食，雞翼到喺一流、脆卜卜! 唯一就嫌啲紫菜似係韓式一包包紫菜拆出嚟咁，搞到成個飯比較dry, 如果落番少少汁就會好好多。兩次食lunch經驗都Ok,暫時仲未食厭，可以繼續去幫襯。…查看更多

其實幫襯左呢間小店好多次,貪佢選擇多,價錢唔貴,而且就腳。至於味道方面,我個人認為對得住個價錢,唔算性價比高嗰隻囉。你話唔好食咩,又唔係。好次今日兩個人去食,叫左一個雜錦刺身飯定食,有紫菜豆腐麵豉湯,又有前菜,刺身飯冇花冇假,有三文魚、油金魚、大甜蝦、蟹柳、玉子、青瓜、蕃茄仔,我覺得合格。飯腳叫左牛仔骨定食,好幾塊大大片牛仔骨,仲有炒到香噴噴嘅洋蔥,雜菜同粟米粒,一樣有湯有前菜,食到飽飽。最後,仲例牌奉上雪米糍,滿足!小店買少見少,經開就幫襯一下,支持一下啦。…查看更多

打風過後,屋企冇曬送,咁梗係出街食飯啦,忽然想食大排檔,就同一家大細去柴灣熟食街市試下呢間先。我哋叫咗六個餸,有椒鹽九肚魚、豉汁鵝腸、豬潤雞煲、啫啫通菜煲、大排檔炒麵同埋蜆蚧鯪魚球。叫啲嘢都係大排檔呢排必食之選,要有鑊氣嗰隻,睇下呢間水準o唔ok先…豉汁鵝腸啲鵝腸好爽口,不過略嫌豉汁多咗少少,顯得鹹咗小小。豬潤雞煲上菜時咋咋聲,好夠鑊氣!食落又覺得啲雞骨好大,而肉就比較少,又爭咗少少。至於椒鹽九肚魚真係大排檔嘅例牌菜,九肚魚夠大塊粉漿唔算好厚,所以合格!通菜煲上菜都係咋咋聲,夠曬鑊氣,所以合格! 至於大排檔炒麵炒得夠乾身又會太咸,所以合格!最後蜆蚧鯪魚球細細粒每人可以食兩粒,都唔錯!都合格!整體係令人滿意,係合格大排檔之選😋…查看更多

好幾次去鴨脷洲都專登去呢間小店食魚蛋粉,今日都唔例外。例牌叫魚蛋粉,大地魚湯底勁重魚味,又無落味精,仲有d艇仔粉爽滑晶瑩剔透,好好味👍魚蛋魚片唔洗講始終如一咁彈牙,真係好味到湯都飲晒,我唔係誇張架,因為湯底至係成碗粉嘅靈魂所在。今日叫多碟灼生菜同埋炸魚皮。魚皮夠薄又夠脆,絕無令人失望。另外,朋友叫左碗豬肉丸河,清清地,原來豬肉九都同樣出色。另一位朋友叫四寶河,魚丸、魚餃、墨丸同魚紮都係一樣咁好味。話咁快食飽,其待下次再去食至得。…查看更多

唔該牛丸河加紫菜!我幾乎每次都食牛丸河加紫菜。全因牛丸Q彈好似乒乓波,爽得黎juicy,紫菜新鮮又無沙,兼且河粉幼細順滑唔肥膩。仲有一樣野大家有所不知,就係嗰個湯碗嘅設計,比較深同窩形,令到碗粉食到底d湯都保持熱辣辣。呢樣我發現唔係間間魚旦粉面店做得到嘅。另外係佢嘅魚皮餃,魚片頭都好得,爽口彈牙,我買過返屋企打邊爐,個個都讚架。地點就腳,幫襯咗十幾年,有時唔知銅鑼灣食咩好,我就去食佢,包冇令我失望…查看更多

係中環想食台灣野,選擇真係唔多。今日lunch嚟到呢間食店,勝在人唔多,唔使點排隊。門口啲霓虹燈仲好吸引我打卡添,嘢食又好冇呢?入到餐廳,坐低見到啲裝修好特色,有卡位又有吧檯,枱與枱之間又唔算迫,坐得都好舒服。自己掃code落單,夠晒先進。我哋嗌咗午市套餐,包括眷村懷舊排骨滷肉便當、阿嬤古法鹵雞翅膀滷肉便當,仲有單叫左阿嬤古法滷雞腿滷肉便當。其中頭兩個餐係包埋台式飲品,一個set有三碟小食、一碟餸加一碗飯,八十幾蚊個餐,仲包飲品,係中環黎講,認真係抵食。補充一下,雞腿便當隻雞脾雖然冇圖片咁大,但係一樣豐富好食。再補充一下,每個餐啲餸底下都有好多菜、粉絲同埋粟米,淨係食d餸都已經飽晒,所以男士會覺得好滿足,女仔就可能覺得太飽喇! 順便講埋個滷肉飯,都好香口唔肥膩,唔錯!我哋仲叫咗個小食~海苔鹽酥雞,有個shake shake紙袋畀我哋, shake完至食,好玩又好食…哈哈。餐廳仲不停播啲台灣流行曲,營造台灣feel,心情都輕鬆啲!我對呢間餐廳整體感覺非常好,下次會再黎幫襯。…查看更多

好耐冇去太古城,之前都成日去logon cafe, 但裝修之後就冇去喇。今次係裝修完之後第一次去,地方闊落左,環境靚左,枱多左,可接待更多客人。我地叫左一碟北海道咖哩豬扒蛋包飯,非常滿意,咖哩汁夠多,豬扒依舊炸得好。同時我哋嗌咗一碟M6和牛肉眼扒意粉,和牛肉質好正、好幼嫩,中間仲係粉紅色,呢個價錢有咁嘅水準,性價比就係高。配菜有菇菌同秋葵,即刻有體頭晒,唔錯!最後介紹埋杯抹茶奶昔,調到好creamy 幼滑,一口氣飲左幾啖,差d停唔到口。一句講晒:比裝修前更滿意嘅餐廳…查看更多