Goldminer's Profile

長沙灣超舒適居酒屋.最近去長沙灣探朋友，諗住喺附近搵地方一齊食lunch，佢話屋苑附近有間日本餐廳環境幾舒適，於是就決定同佢一齊去。.餐廳係居酒屋嘅風格，溫暖嘅木系裝潢，卡位寬敞，人流唔算多，靜靜地都幾啱傾吓計。.午市套餐免加一，選擇多樣，包埋開胃新鮮的沙律前菜同埋暖胃嘅麵豉湯，性價比幾高。.梅林吉列豬扒 $108 （套餐）炸得金黄酥脆，肉質鬆化，配上清爽嘅椰菜絲同埋酸酸甜甜嘅醬汁，恰到好處。.三文魚赤蝦丼 $115 （套餐）赤蝦非常鮮甜，三文魚份量非常慷慨，而且係厚切，上面仲灑滿大粒飽滿嘅魚籽。飯量充足，配料有青瓜、醃蘿蔔片同埋薑片，每一啖都口感豐富。.荔枝冰紅茶（跟餐價加$10）跟餐叫咗杯荔枝冰紅茶，荔枝味濃郁，冰紅茶剛好中和返啲甜味，甜而不膩，非常推薦。.提子冧酒雪糕（跟餐價加$10）最後加多個提子冧酒雪糕作結，以微醺嘅狀態為呢個和風午餐畫上完滿嘅句點。.Yuyu Sushi (長沙灣)長沙灣青山道399號喜薈商場1樓2號舖…Read More

第二站係美國。.諗起美國，都會不期然諗起大大份既高熱量，又高糖份嘅食物。🍬🍫肥嘢其實真係好難抗拒㗎！呢間fatties diner嘅店主，應該會好認同我講嘅嘢啦🐷🐷肥肥人而家又覺得有啲肚餓啦～唔講咁多啦，自己睇相啦🥞.CHEESE ADDICTION $122呢款pancake表面睇好似好簡單，兩塊pancake夾住bacon同埋炒蛋，再有啲syrup 咁，但原來暗藏玄機。一切開，啲流心芝士一瀉而出，一定要趁熱食！熱辣辣嘅pancake加molten嘅cheese，再加脆脆嘅煙肉，呢個combo又鹹又甜，極邪惡！😈.AVOCADO AND ASSORTED MUSHROOM CROFFLE $109牛角包窩夫配牛油果及炒雜菌，外面係牛角包嘅酥脆質感，內層係鬆化嘅。Croffle上有半個牛油果同埋用牛油炒過雜菌，再放有鮮花點綴，幾靚❤️不過始終呢兩種食材都係味道比較淡，食完一個味道濃郁嘅芝士pancake再食呢個croffle就覺得比較blend。建議食咗呢個先！.FATTIE COOKIE CHIP MILKSHAKE $79呢隻杯令我諗起一隻肥美嘅豬蹄🤭肥肥曲奇餅奶昔，杯邊圍住可可脆片同彩虹粒粒，面層有棉花糖，milkshake入面好多朱古力曲奇碎，每飲一啖都彷彿feel到熱量同脂肪嘅增長，確實係一杯肥仔水🍼.LOTUS BISCOFF CARAMEL MILKSHAKE $79Milkshake 奶味香濃，LOTUS餅乾味道似消化餅，本身感覺冇咁甜，但因為杯奶昔加咗焦糖，仲有爆谷同埋綿花糖鋪喺面，所以同頭先嗰杯都係不相伯仲咁肥！🤭.食完呢餐，都真係要做返啲運動🤔…Read More

