詩嬅的个人专页

熊本熊開心分享套餐 $78套餐包一碗細拉麵，味道淡淡既。紫菜印左熊本熊個樣，飲哂啲湯，碗底有個小腳印。另外仲有三款小食，炸雞粒、薯角、粟米。炸物香脆。撥開雞粒，我最期待既畫面出現啦！熊本熊！！！碗底碟底充滿驚喜，記得食哂啲野食啦！…查看更多

明太子義大利麵 $98醬汁濃厚，鐘意食多醬意粉既朋友仔岩哂！明太子落得唔吝嗇，每啖都有滿滿既明太子。墨西哥起司薄餅 $75似一份小食，薄餅又薄又脆，沾上墨西哥醬或者吞拿魚醬，略嫌醬汁太少。特調冰茶 $40攪勻之後，成杯藍色，外表已經好fresh，飲落充滿氣，夏日炎炎消暑一流。熱金莎榛果可可 $50配一塊曲奇，美感提升，可惜曲奇同可可既味道稍為普通。…查看更多

豆醬叉燒拉麵 $76一碗有五塊叉燒，食極都仲有咁，好足料好滿足。湯底濃郁，但又唔會太鹹。拉麵軟滑。魚豚骨拉麵 $76豬骨鰹魚湯底豐厚，豬骨以外再多一個層次，味道較叉燒拉麵濃。一大塊微灸既五花腩，脂肪入口即融，肉質稔滑。有好多款拉麵揀。呢間舖頭成日都排長龍，座位又狹窄，不過都係值得一食再食既。…查看更多

雖然K Lunch只有兩個鐘，要唱K又要食野，但食既野都唔可以求其架。巴西雞脾扒芝士腸伴香飯配紅酒汁 $87雞脾去骨，夠細心，話哂要忙著唱歌，仲邊有時間慢慢拆肉呢。再配上車厘茄、粟米、翠玉瓜，色彩斑斕。但紅酒汁…竟然有啲似燒汁、洋蔥汁既味道…皇牌車打芝士肉腸焗豬扒長通粉 $87一睇賣相就好吸引，一大堆芝士肉醬，仲有塊厚切豬扒，相當足料。蠔油菜心 $8要食得健康，就要追加一碟菜。菜心大大條，係啲蠔油整到碟邊都有，整潔度扣分者。Fruit PunchLunch set包一杯無酒精飲品，fruit punch好有汽。…查看更多

剛開幕果陣瘋狂到排兩個幾鐘先有得食，宜家堂食都仲係排長龍，究竟有咩咁吸引？一於外賣試下。原味千層蛋糕 $68千層皮係薄，但有啲韌。只覺得食緊一啖啖既cream，唔特別好食。伯爵茶千層蛋糕 $75太甜啦，伯爵茶味又太假。其實咁既價錢，可以食到更多更好食既甜品，真係唔值得排咁耐隊等食呢間。有左期望，就會失望……查看更多

老點出名點心夠特別，六點半去到唔洗等位，不過店內座位略為擠迫。晚餐食點心，配一杯普洱茶消消滯。安格斯牛肉腸粉 $28肉片同腸粉皮都好嫩滑，略欠牛肉味。吾係老點小漢堡 $24必食！蝦膠加芥末醬，嗆到標眼水，好刺激！鮮蝦肉餅竹筒飯 $29真係鮮蝦，蝦肉結實唔霉。糙米飯，健康升級。順民百花魚肚 $26者係蝦膠豬皮，豬皮吸汁好juicy。戚風班蘭馬孻糕 $22班蘭味唔突出，舊糕綠到好似好多色素咁。…查看更多

大阪燒脆雞餐KFC不斷出新口味炸雞，最近就推出左大阪燒脆雞。食落同想像一樣，係平時食開既炸雞，加上燒汁、蛋黃醬同木魚，好似日式燒餅咁。雖然蛋黃醬痴唔實舊雞，會成條醬跌出黎，不過加左醬既炸雞好食好多，食落唔係只有好齋既油炸感，如果可以落多啲燒汁同蛋黃醬就好啦。…查看更多

Starbucks又出新口味，烤棉花糖朱古力同青檸曲奇脆脆Frappuccino。烤棉花糖朱古力Frappuccino $42加左咖啡既Frappuccino，底層係棉花糖味忌廉同牛奶朱古力醬。忌廉無棉花糖味，但朱古力醬好幼滑香濃。表面都唧左啲棉花糖味忌廉，仲撒左餅乾脆脆點綴一下。呢款整體味道一般。…查看更多

綠茶雪糕格仔餅 $18因為即叫既整，都要預等十分鐘左右。格仔餅非常厚實，略為有點硬。十幾蚊就有既小食，對綠茶雪糕唔好抱太大期望，絕對唔會係香醇回甘果種，不過雪糕份量好多，夾滿成件夾餅。*小提醒：要食快啲呀，雪糕好快融。…查看更多

西冷牛扒 $108原塊扒切條，幾厚身，但煮得太熟好鞋，唔建議試。羊肉片 $84羊肉碎，醬汁濃烈，要配一大啖飯先中和到。套餐配有麻油香既小食豬耳；蒜香既油麥菜；撒上黑白芝麻既白飯；清淡既海帶麵鼓湯，另外仲有大蝦同魚柳。大蝦大隻結實，魚柳就過鹹啦。香煎鵝肝 $21呢排做緊優惠，半價就有份鵝肝，一於試下。鵝肝肥美，煎到表面金黃色，外脆內軟，非常好食！推薦！…查看更多

尖沙咀知名小食多籮籮，呢間李家亦係好出名。炸雞杯，者係炸雞連可樂。十幾粒香脆既炸雞，沾上蜜糖芥末醬同甜酸醬，再配上可樂，完美既組合。唯一美中不足既係，可樂唔夠汽……查看更多

朱古力號角 $10故名思義，麵包有號角既外型，鋪上一層朱古力，特別吸睛。而麵包內裏係吉士醬，亦相當吸引。食落麵包鬆軟，吉士醬幼滑。但麵包空氣感蠻重，做早餐都唔夠飽。…查看更多

麗姐既午市套餐最抵食，小菜六選三，揀左薑蓉千層、蕃茄牛肉、羅漢齋。薑蓉千層，淡淡既芡汁無薑蓉味。蕃茄牛肉，味道濃郁好多，有啲似茄膏味，仿牛肉煙韌有口感。羅漢齋係食素菜既例牌，典型既味道。糙米飯可以任加，佢一開始只會畀好少既份量，免得浪費。飯身偏軟。紅蘿蔔粟米湯都係可以任加既，清清地，幾健康。…查看更多

上個月中新出期間限定既抹茶味爆谷，每晚去到都售罄。終於搵次下午去，買到啦！細size$45，中size$60，份量相差都多，所以買中size慢慢食。因為佢每粒都有一層焦糖包住，都襟擺，放三四日都未淋。抹茶味唔突出，食落好似無咁甜既焦糖味。不過超級鐘意焦糖味既我，又點會介意呢。…查看更多

麥當勞不時推出新包，今期就出左呢個手撕雞包，餡料相當創新。要近貼潮流，就即刻去左試。醬汁豐富，甜甜辣辣既。紅蘿蔔絲、椰菜絲、紫椰菜絲，混上蛋黃醬，為快餐食物增添一份健康。但係手撕雞肉質好霉，同脆到微硬既洋蔥圈唔夾，其實抽起洋蔥圈仲好食。唔知期間限定到幾時，一試無妨。…查看更多