foodloverc的个人专页

今日同男朋友去左大澳玩，行到咁上下就黎左呢度食野，幾中意佢部𨋢，係斜住上去幾特別。呢間餐廳裝修得幾靚，係間玻璃屋，坐係度食野可以直望大澳既海景，特別係日落既時候，更加添幾分浪漫，好適合情侶用餐❤️今次我地叫左兩種不同既意粉，味道相當唔錯。然後就叫左個用大澳有名既蝦醬配搭既雞翼，中意食雞翼既朋友一定唔可以錯過。雞翼炸得酥脆可口，配埋蝦醬食特別惹味👍由於時間有點晚，客人唔多，唔會好嘈，價錢又親民，偶爾假日同另一半黎睇住日落用餐，真係人生一大樂事❤️…查看更多

今晚同男朋友又出動揾野食，上網揾左好耐，一係太遠一係唔係好吸引，最後揀左呢間食。店舖唔算好大，但座位係今時今日既餐廳黎講算闊，因為餐廳二人座位同二人座位中間仲會有張二人枱大小既枱，比兩邊既人一起share擺野，感覺滿貼心。一坐低就有員工問食乜，揀完之後好快肉片、牛尾等等都黎到，但遲遲未有人幫我地開爐同開抽氣，揮左好耐手先有人黎幫我地開。肉類方面大致唔錯，可惜分唔出每種肉係餐單上係叫乜名，問員工個員工都答我地唔到，唯有亂叫😂有d肉幾嫩幾好味，但有d有渣。。海鮮精都唔錯，飲品方面係仼飲。總括而言，不過不失，可以再光顧。…查看更多

朋友係台灣返黎香港住幾日，話掛住香港ge雲呑麵，真係唔知觀塘邊度有雲呑麵食，結果係apm行左陣，見到商場ge廣告牌先見到原來apm裡面就有一間粥麵舖，所以就開心地上去食啦。上到去有幾個人排隊等入座，等左10分鐘左右就有得入去食，叫餐牌都好多粥品選擇，仲有唔少抄粉炒麵炒飯食，仲有多款點心可以揀tim，最後我地叫左2碗雲呑麵(大)同一碟蘿蔔糕食。個雲呑麵偏細，已經叫大size，但都係好細碗，男仕一定食唔飽，不過味道都5錯，鮮蝦雲吞都幾彈牙。蘿蔔糕既味道都ok，但冇乜餡。價錢係粥麵舖黎講偏貴。…查看更多

係東大街等緊串燒既時候，發現隔離幾開小食店都好多人排隊，就走左過去八卦下，忍5住又買埋韓國炸雞，同走埋過黎呢間低調高手買佢地既雞蛋仔食。佢既雞蛋仔有幾隻味，見都幾多人買黃金雞蛋仔，但又怕中伏，所以最後都係買左原味試下先。排隊等候時間頗耐，等左差5多20分鐘，可能太多人買，所以全部都新鮮做，好不容易等到我地個號碼，滿心期待咁食第一口，熱騰騰都脆脆地，都幾好味，同聞落都幾香，但如果有得揀，我都係覺得以前既北角雞蛋仔好食d，下次可能可以試下佢個黃金雞蛋仔，話5定會有驚喜😅…查看更多

食完安利之後，又走左過黎揾小食食。都係同事介紹先知筲箕灣有一條專賣好野食既東大街！！一轉入去就見到呢間印尼沙嗲串燒，都幾多人係度排緊隊，我地當然唔執輸又排埋一份啦👻，首先排隊比錢，速度都算快，我地叫左2串雞、2串牛，比完錢就企一邊等叫號碼，等左十分鐘左右就有，好耐冇係香港食到咁濃既沙嗲味，喜歡❤️ 如果可以有埋d花生粒多d咬感，感覺更棒！ 不過牛肉串d牛肉有牛筋咬唔爛，咬左好耐，最後吐左出黎。。。但串雞肉串就冇呢個問題，等冇非洲豬温果陣再試埋沙嗲豬肉串😝…查看更多

