cinnamon_tang的个人专页

二訪觀塘裕民坊打卡西餐廳，以夢幻花花佈置，加上歐洲風雲石嘅餐桌，好適合女生去打卡🌸地理位置都方便，附近返工人士可以約朋友夜晚喺到食飯傾下計！今次叫咗泰式二人套餐，非常豐富。▫️煙三文魚凱撒沙律煙三文魚好大塊，新鮮厚身，沙律份量好足夠，係非常好嘅開胃前菜🤩▫️是日餐湯有食用花點綴，望起嚟都非常浪漫。▫手撕雞羅勒橄欖油蒜香意粉蒜香意粉加入泰式香料，別有風味。意粉爽口彈牙，蒜香橄欖汁好入味。手撕雞口感厚實，啖啖肉嘅滋味😍▫泰式燒安格斯平鐵牛扒配燒薯蘆筍🥩牛扒煎得剛剛好，肉質嫩滑，外皮香脆入面多汁，肉味都好濃郁。沾上泰式酸辣醬，味道更加有泰式風味。▫鮮果梳打冰茶水果份量非常多，茶味清新帶微甜，非常解渴。▫羽衣甘藍牛油果酸奶昔呈現出清新的綠色，好似點綴咗一層柔滑奶泡。酸奶絲滑感加上牛油果嘅綿密完美融合，整體口感非常順滑。牛油果甘甜，同酸奶巧妙平衡，層次好豐富。…查看更多

夜晚同朋友行完街，又覺得肚餓，去荃灣嘅夜燒站食野就岩！熱鬧有氣氛，環境好有日式居酒屋風，更重要嘅係有$10串燒😱真係又平又抵🥺✨設有燒肉套餐，用以網上平台支付就得！✨唔洗加一，仲開店到半夜12:00（23:30 last order)✨自攜生日蛋糕1磅以下，唔收切餅費✨除咗門口可泊車，附近寶石大廈/露天仲有停車場，超方便▫️富士山柚子梳打食串燒當然要有啲有氣飲品，咁先至食得夠過癮，呢枝梳打就岩晒，酸酸甜甜好減壓。▫️芝士流心大啡菇大啡菇厚得黎軟腍腍又爆汁，融合埋芝士超邪惡，啖啖都好滿足🥹▫️燒雞翼尖燒得岩岩好，外脆內軟，加啲七味粉更惹味香口。▫️燒雞軟骨香脆又有咬口，食一串真係唔夠▫️燒鵪鶉蛋好有日式居酒屋嘅感覺，蛋味有啲醬汁味道🥰▫️燒雞肉串有肉地好新鮮，調味清淡，可以突出雞嘅鮮味▫️芝士煙肉蕃茄呢個一直都係黃金配搭，用喺串燒到更昇華滋味▫️燒白鱔必叫！外脆內軟又香口，喺香港好難先食到🥹▫️蛋黃醬燒青口第一次食青口配呢個醬，原來係咁夾。奶油感夾埋青口食好有新鮮感，仲超過癮🌸▫️日式燒豆腐灑上厚厚一層木魚，聞落已經好香，燒完嘅豆腐仍然滑嫩多汁▫️燒乾燥洋蔥牛側腹串完全睇得出師傅嘅功力，燒嘅火候岩岩好，牛肉好嫩滑…查看更多

油塘屬於住宅區，今日咁啱探朋友，佢就帶我去呢間各方面都超親民但極有沖繩風嘅餐廳。餐廳以獅莎為主題，係守護人民，驅趕惡靈嘅守護神👹二段料理指上層蒸，下層煮，非常特別嘅煮烹調方式。▫️沖繩肉味噌蒸飯 ｜ 溫泉蛋柚子肉味噌蒸飯温泉蛋撈飯係基本啦～沾上蛋液更滑溜，配埋柚子酸酸甜甜嘅感覺，令口感層次十分豐富😇▫️肉味噌壽喜燒牛肉鍋牛肉好滑，壽喜燒醬汁濃郁有特色，夾雜洋蔥滲透嘅清甜，每口散發陣陣芳香。🥰▫️沖繩海鹽焦糖乳酪布甸雞完全冇諗過布甸同雞夾埋一齊食係咁合拍～雞肉鮮嫩，乳酪味平衡炸雞油膩感，食落更加juicy，好有驚喜😆▫️沖繩海鹽焦糖乳酪布甸冬甩雪糕冬甩上碟時仲係暖粒粒，炸得好脆，配上冰凍雪糕，冰火交替嘅口感❄️▫️沖繩獅莎酥冬甩雪糕獅莎造型牛角酥精緻又可愛，令人唔捨得食。冬甩完美結合拖肥醬，外脆內軟，一冷一熱超滋味🥳▫️無糖凍烏龍茶清涼解渴，杯身仲有獅莎貼紙，好有心思。…查看更多

