calvinwhkwan's Profile

天色矇矓，心情鬱悶的上班途中。看到了招牌貼上紅紙的咖啡店剛開門可能因為將會轉換新工作的關係不如就試一下它的咖啡吧！店內裝修簡潔反而俾人舒適嘅感覺餐牌亦都簡單清晣 一目了然點了一杯flat white 咖啡師會問你想要fruity 定nutty 亮眼的在餐牌上看到有一款叫applecino原來係espresso 加上蘋果汁感覺個配合會好清新，下次一定要試試！牛奶同espresso 比例剛好喝下去絲滑順暢，口感都好豐富香醇！還有些時間就坐在bar枱同咖啡師吹水期間見到別人點的croissant 也忍不住叫了一個外賣咖啡師講原來啲牛角包係每天新鮮焗製而不是翻熱的依啲係佢地對出品質量的堅持回到公司個牛角包仲係好酥脆架！希望下次試下它們的lunch combo 同埋bagel 走出去看看世界 試一下新事物或者會有些新體會就好像不知不覺地在你心裡埋下了種子在將來會默默成長。…Read More

呢排天氣熱無咩胃口，於是放棄左拉麵同上海餐廳，轉投米線既懷抱。店門海報大大隻「好食到連湯都飲埋」，就等我試下係咪真係咁正啦！😈劃好餐牌之後，好快就上碟。我嗌既係「高汁乒乓牛筋丸米線」，揀左原味白湯。第一眼望落好似好清淡，第一下反應係:會唔會無味嫁？膽粗粗試啖先......又幾好味喎！😋食落並唔係外表咁清淡，反而好似飲湯咁，唔係一般用嚟配麵食既陪襯，相當出色！招牌果然零舍不同☝🏻咬落好彈牙，肉汁超豐富，真係有一粒粒牛筋喺裏面，口感幾正！飲品揀左檸檬薏米水，飲落微酸夠清新，薏米都好足料，消暑清熱一流呀！😍…Read More

一件卷蛋價錢約20多元比起連鎖餅店貴一倍而體積細三分一雖然如此看見一件件卷蛋整齊排著實在吸引 忍不住選了宇治綠茶卷蛋($23) 及 士多啤梨卷蛋($26)宇治綠茶卷蛋: 茶味濃，cream更帶有一點綠茶特有的澀; 可惜蓋過了蛋香士多啤梨卷蛋: 被卷蛋內有大粒士多啤梨吸引而選這件的...卷蛋鬆軟，有蛋香，士多啤梨微酸，cream不會過甜，很好的配合!!卷蛋質素不錯，不過價錢真的偏貴但間中買件卷蛋獎勵自己也不過份吧…Read More

尋晚放工等埋另一半係葵芳行街，食左D小食醫肚，剛剛經過Ant One，見到門口排長龍，原來有$58任食甜品 (9:00pm-11:00pm)! 記得之前有雜誌介紹過，所以決定一試~我地約8:45pm左右開始排隊，差唔多9點拎到飛就好快安排入座 (任食甜品既人數係有quota的，如果有興趣就要預番時間早d排隊)一坐低每人有杯指定飲品，顏色似利賓納，有d雜果粒，但味道過甜同埋怪怪地有唔少甜品可以選擇，原價都要$20-$30，雖然都知只係$58，唔會抱有太大睇期望，但食完真係好失望，感覺好似食「明將」任食壽司咁…1.Apple crumble: 差不多成杯都只係蘋果粒，超少crumble…2.綠茶焦糖燉蛋: 只係綠茶布丁 + 幾粒糖係面3.炸芝麻湯圓：一團粉 (芝麻餡好乾)4.心太軟：一叉開件心太軟，係完全實心既…初時以為可能係我地個件焗耐左，但附近客人食既都係一樣，全無「流心」既情況…5.凍香芒梳乎厘: 只係3件好冰既淡芒果味雪芭6.玉桂糖炸香蕉: 賣相似fish and chips，炸槳很厚…而且“林身” 至於香蕉班戟、紐約芝士餅、濃情朱古力餅既味道都可以接受，不過唔可以講得上係好味…Ant One既服務態度算唔錯，環境都舒適! 雖然$58 (再要加一)呢個價錢可以食到咁多款甜品，不過甜品質素真係好麻麻，賣相同menu既相都有段距離，無一樣甜品我地係想再encore! 而且落左order既甜品成日都漏左單，要keep住追…仲有有d甜品去到中途已經話賣曬....本來諗住食多D甜品會令心情好D, 不過換黎既只有失望! …Read More

