Ccheung71的个人专页

👨🏻‍🍳食物：今晚點咗個二人套餐， 另外單點田螺， 果然冇令我失望，大大隻田螺，勁多香草牛油汁，如果薯蓉多少少更好， 吸收晒成個香草汁。 二人套餐頭盤揀左美式黃金蟹餅， 切開見到一疏疏嘅蟹肉。 分別點咗一個熱湯一個凍湯。 西班牙蕃茄涷湯， 清新開胃。 椰菜花忌廉湯， 清清地配三款外脆內軟嘅麵包配牛油同士多啤梨果醬。主菜分別有美國西冷牛扒及加拿大海膽龍蝦汁大蝦意粉。海膽鮮甜， 龍蝦汁入味, 意粉有嚼勁。 西冷牛扒叫medium rare 比較生，叫六成至七成熟少少比較好。甜品窩夫配士多啤梨雪糕， 窩夫非常酥軟， 雪糕唔太甜， 唔會太腻。加$15轉涷牛奶朱古力， 好味抵飲！值得一讚所有菜式味道均衡， 唔會太濃味， 保持原材料嘅味道。 🏙環境：餐廳內走水泥工業風格， 門口有個打卡位， 等位時可以打下卡。💰價錢：晚餐$300-$400/位😋抵食 : ⭐️⭐️⭐️⭐️…查看更多

新泰除咗有經典既泰菜， 仲有好多款海鮮燒烤， 好多枱都點左咖喱炒蟹， 但今次得兩個人食， 而且份量非常多， 唯有留返下次再試！👨🏻‍🍳食物：豬肉肉碎生菜包：開胃前菜， 微辣， 鍾意辣的要加辣。肉碎份量多過生菜， 唔駛慳住包。麵包焗咖喱軟殼蟹：軟殼蟹炸到乾身，咖哩味偏甜配濃郁蛋香味， 唔會太熱氣。 點埋傍邊的脆脆包，非常飽肚，白飯都唔駛叫。鐵板蠔仔炒蛋：特別之處係蠔仔洗得好乾淨， 洗到白雪雪又飽滿一啲都唔腥， 配上好多肥仔芽菜， 爽口，唔會太油膩。 青咖喱羊架：肉質鮮嫩， 肉多過膏， 所以唔會好重羊味。點青咖喱比薄荷醬更夾。 🏙環境：餐廳好大， 有三層， 好難喺灣仔搵到適合一大班人聚會的好地方。 每張枱都好濶落， 非常舒適。 叫多幾碟餸及飲品都放得落。 樓梯及餐廳內放東南亞的擺設作裝飾， 非常有特色。 💰價錢：$200-$400/位😋抵食 : ⭐️ ⭐️ ⭐️ ⭐️…查看更多

以為主打係食拉麵， 原來係一間居酒屋， 串燒好出色。 仲有多款清酒， 燒酎同佐酒小菜， 適合約埋三五知已一齊暢飲。👨🏻‍🍳食物：分別叫左自家制威士忌梅酒，有好大粒青梅配佐酒小食：燒原條明太子，螢光魷魚，鹽焗銀杏。推介鹽焗銀杏， 冇苦澀味， 大大碟，好多粒，慢慢剝，佐酒一流。唔想咁熱氣都有幾款沙律可選擇， 今次點了無敵家招牌沙律， 特別有切左既新鮮粟米，非常清甜。另外叫左厚炸豆腐，唔係炸漿厚，豆腐嫩滑，薄薄炸漿一D都唔熱氣，點住個汁個炸漿變咗糊狀好得意。真心推介串燒！ 所有串燒用心去燒，火喉控制得啱啱好！鹽燒白鱔皮脆內軟， 唔用汁燒都好入味。免治雞肉軟骨棒，夾住好多雞軟骨再沾蛋汁，一人一串都唔怕膩！燒飯團🍙，外層燒到燶燶地，好似飯焦咁， 裡面唔係白飯應該用醬汁醃過、 加上明太子成個飯團好好味。焦糖燒菠蘿： 外層焦糖唔會蓋過菠蘿本身既清甜。 🏙環境：全木枱櫈， 帶有少少懷舊氣氛， 坐得輕鬆自在。設有樓上雅座， 有私人派對嘅感覺。 🤵🏻服務：好照顧到每枱客人需要， 見到食完的碟就迅速收碟/換碟。 💰價錢：$200-$500/位😋抵食 : ⭐️⭐️⭐️⭐️…查看更多

