or#Tm65600946的个人专页

首先我本人係好鍾意食burger,經常問人邊度有好食嘅burger，好多人都會答你Burgeroom。呢日同女朋友黎食銅鑼灣呢間(佢都同我講過Burgeroom好食)。環境黎講，舖位外面d位會比較好坐，入面會比較迫，好易聽到隔離講d乜。我同女朋友一人叫一個burger，再叫一個旋風薯條，我叫咗個Bacon cheese burger, 我女友就叫咗Honey mustard portobello bacon burger。個包份量好大，基本上無人可以一啖由頂咬到落底，呢個係好多burger舖都會犯嘅錯誤。塊漢堡扒係好厚好juicy，但係温度凍咗d，唔似即刻整出黎。薯條幾好味，不過失。整體黎講，唔算難食，但係亦無其他人講得咁好食…查看更多

嗰日上網見到有人介紹呢間嘅黑椒薯仔牛柳粒， 我本人非常之鍾意食薯仔所以好有興趣。 嗰日同女朋友一齊去食， 叫咗三個餸分別係， 椒鹽九肚魚， 魚香茄子煲， 同埋主菜嘅黑椒薯仔牛柳粒， 仲有兩碗飯。 上菜都幾快，但係一上菜就知道出事啦， 因為三個餸嘅份量都好多 兩個人一定食唔曬。 但係點都要試曬三個餸， 先講個椒鹽九肚魚，正常水平，唔算好特別，但係都好食。再講個魚香茄子煲， 用煲仔上令到d茄子有煲仔嘅香味，都幾好食。 最後係黑椒薯仔牛柳粒， 薯仔有稍微炸過，外脆內軟，牛柳粒非常嫩滑多汁， 之後再用蜜糖炒過，成個餸非常好食。 最後我同我女朋友 就食曬椒鹽九肚魚同埋啲黑椒薯仔牛柳粒， 將啲魚香茄子打包拎走。 非常滿足嘅一餐。…查看更多

果日原本想同女朋友去試Five Guys, 點知去到排晒長龍, 女朋友又有野趕住做, 所以就決定食另外一間都好想試嘅Burger Joys. 先講環境, 一睇就知呢間餐廳係以半餐廳半酒吧嘅形式經營, 有兩部電視播緊足球,但係D位唔多同埋都幾迫下. 侍應同收銀都係外國人,所以要用英文落單. 我同女朋友一人叫左一個Burger,然後再叫左一份芝士薯條, 落左單之後D野好快就黎左. 我叫左個牛肉漢堡, 整體黎講個漢堡都幾好食, D菜好新鮮, 仲有我好鍾意食嘅生洋蔥, 不過成個包嘅敗筆就係塊漢堡扒整得太薄, 令到塊漢堡扒太乾. 之後再食D薯條, 份量都幾多下, 兩個人食一份就啱啱好, 但係D薯條就好似M記嘅幼身薯條, 本人就唔係太鍾意啦.…查看更多