有要求的人的個人專頁

尼間店路過唔起眼，亦原吸眼球。今日無事間食左下午茶，飲左杯鴛鴦。超驚喜！因本人鐘愛咖啡、香草奶茶、手工麵包，所以會自己做以上食品 & 有啲要求。但估唔到，一飲啖鴛鴦…….即被順喉、微香的香草味吸引。再細心品嘗咖啡時，咖啡豆的品種係屬於微酸的味。亦因可能店係做越式滴漏咖啡，所以酸味不重好舒服。食物方面：今次食咗 香茅豬扒飯，哈哈，有心形煎蛋🤭。豬扒炸得外脆而有肉汁👍在食嘢途中，聽到老闆 同 員工們 討論個越式法包點做/配搭 會再好味。尼種態度，香港好耐都未見過了………怪不得食物和飲品質素咁好，佩服、佩服。衷心推介此小店 & 繼續努力制做多啲好嘢俾我哋食！…查看更多

2024年11月12日的魚包早餐（$29$）確係抵食，真心大塊 同 厚。但之後再去食，即刻勁縮水。塊魚柳係之前的一半份量。所以決定唔會再食了。可能大快活真係怕啲客食得太飽而舉行勁量級縮水大行動…….哈哈哈😆…查看更多

沒心理及準備下隨意亂入左尼間食店。見到有home made burrata 馬上心心眼。於是叫左2個lunch set (前菜：蕃茄布袋芝士、三魚他他；主菜：松露意粉、辣肉腸pizza)布袋芝士：正！濃厚芝士味，但不鹹。松露意粉：意粉食到係手造，松露味食完整個口腔都係香香的天然松露清香味。不是人造味那種，係我喜愛的天然香氣。口袋餐廳終於可以多一間了👏👏👏👏…查看更多

午餐隨意的和同事到了一家 食湖南菜的中式餐廳食。點左碟鴛鴦魚頭，因為係鴛鴦味，所以一邊係酸辣，一邊係紅指天椒。味道超級正，惹味、魚肉非常滑。下次會再約多啲人一齊試其他菜式。…查看更多

今日閒遊土瓜灣因本身鐘意花茶，但未見過金花尼樣嘢所以買左一罐返家配羅漢果酸梅😋我老公就試左八好抺茶，佢話啲抺茶好正中。好味。另外，我哋食左關東煮&雞軟骨個人覺得雞軟骨個味剛剛好，同埋好脆。關東煮食完都飽飽地（本身唔係食得太多野果啲）整體尼間小店，俾到小小驚喜我👍…查看更多

尼間店已食過好多次，食物質素好、價錢抵。但可能之前疫症張人數，店員慣了少客關係。現在的服務員由帶位至送餐哥仔，態度強差人意。帶位自己寫錯性別，會大大聲不客氣咁話自己錯，送餐重好笑。聽到佢話個食客，係咪發爛渣唔食丫？真係唔俾叻尼間店，對唔住自己。我自己唔會再幫襯，各位想俾錢受氣的話。不妨一試！午餐價錢大約：$100-150左右…查看更多

尼間小店食左幾次了。漢堡排食得出唔係現成買果啲，食落口牛味濃、滑、汁多......正！雙色薯條：薯仔+蕃薯，蕃薯條配芥末醬，好味晚上食一個漢堡套餐，可以飽到第二日早上。完全估唔到可以飽咁耐。推薦！雙層牛肉漢堡餐配氣水：$83/位…查看更多

星期五中午同朋友去食尼間黃店，店雖細，但感覺好舒服。侍應態度好好，有禮，主動幫客人。價錢合理。煎餃bite size冰花網底，煎得好靚。黑白松露豬肉餃，松露味道清香唔會有電油味。蝦皮韭菜豬肉餃，好多韭菜。本身鐘意韭菜，所以覺得超級正！豆漿蝦皮湯米線，湯底滿口蝦米香味。好味！鏗魚昆布湯米線，湯底正常，不錯。不過因店舖比較細，所以要預比較長的等位時間。總結：非常好的小店，會再幫襯。推！…查看更多