走健康路線法式小館， 門口佈置成花店， 成為打卡位， 吸引女士們等位時可以影下靚相。👨🏻‍🍳食物：Lobster Bisque: 同傳統的lobster bisque 唔同， 無干邑酒味， 唔咸， 反而用蔬菜甜味提起龍蝦的味道， 加上一片少少甜的脆片，感覺好清新。Lamb Wellington: Beef Wellington 就試得多， Lamb Wellington 就第一次食。 用羊架包住層酥皮， 肉質鮮嫩， 唔會有臊味， 酥皮唔會太厚唔會太油膩。Lobster seafood paella: 用上金色paella 鑊仔上， 突顯高貴。 除有半隻波士頓龍蝦外，仲有蜆， 蝦， 青口； 海鮮比飯多！ 配上檸檬汁，令海鮮更鮮味， 中和辣肉腸的咸味。Perfect Melon Kakigori: 消暑甜品， 同日式刨冰唔同， 更加綿密。 水果份量多， 冰底好似白朱古力碎咁, 本身唔甜， 加上煉奶， cream，蜜瓜清新的果香， 味道啱啱好！ 建議先食幾粒蜜瓜，煉奶直接加入冰底。 🏙環境：法式花系佈置， 入餐廳經過白色凱旋門， 裡面較暗， 有情調。 今次坐出面， 全白色好光，有強烈日與夜對比。💰價錢：$250-$400/位😋抵食 : ⭐️⭐️⭐️⭐️…查看更多

👨🏻‍🍳食物：天天海南雞： 唔好以為海南雞一定好肥膩， 主打新加坡米芝蓮的海南雞，做法同香港食到的海南雞好唔同。顏色偏白， 鷄皮好似水晶皮，去晒脂肪， 食埋鷄皮都無罪惡感！ 嫩滑的鷄肉可點秘製辣醬同好厚身的頭抽， 點多D都唔會咸，不過唔食辣既朋友就唔好點太多辣醬喇！龍蝦湯炸鷄油鍋巴：龍蝦湯用爐分開上，材料新鮮， 先將龍蝦， 帶子， 蝦肉放入，最後放海南雞油飯炸的鍋巴， 沾滿濃濃的龍蝦湯， －定要襯熱食! 新加坡古法肉骨茶： 同馬拉做法完全唔同， 無藥材味， 係濃郁胡椒豬肚湯， 奶白色的湯配上四大條排骨加上吸味的豆卜，腐竹。用石爐暖住， 慢慢嘆。 豆花恐龍美祿，豆花奶茶： 大大杯， 啖啖滑豆花，唔會太甜， 飲唔曬仲可以拎走慢慢飲。桂花糕配多班蘭醬：口感似白糖糕，馬拉糕用蒸籠原個上就見得多， 白糖糕都係第一次見。 配上好杰身的班蘭醬， 熱食可以溶左個班蘭醬， 不過涷食都唔會唔好食！ 冷， 熱， 點醬， 唔點醬都有唔同風味。🏙環境：位於沙田新城市中心第三期（一田上面）非常方便、 雖然係open area但其實分間得唔錯，唔會俾行街的人影響。藍色主調好sharp，有心思的裝修， 坐位舒適。💰價錢：$200-$300/位…查看更多

