Mira1108的个人专页

早排同朋友黎到啟德試新派既中菜，裝修係中式粵菜風，環境優雅，座位相對闊落。酒店係中菜既價格，菜品擺盤精美，整體都高質🙌🏻試左佢既晚市廚師套餐，HK$738/位。👍咖啡煙燻合桃叫左餐之後店員會送上小食，好香口令人食唔停，傾下計就等到食頭盤。頭盤👌黎麥油炆金瓜凍食既南瓜，味道較淡👍鵝肝流心脆球大理石花紋既脆球好似煎堆，一咬開有濃郁既鵝肝流心，有味蕾既衝擊💥👍西班牙黑豚叉燒有濃郁的蜜汁包住叉燒，香而不膩😋😋湯👍花膠靜岡蜜瓜燉珍珠肉湯清鮮美，花膠都算厚身主菜👍五頭南非網鮑伴魚腐鮑汁味濃，肉質彈嫩！😍👍二十四小時慢煮牛肋肉牛肋肉比較油，但都算香口👌奶油意大利小甜椒黎到有啲凍左，味道清淡，當轉換下口味主食👍烏魚子醬鮮魷燴越光米超香鮮魷味，有鑊味得黎，米飯粒粒分明👏👏甜品👍番石榴朱古力慕絲甜而不膩我地加多左個甜品📸石獅芝麻糕造型好特別，賣相精緻，芝麻味普通，純粹打卡既話都唔錯呢個餐勝在菜式豐富，可以試到唔少佢既新派菜式，份量都足，絕對值得一試!❤️…查看更多

尖沙咀厚福街$50蚊唔洗就食到蟹黃麵！😋雖然店舖唔大，但係新裝修，有古色古香既格調，坐得幾舒服。店員服務態度都好好，有問必答!招牌黃金蟹黃拌麵($49)當一碗米線都要5、6十蚊既時候，呢到唔洗$50蚊食到蟹黃麵!　(見到個價錢好激動以為咁平實無好野，點知係對得起呢個價錢有餘)蟹黃味濃郁又無腥味，如果唔夠食亦可以免費續麵/飯四彩繽紛小籠包 ($29)一次過可以試四種款式，有麻辣、香菇、雞肉同黑松露，貪心人士可以試晒咁多隻味😆香酥炸豬扒湯麵($67)豬扒好大塊好厚肉，炸粉算薄，炸得酥脆香口，而且豬扒肉質有咬口之餘仲有少少肉汁因為實在太大塊店員見到仲主動拎較剪我比我剪開，十分貼心❤️我揀咗雲南野菌湯，菌味濃郁唔係死咸，麵都好有筋道。加左兩隻炸雞翼($18)雞翼亦係大大隻，脹卜卜，炸得好香口，入面都仲係嫩滑😋另外佢仲有好多小食可以加，價錢只係十幾三十蚊就有交易，下次黎可以再試埋其他！😍估唔到蟹黃麵加小食人均一百都唔洗，價格親民，性價比十分高~! 🤩🤩…查看更多

最近好hit既Fusion菜，係社交平台見到有大大隻日本生蠔食，又係中西日菜，都係我至愛，所以一於黎試試佢，點知一試愛上!😍餐廳環境算新派西式裝修，枱唔算多，有一部份位做左吧枱望住廚師煮菜menu好多菜式可以揀，不過今次我地黎個時無我地想試既日本生蠔，餐牌會不定時更新菜式，店員有同我地推介其他菜式，聽佢介紹完乜都想試下，最後我地叫左4款小食 3款主食同2杯白酒。😋Salmon Taco ($68) & Scallop Taco ($84)外皮用脆脆紫菜包住粒粒辣味三文魚粒，幾惹味有味蕾衝擊，帶子配上蟹子相對淡味少少，但味道亦好有層次Truffle Sesame Doughnut x2pcs ($78)外型似煎堆仔，唔止面頭有松露碎，原來入面仲有松露流心醬，味道香濃，食完會想再食Gold Prawn 2pcs ($58)原來係鹹蛋黃包住大蝦，味道鹹香，大蝦好彈牙Ma Yau ($288)Highlight，一定係呢個馬友!!😍店員話係佢最愛既菜式係馬友，真係無介紹錯，一試愛上係我食過最好食既馬友，皮脆到離哂譜，入面啲肉係嫩滑，鮮味，配埋佢特有醬汁，真係好食到碟底都清埋😋😋Suckling Pig ($348)烤乳豬皮脆肉嫩，配埋自家製青蘋果蓉甜甜醉醉可以解膩Lap Cheong Inked Rice: Baby Squid ($198)似墨魚汁西班牙海鮮飯，加埋啲臘腸粒味道會偏咸少少，不過連埋魷魚食都算好食Sav Blanc ($108) &Gewurzt ($118) Sparkling ($68)因為我鍾意啲酒甜啲，店員推介左白酒Sav Blanc 同埋Gewurz，我地各自叫左一杯試左，算易入口幾好飲食物適合小鳥胃，小食細細份，可以按需要慢慢叫，飲住酒傾下計慢慢食絕對每一樣都好食! 好值得再黎!🥰🥰人均價格: 約 $700食物味道: 9/10性價比: 8/10環境: 7/10服務: 8/10…查看更多