復活節假期冇去外地旅行，留喺香港用舌尖旅行一樣得姐～第一站係日本東京。呢間麺屋こころ Kokoro Tokyo Mazesoba主打撈麵。拉麵沾麵就食得多，到底日本嘅撈麵係點㗎呢？.一坐低見到有張紙教你點食東京撈麵。首先係撈勻啲醬料，食咗三份一之後加黑胡椒，食咗三份二就加秘製香醋。食完晒啲麵之後仲剩返啲配料嘅話，仲可以免費撈白飯做肉燥飯添。食法都幾特別，食個麵可以幾個花臣。.明太子忌廉撈麵 $89 (M) / $99(L)呢個麵材料有叉燒、蛋黃、蔥花、水菜、唐辛子絲、生蒜、魚粉，同埋大大個球狀嘅明太子。叉燒有兩塊，表面微焦，肥瘦適中。明太子味道鹹鮮，帶點辣味，配搭忌廉醬汁，再撈匀蛋黃，質感有啲似食緊carbonara，但佢個麵條同意粉唔同，非常煙靭彈牙，所以口感更勝一籌。.柚子鹽味撈麵 (冷）$79 (M) / $89(L)相比喺明太子忌廉撈麵嘅濃稠，呢個柚子鹽味撈麵就非常light，有夏天嘅感覺。柚子鹽味非常清新，淡淡嘅柚香加上柚子皮碎，再配合埋爽脆嘅竹筍，雞肉經過慢煮，非常嫩滑。食完呢個撈麵非常開胃！.雞皮餃子$43雞皮餃子嘅皮用咗雞皮做，一口size，炸得脆卜卜，啖啖肉，配埋特製嘅芥末醬，增添風味之餘唔嗆鼻，唔錯！.北海道3.7牛乳海鹽雪糕$36用3.7濃度嘅北海道牛乳同埋沖繩海鹽製作嘅雪糕，我覺得食落有啲似不二家嘅牛奶糖味，係回憶嘅味道。.焙茶latte用玻璃瓶裝住非常精緻❤️茶味同奶香頗平衡，但個人焙茶味再出啲會更好。飲之前記住要搖勻，因為啲焙茶粉會沉底。…Read More

每次行過我都好想入去，呢間餐廳主打西班牙小食Tapas。《凍肉拼盤》有Parma ham, 辣肉腸，火腿，當中最好食當然係Parma ham, parma ham 加埋個沙律咁食都幾夾😋《牛油果蕃茄沙律》$98成個沙律🥗主要加咗意大利青醬Pesto，食落好清新，第一次食沙律加青醬味道都幾夾。《慢煮豬柳配雜菜》$268優惠慢煮嘅關係，入口嫩滑，肉質唔會好實。另外，伴菜有啲椰菜仔，賣相幾得意，其實係超級蔬菜，營養價值極高，所以我都食晒佢呀😃…Read More

如果呢間喺地鐵站附近，應該好多人食嘅平民日本餐廳。《黑松露鯛魚薄切》 $98除咗黑松露，加左柚子汁，所以酸酸地。《明太子玉子燒》 $68一個好食玉子燒真係唔係度度都可以食到，我幾鍾意呢度嘅玉子燒，咬落亂口嘅玉子燒甜甜地加埋明太子，個味道幾夾。《鐵板牛肉燒蠔卷》 $98金菇肥牛卷周圍都有得食，而今次內餡將金菇改做蠔，個效果比金菇更好，燒蠔比起平時食開嘅金菇肥牛更加爆汁，爽脆。《Omakase 十貫極上壽司》 $168每日都有唔同嘅壽司，主要由師傅決定，今次覺得最好味嘅就係藍鯨吞拿魚。…Read More

