bellyghost的个人专页

每次經過熟食中心都會諗起網上推介海悠嘅炸子雞好好食～今次嚟到炸子雞賣晒所以叫咗其他小炒試吓😋估唔到都有驚喜！⭐️芝心咕嚕肉一開始上菜見到佢顏色咁紅其實有啲不安🤣咕嚕肉外皮酥脆又好薄 咬落有空氣感🫨醬汁亦都酸甜開胃～然後入面包裹住芝士醬🧀非常邪惡但唔會膩！味道融合得超級好😋非常推薦！💓⭐️桂花蟹肉炒粉絲桂花蟹肉嘅存在感唔高😵‍💫不過味道有啲似pad thai其實幾好食🤣而且炒粉絲嘅份量好多～$58 CP值非常高！想飽肚都不失為一個好選擇～…查看更多

即興嚟食呢間cafe！坐低無幾耐就已經爆場 建議大家可以book定位先就唔怕摸門釘～⭐️日式明太子紫菜大蝦意粉意粉好creamy～而且大蝦數量都唔少！同普通明太子意粉唔同嘅係佢有少少好似沙律醬嘅甜味～好好食！😋⭐️自家製千島醬慢煮雞胸肉Pizza雞肉好大嚿而且滑嫩～千島醬味十分濃郁好邪惡！😈不過都因為咁所以味道比較單一🤔如果要食最好帶多幾個朋友一齊share！⭐️芒果竹炭糯米窩夫配椰子雪糕椰子雪糕非常椰～夾埋熱嘅窩夫超級好食！窩夫內有煙韌嘅糯米口感好好🥹再加埋椰漿一流！非常推薦💓…查看更多

喺觀塘想食印度咖喱見到呢一間餐廳！選擇都幾多而且都有啲特色小食可以揀～入到去係用qr code落單嘅～社恐人必備！🤣⭐️奶油咖喱雞配奶油烤餅奶油咖哩香氣四溢🤤雖然奶味唔算好濃郁但食落好溫和舒服～雞件入味數量都多！奶油烤餅就正常不過不失～雖然睇落好似唔多但食落都幾飽肚😋咁樣先$68 cp值好高💓…查看更多

最近喺觀塘駱駝漆周圍行嘅時候見到呢間賣手工撻嘅鋪頭！入到去見到有非常多款式～第一次嚟到就想試吓最classic嘅焦糖燉蛋布丁撻😋不過老闆娘就推薦我食限定嘅鐵觀音口味所以就買咗一個試🥰店舖有提供紙兜同膠叉～想立食都無問題！⭐️鐵觀音布丁撻一攞到手就發現個撻非常墜手😮撻皮感覺係曲奇皮～香脆而且都幾厚 啱晒我呢啲鍾意食撻皮嘅人🥹💓內餡非常creamy而且鐵觀音味香濃！食完想即刻返轉頭再買多件🤤…查看更多

成日出街食飯 有時都想食啲健康野～呢間餐廳就有低糖低碳嘅選擇！⭐️意式牛助條配蕃茄洋蔥湯翠玉瓜麵翠玉瓜麵取代普通麵條可以食少啲碳水同補充纖維～蕃茄洋蔥湯就比較清淡不過都幾好食！而且牛助條都大條又入味😋嚟過幾次食都覺得呢個係最好食同飽肚嘅combo！除咗呢啲低碳選擇之外都有其他正常品項可以揀～而且都有唔少好吸引嘅甜品🍰有啲甚至係進行生酮飲食嘅人都可以食！店內仲有一間玻璃貓貓房～食飯嘅時候可以睇吓貓貓非常治癒💓🐱…查看更多