今晚聖誕節，唔想出去尖沙咀同人逼，就黎左筲箕灣試下同事推介既美食啦！！！我地係地鐵站c出口行過去，大約5分鐘路程，一去到就見到幾多人係度食緊野，由於沒有空枱，所以要同另外2個客搭枱。格局似一般舊式粉麵茶餐廳既佈置，圖枱矮櫈，衛生環境麻麻，睇左陣餐牌，選擇唔多，價錢都唔算平，最後我地叫左四種料既撈粗食，分別有魚蛋片、牛丸、雲吞同切腩。魚蛋片都彈牙，但好細粒，牛丸普通，鮮蝦雲呑都幾好食，切腩都幾腍，撈粗個味都夠，但如果要我專登過黎食真係唔會。之後又叫左件鮮奶油多，土司好脆，奶油好厚又凍凍地咁配鍊奶食幾好味，反而中意佢個鮮奶油多多d🙈。…查看更多

今日想去太空館睇美國國家公園既片，所以就上左某個app揾附近既餐廳食，見到6點呢間餐廳訂枱有5折，所以就黎試下啦。我地5點幾就到左，當時仲未開始所以就去左等候區既梳化坐，地方都幾大，環境都5錯。坐左一陣就有人黎帶位啦。一坐低望個meun，乜都想試下，又想食魚生，又想食燒野，又想食火鍋同甜品，但冇一個二人套餐可以滿足佢所有願望😅所以最後我地叫左個16xx既四人合家歡套餐，果度既員工見我地2個人叫4人餐，完全係好驚訝，仲勸我地叫二人餐再散叫，但最後都決定叫4人餐。首先黎左個好普通既前菜然後上左魚生，都幾新鮮同冇筋位。鮑魚都燒得幾淋幾好，但配既醬汁有d苦。鱈魚似二人份多過四人份量，魚肉燒得幾滑仲有少少汁，都5錯。牛肉鍋就好普通，牛肉有d 靭親子飯=滑蛋雞飯，都好普通。味噌湯，好普通，有d淡。個甜品，木糠奶凍幾好味，我地仲食晒四人份tim。原本要16xx再加一服務費，但用完某app只需要10xx，服務費係原價10%，總括而言，食物質素同服務都算ok。…查看更多

之前黎食過2次，d安格斯牛肉係幾好食，所以今晚又同男朋友仔黎食過😋😋😋今晚黎到發現佢除左火鍋，依家仲多左日式放題可以揀，不過我地都係揀返火鍋。一開始個侍應就問我地要乜湯底，猶豫左一陣個侍應先話可以揀鴛鴦鍋，所以就揀左呢個唔駛煩🙈我地今次都係有將牛肉升級做安格斯😋2個人食左10幾碟牛肉，真係好食到唔停得手呀！不過今次沙拉吧好似少左好多野食，醬油調味料都要自己同侍應拎，佢地先會拎過黎比你，有別之前放係出面比客人仼裝。食完每人都可以揀返杯雪糕食，好滿足呀❤️…查看更多

今日lunch突然想食海鮮，就入左西貢食，之前食過呢間，味道唔錯，價錢算優惠，所以今次都揀返呢間食。我地叫左個438元二人套餐。有湯送，個湯係用好幾種海鮮加蕃茄煮，味道好鮮甜。呢個價錢食到既龍蝦伊麵，當然龍蝦肉唔會好多，得兩三舊可以食😜今次食到有少少沙，味道可以加d更好。條魚上左枱先聽到隔離枱講，原來可以同老闆要求條魚免費升級食其他魚，一切有商量😅瀨尿蝦一人一隻，都算大隻。普通白菜。海膽炒飯比隔離x記米芝連餐廳炒得更好食。2個人食呢個份量食到好飽，味道唔錯，價錢公道👍…查看更多

今日同男朋友去左西貢碼頭吹吹風散散心，估唔到山竹破壞力咁強，真係好多樹倒塌，仲有防波塊沖左上行人路。。。超誇張！行左陣又到左晚餐時間啦，唔想食海鮮，就諗起巷仔既泰國菜都幾有名，就去左食啦，點知。。。椰青都算清甜，但d肉好老，好少水。個泰式鳳爪都好普通，而且好細碟。油飯都好細碗個生菜包都好細碟。。份量好少，而且味道不太喜歡。都係好細碟，唔香口唔惹味。總括而言，全部份量都好細，而且用既調味唔知係唔夠定係同出面用既有少少唔同，唔係我中意既一般泰國菜口味，而且係巷仔黎講，價錢同出面地舖食既差唔多，咁我會寧願係出面食，起碼坐得舒服有服務有冷氣，環境都大d整潔d衛生d。…查看更多