✿花華✿復古風餐廳✨位於重慶大廈旁邊「慶方」商場地庫，未入餐廳已經聞到好香的既煮野食味道入到餐廳燈光昏暗，裝修懷舊，係一間復古風餐廳，餐廳內部環境比較細，有幾張細枱，同面向開放式廚房既Bar枱，同一張圓枱因為我地係4個人，所以安排左圓枱比我地，已經係最大個張枱叫左甜品寫名牌，店員仲幫我地影即影即有，影得好靚☺️店員建議我地試2人餐再散叫，可以試多啲野食我地叫左個2人餐每人$328，套餐包兩個前菜，一個小食，兩個主食，兩杯酒精或無酒精飲品🍽️千層馬鈴薯批一層薯仔，配上巴馬火腿，芝士，流心煎蛋，薯仔本身香味配上巴馬火腿同芝士咸香，呢個配搭好夾🍽️車打芝士煙肉芋酥 芋酥幾酥脆，有講唔出既味道，似懷舊點心芋酥🍽️胡椒沙白打滷湯 沙白都大粒，有少許沙，湯比較咸🍽️和牛牛板腱 我地叫左5成熟但黎到覺得太生，廚房再幫我地整熟少少，有牛味🍽️魚鬆腐乳通菜貓耳朵 呢個配搭幾有創意，份量好大，我地女仔食到好飽散叫我地叫左·香草提子三黃雞 ($198)三黃雞肉質嫩滑，配提子好清新，味道好夾·水牛芝士巴馬火腿意大利飯 ($158)意大利飯軟適中，醬汁creamy·甜品Tiramisu ($68)酒味同奶香味濃郁，有回甘，好味😋整體食物性價比高，好適合情侶聚餐，但唔適合一大班朋友人均價格: 約 $350食物味道: 8/10性價比: 8/10環境: 7/10服務: 7/10…查看更多

Urban Café — 乾淨舒適貓Cafe✿去過呢間貓Café既3間分店，分別係觀塘、荔枝角同旺角，今次先寫一寫食評🥳呢一間Café係我去過既貓Cafe之中最乾淨，貓貓種類最多，食物質素亦係最高🙌🏻真係要比返個5星星~!!✨入門口之前店員會要求穿著鞋套，確保環境乾淨，入到去真係好震撼，成間餐廳有幾十隻唔同品種既貓!個人即刻都融化左☺️☺️餐廳裝修簡約雅致，見到空間感好大，枱面都算大張，可以一次過放滿2人餐既食物。有大幅牆身留比貓貓爬上去訓既地方，而貓貓最鍾意就係訓係餐枱隔離突起身既枱，或者坐係你櫈隔離，可以一邊食野一邊摸住佢地，全部貓貓啲毛都好滑好乾淨，同埋貓貓都好乖任摸唔怕人既。每隻貓貓都有掛牌寫住佢地自己既名，都睇得出店員好愛錫貓貓。🥰🥰黎到掛住玩貓差啲唔記得食野，我每次黎都會叫二人餐，最抵食！😆包括主菜、餐湯同餐飲，餐湯沙律 用沙律菜配醋汁，酸甜開胃小食拼盤 份量都好大，有成四粒炸雞青醬紅蝦意大利飯 紅蝦好大隻，青醬味濃郁安格斯牛肉手工漢堡配薯條 呢個漢堡有埋沙律薯條，大份好食日本伯爵茶芝士蛋糕配雪糕 中規中矩係典型既雪糕，芝士蛋糕有淡淡伯爵茶味凍咖啡芒果薄荷梳打 原本以為貓貓Café賣點只係貓貓，啲食物一定唔好食，但我睇小左佢食物質素中上，又大份又飽肚，價錢唔貴，絕對係對得起個價錢🤓每次想玩貓都會諗起佢，一定會無限encore呀~!😍😍…查看更多