之前住港島，通常happy hour去飲嘢都係去中環或者灣仔啲rooftop bar。搬咗去九龍之後，反而較常光顧街道旁嘅酒吧，比較常去嘅係太子嘅通菜街一帶，該處酒吧林立，所以被統稱為「酒吧街」。.最近發掘到一間主打西班牙及泰國菜的酒吧相當不錯，除咗佐酒嘅tapas小食選擇繁多，賣相精緻之外，主食亦甚有驚喜。.香煎鵝肝配紅酒蘋果（$78 / 2pcs)鵝肝表面少許焦脆，內裏軟滑肥美，多士烤得黃金香脆，一啖一件，上軟下脆，口感豐盈，而且鵝肝上嘅紅酒蘋果酸酸甜甜，正好中和鵝肝嘅油膩感，吃罷齒頰留有鵝肝的油甘香。少吃多滋味，兩舊真係覺得唔夠喉。.泰式柚子肉碎生菜卷（$48/2pcs）用爽脆嘅生菜包裹住軟糯嘅米紙同埋魚露味濃郁嘅辣肉碎，亦食到柚子嘅清新果甜，味道有層次，十分開胃，又係想encore嘅節奏。.西班牙馬鈴薯蛋餅（$48/2pcs）蛋餅比較厚身，內裏夾著層層疊疊嘅薯仔薄片、洋蔥及煙燻豬肉粒，外層撒滿紅彤彤嘅七味粉，香辣惹味，但略嫌蛋處理得有點過熟，所以咬落比較硬，若能再控制一下火侯便更好。.北海道松葉蟹腳忌廉意粉（$168）本來以為酒吧必定只有小食出色，點知呢個意粉竟然令人喜出望外。個忌廉汁嘅濃稠度調較得相當好，芝士味香濃，意粉亦嘅硬度正合我意，不會太淋。每條意粉都掛滿醬汁，好香好creamy，而且蟹肉份量頗多，幾乎每一啖都食到，不過略嫌肉質太實，又係overcook 咗少少。.Passion dream ($55)Virgin Pina Colada （$63）畢竟酒能傷身，最近想健康，所以點咗兩杯mocktail。前者有熱情果、薄荷、菠蘿同橙，熱情果味道最突出，基本上蓋過晒其他水果味，但味道酸甜清新，夏天最啱飲！後者本來只出現於cocktail list上，冇virgin (即無酒精）版，但由於我實在太鍾意飲Pina colada 但又唔想飲酒，所以就問吓可唔可以變virgin版，結果酒吧非常彈性，如我所願，待客至上！Virgin Pina Colada 椰奶味重，配合埋清甜嘅菠蘿汁，入口非常refreshing，充滿熱帶風情，瞬間有度假感。🙊…Read More

話說搬咗去大角咀，啱啱入伙嗰時成日都ff會每日下廚大顯身手，結果都係廢噏，因為發現一落樓周圍都係林林總總嘅餐廳小店，實在太方便，真係淥個麵都費事。.噚日試咗一間新開嘅西餐廳。雖然餐廳舖面唔太起眼，座位唔多，但食物質素唔錯。.巴馬臣芝士忌廉汁虎蝦米型意粉 $108最推介呢個米型意粉 (Orzo)😍！如圖見到有啲巴馬臣芝士碎喺面，份量唔多，芝士忌廉汁比較light，反而令墨魚汁嘅鮮味更突出。虎蝦有三舊，亦都食到少少墨魚肉，蝦肉新鮮彈牙，但略嫌鹹咗少少；米型意粉熟度恰到好處，唔會有啲好硬又有啲好淋咁，口感不俗。.墨西哥沙律$118呢個沙律配料相當豐富，牛油果同芒果粒嘅份量都幾慷慨，仲有粟米同少少蟹肉。佢啲Nacho顏色比較特別，係紅色同黑色，坊間比較少見。成道菜顏色鮮艷，見到都覺得幾開胃🌈比較特別係佢個汁用咗Coriander oil，食落有啲草青味，感覺更加清新健康。.西班牙酥炸羊肋骨$108呢個酥炸羊肋骨用咗cajun seasoning，即係一種美式燒烤嘅香料，香氣強烈，味道濃郁帶辣，用於肉類非常惹味。可能我食得比較濃味，個人覺得個調味輕手咗，而且個羊肋骨炸得比較乾身，不過好彩佢配埋一個自家製嘅wasabi mayo醬，辛而不辣又帶點香甜，濕潤返比較乾嘅羊肋骨，亦可以解油膩感。如果羊肋骨可以juicy 啲就好啦！.嚟緊會keep住介紹大角咀嘅美食，大家密切留意👀…Read More

呢度主打台灣菜，不過同時有些和風元素。順帶一提，台灣曾經係日本殖民地，所以當地嘅飲食都受到日本嘅影響。價錢方面則比較平民。😍.《蟹黃冷烏龍麵》$88烏龍麵即是烏冬，係台灣通常叫烏龍麵。味道方面，蟹黃蟹肉鋪滿係麵上，食落蟹既鮮味十足，烏冬口感煙韌，👍👍.《芋丸仙草凍》$35係香港要食到台灣質素既芋丸好難，而呢一間既芋丸不過不失，達到標。食落去嘅口感唔差，而且份量都唔細。😛😛😛.總括嚟講，呢間嘅價錢同食物嘅質素都唔差，值得一試。😃😃😃…Read More