每天也有機會面對「食咩好呢」既難題在灣仔接了另一半放工後兩個人又在想呀想行行下經過「慶吉家」看見menu也好像不錯就踏進這間小店店內只有數張台環境算整潔店員帶著笑容招呼我們我們點了牛肉飯及咖喱吉列豬扒飯牛肉飯: 牛肉的份量多得很，鋪滿了厚厚的一層醬汁惹味，牛肉入味，加上芝麻及洋蔥，送飯一流 比起那些連鎖店的牛肉飯好食得多!!咖喱吉列豬扒飯: 豬扒大大塊，難得的是咬下去仍有肉汁，而咖喱汁香而不辣，配上較粘身的日本米!! 蠻開胃!飯配飲品而7點前埋單價錢更會便宜點經濟之選!!這裡還有電視店員服務也很好~希望有機會能發掘更多高質素的小店跟大家分享啦!…Read More

約了好友來試人氣高企的烏冬!由於是假日的關係，特地早一點來! 所以不用等就有位了~室內環境較暗，而且坐得幾迫的!我選了黑芝麻豬扒烏冬烏冬以石鍋上，熱辣辣的! 烏冬比平常的偏身，不林身，有口感!再呷口奶白色的豬骨湯，濃郁而且沒有太重味精味!good!等了很耐黑芝麻豬扒才送到...黑芝麻外層香口豬扒不油膩不過炸得太乾身，未能保留肉汁...朋友選的豚肉烏冬好像也很不錯~由於很多人等候，所以食完也不好意思坐太耐...下次要同寶再來!…Read More

由於另一半想吃高力豆沙於是決定到翡翠拉麵小籠包小籠包: 味道不過不失，但外皮較硬擔擔麵: 湯底濃厚，麵爽口高力豆沙: 十分失望 入口已是涼的，已且太厚身，直至食了一大半才見到丁點豆沙!只可說這裡的高力豆沙很「飽肚」...下次還是試試其他菜式好了...…Read More

寶來灣仔陪我食lunch :]天氣酷熱附近茶餐廳又多人, 有排等本來諗住簡單d食粥或者食碗粉就算不過寶就話帶我試龍門大酒樓其實同事講過不太推薦其他人去試的…所以初時我有點抗拒不過既然寶之前試過認為無問題那就去吧!!雖然這裡的裝修簡單，什至可以說是殘舊不過至少感覺不是很污糟仲有大大部古老既收銀機放係度好有歷史氣色!這裡午市都幾多人!要上到3樓先有位午市套餐$29送糖水至於燒味飯$35左右看見隔離台叫既套餐份量都幾多不過我地無叫到因為都係點心吸引d!這裡是要自己出去選+拿點心的說真的好耐無試過這樣既形式飲茶了!平時都是剔點心紙現在可以自己睇arm選arm先拎好玩d =D大中小點全部$11我們拿了: 叉燒餐包 --- 好好味! 餐包同餡料比例剛剛好~面層塗了簿簿的蜜糖，外層脆，餐包鬆軟! 叉燒餡足而且惹味! 如果餐包係熱辣辣就仲正!山竹牛肉 --- 大大粒，有牛肉味! 腊味卷 --- 第一次食! 餡多而且濃味~ 配埋鬆軟既包真係唔錯! 飽肚之選!鳳爪排骨飯 (頂點 $32 ---煲仔飯size) --- 真係好大份..米粒分明, 排骨入味, 可惜得幾舊..唔夠送飯 =P 寶想食糯米包~ 不過無呢!唯有等下次啦!兩個人, 埋單總共約80幾~ (茶位每人$7; 再加一服務費!) 下次要同屋企人再來過!!…Read More