有格調的工廈餐廳🤓同事生日，Lunch就同同事一齊過黎食野慶生，間餐廳裝潢幾靚，場中間有個月亮燈幾特別，環境都簡潔大方，飯枱都大張，坐係到食野傾計都舒服🥰我地叫左幾個lunch set，我叫左Relish醬油漬蛋黃大蝦卡邦尼手工意粉，同事叫左西班牙黑毛豬梅頭扒伴炒野菜、香茅慢煮三文魚柳蟹籽支豆南瓜蓉意大利飯同XO醬蒜香野菌海鮮炒扁意粉。我都試左少少同事既lunch set，全部都好豐富，味道好夾。我既前菜叫左沙律，沙律有啲沙律菜同藜麥加醋汁，好開胃，同事就叫左餐湯，南瓜湯幾濃郁Relish醬油漬蛋黃大蝦卡邦尼手工意粉手工意粉食得出好香既蛋黃味，卡邦尼醬汁濃厚，個醬油漬蛋黃有啲驚喜，食到一半我將醬油漬蛋黃撈埋意粉食，醬油蛋黃令個意粉鮮味昇華左，大蝦肉質緊緻彈牙香茅慢煮三文魚柳蟹籽支豆南瓜蓉意大利飯同事既意大利飯既汁煮得岩岩好，唔太乾唔太水，好有南瓜香甜味，但個三文魚無煎香，因為無皮所以少左啲魚皮既油脂香味，但三文魚岩岩好熟，一啲都唔鞋西班牙黑毛豬梅頭扒伴炒野菜同事叫左個梅頭扒，有成3大舊，好厚實，面頭煎得好香，入面都仲有肉汁，無豬蘇味，配埋啲野菜食岩岩好。XO醬蒜香野菌海鮮炒扁意粉同事呢個扁意粉十分足料，有幾隻蝦，青口同帆立貝同大量意粉，我試左個意粉有少少XO醬既辣，但好香蒜味，成個意粉連埋配菜食味道好豐富呢間係一間好有心創作食物既餐廳，食物新鮮，仲落足料煮你食，值得黎試!☺️…查看更多

抵食工廈Café西餐😋好耐無見朋友喇，放假朋友約左我地黎呢間餐廳，預早打電話book左，一齊食飯傾下計🤓慢煮法式油封鴨腿野菌燉飯 $128唔洗$150可以食到油封鴨腿! 價錢無可挑剔，鴨腿外皮乾脆，仲保留少許鴨油香，腿肉咸香。野菌燉飯正常發揮，好香野菌既味。呢個價錢食到咁既質素絕對抵食!澳洲M5和牛板鍵 $198我地叫左五成，岩岩好，牛板鍵有少少筋，但都夠牛味，配上青花椒阿根廷青醬，味道豐富左，配菜仲有火箭菜同牛油大蒜(大蒜白既部份)，大蒜食落好清甜，配上牛板鍵有解膩作用。芝士牛肝菌風味黑松露醬脆薯條 $68牛肝菌風味黑松露好味，幾濃郁，但唯獨個薯條，一上碟係唔脆既，應該係一開始火喉唔夠，未炸脆，而唔係放耐左唔脆，但配左黑松露醬係好味既，當佢焗薯咁食。芝士蕃茄焗自製意式肉丸 蒜蓉多士 $78蒜蓉多士焗得香脆，就咁食都好香口意式肉丸好大粒，有8粒肉丸，加埋酸甜既蕃茄醬同有唔少既番茄肉，配埋多士食口感豐富，必叫呀!野飲我地分別叫左開心果桃烏龍、青瓜薄荷梳打同芭樂烏龍梳打。Pistachio Nut Cream Peach Oolong (M)$42我叫左開心果烏龍，開心果cream味唔太濃，但面頭有少少開心果碎幾香，烏龍正常唔太甜Cucumber Mint Soda $48朋友叫左呢個青瓜薄荷梳打，佢覺得有啲似牙膏味，但我覺得幾清新Guava Oolong Soda $48芭樂烏龍梳打，杯底有啲芭樂糖醬，要攪勻佢飲，咁就唔太甜餐廳唔算大，有唔夠十張枱，天花有射燈直射落黎唔太舒服，但勝在食物質素幾高，價錢抵食😋😋…查看更多