👨🏻‍🍳食物：好想喺香港搵好食的酸菜魚， 今次試左老湘菜館好有驚喜！ 終於搵到好地道的湘菜館、 辣得過癮！鍾意食辣的朋友一定要試！！碟頭相當之大， 連冷盤份量也十足！擂椒茄子皮蛋：香港少食到的冷盤，用個‘擂鉢’上盤好特別， 其實已經中到好碎，唔洗自己再中。 開頭食覺得有少少辣， 但試埋其他菜式， 最後用嚟中和辣味。酸辣魚皮：魚皮切成絲，好考廚師嘅刀工，浸喺泡椒加醋裏面， 面層魚皮爽口彈牙， 但浸住泡淑的魚皮， 入口偏酸， 但後勁凌厲， 完全蓋過其他菜式的辣。老壇酸菜鱸魚：用完條新鮮鱸魚煮成， 魚片滑得嚟肉質唔鬆散。 酸辣適中, 比起其他酸菜魚， 相對少油！ 仲有好多寬粉， 芽菜， 酸菜同其他地方冇既蒟蒻！ 好大鍋， 4-6人食絕對夠食！泡椒田雞：ig able 的菜式， 用小邊爐熱住， 滾住咁樣上枱， 辣得來好香， 田雞輕輕走油， 肉質潄滑， 筍好爽甜， 冇筍既噏味！ 乾煸四季豆： 炒得好乾身， 一啲都唔油膩， 連肉碎都係好乾嘅， 一啲肥肉都冇。🏙環境：西環地鋪，交通方便， 好地道的小菜館， 適合2至6人聚餐。 🤵🏻服務：態度親切，知香港人唔食得辣， 好主動介紹可走辣的菜色。💰價錢：$150-$250/位😋抵食 : ⭐️⭐️⭐️⭐️⭐️…查看更多

Vacay 以sourdough 主打的咖啡店， 𣎴只sourdough 出色， 亦有不同風味嘅咖啡選擇。👨🏻‍🍳食物： 每款都配上不同的sourdough 及新鮮沙律， 好Fresh好健康。 每款包的饀配搭好新鮮， 醬汁提升味道鮮明， 非常突出。我個人一直以為sourdough 好硬好實，但試左vacay 既sourdough 完全改變了我，原來sourdough 都可以好鬆軟。 除左sourdough出色，餐廳另一主打係自家培的咖啡豆， 今次試左巴西豆handrip, 特別鍾意nutty 咖啡。 餐廳仲有賣其他不同風味的掛耳咖啡。 🏙環境：走文青路線的咖啡小店，環境舒適。 有不同坐位， 可坐外面， 有飲咖啡小圓枱。🤵🏻服務：親切有善， 欣賞佢有觀察食客的進度， 適當時候加水， 收碟， 上甜品時， 自動自覺換新的餐具😍…查看更多

👨🏻‍🍳食物：湯底係全店的靈魂！ 飲完一啖湯， 推到全餐飯的高潮， 但食配料/ 拉麵時好似分離左， 溶入唔到個咁正既湯底！ 另一可惜係食唔到溏心蛋， 一早已買晒！ 好想試吓夢王溏心蛋！ 🤤日和拉麵： 簡左特濃雞白湯， 比較杰身， 好正， 真係好濃， 唔會過咸。 相反慢煮雞肉叉燒唔夠入味， 比較失色。 琥珀拉麵： 黑松露蜆貝醬油湯底； 湯底清甜！ 飲曬成個湯😉 美中不足係蜆肉變到無咩蜆味！ 不過全部蜆好鮮， 唔會有沙。 炸鷄配上特製的柚子酸汁， 個汁好特別，唔係酸甜醬，係稀身帶咸的柚子醋！ 炸雞唔係平時食開的唐揚炸鷄， 比較乾身， 大約有六件， 份量相對多！🏙環境：小店內大約有二十個位。 枱比較細， 放埋水樽， 放兩碗面已經無乜位放小食。 店舖主題鮮明， 由AK 鍾意的貓擔當。 最搶眼係一副卡通貓壁畫，另外，細心安排排隊位， 唔會阻住門口的「神獸」， 食完可以專心打咭。 🤵🏻服務：大約排左個半鐘先排到入去食， 出食物時間快， 效率高， 番枱時間快！ 水樽啦如可換上冰水比較好。 如果唔洗排隊會試埋其他湯底！💰價錢：大約$100- $200 /位； 無收加一！ 價錢大眾化。 😋抵食: ⭐️⭐️⭐️…查看更多