街坊麵包舖紅心屹立逾15年，不定時推陳出新，將最好嘅烘焙麵包介紹俾客人。今個夏日，紅心餅店推出D24榴槤甜品系列，滿足一班榴槤控！▫️榴槤雪山卷厚厚榴槤味忌廉鋪滿戚風蛋糕，一打開盒榴槤香撲鼻而來。絲滑嘅流人忌廉同蛋糕蓬鬆感互相交織，口感一流。中間更以新鮮D24榴槤肉點綴，果肉濃郁香甜。▫️榴槤雪果子冷凍食最佳，係炎炎夏日好好嘅消暑甜品。外皮厚度適中，彈滑有口感。果子份量超大舊，入面夾雜榴槤果肉，滑順細膩，入口淡淡回甘。▫️其他精選包款綠茶麻糬包係我早餐之選，煙煙韌韌滿滿有口感，綠茶味香甜，食完有精神返工！…查看更多

朋友約喺佐敦食飯，catch up下近返，揀咗人氣長期高企嘅TERA。我地叫咗二人餐，升級要埋梳乎厘都只係四百幾蚊，性價比真係超高🥰💕二人特選晚餐 $328 + $68▫️煙三文魚甜沙律配柚子醬煙三文魚份量足料，沙律菜新鮮，係非常醒胃嘅前菜。▫️明太子玉子燒明太子同玉子不嬲都係perfect match，搭配上蟹籽的口感，新鮮蛋液包裹著超多的明太子，香甜綿密。▫日本漢堡扒炒蛋飯漢堡扒肉質鮮嫩，厚切多汁，滑蛋鋪喺飯上，淡淡軟綿綿。灑上清香木魚，添上格外日式風味。▫帆立貝明太子蟹肉扁意粉帆立貝超大粒，加入滿滿濃郁明太子醬，意粉超掛汁之餘，質感不失彈滑。▫TERA’S ORIGINAL 梳乎厘超級有驚喜☁️雲呢拿加蜜糖醬係最佳組合，味道甜度恰到好處，温柔甜蜜，滿滿空氣感，十分治癒✨…查看更多

最近去咗諾士佛台嘅《FUNKY TOWN》一間有得飲酒，又有得食泰國菜，仲可以唱K。一次過滿足晒三個願望！超值美食全$88起，仲有「一蚊一隻生蝦」，以後同朋友又有多個新地方chill！有Vsing 競技台，煙花特效加埋Disco燈，氣氛一流熱鬧。大家可以大展歌喉，變身小歌手盡嘅心中情，其他人飲酒都飲得大方啲，仲可以結識到新朋友。▫️ 泰出色燒豬頸肉燒豬頸肉真係好正！外脆內嫩，燒得香噴噴，味道濃郁，肥瘦程到係完美，咬落去好彈牙，最後仲俾朋友投訴我做乜食埋佢嗰份🤣▫️ 芭堤雅炒飛天通菜再嚟就係呢個炒飛天通菜，菜色鮮艷，炒得剛好，保留咗通菜嘅鮮甜味，口感爽脆，配上調味料，簡直係完美。▫️ 泰傳統乾炒貴刁（雞）乾炒貴刁亦都唔可以錯過，雞肉嫩滑，米粉炒得好有穫氣，加上特製醬料，風味十足，同喺泰國食嘅一樣。▫️ 一蚊一隻生蝦最吸引我嘅係一蚊一隻生蝦！Happy Hour 消費滿$200蚊可享1蚊1隻蝦優惠，每枱最多10隻，真係太抵！蝦肉厚嫩又新鮮，沾上秘製醬汁，鮮味同辣味交融，令人停唔到口，絕對值得一試。食物質素高，價錢平，絕對值得推薦，下次飲酒一定會再嚟！…查看更多

