靚華田的个人专页

難得相公周末休假，兩口子到元朗閒逛一下，肚餓了就到這裡醫肚。這裡前身是元朗茶記，原本供應的菜式已經是創意十足，猶記得同一間茶餐廳裡竟然有沙爹牛肉麵和壽司吃。現在變身成為船長意法日餐廳後，不但有意法日菜式，還有韓國人菜式，那就算一大班朋友來吃也可切合各人口味啦！日式烤雞扒芝士撈麵(下午茶餐) - HK$42本來我想吃的是意粉，但後來給這個餐牌上的邪惡選項吸引了。又本來我對這菜式期望不高，但它的芝士汁沒有化學味(即不像是用粉沖出來的)，麵條軟硬適中又不黏，雞扒還香香脆脆份量足，真是喜出望外，難得一次邪惡都甘願了。英式法蘭克福熱狗(下午茶餐) - HK$32相公點的這個熱狗用的是超級長的脆皮腸，麵包有稍稍烤過，我只吃了一口腸的部份，味道不錯，像一般熱狗的加長版。熱茶走(跟餐)凍奶茶(跟餐)今天我們不約而同想喝奶茶呢！我的熱茶走夠香夠滑，但相公的凍奶茶似乎太多冰了，把原來的味道過份沖淡了。下次晚餐還可以再和相公來二人世界，試試其他食品呢！…查看更多

尋晚試完天盛商場的西餐，今日輪到上海菜。今晚又係同奶奶二人世界，所以都叫唔到太多嘢食。見到隔離枱個白雲鳯爪幾靚，我地都叫咗個食，要另加10元。份量係一人一隻，鳯爪夠晒入味，辣味唔太搶，唔錯唔錯！小籠包係我响上海菜入面至愛的item。話說當年只得幾歲的我已經可以一個人鯨吞一籠十隻的小籠包，所以每次試新的上海餐廳，我必叫小籠包(除非得自己一個食啦)！佢地嘅小籠包皮厚薄剛剛好，夾起唔易穿，湯汁帶少少甜，唔係一味得個鹹字，係比較出色的一道菜。上海排骨湯麵，湯麵條條分明沒有糊在一起，湯不太鹹，好食！但排骨(即豬排)比較油和肥。呢個京城炸醬麵係唔辣嘅，好似中式肉醬意粉咁，不過我地放咗一陣至食，所以撈嗰時黏埋一舊，不過因為個肉醬做得好味，所以唔太影響我對佢嘅印象。下次上菜後即時撈應該會好啲。食完呢個比較滯，所以唔好獨食，同人地分享嚟食會好啲。因為餐廳繁忙所以一早叫咗呢個甜品，所以又係嚟唔切上菜後即時食嘅菜式，食嗰時外皮已經淋咗少許。佢與別不同嘅係佢個餡(即係豆沙同香蕉蓉)唔多，所以冇其他餐廳嘅高力豆沙咁甜。對我地嚟講係好事，但係可能其他顧客就會覺得料太少喇。响餐具選擇方面，呢間餐廳都有細心位，就係個筷子頭係防滑嘅，咁就唔怕夾雞絲粉皮嗰時要一條條咁夾啦~！注意：每位茶芥5元，設有加一服務費。(所以杯茶唔好用嚟洗筷子咁浪費呀！)…查看更多

自從天盛商場裝修之後都未嚟過，原來已經開咗幾間新餐廳。呢晚先試試西餐。之前响葵芳都有食過茜廊 (而家已經冇咗)，當時冇乜深刻印象，但今次令我有所改觀。呢晚我同奶奶兩個人食，叫咗兩個晚餐分享，呢個係跟餐的忌廉粟米湯，望落有啲似南瓜湯，味道中規中矩，唔算好出色。跟餐雜菜沙律都係中規中矩，但值得一讚反而係佢嗰片香脆的蒜蓉包，唔冧但又唔會過硬，而且充滿蒜香，而家講返起都想再食。因為之前响Bricklane食過個黑松露薯條之後對呢個菜式念念不忘，所以今次試吓呢度嘅黑松露薯條啦！味道唔錯！薯條夠粗又唔淋，醬汁雖然唔夠Bricklane出色但都合格。不過一定要趁熱食。我一個人都食咗差唔多4份3呢，罪過，罪過。(P.S.呢個係散叫嘅)晚餐主菜之一係美國牛柳拼薯菜，賣相唔錯，不過切開咗之後就有啲失望喇，皆因我地要求7成熟，但係切開見到仲係紅彤彤的，即刻叫職員幫手換咗佢，跟住都好在廚房再煎熟多少少，然後再拼過碟牛柳俾我地，肉汁尚存，總算力挽狂欄。另一個主菜係芝士焗虎蝦烤菇蒜片欖油天使麵，呢個主菜最好食係個麵同埋個烤菇，味道不太濃，天使麵條條彈牙。咁隻蝦呢？佢嘅調味係好嘅，但係肉質就唔夠新鮮，可惜。跟餐仲有餐飲，奶奶叫咗個咖啡話好好飲，我叫咗個凍檸茶少冰，但係嚟到都冇少到...(飲品冇相，唔好意思！)另外順帶一提就係，呢隻碗係我地要嚟分享食物，佢外表好靚，但其實暗藏污垢，呢方面要改善一下。總括嚟講係會再嚟，起碼而家想食西餐唔駛走到元朗先有得食，Yeah!…查看更多