今日同朋友去左石澳沙灘行，因為朋友有揸車，所以行到夜晚就順便係石澳換野食再返屋企啦。石澳沙灘係香港黎講算大，d沙都算幼細，踩落去好舒服。行到出停車場外面就見到呢間舖，其實沙灘周邊都有燒烤之類食，但唔係好想食果d，就黎左食泰國菜。一開始以為旅遊景點做旅客生意一定又貴又麻麻地好食啦，點知出人意表咁好食，價錢係旅遊區真係算抵！椰青清甜好飲，椰子肉都好軟滑❤️好有泰國味，味道濃得黎又唔會過鹹👍個飯都好好食，飯粒分明又香口👍個咖哩用黎配麵包岩岩好😋下次再黎石澳都要黎食多次😋😋😋…查看更多

今晚約左朋友係朗豪坊見面，行左陣就入左黎食野啦，裝潢都唔錯，幾有日式既風格。用既餐具都幾精緻❤️飯身有d脆脆地，小小一隻幾得意，味道唔錯。玉子整得好滑又有汁，好好味😋日式煎餃，煎到d皮好脆好正，裡面既料又夠味，大愛😋😋😋❤️d魚生唔會直接放係冰上面，感覺好似比較衛生？而且每一碟都有d小裝飾，感覺精緻又用心😊最重要係d魚生食落都好新鮮好好味，雪味唔重。今餐我地2個人都食得好飽好滿意，係價錢不算便宜，其他都唔錯。…查看更多

今晚同朋友慶祝生日，記得佢中意食利苑，所以就帶左佢黎食啦。利苑餐牌見到既菜式唔多，好似好多之前都食過咁，所以今次就揀左佢既套餐，每人638元，另外仲有加一服務費。一向對食材有要求既利苑，今次食到既食物都唔例外，都新鮮好味😋，但原本諗住638既餐，應該點都會食得飽掛。。。但結果係食唔飽架🙈，因為佢全部野食份量都非常小，連碗麵都係同平時去酒樓食點心用既碗差唔多，食晒成個餐應該得6成飽左右，可能係我太大食？🤢如果份量可以多少少就好啦！…查看更多

今晚放工又去左apm揾食，由於好耐冇食拉麵，所以就揀左呢間食啦。佢款式唔多，好多都係一般拉麵店有既野，所以就點返自己一向食既麵啦！隻蛋好滑好好食😋湯底揀左白湯好濃味偏鹹然後朋友就叫左黑蒜湯，湯底都好濃。見隔離枱好似食得好滋味咁，我地忍唔住又叫左個小食。一向中意食菇既我，滿心期待我既雜菇上枱，但都等左成十分鐘先有，一上枱就急不及待想食啦，點知。。。好似食到成個鹽咁，咸到苦呀🤢 我朋友即刻放棄左食。。由於覺得好浪費食物。。所以同個侍應拎左杯滾水過下d菇再食。。。但想講過左水2次都仲好夠味😂 個經理話換一碟比我地，但真係5想浪費食物，過左水又入到口，所以就咁食完。…查看更多

今日同外國返黎既朋友食飯，所以諗住帶佢食下點心啦。因為鱷魚恤幾間酒樓都好爆，間間都要等位，所以諗住呢間唔駛等位，又係大集團應該好食啦，點知。。。個腸粉裡面係冇味，淋完匙油都唔得，d肉又硬。。個燒腩卷都好麻麻鯪魚球食出好多細骨，又冇乜味灌湯餃都好普通呢三碗。。食完會後悔叫左黎食😂蘿蔔糕同咸水角就普通係街食到既味道，算係咁多樣最好食。呢間好少點心選擇，好多點心都冇，點心水準又。。後尾先知佢好似係專食火鍋。。所以係我揾錯地方食點心😂總括而言，要食點心既朋友可以揀其他地方食😅…查看更多