無論點預約都排唔到挽肉の米？唯有去肉肉大米頂住癮先，價錢仲平啲！ 唔洗二百蚊試晒三款口味😉蘑菇、芝士、和牛混撘漢堡套餐 $140蘑菇、和牛x2 混撘漢堡套餐 $125喺等待第一塊牛嘅期間，最先要落齊醬料先，因為每一款都好好味😆我最鍾意嘅係Aurora醬，味道好特別，有種日本風味。將雞蛋倒喺和牛面，融埋一齊好滑嫩。原味和牛好juicy，油脂夾係肉之間，啖啖都非常滿足。之後上嘅係芝士和牛，即場磨碎成舊芝士，勁邪惡😆食落有拉絲，超級惹味！最係蘑菇和牛，用細兜呈上，蘑菇鋪滿和牛，全部大大粒好足料，食起黎每粒都鮮味十足🥰…查看更多

德福有好多平靚正嘅嘢食，今日行開商場買結婚禮物俾朋友，買完就去 @butahagehk 食啲嘢，俾我發現百幾蚊就有松葉蟹食😎餐廳裝潢雅緻，服務態度仲好到不得了😙▫️松葉蟹土鍋飯每個定食有齊前菜、茶碗蒸同甜品。先煲13分鐘，令米飯吸收蟹肉同上湯嘅鮮味。松葉蟹係日本三大名蟹之一，豐滿蟹肉且充滿甜味，秋冬係松葉蟹當造嘅季節，餐廳特登推出物超所值嘅「松葉蟹士鍋飯」。我最鍾意滿滿嘅蟹膏，撈飯食超滿足🥹🥹▫️雙滿足鍋物又想食牛，又想食豬，就一定要試「雙滿足鍋物定食」，牛五花嘅鮮嫩、豬五花嘅濃郁，冬日必食🥰最平就可以嘆豐富日式鍋物，配料勁多，包括野菜、菇菌和炙燒豆腐等，仲可以自選湯底、主食及醬汁💗…查看更多

而家喺觀塘返工，俾我揾到一間性價比超高嘅台式餐廳🫶環境優雅，食物仲好有水準🌸▫️五寶什錦醬乾拌麵五寶包括豆乳雞、香腸、雞翅、豆腐同蝦丸，全部大大粒，好足料。▫️麻油雞湯麵線雞肉相當軟嫩，湯底香醇濃厚，麵線質感好爽口，沙茶拌起來好惹味。▫️路邊攤小香腸小香腸超有台灣風味，好似喺台灣嘅夜市掃街咁☺️外皮燒得好脆口，灑上粒粒炸脆，格外香口，係100分嘅開胃小食。▫️抖起來兔刨冰小兔布丁型態抖一抖超可愛，打卡一流之餘，味道超吸引。配料有芋圓，增添口感；紅豆份量好足料，格外香甜。成個刨冰嘅配撘超夾🌸我一個人可以食晒成個！▫️哈豆鮮果茶果茶一直都係我嘅最愛，因為健康清新，解膩一流。哈豆果茶味道清爽，甜度恰到好處，順口澄澈😝▫️鮮榨檸檬椰果酸酸甜甜，椰果份量超多，十分有咬口，飲完一杯再想飲多杯🥰…查看更多