1）訂9位，去到俾8位，無見人無位座，企係度都唔會主動理。格與枱之間距離超迫。2）有2位幼稚園年紀小朋友，問俾水。唔俾！要我講唔想小朋友飲氣水，難到叫支啤酒俾小朋友？先好為難咁俾2杯水，無refill 3）間野話慢煮，事實100%唔係。食物完全overcook & 品質差。豬鞍勁鞋、燒春雞雞肉老到一絲絲、串燒蝦，食落口：梅！絕對係過期急凍貨$38/串/共3粒/每隻大約手指尾頭2節尺寸4）尾聲；待應執枱，啤酒、凍飲品，有倒汗水係咪屬正常？無杯墊，咁張枱自然會濕。位待應唔太客氣問我地無咪倒瀉野........吹脹。其實我想知係咪倒瀉野處理方法會唔同？重要唔係原因喎⋯⋯5）唔係黃店風格，食尼間主要原因係黃店。但論服務，食物品質，我絕對唔建議幫襯，伏到爆！…查看更多

時間：星期六中午事件：1點未夠，放題bar 已經無咩野食。咁為有等出食物啦⋯⋯一等再等，眼見蒸雞得返頭&尾、蒸魚剩下骨位的‘肉’。根本就係極度餸頭餸尾最後為有食凍蝦&雪條。重點：當我等到差不多夠鐘（實在係無野食），諗住食埋支雪條走人。有個態度好很差的女侍應走來話，張枱過左時好耐。重要大大聲講，啲人‘唔趕’唔走嫁。自己間店無野俾人食，就唔去改善/了解，反而‘趕客’。 尼啲態度好到無朋友的員工又唔炒。如果大家想俾錢買難受，真係好值得一試。…查看更多

同行人數：6位落order：要等侍應妹妹講完私人電話先會同你寫野飲品： 整體計 ~ ok小食：ok主菜：意粉 ~ overcook 所以溶晒﹐唔掂 ~ 差！ 飯底 ~ 勁隔夜飯feel﹐又凍又硬又無汁。我只食左1/5碟......投降了！勁差！服務態度：侍應&廚師 ~ 玩多過做﹐唔知佢地係咪記錯左間cafe係"fun fun 樂園"呢????? 所以無論係飲品、小食 or 主菜 都出現勁甩單情況﹐並且非常嚴重吓...................真係超唔掂！絕對不可一、不可再！…查看更多

地點：隔涉 & 偏僻 (一點都唔起眼的位置)時間：晚上 7:30左右 (食飯時間)人氣：無人﹐只有一位疑似職員的人在行來行去 (但其他的食店是有客人的)裝修：烏燈黑火 & 睇上去唔係咁清潔結果：同男朋友再三商量後﹐返左氹仔食。(完全浪費時間)…查看更多

我一向都只食安格斯牛扒﹐所以當晚都如常的叫安格斯牛扒。不過當我一食落口就已經知佢地俾錯扒﹐件扒彈口到好似食豬頸肉咁。而安格斯的特點是鬆軟&有牛味﹐所以件扒點會係安格斯呢？況且一睇個樣都有問題﹐安格斯牛扒會係一片片的嗎？我為確定及嘗試接受件扒﹐所以只食左兩小口。不過真的唔對路&唔鐘意食!!!!之後﹐我同個妹妹仔講﹐個妹妹仔就同個四眼經理講。但果位四眼經理只係過來睇吓﹐然後話"尼件係安格斯牛扒﹐無錯到！" 嘩嘩嘩!!!!你地話係咩態度????大佬呀﹐居然連經理都唔識分自己店的產品﹐你話尼間野到底搞咩?????所以大家如果想係想食扒﹐不如乾脆去"後花園" 或者"GO BACK"﹐什至去"大家獲"都一定好過尼間野。後來﹐我心有不甘﹐再在門口番睇佢地的MENU。果然發現佢地有一隻叫"牛扒西施"的彈口牛扒。所以我100%確定佢地係俾錯扒。好心佢地向員工灌輸吓"D"牛扒知識啦﹐牛扒專家.....…查看更多