Rex Wong Kwok Wai的个人专页

炸肶大大件，可樂原罐上，座位大大張，成個茶餐都係34+6，抵到不得了。上個月去隔離YL冰失，中大伏畀成43蚊食琲成肚氣。今次終於冇搵錯餐廳。呢個價錢，真心想黎個茶餐buffet，分分鐘都食唔到一百蚊。炸肶等左十分鐘到，即叫即炸，心急既我諗你第日再黎過都得。祝生意興隆。咁係咪完美呢，就當然唔會啦，但我會話有進步空間。第一係店員，對答比較無交流，有時要老細提點下先識做。可樂要加6蚊又唔講，要等即炸又唔講，好似當我係熟客咁，今日下午茶得兩枱人，落完單就去吹水，真有特色。…查看更多

疫情我都知難做，成條街都冇幾間有開，見凍室有開，又想食炸肶，好啦，仲有賣炸肶，食返個啦。坐低都係例牌冇伙計，等多兩分鐘終於有伙計上餐，叫返聲唔該落單，伙計係無反應，不過轉頭都過黎寫單。唔知係呢度文化定點，寫單係放張寫單紙係餐枱再慢慢寫，叫個炸肶姐，又要搵餐牌再慢慢寫個午A。心諗不如我寫埋畀佢啦。一兩分鐘後，果個伙計埋黎話冇炸肶，唉，有冇咁黑仔。算，求其食個炸魚柳，唔好煩了。過多幾分鐘，罐可樂上枱，連一杯冰。可樂唔凍都接受既，39+3凍飲，仲想點。歎兩啖可樂，上左碟吉列魚柳，放低隻碟果刻，我以為上錯餐。有圖有真相，呢塊係魚柳?! 魷魚咁卷起哂，39蚊你畀咁細塊我? I can't believe it! 上Openrice睇返張相，雖然原本影落都唔大塊，但呢度兩啖都咬完了吧，收我39? 食個老麥都冇咁火起。當我回過神來，問返伙計，佢就話，係咁架佢。好一句係咁架佢，睇黎唔係我黑仔，黑果個唔係我。食落其實唔難食，係份量細到唔敢想像可以以下午茶自居。個擺碟更加係笑話。結言: 永遠不會再來。…查看更多

疫情期間都要四圍見客，都冇乜店舖開，去PMQ黎黎去去都係酒吧咖啡，但竟然有間用粉紅做主題既甜品，仲有All-day-breakfast咁貪心，滿足到大胃既我地! 好，一於去試下！上網search下，原來係網紅打卡甜品店，入去一睇，嘩，真係好細心咁set好打卡位。咁一於點返杯飲品，影返幾張靚相啦～我點果杯荔枝梳打，係老闆娘推介，唔會死甜，啱啱好仲有荔枝香。我個生意partner就忙住打電話，飲品十分鐘內就送上，但佢仲未傾完電話。店員仲會好細心咁雪住杯飲品先，等我個partner傾多半個鐘電話先再送上，幾好服務～ partner話個奶蓋係靚野，同快餐店果啲無得比，識食既會識分，大家都點點頭。呢近大家都留多左係屋企，其實有好多有心既店舖仲會為左街坊生意努力，提供多種選擇，由飲品到而家有意粉，一路走來不易。我就好欣賞仲有堅持同執着既生意人，今日畀幾廿蚊就學到人情味，又上左一課。…查看更多