以前呢個位都係食打邊爐，啱啱轉左新老闆，食法雖然有啲相似，但味道就唔同。首先，會先食雞煲，而雞煲係可以任添。不過，我哋食完之後都冇添到，因為好戲在後頭，包你食到郁唔到。之後，就可以享用蒜蓉粉絲蒸海鮮。我哋得兩個人食，但個盤就好大，用荷葉墊底。食物有蜆、扇貝、鮑魚、聖子、蝦等。啲海鮮全部都好新鮮好鮮甜，當我哋食完呢一盤嘅時候，已經覺得好飽。壓軸出場嘅仲有蟲草花花膠烏雞湯，我哋先品嚐個湯，感覺好養生同埋好足料好入味，然後就可以加水打邊爐。打邊爐嘅配料都好有質素，牛頸脊嘅份量雖然係限定，但絕對夠你食。老實講呢個價錢真係好平好抵食，依家諗返起都覺得好飽，下次我會再嚟挑戰的。…Read More

喜歡《重慶森林》，所以喜歡乘中環半山扶手電梯上Soho區。沿途，有時候我會俯身窺探旁邊的店舖及民居內的情況，透過別人生活中的零碎，推敲出一個故事。.扶手電梯到了士丹頓街，我向右拐，看見一幅小女孩吃着花型甜筒的壁畫，不禁駐足觀賞了一會兒。之後，我往前察看壁畫的位置是甚麼店舖，發現原來是一家cafe。.店內最吸引我的是展示着Gelato的冰櫃，雪糕色彩班斕，儼如一整列盛着顏料的調色盤，教人垂涎欲滴，我不禁點了一客。.《Handcrafted Gelato Rose — 開心果味》$68平日挖雪糕的勺子是半圓的，但要弄玫瑰花的形狀，用的工具就不一樣了。店員拿出一個平滑的剷子，從冰櫃裏挖出一片雪糕，然後熟練地把雪糕逐片逐片塑成花瓣的形狀，真是心靈手巧。開心果Gelato堅果味香濃，雪糕比平日吃的雪糕易融，但質地較軟滑且奶味更香濃。.假日睡到日上三竿的我還未吃早餐，雪糕當然不足以果腹，還是得多點一個豐盛的Brunch！.《Everything Eggs Benny》$138吃過很多店的Egg Benedict，造型最精緻的非這個莫屬。Sourdough上是捲作花型的牛油果、水波蛋、菠菜及Parma Ham，上面灑滿了開心果仁碎、中東嘅杜卡香料及紫藍色的花瓣，旁邊還有一抹紅菜頭醬作點綴，賣相滿分。味道方面，水波蛋煮得恰到好處，切開時蛋黃湧出，配上酸香得宜的荷蘭醬及上述的配料，口感豐富，十分滿足！不過杜卡香料的味道像孜然，Parma Ham及開心果仁碎亦重鹹味，加起來整體略嫌有點鹹，seasoning可稍作改善。.《Iced Lavender Latte》$45天氣炎熱，所以點了一杯凍Lavender Latte，後來想着想着有點後悔，因為熱的才有拉花🥺杯的上端放了一根薰衣草，靠近能嗅到獨特的花香，但應該僅是作裝飾之用，不是用於提升咖啡的味道。Latte很對辦，雖然奶味比咖啡味重，但咖啡的醇香不減，只是薰衣草的味道不明顯，若能把薰衣草浸泡於咖啡中可能會更好。.嘴巴呷着咖啡，眼睛則聚焦於窗外人來人往的景象。思緒離魂後回過神來，凝視著玻璃中的倒影，才驟覺忙於揣摩別人的自己，其實也是個有故事的人。…Read More

《河內絕牌豬扒撈檬》$62豬扒用左香茅黎醃製，雖然肉質唔係好腍，但亦都唔會好實。記得要加埋撈檬汁先會好味架。《順化蕃茄蟹肉扎肉湯檬》$66番茄湯底酸酸甜甜，另外配青檸同辣椒🌶️，好開胃。再加埋啲蟹肉味感覺特別鮮甜。我個人較喜歡呢個湯檬多過撈檬。《越式炸蝦餅》$29蝦餅好彈牙，外層好爽脆，炸粉唔會過厚。另外，加埋甜酸醬，風味立即提升。《椰汁珍多冰》$26好重椰汁味，再加上綠色一條條增加個口感。《蜂蜜柚子梳打》$26…Read More