👨🏻‍🍳食物： 日式燒肉， 點咗一個牛拼盤， 一個豬&雞拼盤， 一個什菜拼盤， 每人一個飯團/拌飯。 肉類新鮮， 燒時可加少少鹽&胡椒已經好好味！ 如想重口味DD， 食時可點燒汁或紅酒汁。 月見醬燒飯團： 必食！ 好食到無俾相機食先！ 醬油飯團燒到外脆內軟， 沾蛋黃汁。 唔會燒到太燶， 唔會俾飯焦痴牙。 玉子海苔飯： 唔食飯團的另一選擇， 比較似韓式紫菜拌飯。 🏙環境：賣點Glamping 主題特色燒肉店， 可惜只有兩張枱有帳幕，記得一定要早D book！ 不過其他枱， 周邊環境都用上露營用品佈置！好欣賞個燒爐， 爐邊吸油煙一流， 食完個頭， 衫都無乜味。 配上露營餐具都幾啱我哩D唔去露營既人。🤵🏻服務：自助落單， 只有簡單介紹完D醬汁就要自動波。💰價錢：約$300-$400/位😋抵食: ⭐️⭐️⭐️…查看更多

👨🏻‍🍳食物：兩個人點左三樣食物, 兩個pizza， 一個meatball & the perfect pizza wine (Gragnano) 有氣紅酒， 除咗汽水， pizza 原來可以match 紅酒。正！Meatball: 好重肉味， 應該加左羊肉， 唔重調味， homemade 感重， 點埋茄醬啱啱好。傳統Margherita 好正！ 上枱時， 職員即磨芝士上Pizza 面， 皮邊鬆軟， 前面好薄， 要對摺食先唔會跌D， 好juicy.另外一個Prosciutto Di Parma pizza, 餅底厚左，有層芝士， 比較漏。 pizza面鋪滿parma ham. 有比較下parma pizza 遜色不少。Tiramisu 好creamy， 唔會好甜， 但無乜咖啡味。 🏙環境：Soho 區酒吧氣氛， 燈光配木餐枱， 木椅， 用木屏風分隔。 比較causal 但有啲嘈吵。🤵🏻服務：serve 我的是新人， 所以未能熟識食物款式， 扣少少分， 但都會主動問其他職員。 上頭盤， 主菜， 甜品都有更多換新碟&餐具。 💰價錢：平均每人$200-$400； 同pizza express價錢差唔多， 但好味好多🤭😋抵食 ：⭐️⭐️⭐️⭐️經Openrice 訂枱有甜品送！ 正!…查看更多

今次試左小店 KR Cafe, 俾店內的白雲燈吸引左入去， 入到去先知裡面間房係粉絲包場慶祝韓星Aaron生日。 （利申： 無追韓星）👨🏻‍🍳食物： NO COFFEE NO LIFE標提以為係主打咖啡的cafe； 可惜咖啡好普通； 主打係expresso tonic, 打卡的富士山latte. 試左signature 蜂蜜咖啡； 甜味蓋過咖啡； double shot expresso同 Nespresso 冇乜分別。 反而食物食好過飲品！芝士明太子玉子燒： 俾佢吸引左入哩間店， 好彩無令我失望！夠新鮮有芝士拉絲， 正！脆脆吐士粒配鳳梨手工果醬： 好似🎲 size, 方便點多D醬； 有果肉甜度適中。🤵🏻服務：要改善， 因min. charge 係每人一杯飲品， 就算兩個人叫左2款食物， 1杯飲品； 都唔得； 一定要每人一杯飲品； set minimum charge 比較公道！💰價錢：$180-$190/2人 （下午茶）…查看更多