樓上雅座, 這間cafe不知是易手了還是OpenRice冇人寫真心食評, 已經有一年多沒有新食評, 真奇怪。是晚七點三入座, 早一天我醒目訂了座, 全因以往曾訂了座, 但被致電說被包場, 取消了訂位。這間cafe有讚有彈, 我先彈食品及服務, 再讚讚店主的心機。食品是任何餐廳的生活, 但今晚奉上的飲杯還是主食, 通通都有很多不足。女侍應先奉上飲品, 凍菠蘿綠荼和榛子奶茶。菠蘿綠茶是我點的，才為一個男生，都沒有太大問題，可是，當我飲過飲品, 再飲餐湯, 餐湯完全一點甜味鮮味都沒有，這反映飲品原來太過甜了。我女朋友的榛子奶茶更大問題，完全是太甜，食慾大減。飲完餐湯, 等了十多分鐘都沒有上主菜。再看在場的侍應們，不是我歧視女侍應，但只有一人作侍應, 只有一人做廚師，要服務四張枱三十多人, 完全是不可以接受。三個字, 太慢了, 呼叫了多次, 都沒有人回應, 這是cafe內可以接受的嗎? 好了, 終於等到主菜上枱。卡邦尼意粉, 有生雞蛋放在意粉上, 有點新意, 但近期流感問題, 好像不太好吧。都算, 試試才說。香菜味不錯, 可惜cream 汁太多水, 用叉食意粉, 但叉起的意粉不斷流汁, 你想我怎吃得有禮儀呢? 意粉每條的長度好像每條都中間剪了一半，太短了, 完全叉不起。我心中大叫救命。雞皇焗飯更令我怒火中燒。為何焗飯未熟, 可以上枱。飯粒有很多都未熟一般, 中間有點硬, 嚥下時感覺好像哽了一般。如果我不是趕時間去看電影, 我真是拍枱叫廚師, 同佢理論。好了, 到埋單, 我女朋友叫了三次埋單, 完全冇人理她, 要我企出去講我趕時間, 剛上班的女侍應還要查餐牌才知價錢, 天呀!!! 有冇可能侍應會連餐牌都記不了。彈左咁耐, 都有好既地方。睇下相中下方, 精美既擺設, 跟寛闊既沙發椅, 是這cafe令我印象深刻的原因。真心希望店主在食品質素上大力改善, 我還想來坐坐, 不想看這種有心思的cafe消失。…查看更多

話說同女朋友拍拖仔, 去睇完巨鴨, 附近人少啲, 又好食既, 就係呢間火間土~以前都黎食過, 感覺唔錯, 所以再返黎慶祝下紀念日~呢度真接可以睇到維港景, 其實景觀幾好, 不過個塊玻璃今次冇咁清潔, 好糢糊好, 講完景觀, 到主角, 今日既晚餐由七點開始等, 等左三個字就有得入, 都幾好彩。有次八點上到黎, 已經滿座, 冇訂位就麻煩啲一上黎, 兩杯茶, 其間都有加過茶, 服務都唔錯本身點左個炒蟹飯, 不過竟然話冇, 咁只好轉石鍋飯我仲驚唔夠飽, 點多左個沙律, 但其實點多左, 不過都試左啲新野一黎既係先點, 而且餐廳仲有提供既cheeze pizza, 皮薄脆口, 芝士一拉, 長長既芝士絲已經令我加哂佢分!後上既係呢個炸軟殼蟹火鍋飯, 下面既飯焦要等佢燒下先會有, 好好食, 不過油多係好正常, 唔係啲飯有機會黏底, 唔健康, 不過好食既, 食一兩次冇所謂啦~個蟹, 冇乜特別, 都係個飯係重點, 上次食炒飯都係覺得個飯係重點等左好耐先上既沙律, 果陣已經食飽, 一見到呢座山, 哇, 好高, 好危險咁, 好似好易掉落黎佢啲點心面真係笑左, 啲童年回憶都返左黎, 我同我女朋友笑都笑飽入面係椰菜絲, 爽口~但個人黎講, 食唔慣咁新既口味(雖然我都係廿幾既九十後)整體黎講, 貴左少少, 不過啲水準係有保証既, 下次可以黎食下魚生同燒烤, 快啲上枱得黎, 好似都唔錯…查看更多

