ryantym的个人专页

朋友推介黎呢間食dinner, 平時出旺角經過見都多人排隊。今次我哋7點前黎到，咁啱有一檯吉，唔洗等即刻入座我哋嗌佐2人set：揀佐花膠雞煲、胡椒豬肚小食、雲耳前菜、兩杯嘢飲同埋兩碗白飯。花膠雞煲分量十足，兩人食完全夠，湯底濃郁，雞肉質地嫩滑，花膠彈口，我哋仲畢佐啲湯落白飯到，超級送飯，湯飯控有福了另外，份胡椒豬肚小食，一啲都唔細，等於一個湯煲嘅size，胡椒湯底好開胃。份雲耳前菜，都好大份，我哋食唔嗮。除佐食物質素佳，侍應服務仲好好，會幫我哋跟order，同埋問我哋食得飽唔飽（超飽Overall黎講，呢個價位💯有機會再黎食，抵食又好味😋…查看更多

第一次食呢間三哥，下午3點半見無咩人就入黎試下，唔會再黎食！1. 上菜時間慢。由我落單到食物上齊需時20分鐘，但鋪頭人不多。2. 廚房出錯嘢 & 員工落錯單。隔離臺叫嘅魚蛋漏左上。而我order嘅奶茶少甜少冰，送到黎甜度和冰都無減少！3. 員工態度怠慢。舉手好多次叫落單，收銀嘅阿姐叫另一位女侍應，嗰位侍應又叫另一位落，推黎推去。我對面臺個男客叫佐幾次落單無人應，頂唔順走佐。想講，就算係下午時段，都唔代表可以hea做。成班女人圍係廚房出菜口嗰邊唔知做乜，好嘈。客人要落嘢，你就聽唔到。好心你改善下員工質素喇！！！…查看更多

一路飲開Thai tea 今次同朋友第一次試新都會呢間朋友落order, 我試新品 泰國斑蘭珍珠抹茶鮮奶（左朋友叫佐正宗泰式奶茶 另加珍珠 (右味道不錯，但係收銀女職員服務態度惡劣以及呢間分店拉低嗮Thai Tea overall水準朋友第一次飲：有無得走冰㗎？收銀：無得走冰。朋友追問：咁可以走糖嗎？收銀即刻黑面：無得走糖。重點‼️只有正宗泰式奶茶可以走冰，落order嗰陣收銀完全無話呢杯嘢可以走冰。跟住兩杯嘢飲70%以上都係冰，見下圖O嘴point: 1⃣️ 我飲開旺角同銅鑼灣，人哋都唔會落咁多冰。我哋係飲奶茶，不是飲冰❗️不如你改名叫泰冰？2⃣️朋友落order嗰陣，已經有問有無得走冰，收銀只係人問咩答咩，唔識得加一句「你另一杯泰式奶茶可以走冰」，搞到朋友後尾追問：係咪有得走冰㗎？佢答：係。 （咁點解你唔同客人講解❓同埋無任何歉意，一句唔好意思都無…….其他分店體驗都好好，唯獨呢間服務態度惡劣，同埋唔識得為客人著想。搞到客人其中一杯飲品明明可以走冰但無走到冰，諗到都成肚氣。…查看更多

之前食過幾次，啲嘢食質素唔錯，但員工真係好差質素。從來未試過美心集團會請啲低質素嘅員工，叫佢落單，施施然行過黎，直接開口話「食咩」，黑口黑面。落完柯打又無覆單，直接行開佐，真係O嗮嘴。送嘢又係直接擺度，連基本嘅禮貌都無！元氣啲食物一向有質素，希望可以加強員工的服務態度及專業素養，特別係貴店短髮圓臉的師奶。以後唔會再幫襯呢間…查看更多

第一次試呢間，打電話過去問外賣，態度同服務都唔錯。叫佐一個填鴨同一碟口水雞，分量多，鴨皮都算好味，食落口腔有鴨油香，不過就略嫌唔夠熱。話嗮係片皮鴨，但啲鴨肉切到好大舊同埋有鴨騷味，少少失望🙍‍♂️口水雞黎講，算唔錯，雞皮滑嫩，醬汁夠味，送飯一流…查看更多

和好友二人在BOOKING APP預定中午12.30黎食Lunch. 一入到去，白色衫男侍應很熱情（似係大粒嘢），跟住黑色衫侍應帶我哋入座，坐係中間sofa位。由於我哋係第一檯客，見靠窗位可以影下相，就問佢有冇得轉檯（我哋未落order)，個黑衫侍應話啲位俾人book座。但其實係平日，我哋食佐一個鐘，都係入佐4檯客到，靠窗位跟本冇人坐！擺明係個侍應唔想幫我哋轉檯！到落order嗰時，我問侍應Steak Diane有幾大，佢比劃佐類似兩個手掌咁大，但上菜先知小到可憐！跟住落佐個Pork Ribs, 量好多！好好味！仲要平過我個所謂手掌咁大嘅「Steak Diane」食完飯，個黑衫男侍應話我哋可以試下甜品，有優惠。我哋睇佐menu，不算太吸引，就冇再落單。重點不是嘢食唔得，係個男侍應態度好有問題！我哋係booking app訂有半價，佢就好似好西面，不是很想服務我哋。例如我哋入座後，完全冇拎紙巾同濕紙巾俾我哋，係我問佢有冇mask cover，佢先拎紙巾俾我咋！但係後尾隔黎檯三個人入黎食，佢又好快送上乾濕紙巾。我同好友二人feel到佢有啲睇唔起人，講真，你哋半價後都唔算好平。服務態度差到咁，以後唔會再幫襯！見係半價客就可以咁樣態度？我真係第一次見。用booking app食其他餐廳，都係半價，但人哋侍應好熱情好有禮貌wor！奉勸Penthouse, 全港唔係得你哋一家餐廳，宜家疫情底下，好多餐廳都有discount, 我哋不是非食你不可。本身抱著試試的心態，啲嘢食僅供參考，量少就算，侍應仲區別對待客人，真係好失望！…查看更多