機場一日遊出發到機場客運大樓的「3D動畫之旅」之前先在東涌醫醫肚先!估唔到差唔多3點都仲有gum多人有唔少人係度hea/用下notebook/吹水等左陣先有位逛了一圈都幾多選擇價錢合理我地挑選了：牛肉撈檬 ($3x) - 牛肉同個汁都ok, 不過檬粉好碎, 好難夾; 有唔少辣椒粒, 阿寶幾次唔小心食中 =P叻沙 ($3x) – 有3隻中蝦同幾塊魚片, 寶覺得湯底唔夠香濃, 不過個面線不錯, 唔會過“林”下次有機會係度試下甜品先!…Read More

同表姐一家食飯!因為會帶埋bb恩既關係所以就提議去附近既Rose!一來唔係好多人, 二來同寶試過覺得唔錯~呢度有不少set dinner選擇跟餐加$20有沙律/湯, 多士同一件蛋糕我地一行5人再加bb叫了以下食物:今次是南瓜湯~ 飲得出是真材實料! 我幾鍾意淡淡既南瓜味!!多士 – 沒有什麼特別! 幾香脆紅酒鴨胸伴薯角 - 這裡改變了我對鴨胸的負面想法! 先是沒想到會有這麼大件鴨胸的，而且賣相討好! 還帶有濃濃的酒香! 鴨胸外脆內軟~ 記得要趁熱快食呀! 如果唔係d酒揮發曬，成碟野會變得好油!BBQ豬仔骨西蘭花配薯角 – 很一般。豬仔骨好細件而且乾，不過個source唔錯; 西蘭花凍冰冰的; 至於薯角太林了, 脆一點會好些; 驚喜的是這個set原來是連埋意粉的~雞肉意粉 – 不過不失~沒有什麼特別雙層芝士漢堡扒配飯 – 寶本來對它很有期望的…雖然芝士味濃但偏鹹，可惜漢堡扒一夾即散，亦不juicy…飯的份量又少…配菜冷冷的…海鮮意大利飯 – 我是意大利飯的fans!! 這個意大利飯的軟硬度也合心意，可惜的是意大利飯本身很淡，蕃茄source與飯未能「二合為一」! 幸好海鮮不俗, 挽回不少分數!!!飲品:大家也嘗試特飲 --- 沙冰 (/冰沙?), 餐本身連一杯飲品, 轉特飲加 $8!!1)綠茶沙冰: 得到讚賞~ 茶味濃!2)芝麻香蕉沙冰: 味道出奇地淡!! 於是問問那裡的哥哥, 他是這款飲品本身就是淡淡的…還提議幫我們再make過~ 不過算了~3)士多啤梨沙冰: 感覺很足料, 不過味道也是偏淡我叫了熱情果茶(熱) – 跟餐好似要加入$5/6~: 幾香~ 味道唔會覺得好假!蛋糕:叫了幾款不同既蛋糕最喜歡朱古力香蕉蛋糕 – 店主先微微丁熱件蛋糕~ 質感好似朱古力brownie!! 好rich! 不過size好似細左d…overall 都唔錯, service好好~ 店主/店員好好笑容同好有禮貌! 值得一試!…Read More

之前來過食tea! 很抵食的!今次同寶和可可來食lunch!好多選擇呀!又有set叫~計過價錢其實只係差少少所以都係散叫! 因為可以叫自己喜歡既菜~小籠包($2x) – 雖然皮較厚，不過餡做得不錯，有好多肉汁=P担担面($2x) – 担担面一上台已經聞到好香好香既花生醬味! 面條爽口，湯底微辣，但寶覺得配料略少!炸醬面($2x) – 這個炸醬面是敗筆…是個冷食的面! 面類似烏冬的, 粗且“林”，炸醬做得一般，很“杰”; 食到好滯…雪菜炒年糕($35) – 我本身是年糕愛好者，而這個炒年糕可以用「清」去形容!一來不油膩，二來味道真係略淡; 而且年糕煮得太“林身”，可惜可惜!砂鍋雲吞雞($7x) – 推薦的菜式!! 雲吞超碼有8隻，還有菜同半隻很入味既雞~ 湯清甜，喝多出沒有加太多味精~ 唔錯唔錯!另外老闆仲送我地一人一杯豆漿呢! 每人$60左右就食到飽飽 =] …Read More