今晚約了家人在尖沙咀吃飯慶生，所以預先在餐廳附近尋找合心意的蛋糕，找了好幾家終於給我遇上這個特別的無花果芝士蛋糕。開盒時，家人也猜不出那是新鮮無花果。無花果夠新鮮，芝士餅不像平常的芝士蛋糕般甜，清淡的適合不喜歡甜的朋友。不錯，不錯！…查看更多

一直很想試這家餐廳，今次終於如願以償！是日七點或之前可訂枱，所以訂了晚上七點正的枱和朋友一同享用日式地中海菜。很喜歡這些用不同酒瓶製成的燈罩，令餐廳格調顯得與別不同。頭盤-尼斯風松葉蟹沙律蟹肉尚算鮮甜，醬汁酸酸的夠醒胃，但個人不太喜歡當中冰冷的薯仔粒。頭盤-自家製意大利風薄切鮭魚牛油果肥美的鮭魚和香滑的牛油果，和橙味醬汁及生洋蔥合起來吃，味道剛好，不會太膩，是我這餐晚飯的最愛，不過我的朋友就不太欣賞。主菜-白酒蒸蜆肉青口酒味不太濃，蜆肉和青口肉都夠新鮮，但少不免有點沙混了進去。主菜-追家意大利飯是用白酒蒸蜆肉青口的湯水燴的意大利飯。看似平平無奇，但當中拌入了芝士一起煮，啖啖都是濃郁芝士香，好味道！不過吃的時候要小心，隨時會咬到殼或沙。飲品-白酒Sangria白酒易入口，可惜當中的水果種類比Drink List所描述的少，有點失望。總括來說這是美味的一頓飯，希望下次能再來試試這餐廳的Pizza。Gochiso sama desuda!…查看更多

不看OpenRice不知道原來新北江開了這間驚喜小店 (面積不大，真的是小店)。位置比較不顯眼，位於近樂湖輕鐵站那邊新北江商場二樓，前「泛後甜品」後面。偷偷聽到餐廳職員和食客的對話，說這裡已經開了差不多兩年，我現在才知道，只怪我太少在這裡覓食了。來看看下午茶有什麼選擇：既然第一次來吃，就吃這裡的招牌飯 - 招牌蔥油雞肉燥飯啦！蔥油雞啖啖肉沒有很多骨，肉質嫩滑，精粹在於豉油，不太鹹，味道剛剛好。肉燥飯少不免有肥肉，但這碗肉燥飯吃了也不覺得太肥膩，對我來說份量剛好。值得一提就是這裡的熱飲大大杯，我點的是熱咖啡，喝了這麼大杯咖啡後現在非常醒神！剛剛坐進這間餐廳時，聽見食客不斷追單，本來還擔心會否要等很久才有飯吃，後來也只是等了5分鐘多少少就有了。而且店內職員有善，縱使忙碌也不會顯得不耐煩，也會向食客解釋自己是新員工所以有不熟悉的地方，請求食客見諒。這是在忙碌食店裡比較小見又值得一讚的景象。最後，聽說這裡喇沙也是招牌菜式，下次再來試一下！…查看更多

在下午茶時間還未吃午飯的我，本來想去附近的泰國餐廳吃金邊粉，可惜太早未開門，造就了機會讓我發現了這家餐廳。這裡裝潢挺有心思的，不像是冰室，比較像經濟實惠西餐廳的格局。好，先看看有什麼下午茶的選擇：要吃得飽的選擇其實也不少，終於我選擇了 - 西西里蛋包海鮮炒飯。賣相不錯，蛋皮包著茄汁炒飯，還有小蝦仁和魷魚的海鮮炒飯，算是有誠意的。但如果可以加些魚肉，或者大想頭點加些帶子的話就好了。飲品方面，本來想叫「茶走」，但餐廳沒有提供，結果飲熱華田，味道不過不失啦！值得一讚的是，忙碌的侍應留意到我擔心他忘了幫我埋單，走過我身邊時說了聲：「我一陣幫你埋單。」，這種服務態度算是不錯。下次有機會再來！…查看更多