《焗鱈魚柳配香茅椰子汁》$188一食落去，有啲泰式既感覺，蜆肉吸晒香茅椰子汁。反而鱈魚柳因為焗既關係，吸香茅椰子汁比較少，個皮比較脆身，時間控制得啱啱好，唔會overcook。《西班牙黑豬梅頭肉配蘋果蓉》$188黑豬梅頭肉味道較濃郁，肉質具口感，油脂感較輕。 除左燒汁之外，主菜配咪酸酸甜甜既蘋果蓉，食落去會好fresh，加埋燒汁一齊食，又幾夾。《Passion Fruit Squash》$58兩杯飲品當中，我比較中意呢杯，尤其係夏天，呢杯係七喜加左酸酸地既熱情果同青檸。《Mixed Berries Mojito》$58主要係雜莓加薄荷葉，兩杯都係mocktail， 即係無酒精飲品，大家可以試下。…Read More

平時食越南菜黎黎去去都係檬粉、春卷果啲，但呢間餐廳既越南菜比較有特色，裝修都同傳統嘅越南菜好唔同。《五香豬腩伴鍋巴》$52全餐最鐘意呢道菜。中間有舊肥豬肉配蛋黃醬，下面有塊脆口既鍋巴，面頭有少少酸菜同辣椒絲，口感層次豐富。《南越蟹肉醬配脆球餅》$68脆球餅一般都係印度或尼泊爾見得多，估唔到係呢間餐廳見到，個蟹肉醬既蟹肉味好突出，不入去個脆球餅，好玩又好食！《斑蘭龍眼茶（冷）》$22龍眼味清甜，斑蘭味比較含蓄，但都非常解渴。《南越蛋咖啡》$28最上面果層係焦糖，中層個層係蛋醬，蛋香濃郁，口感似奶蓋，有少少偏甜，咖啡味好strong，夜晚飲完有啲瞓唔着😂《招牌金邊粉》$88叫左小辣，比想像中辣，但個湯底牛肉依然好濃烈。油條放左好耐都好脆，浸落個湯度吸晒湯汁精華，食落口好正。牛肉片就用左牛板腱，有條筋喺中間，口感冇咁好但牛味濃郁。《烤蔞葉春雞配青蘋果條》$78春雞烤到個皮好脆，有少少香茅味，青蘋果條清新開胃。超中意個醬！好重椰香味，再略帶有少少斑蘭味，同烤雞好夾。…Read More

《麻辣雞腎》$28小食黎講，一啲都唔小，麻辣醃得好好，好開胃。《香煎豬頸肉》$42豬頸肉煎得好香，配埋泰式辣醬。《慢煮豬軟骨飯》$48炆超級林，未入口軟骨已經溶左。《梅子金沙骨》$50個汁同豬軟骨隻色好似，但呢個梅味重。《真.手撕雞飯配沙薑汁》$48手撕雞啲肉質好嫩。《香煎蓮藕餅豬扒飯》$50豬扒有啲香茅味，而且肉質都好林。呢間絕對係良心小店，食物無加味精，真材實料，吃飯仲有湯水送。晚餐可以食到呢個價錢呢個質素真係愈來愈少。我會繼續幫襯呢間餐廳。…Read More

之前試過午餐, 覺得幾好食。今次，我試試個晚餐。不過，晚餐反而無咩驚喜，不過不失。《豚肉五花腩（厚切/生菜）》$110韓燒識食一定要有五花腩，油脂比較多《櫻花餃子》$65餃子個肉汁好多《老饕澳洲和牛牛板鍵》$195澳洲和牛係用M5，肉質細嫩，雲石紋理細密，口感豐盈。《香蔥牛脷》$85牛脷本身有加黑椒，即使唔沾醬都夠味。《辣豆腐海鮮湯》$95有隻大蝦，墨魚仔，不過味道淡左啲。《Yogurt Soda》$48《Pineapple Soda》$48…Read More