有心又有質素既邊爐🫶🏻☺️呢排天氣唔太熱，有少少秋意，梗係要打返個邊爐啦友人介紹呢間邊爐同小菜幾出色，因為之前有外賣佢既絕味雞腳返屋企食，覺得好好味，所以想試埋佢既邊爐😝😝兩個人夜晚七點半左右黎到walk in，等左半個鐘左右有得入去入去坐低店員會放低盤熱水浸住啲餐具比你洗，仲有壼茶可以飲一開頭揀左個煲底先，有好多選擇樣樣都想試，最後唔想食咁辣，所以就揀左品記花膠養生雞煲半隻。個雞煲黎到要煲滾幾分鐘先食得，店員教路食哂啲雞先飲湯啲雞都算幾滑，只有幾舊雞胸位少少鞋食完雞件我地飲湯，個湯非常好飲！係屋企煲個種藥膳雞湯味，好足料，湯底有花膠，滑雞，紅棗，栒杞，淮山、黨參雞既精華同藥材味濃縮哂係個湯到，我飲左兩碗我地嗌左 牛舌、墨魚滑、海鱸魚片、萵筍、生蠔、韭菜餃、淮山麵同寛薯粉平時食開肥牛，見到有牛舌就試下，幾彈口墨魚滑調味岩岩好，入面仲有粒粒墨魚海鱸魚片 同平時酸菜魚一樣厚度，幾滑，無骨新鮮生蠔 本身我地叫左廣島蠔，店員話今日有新出既即開生蠔，大粒啲新鮮啲果然好大隻又鮮美，洽完都無點縮水淮山麵 同個雞湯底好夾，有啲似係出面食藥膳雞湯淮山麵既味，如果食呢個湯底推介!😝價錢中等，整體野食質素算高，個雞煲同湯都出色，另外店員推介既生蠔都好高質，又大又鮮美，會再黎試埋其他煲!😎😎…查看更多

Happy Friday 梗係約埋朋友出黎啤啤佢🍻呢到有串燒有酒飲，好岩一路食一路慢慢傾計個場好熱鬧，夜晚閒日黎都爆哂棚，不過因為全部人都傾計好大聲，有啲嘈張枱都算大張，可以放哂啲食物，啲野食不斷黎都放得哂日本生啤做緊買一送一，幾抵飲。雖然我唔飲酒，我朋友都叫左2轉🤭食材都好新鮮，無用過多既醃料去醃，最多都係後期加啲調味或醬料呢個價位既日式串燒都算有質素，唔貴🤓對比普通串燒，啲燒物配搭都幾有創意，食極都唔厭，每次想食串燒都會諗起佢，食物質素一路都keep到出色，唔會令我失望🥰🥰生啤買一送一椰青水- 蜜糖雞翼 我最鍾意食雞翼，基本上每次黎必叫，雞翼大隻外脆內有肉汁! 有蜜糖搽面係最正 - 鹽燒雞軟骨 正常發揮，燒得夠香脆好味- 鹽燒白鱔 外皮香爽，肉質爽口- 明太子淮山燒 淮山本身無味，但有明太子加持，估唔到幾好味- 明太子雞腿肉 必食! 雞肉唔柴，上面搽左滿滿明太子醬再燒香佢，同雞肉味道好夾- 燒雞皮 個皮燒得好香脆 叫左2次!- 麻辣豚肉韮菜花卷 肉香韮菜花脆甜，食落爆汁，都係必叫!- 手釣墨魚鬚 墨魚無乜調味，普通，可以不叫- 孜然蒜蓉茄子 呢個又係必叫，軟腍厚肉茄子上面鋪滿蒜蓉，燒到勁香，調味唔太咸，岩哂我地- 雞皮墨魚滑 雞皮好脆，一咬落去啖啖爽彈墨魚肉，好滿足- 蒜蓉燒廣島蠔 蠔唔算大隻，但勝在新鮮，有爆汁- 明太子燒飯團 個飯團燒到有啲乾，面頭加左明太子醬，岩啲唔夠飽既朋友…查看更多