係中環等阿寶放工...個肚咕咕聲, 即刻諗起ABC就買個合桃酥($4)頂住先!!阿姐話買3個($10)抵D...不過我第一次食, 都係試左一個先好D ...即買即食: 真係好好味!!好鬆脆!!!! 唔似其他合桃酥gum實身又dry; 而且又有合桃香 =] 好快食曬lu!!之後又忍唔住行番轉頭買多3個同家人分享(放左一晚既合桃酥依然係gum鬆脆呀!!!)…Read More

我同寶同區番工呀 =] lunch一於食大家都好想試既九記!係就係坐得迫少少,不過一去到就有位已經好好了!我地點了:清湯腩河($26) - 牛腩有牛味而且腍,不過比較瘦..!至於湯底則清甜, 不錯!咖哩筋腩河($26) - 咖哩幾香, 寶覺得不算辣，不過怕辣的我已經不停流鼻水 牛筋腍且入味~河粉滑不過份量好像少了點呢...這裡是值得encore的, 但我還是較喜歡華姐的腩河呢...…Read More

記得前年年尾想來試這裡既自助餐，才發現已經取消供應自助餐了…想不到最近又發現「它」的蹤影!!寶急不及待的帶我去~$130 位, 不另收加一分兩場 (6:30-8:00 ; 8:30-10:00)不設訂位, 但可以預早一點去拎籌(要$100 deposit, 之後俾錢時會退番)食自助餐會有另一張menu, 主要係無左熱狗同三文治但仍然有好多款意粉、兩款pizza、兩款沙律、飲品同湯選擇當然仲有蛋糕啦總括下我們「進攻」的食物:意粉: 偏向硬身、「有趙口」，同好多汁1) 番茄seafood意粉 – 少少spicy, 幾閞胃2) 白汁野菌意粉 – 唔錯! 最喜歡這款簡簡單單的意粉!嘗試問staff意粉可唔可以少份量d，一起貪新鮮想試多d，二來不想浪費! 不過staff話set好曬份量! 但叫飲品既時候可以要求細杯D~飯: 番茄野菜意大利飯 – 雖然個汁酸酸的，不過個飯好「滯」pizza: Parma Ham pizza薄批~ 有好多芝士, Parma Ham都唔少!!熱辣辣的, 好食!cake: 可以去蛋糕櫥窗都選擇！這裡的cake較一般的大件，如果你食剩好多，侍應會唔幫你收起個碟cake的~ mango cheesecake – mango太熟、cheesecake較硬身而且芝士味不太濃栗子蛋糕 – sponge cake夾著兩層栗子碎cream， 阿寶幾鍾意~綠茶蛋糕 – 輕盈之選， sponge cake夾著紅豆粒cream，外層是綠茶cream!幾fresh!chocolate mousse cake – 好甜好漏…mixed berries tart – 最喜歡個tart底!apple tart – 很失望呢…tart好硬、蘋果粒少而且唔甜士多啤梨芒果夾心餅 – 沒什麼特別朱古力榛子芝士蛋糕 – 驚喜之作! 朱古力味濃得來不會太甜，而且有榛子碎~ 成件cake唔會太heavy! 不過寶說覺得以前既Italian Tomato既cake好食d我就覺得差唔多staff服務不錯, 落完order食物好快就黎~如果喜歡食cake的都值得來食!!…Read More

陪寶讀書所以寶特登買左我好耐無飲食既麥樂雞俾我 有幾款新既醬不過有d已經無曬lu!!最後要左隻蜜糖芥末醬同麥樂雞都幾夾!!不過如果可以一次過試唔同款既醬就好了~…Read More