DaisySO3660的个人专页

同孕婦朋友聚會，想食d健康野，於是選擇素菜每樣平均70蚊左右，碟碟都裝到滿，大大碟，好抵食呀～平日夜晚冇人等位，可以比我地慢慢坐，慢慢傾♥️👍酸齋拼盤竟然係熱ge，第一次熱食，覺得幾得意。齋刺身味道真係好似三文魚😅 口感都試，有驚喜! 齋海蜇味道幾好，辣辣地，開胃。辣炒土豆絲係軟身果款，唔係爽ge。但味道幾好，微辣，唔係好食得辣ge都可以叫。菠蘿咕嚕肉味道就同普通ge咕嚕肉一樣啦，D肉係豆類製品造ge。炸腐皮卷略嫌太油，連條菜都好油。呢個甜品夠曬特色! 菊花豆腐花! 薑味夠，食完個人暖曬～…查看更多

星期六夜晚，見唔洗排隊就去食下la，好多特色食物都想 try try，可惜得一個胃! 食神叉燒蛋飯 $76個人好鍾意食肥叉，呢個唔夠肥，50%都係瘦肉，有d韌。有2、3舊係半肥瘦，測口感不錯，如果全部都係咁就會加分唔少。可能係因為夜晚，賣剩尾la，明顯見到唔係同一條叉燒😅牛肉蟹子don飯 $108係茶餐廳見到呢個有d驚喜! 好香港人做生意ge精神👍 牛肉係超薄肥牛，唔韌，幾好味ga。蟹子有驚喜，好新鮮好脆，咬落卜卜脆，出奇地好好送飯! 分量十足，菜多飯少!…查看更多

女生聚會食咩係好難諗ge，有人唔想食生冷野、有人唔想重口味，有人唔好煎炸熱氣，我通常會 propose食鼎泰豐，清清地，符合曬所有女人ge要求，幾適合女生聚會。美麗華呢間長期唔洗等位，地點方便值得推薦♥️👍小籠包 $69皮薄，陷靚，每個入面都有湯汁。紅油抄手一d都唔辣，D汁酸酸地好野味。蔥油拌面夠香，D面有少少嚼勁，口感唔錯。分量唔多，但以女仔食量黎講都算OK，男人就要叫多幾碟。對比台灣，個人覺得台灣係好食d。…查看更多

行街行到累入去坐坐～麥花神對面，非常就腳! 咖啡、茶飲品約$40/杯，亦有飯食。裝修好文青feel ga一入到去，清一色全部女人!!! (好似入左女廁LOL)雞肉牛油果意大利飯 88蚊賣相唔錯但好少肉同牛油果，得中間幾粒粒。味道唔錯，好fresh，分量多(多飯)，食得好飽。飲品係薄荷茶 40蚊茶壺好靚，一壺唔多，大概得4小杯 (同平時一隻mug差唔多)用茶包沖ge，唔識呢個牌子，幾好飲。飲到喉嚨涼陣陣咁餐牌食物唔算多～…查看更多

Happy Friday 午餐，同事一齊食餐好ge。lunch set人均100蚊到，見冇人排隊，於是try try。每個set包前菜，主菜，飲品，甜品。前菜 沙律(D汁好咸, 挑戰腎臟)前菜芝士,腸,丹麥包,奇異果(芝士都係比較襯提子)南瓜湯主菜三文治內陷比較普通，芝士、番茄、火腿，不過味道唔錯，麵包軟軟的，好味! 10寸 pizza食完差d腎病!! 媽呀，好咸呀!!! 我以為上面果d係鹹魚黎! 橄欖又咸! 最後要挑左D黑色魚先食到。黑色果d係魚仔有少少軟骨，個人覺得麻麻地。意大利飯冇試到，同事話唔錯。肌肉Penn ，好好味，好有嚼頭。相比之下係低卡路里之選。食左半碟已經好飽，最後要打包拿走～最後係雪糕唔錯，最好食ge一樣野🤤室內環境都OK啦…查看更多

駕駛、遊車河必食～工廈幫邊有一個很大的咪表停車場，非常方便拍車。光顧5次以上，每次都會點鰻魚飯～其他食物，burger、意粉都不錯的，可以放心試。屬於非常有誠意的工廈cafe，值得推薦。鰻魚飯好味～88第一次吃的時候覺得很驚艷。蛋分量好多，起碼有4隻蛋，蛋汁滑滑的，好香蛋味～鰻魚今次烤得太黑，但味道不錯。一個人吃分量有點多，可以share更好。唯一失色是裡面的飯，顏色很深，但味道卻很淡。海鹽咖啡很香～套餐配麵包及羅宋湯羅宋湯很出色，足料，可以吃到大粒牛肉，辣辣的，很開胃♥️一個人的悠閒晚飯，覺得很滿足。…查看更多

星期六lunch 見唔洗等先食，一句講曬，普普通通!價錢唔算平，lunch 2個人食200蚊。好在唔洗等位，服務幾好，讚。石窩牛肉飯 9x肉夠多，但打左隻蛋時候個飯好濕，我expect好似炒飯咁，係乾身ge。可能係佢個窩唔夠熱，都冇飯蕉出黎。牛有少少over cook，硬硬地，但肉味道OK。芝士年糕 7x感覺味道有DD怪，可能係我唔識食芝士la。呢卡路里應該超過1200，唔值得再浪費quota去食。泡菜唔脆，超市買果d重好食lor～lunch選擇都幾多…查看更多

幫襯左3年以上，人均$30以下，呢個價錢真係唔知道邊度搵，十分抵食!!!今次同朋友係附近食飯，順便去食～ 主要食中式甜品，樣樣都好出色。平時多數會叫綠豆沙，今次轉下口味～薑汁燉奶嫩滑，薑味同奶味都好香，只係20蚊ja!!!腐竹雞蛋D腐竹都係好滑ga薑汁燉蛋都係一個滑字!十分抵食! 假日夜晚會多好人排隊，要搭台，唔介意可以買走到附近公園食，一樣得。有傳聞話服務態度好差，我覺得還OK，就係一般茶餐廳阿姐style。因為人多，食完會好快趕走你。不過，20蚊一碗甜品，都唔會expect佢比你坐成晚la，唔係以後冇得食ga喇。…查看更多

睇到咁多正評，walkin 去食，但結果榮登我食過最難食火鍋第一位!!!! 550蚊一餐大把更好選擇啦…救命，‘特濃’沙爹湯底淡而無味，同清湯一樣，廚房係咪唔夠鹽！？食物選擇少，300蚊位任食，食物list一張A5紙仔列曬，肉都係得一兩款，而且好多都要加錢! 凍檸茶都要加，唔係嘛？!食物質數差啦，海鮮唔新鮮。d丸似街市30蚊磅果d，豬肉有雪味，雲吞餃子細細粒，又係買返黎ge雪藏野。最接受唔到係醬油，d豉油淡到好似水咁，直頭可以飲。之後見到格離台都頂唔順，問佢拿左支美極…2人埋單550 蚊位，冇雞煲送，冇甜品送，連紙巾都冇，感覺實在係差。唯一感到安慰ge係d伙計服務好好，好爽手。因為食完實在覺得被騙，第一次寫食評，希望大家唔好中伏，完全唔洗試。同時對open rice 都十分失望，d食評幾多真幾多假，大家心照。希望or會更重視用戶體驗。完。…查看更多