行過女人街見到個吸睛的霓虹燈牌就入左去試吓。 麵賜園由cafe, 麵， 小菜雜於一身的餐廳， 原來係越興園的分線。好鬼補雞湯麵： 有好嫩滑的無骨雞肉， 花膠筒， 冬菇， 同埋唔入味的魚肚， 以為湯底有藥膳味🧐 反而我覺得比較清淡。鐡三角蠔蝦蟹海鮮湯麵： 😛蟹係蟹柳， 仲有青口； 湯底係鮮甜海鮮湯。 小食： 牛油果蝦多士😋 好大件多士， 好脆， 但餡多士比例=1:2； 多少少餡會好D。飲品試左本地烘焙咖啡&烘焙烏龍， 咖啡值得一試。 整體上比我想象中清淡。 😙 走健康路線！ 餐廳遲啲打算開班教虹吸咖啡， 鍾意咖啡的人記得留意下。不過原來加下小食， 加埋飲品， 加一， 埋單就$360。 價錢唔算太抵。…查看更多

👨🏻‍🍳食物：點心碟碟新鮮。 炸野香口脆而不油。必試特色龍餃子、 龍燒賣， 4款不同味道， 有麻辣， 有松露， 賣相精緻，最啱人少又想試多幾款點心的朋友。脆脆富貴紅米腸粉： 好好食， 裡面仲脆既！大澳蝦醬鮮魷卷： 新鮮食唔油有淡淡蝦醬味肉鬆馬拉糕： 用沙律醬痴住肉鬆，唔夾。 用煉奶會夾D， 同肉鬆要乾身D。三鮮粥包括： 帶子， 珊瑚蚌，魚片， 濃魚粥味。櫻花果涷天鵝酥： 豆沙餡唔油膩， 果涷冇乜特別，似裝飾多D!🏙環境：有懷舊新潮Crossover， 門面夠sharp! 坐得舒服！🤵🏻服務：自助QR Code 落單。 其實夠人手，但經驗唔夠。 行嚟行去， 唔夠主動幫手加茶。💰價錢： 人均$100-$150 ； 下午茶時段全單8折。…查看更多

疫情後試新嘢， 門口見到新開的Cupping Room 有set lunch 就入左去， 原來係分開兩間餐廳， 不過飲品喺由Cupping Room 提供， 質量有保證！ 雖然價錢好似高少少， 但包湯， 主菜，specialty coffee, 甜品， 可能仲抵過要散叫的cafe！ 食物質素比cafe 高好多！🏙環境：法式小餐館， 有heart 的裝修， 一入餐廳俾幅壁畫吸引住， 好warm。 Contrast 出面cupping room 冷冰冰的感覺。 🤵🏻服務：好pro, 用心聆聽，不用紙筆/ 手機記錄， 🤔 我估可能係老細。。其實staff 都好nice, 有留意食客進度。 💰價錢：Lunch Set: $148/ 2 courses; $168/3 courses； 另加 Hand drip coffee $48 👍🏻👍🏻性價比高!!!唯一缺點喺隱藏cupping room 後， 好多想飲咖啡既人走左入嚟。…查看更多

好耐無去尖沙咀搵食， 今次經過亞士厘道好多餐廳都轉曬， 一半執左， 一些新鋪， 見到新開左間少女風泰式fusion 餐廳就入去試吓。 👨🏻‍🍳食物： Set Lunch Menu 包湯， 主食， 飲品； 有六款選擇， 分別揀左泰式虎蝦炒意粉同冷門的烤魚飯。 Fusion 泰式x西式, 味道調和， 有別於一般泰式刺激既味道。 記得留返個胃， 加錢食甜品！🏙環境： 走少女熱帶風格， 窗口位有兩張特色榻榻米枱； 中間放太陽傘⛱️ ， 圓枱， bar 枱； 打造日間cafe, 夜晚酒吧。 坐喺入面好relax。 🤵🏻服務：人手都好足夠嘅， 有老闆阿叔坐鎮 （我估係除非唔係) 落單傳菜都好快手。 少少扣分位， 水吧放滿飲剩嘅杯。 💰價錢：$78-$128/set 有湯有飲品， 又有打卡位， 抵啊！ 等晚市開返之後一定會再試其他菜式同埋特式cocktails!👨🏻‍🍳食物：⭐️⭐️⭐️⭐️🏙環境：⭐️⭐️⭐️⭐️⭐️🤵🏻服務：⭐️⭐️⭐️💰價錢：⭐️⭐️⭐️⭐️😋抵食：⭐️⭐️⭐️⭐️…查看更多