Choya有逾50年歷史，日本銀座站竟然登陸香港。可以品嘗多款梅酒，格調高雅，適合放工黎傾計輕鬆💜▫️Choya Sonic口感輕盈，柔和香甜，容易入口卻散發無窮餘韻。加入原粒梅冰，別有風味。呢杯十分驚喜，大推❤️▫️Choya Jin Sui金穗Collins 置喺木製本盤上，簡約又典雅。酒呈奶白色，鋪滿奇亞籽。由Choya Single Year、清酒及Yogurt Liqueur混合而成。口感較厚實，稠糊乳酸感中滲出淡淡梅酒香，非常有創意嘅一杯。▫️空中花園呈現方式非常特別，底層係沾上紅色糖漿嘅小冰塊，望落晶瑩剔透，夢幻感十足。飲起黎沙冰感重，平衡梅酒嘅甜味。打卡同嘆住飲都一流😍▫️梅香MojitoMojito係我每次飲cocktail必點，特別中意薄荷葉嘅清新，青檸香。呢度將基底轉做梅酒，口感更敦厚，格外清甜。▫️Choya 香腸拼盤黑松露腸淡淡香氣，辣肉腸微微刺激感，但全部都外脆內軟，咬一口肉汁爆發。另外BBQ diced pork味道濃郁，食肉獸不能錯過🫶▫️日本脆餅配梅子奶油乳酪我本身好中意食cream cheese，所以見到呢個心心眼。脆餅卜卜脆，配撘奶油乳酪好開胃，酸味恰到好處，而且滑順清爽。▫️焗青花魚燴飯配煙熏梅子先撥開魚，再混合梅肉同米飯，好日式嘅體驗！青花魚肉酥軟，燒得好香卻不油膩。梅肉飯微酸，點綴米飯嘅清甜，超愛！…查看更多

今日返HKBU探教授，講返好多讀書時期嘅趣事。之後當然要去又一城食嘢，竟然發現風格好年輕嘅《Hooman》，鏡面裝潢超型格。▫️Yorkshire Terrier Hotdog櫻花蝦加mayonnaise 蛋，原來係咁夾。熱狗腸上更綴以海葡萄，口感新鮮，味道配搭原來咁夾，食品設計幾聰明。▫️Shepherd Hotdog有名叫pizza dog，食落帶蕃茄醬味，又真係幾似食緊pizza😂幾得意～▫️Ice cream sandwich (Raspberry Sorbet)曲奇揀咗red velvet，上面係爆炸糖，口感好過癮。中間sorbet透心涼，顏色仲好吸引。▫️Ice cream sandwich (Chocoloate)朱古力雪糕超邪惡，香滑細嫩，配上曲奇口感似真三文治，一口接一口。▫️Guava Tea紅白相間，打卡一流之餘，味道仲好清新番石榴，熱帶水果香，酸酸甜甜。▫️Cloudy抹茶味濃郁，奶油醇厚，細嫩柔和嘅韻味。…查看更多

一路聽音樂一路食野勁chill，仲可以幫人，一石三鳥😇「我行我素音樂餐廳」，專門提供fusion素食+生酮菜單嘅Music Cafe🪩。周不時仲有現場音樂表演🎤🎹▫️夏威夷純素波奇飯食完先知啲「三文魚」係用苟蒻製成🤯🤯仿製還原度100%超驚喜！Dressing獨家製，胡麻味同飯好夾，仲有微微wasabi味，成為我最喜愛嘅poke bowl😍每售出一份，更加會捐$10俾專門服務罕見病者嘅慈善機構Lifewire，岩晒中意做善事嘅你。▫️粉紅色的心紅菜頭意粉紅菜頭係superfood，好味又健康，顏色同餐廳燈光好夾。食起黎有酸酸甜甜，加入菇菌，好新鮮清新，感覺輕盈健康。▫️超級小黑咪蒜香菇餐廳皇牌菜式！香菇厚嫩多汁，非常大粒，一咬爆汁超juicy。加入蒜蓉調味，即時提鮮豐富口感，平衡香淡菇味，係成碟嘅精粹。一碟得四粒真係唔夠喉！▫️金沙特飲擺盤有心思，用高腳杯呈上，十分優雅。飲落有濃濃嘅朱古力奶味，好creamy。最後仲仲有粒灑滿朱古力粉嘅朱古力，為呢杯野飲畫上完美句號😊…查看更多