話說我有位好耐冇見既泰國朋友黎香港玩, 同埋佢家長一家三口玩兩三日, 咁我呢個九流食客就要推介下地道美食啦上網搵搵搵, 平平地, 服務好既, 尖咀都唔太易搵, 霞飛係少數勁多like, 而家多人寫post既一家, 一於去馬咁我前一晚就打去book位, 七點已經FULL左, 轉BOOK八點半, 所以今日八點半唔洗等就直接有一個卡位先講下位置, 係最入果間房度, 同場有另外四五枱人, 唔係係出面大廳, 靜好多, 坐得又舒服服務都唔錯, 總有一位服務員照顧呢間房, 態度都唔錯好, 點菜啦~第一味~口味冇平時食開既上海菜咁重味, 但一定唔係淡。爽口，抵點第二味~火腿我覺得都好正常, 不過泰國朋友, 同香港友人話太咸白菜清甜, 夾埋火腿真係回甘清爽, 點佢一定冇錯呢碟係今日既主菜, 都係最抵讚既一味個醬非常野味, 完完全全係精華所在鴨就好似乾左啲, 不過可能本身應該係咁, 加埋個醬就啱啱好碟鴨既夾包, 熱烘烘咁上枱, 睇到都已經被佢打動左小插曲: 話說我地第一次叫呢碟鴨, 而我地又叫左小籠包, 我地見佢上個籠, 又係包, 以為呢籠係小籠包, 笑個服務員好好咁同我地分左五碗, 一人一碗, 好好服務不過果邊雞佢就冇同我地分開, 一舊咁上, 都唔知點分好...個湯係好飲, 好香, 雞味清甜, 睇個樣好似係濃湯, 但飲落一啲都唔會混濁, 好滑好順, 飲到唔停, 正最後就到小籠包, 終於上啦, 熱氣騰騰, 一睇就知好野, 誠意之作我提左同枱既朋友要小心, 真係好熱不過我受過高人訓練, 慢慢黎係冇問題, 仲食得好滋味添放隻小籠包落匙子, 細咬一角, 慢慢吸啲肉湯, 哇, 油油地既豬肉香, 但唔膩, 正之後成隻放入口, 咬咬咬, 享愛下小籠包皮同豬肉既咬, 軟滑既口感真係講唔出黎想知就自己入黎試下啦!今日就係泰國朋友一家請客, 我都唔知幾多錢啦, 我估大約一人140啦…查看更多

今日天氣好好, 好到心情勁靚, 一於食好啲, 同女朋友一齊走黎平日只有professor同stuff食既UC一點幾溫書溫到肚餓, 望望餐牌, 食貴啲冇所謂啦好多枱都reserved左, 但其實大部份都係冇預約既, 一入就有位坐一打開餐牌, ok, 我都唔係第一次黎, 都知佢個set lunch係冇中英, 又好似我去巴黎咁, 可以估估下可惜, 佢啲頭盤沙律同個湯雖然係好, 但其實同出面餐廳既, 其實唔大分別, 所以一於食main course好, 去相我既牛扒, 真係唔係直紋咁切, 真係切唔開, 好彩我諗呢個簡單既table manner隻蛋半生熟, 流感期間係得呢度仲有得食個牛扒醬好正, 好濃味, 點唔完真係想叫多個薯條厚身薯條, 好粉好足薯仔, 一啲都唔油, 正牛扒當然係好厚夠大份啦, 雖然佢話係薄切, 但都唔少野囉(男仔份量都係咁話)好香既意大利海鮮飯, 又勁多唔同既海鮮, 好抵食濕得黎唔會出水, 又夠味, 誠意之作其實呢度仲有buffet架, 而且可以預約留位服務員態度係科大係出名好既, 伸伸手就有人埋黎服待, 好好服務…查看更多