新開中環高質日式燒肉🥰🥰自己本身好鍾意食燒肉，見到呢間新開menu吸引，加上新開張有活動做引體上升即送一碟肉。男朋友做開gym所以同佢即刻過黎試試佢！我地就book左枱先黎食😋想試佢既和牛刺身，但因為未有推出所以試唔到。叫左和牛舌 好好食，厚薄岩岩好，牛舌又嫩又彈想叫多碟但試埋其他野先😛和牛上級橫隔膜牛排比較少見所以試左，肉質偏爽彈☺️☺️韓式辣味烤豬五花肉，附韓式辣醬，搽完拎上去燒，會好易燶要注意火喉同生菜，包住生菜食，加埋啲蒜片青辣椒 清爽解膩😋😋日本產雞胸軟骨，燒既時間比肉要耐啲，因為有醬汁所以好易燶，要經常反下佢，面頭有啲芝麻，燒完好香口，有啲硬要啲牙力，當餸酒小食一流 🤍黑毛和牛牛肋排肉，都有肉味🤍和牛漢堡，有肉汁，燒肉外皮好香，加埋燒肉汁餸飯一流😍😍黑毛和牛里肌肉(100g)做引體上升送左一份黑毛和牛里肌肉(100g)好厚身好靚仔，肉質彈重肉味，送既都一啲唔馬虎😝😝但現場無水或茶提供，如果口渴一定要叫飲品，我地叫左兩杯野飲😚整體所有肉類都好新鮮好有牛味，咁既價錢係香港黎講算好高質🥳🥳雖然地方較細只容納到幾張細枱，另外有幾個位置係門口吧枱位，可能新開既關係，裝修新淨地方企理，全場一齊燒肉都唔大油煙味可以再返兜既一間燒肉店！☺️☺️下次試埋佢個和牛刺身就perfect喇😎…查看更多

放假夜晚過黎食，排隊都等左半個鐘我地3個人被安排坐吧枱位，望住個廚師煮野食，更加有食慾間餐廳好似係舊樓改建，好有懷舊感覺，燈光偏昏暗，好似西餐廳咁，氣氛好好，好岩一路食一路飲下野傾下計由於我地望住廚師煮野食，廚師得閒個時仲會問你啲野食好唔好味，我地梗係覺得好味啦，食食下仲覺得唔夠喉再加多條燒魚，因為即叫即燒，我地都等左半個鐘，好大條又鮮美最後我地叫左泰式珍珠奶茶刨冰同椰子雪糕做結尾廚師仲送左青芒果比我地，點啲鹽食幾好味佢仲有好多特色菜，下次要再試埋😋**香辣海鮮沙律調味似青木瓜沙律既汁**泰式蟹肉奄列入面有蟹肉絲，但唔太多**泰北香烤雞扒配特製酸辣醬汁皮脆肉嫩~ 點埋個特製酸辣醬汁，好開胃呀~**香脆五花腩配香辣羅望子醬汁燒肉面頭有好薄既炸皮，但外皮炸得唔夠脆，食落有啲肥膩，點返個萬用泰式汁，味道都夾既**鹽焗原條海爐魚即叫即燒，等左30分鐘但值得成條魚用鹽同錫紙包住咁大條都燒到岩岩好，肉質嫩滑**泰式珍珠奶茶刨冰泰式珍珠奶茶刨冰好濃既泰奶味，刨冰入口即融無碎冰，超正**椰子雪糕椰子雪糕有泰國翟道翟市場街邊椰子雪糕咁好味青芒果送的，唔錯…查看更多