屯門有很多隱世氣氛餐廳，今次特地來訪LUMOS ，因為裝潢十分優雅，更有Live band ，十分適合下班後chill下。▫️LumosLumos是哈利波特發光的咒語。正如其名，點亮味蕾的甜蜜火花的咒語。混合椰子精萃、楊枝甘露、Rum酒，味道輕盈易入口，清甜新鮮。必點！▫️Why not Tuen Mun？相約飲酒消遣，人們總是到中環、尖沙咀或太子等地方喝酒。但除了這些熱門地方，為什麼不能到屯門飲酒？Why not Tuen Mum？匯萃桂花烏龍、檸檬及桃，果味清香撲鼻。茶韻芬明，蜜香淡雅，脫俗馥郁。更以gin為主軸，順滑易入口。▫️美國封門牛柳牛柳呈現方式非常精緻，份量也足夠。烹調得恰到好處，一咬柔軟多汁，肉質緻密，鮮嫩得來帶點嚼勁。▫️法國焗田螺 香草蒜香牛油這法國菜的經典超令人意外！田螺比一般的更大，口感彈牙有咬口。在底的薯蓉滲出香草牛油香，嚐到滿滿的優雅法式風情。▫️意式茄醬燴波菜扁意粉 伴扒老虎大蝦老虎大蝦鮮嫩彈牙，蝦味濃郁，口感厚實富彈性，散發誘人的海鮮香。扁意粉別具彈性，配上意式茄醬，十分掛汁。▫️檸檬蛋白撻酸酸甜甜的檸檬內餡是甜品的靈魂，晶瑩剔透。撻皮充滿牛油香，平衡檸檬酸味。滑滑的忌廉蛋白霜，空氣感超治癒。…查看更多

《蕾》座落旺角白布街的隱世小巷，惟不阻餐廳的熱鬧人流和氣氛。這一間特色清酒酒吧超貼心🍶坊間一般清酒都是原枝計算，而這裏卻沒有此硬性規則，可以單點一杯，試上不同種類的清酒🫶▫️熟酒醬油漬鮑魚鮑魚質地有咬口，爽口彈牙，吃起來十分新鮮，是很好的開胃菜。▫️厚切白膳重點推介！炭燒白膳火候控制得恰到好處，微微焦香超有特色。外脆內軟，咬起來一點也不乾，反而是白膳的軟腍多汁，必食。▫️牛舌牛舌超厚切，每口都是濃郁的牛味，沾上鹽更提升味道層次。▫️蕾・釜飯日本傳統鍋飯，上碟時熱燙燙，就如置身温暖的日本家庭中。鋪滿清甜小菇，加入蛋黃攪拌米飯進食，細韻留在舌尖。▫️雞腸包紫蘇蝦蝦超厚身，蝦肉脆彈，啖啖散發紫蘇香。脆脆的雞腸包覆著，鮮甜又香酥。▫️塩燒手羽只要鹽就將雞肉的鮮味突顯出來，輕輕烤出酥脆的雞皮，雞肉鮮嫩，是絕佳佐酒小食。▫️提燈餐廳限定菜式。這是母雞的輸卵管，可見其珍稀度。吃起來口感像豬膶，加上秘製醬汁超惹味。▫️豚肉生菜卷第一眼看到卷物已經洞察到廚師的手藝十分用心，豚肉脆薄，中間捲着淡淡的生菜，散發豚肉微香同時平衡油膩度。…查看更多

彌敦左岸位於尖沙咀酒吧旺點，分上下兩層。特設live music，個vibe超正勁relax，歌喉好嘅你仲可以大展音樂才華。食物供應至凌晨一點！岩晒飲酒睇波，氣氛超熱鬧🔥玩到幾夜都唔怕😍▫️Caviar Beef Tartare Mini Cones $198必叫！以一排「甜筒」呈現，方式有創意有心思，打卡一流每個筒精緻，材料份量剛好。最頂有魚子醬點綴，圓潤分明，提升牛肉鮮味層次。牛肉他他調味精彩，濃郁肉味，食完一啖又一啖。▫️Tiger Prawn Spaghetti $228虎蝦好大隻，廚師貼心地剝咗殼，唔會食得好失禮。意粉應該係aglio olio做法，以蒜蓉同欖欖油煮意粉，味道香油撲鼻，帶微微辣勁，簡單俐落卻美味。▫️Ariana $88味道清新豐富，好fruity😍採用台灣嘅鳳梨烏龍茶，更注入微酸嘅柑橘果蓉，同飲品嘅名一樣咁有熱帶風情味。更巧妙配搭薑汁汽水，令口感更crispy。香茅葉上飾以芒果爆珠，創意力滿分飲落超過癮💕▫️Lime Soda $48青檸梳打碳酸感滿滿，甜酸味平衡。…查看更多