話說辛辛苦苦做presentation, 完左係科大搭返出黎, 九點幾, 有乜食好呢女朋友話荷李活新開一間牛肉面店, 幾好食, 一於去試下一到門口, 住左七八枱人, 我就拎張二人籌, 問知客, 佢話順着黎叫, 我見就起碼等五枱先有位眼見等緊情侣, 夫妻都唔多, 結果兩枱孖人入左去後, 一跳就跳到我地果枱, lucky但係我地就坐左係最出既長枱, 旁邊七八瓶水瓶, 係就係好就手, 不過有人係身邊行黎行去, 呢個位我就唔太鍾意算啦, 點野食先先上飲品, 我一拎, 成手都係糖水, 黏手到爆好, 到味評, 好甜, 我覺得太甜, 我以為係花茶, 應該會清清地, 點知好甜, 雖然話係有啲花香味, 但結果係成杯野唔健康下次叫佢走糖好了滷水都幾入味, 不過我都係第一次食鴨舌, 仲要連舌後面果啲位, 其實覺得有啲恐佈牛肉面, 女朋友話OK, 但係佢話啲牛肉太硬, 可能係佢以前cool牙, 唔太咬到硬野我就食左佢一舊啦, 試過又唔覺有問題呢碗就係我既, 啲料唔錯, 牛肚爽, 牛筋鬆又唔會散, 牛肉既三層口感, 哇, 第一次食既我, 應該會激讚不過, 我成匙既咸菜於左落去, 攪到太酸個湯有一啲藥材味, 我係ok既, 幾有特別不過加左啲酸味, 啲苦苦地既味就變到好古怪清湯但濃味, 係幾唔錯既, 如果少啲油會更好闊身面條, 食唔慣, 轉粗面可能會仲好張枱同座位不能不提, 闊邊長枱, 可惜太闊, 令到同對面既女朋友隔得勁遠咁, 失去左享用美食時既親密感好既係坐得鬆動, 好似係被美國人坐咁, 伸長對手都未必掂到旁人, 不過身為香港人既我, 太遠但係四圍都咁多人, 而會有壓迫感既舒緩囉…查看更多

三支公, 你唔好諗多左, 我地係group mates話完chur完一晚通頂做competition proposal, 第二日晚終於交左, 咁就一齊慶祝過Uni Bar飲下野, 輕鬆下週日通常都冇乜人, 兩張吉枱, 一黎就坐先九點半到左, 等左十分鐘, 兩位戰友都未到, 酒保哥哥行埋黎問問想飲咩, 我話等埋朋友, 態度友善, 好好招呼佢地終於到啦, 一齊飲飲佢啦之前有promotion period係賣原價架, 不過已經過左lu, 等下年開學啦呢個牌子我係歐洲都飲過, creamy 又厚身, 上年開始引入, 好抵飲我借左少少黎試試, 一開頭grapefruit陣味我個人一向都唔鍾意另計, 但清清地既感覺, 都幾ok~呢杯我就冇試過, 不過, 果汁, 黎到都點有酒既野飲啦呢個勁正, 少少spicy, 好香香料味, 送酒一流happy sharing~HKUST 校園正中央有間BAR, 你話咁既學校邊度搵呀…查看更多

咁勞動節難得有假放, 一於同女朋友去食下糖水啦~下午五點咁上下到左, 等都唔洗等, 在場仲有三張吉枱咁間鋪細細間, 兩個人得兩人位, 冇多個位放袋, 都好正常好啦, 去相!啲服務都OK, 因為人唔多, 揮揮手都有人黎招呼我地, 不過冇推介邊個好食, 加唔到分啲料都幾多架~ 呢碗等得比較耐, 等等下叫多杯野飲28蚊杯, 貴左啲囉, 都唔知有冇加糖既, 有既就唔抵啦四圍望下, 發現佢有幅幾靚幾有趣既作品…查看更多