今日同公司既同事一齊聚餐，提早慶祝中秋節😊平時呢間飲茶無咁多人，比較靜，好適合同老人家飲下茶，或者同客傾野既時候靜靜地食下野今日適逄中秋節前夕，所以突然好多大枱，坐滿哂我地一圍枱岩岩好12個人，叫左個午市精選餐$2488(ClubOne會員有7折，折左$1742)有會員都幾抵食，啲野食大大份，上菜速度好快，唔夠10 分鐘就上滿成枱野食，潮粵拼盆（三拼）乜都有啲，有肉碎四季豆，海蜇，牛展全部都係凍食蟹籽燒賣皇燒賣比較多肥豬肉，但細細粒都ok脆皮炸春卷新鮮炸起，香脆既自家製老火湯先分每人一碗，仲有多既會成盅上，比你地再飲金銀蒜蒸龍躉頭腩龍躉頭腩算新鮮，係骨位連肉，底有粉絲同金菇墊底六錦油泡雙蚌珊瑚蚌同另一個紅色唔知係咩蚌，都幾有咬口，甜豆角脆綠新鮮濃湯珍菌泡時蔬好大盤莧菜~ 好岩鍾意食菜同清淡口味既你脆皮吊燒雞岩岩新鮮炸就上碟，個皮仲好脆😋瑤柱蛋白炒飯十分清淡鮑汁海味炆伊麵伊麵好濃好掛汁精美甜品係普通百佳惠康都買到既雪糕泡芙整體味道較清淡，我覺得幾好，唔洗次次飲茶都食到咁肥膩，份量亦好夠，個個都食飽飽😋❤…查看更多

朋友預早成個book左呢間日式料理，因為餐廳比較細同好少位，要預早啲訂枱。係香港好少見既專食日式串揚居酒屋，係吧台形式對住日本廚師用餐。食物有溫度，食得出每樣食材都好新鮮，用最適合既方法製作佢出黎，由於廚師會係你面前製作每樣食物，所以每一啖都係即做又新鮮。💛前菜叫左薯仔沙律，正常味道，可以用黎墊一墊肚左邊呢個梅鮫魚軟骨，好咸，要配其他野食，同狂飲茶，最後因為太咸無食哂帶子三文魚籽 比佢個樣吸引左所以叫左，魚籽好新鮮，帶子有啲老，食個時痴牙緋魚子昆布 食落好有衝擊感，因為一咬啲緋魚子會係你口入面爆開，好脆實既感覺！推介🧡炸蝦 蝦肉彈嫩鮮甜，食得出好新鮮，又炸得岩岩好熟，蝦頭都可以食😆明太子炸雞胸 肉本身無咩味，但有明太子醬咸味搽夠，都幾好味芥辣雞胸肉 同樣都係靠個醬既味水牛城芝士 炸得外皮炸得脆，內面流心，芝士味香濃炸和牛柳 調味同質感較為普通蒽豬肉卷 豬肉嫩，香☺紫蘇葉秋刀魚 超驚喜既味道，外皮炸得金黃酥脆，秋刀魚仲係刺身狀態，外面裹著一層紫蘇葉，味道好夾好突出，必點!😋 😋炸鱈魚白子 必叫，外脆內creamy 😛明太子忌廉意粉 最尾以呢個意粉收尾，估唔到咁好味，意粉亦好彈滑，唔好睇啲忌廉汁好稀身，但調味係好濃郁，食哂都唔會覺得濟，我地食到最後都覺得呢個意粉結尾岩岩好，估唔到係日本料理食到比意式餐廳好味既意粉整體真係好值得過黎飲返杯，慶祝都好適合❤…查看更多

放假夜晚同男朋友過黎食串燒chillchill~ 🍻 環境係工業風Café，有野食，有酒飲，都幾relax☺☺$158 牛他他 中規中矩 個汁咸左少少🤏安康魚肝，唔腥，幾好味，魚味再濃啲就更好😛Blue cheese 大啡菇 – 味道好夾 一齊食唔會好重口味😋$48 冇平時出面食果啲味噌茄子咁勁咸，佢甜甜地，有啲牛油味，幾好味👍🏻雞軟骨串加生雞蛋，正常發揮紫蘇葉雞腿肉 (off menu)，冇哂特別，舊肉燒到有啲乾牛臀蓋肉，燒得幾好，不過$38x份，唔夠喉🙌🏻🙌🏻適合女士飲的清酒$580/支，好易入口，飲到兩條友醉左，飲到我地行路都差啲跌。建議有4人先好飲，太多了😂呢個唔記得菜式名，正常發揮仲有白鱔煲仔飯，不過冇影相，要預先訂。做得好好味，啲飯好彈，啲鱔好肥美，肥嘟嘟好好味，有機會可以一個人隊一煲。😋整體服務好好，店員好有禮貌，會服務每一枱客人，同埋感受到廚師用心製作食物☺☺🫶🏻…查看更多