之前中午都黎過，都幾好食，所以見成個又一城四圍都咁多人，而板前都係要等成30個位，都算，同女友傾下計，都冇乜所謂七點半等等等, 等左多過半個鐘, 終於有得入座餓到爆好，去相!唔錯，夠新鮮，鮮鮮甜甜咁，又好咬口火灸，效果好似冇太大分別，咸啲要好食啲係食得出除左面鼓湯外，最尾有蟹香既回甘，不過隻蟹腳好多毛，好樣衰呢個得女友食，佢話都ok雖然唔係最大果種珍寶帆立貝，不過我都覺得好大隻了。其他既都不過不失，清清甜甜咁，唔好抱太多期望。我地其實仲叫埋海鮮果個鳥冬，個蕃茄湯好好飲，好重蕃茄味，不過啲鳥冬就唔係太彈牙，整體黎講，都好食既特價物，我覺得一般般，黑松露味好淡，我食唔出囉...整體黎講，水準合格，每份唔大，可以試多幾種食品，百二蚊黎講，唔算好抵，但同地點黎講，比較平民化了。服務水準就一般，未試過加水，如果唔係有湯飲，一定留下唔好印象。…查看更多

話說同女友晚上入BU聽講座, 咁就六點前搵野食啦~又一城高級既有好高級, 意大利FINE DIN, 又有快手啲, 平民啲既, 快餐又有但晚餐要食六十, 七十港紙既餐廳, 很難免在食品質素, 或者環境品味其一下調一下除非又食港式日本餐廳啦...結果, 見到《八月花》食中式菜, 都唔差, 環境又幾靚, 隔音幾好, 靜靜地, 一於試試一打開menu, 嗯, 比一般酒樓仲要貴兩三成, 但份量就少好多對於情侶, 有情飲水飽既我地, 點返啲大眾化啲既菜, 一樣可以enjoy enjoy等左五分鐘左右, 第一道上枱係未黎第一道菜之前, 有一船碟花生同咸菜, 都幾好食, 可能係我地都好肚餓細細份, 兩個人食啱啱好, 臘味元貝等都幾足, 雖然唔會話好香臘味味, 但都幾抵食, good切絲既材料, 冇牙都食到。但如果可以用返上海風味既做法去做魚羹, 好似會味道出眾啲, 個人意見呢份係是日最抵食之一, 勁多份金菇卷, 味道意想不到地配合, 比一般用牛肉做的, 好像別有風味可能是這道的口味不用重, 我很喜歡這碟做主菜上海風味可能太入我腦了, 這沒有花生香, 面條不彈牙, 湯又不濃的擔擔面, 很奇怪...我想我不會再跟女朋友來這家吃了, 咸菜同晚茶, 每位都要20HKD, 還未加一, 坐椅只有一邊把手, 坐耐一點為不行...還是跟大夥食家, 花多於一百五十元的富客們一起, 才再來試菜吧。(就算有, 倒不如去別的地方熱鬧地吃酒樓)…查看更多

是日去拎團購野, 兩點半, 行到攰, 見有金太郎, 一於鬆一鬆~~~提示: 上個月都食過金太郎, 一早知佢啲拉面既湯底好一般, 所以冇叫下午茶優惠, 為免再中伏點左幾碟, 但最後都忍唔住佢出果輪鰻魚壽司, 我太愛食鰻魚了, 結果食多左, 埋單都比預期多XD驚喜有服務員送上靚靚wasabi, 不過唔新鮮, 點極都冇味...先上一碟, 鮮蝦甜甜地, 海膽就...我食左都feel唔到有咩味道, 芝士可能仲有咬口啲再上羊肉, 原本我叫燒三文魚骨, 因為上次食過, 好正好香, 雖然係油到爆...不過啲魚骨唔知係超好賣, 定根本冇貨, 成日都冇得食...好, 講返羊肉串, 啲燒香草同草幾夾, 乾身, 軟硬啱啱好, 不過如果有特製醬汁, 應該會好食好多我忍唔住, 係迴轉帶上多左三碟鰻魚壽司, 忍唔住等到影想, 已經食左舊, 個醬少少甜, 香濃既燒味真係好正最後上埋三文魚刺身, 但入面有啲凍, 好似解凍得一般。因為下午茶關係?…查看更多