鄧王仔的个人专页

趁著天氣開始涼涼地，計劃左今日假期去元朗南生圍行下，玩下風箏。但玩之前就先去同區的一間流水蝦放題餐廳填飽個肚先。聽就聽得多，但就真係第一次食。對於駕車人士黎講，地點都算方便，附近有停車場或路邊咪錶位可供選擇，雖則是位處小巷內且在地庫，但亦不算難找。餐廳地方都尚算闊落，每張枱旁邊都附設一個‘私人’的蝦缸 ，全部大頭蝦都新鮮兼大隻多膏，因為真係十分生猛，所以夾左上黎之後都要放係冰桶內幾十秒先可以將佢冰暈。除左主打既蝦之外，亦都有幾款其他海鮮、肉類、蔬菜。枱面上有幾款調味料可以自行調味。係燒緊野食既同時，可以食住熟食先。佢個炆伊麵味道都唔錯。特別想講下個魚皮凍盤，第一次咁樣食魚皮，個口感有d似海蜇口咁爽彈，唔錯！飲品方面都有十分之多選擇，最估唔到佢有啤酒任飲，飲多幾杯都足以回本🤭 可惜我要揸車 所以就冇得飲啦。兩個半鐘都好夠時間食，食完正餐仲可以食埋甜品直落，有雪糕雪條同蛋糕仔，可謂大滿足，所以整體性價比都唔錯。…查看更多

自從疫情後，都很少外出用餐。今天放工後，懷着興奮的心情與友人相約到這間西餐廳吃飯。選這間餐廳的原因是因為它在旺角，是大家的中心點。想不到食物也不錯喔。西班牙風乾火腿薄餅薄餅採用了博批，焗得夠脆口。香濃的芝士配以西班牙風乾火腿，味道夠晒有層次。澳洲殼飼西冷西冷大大塊，夠看頭。每次吃西冷最喜歡那條肥膏邊，肥膏配以牛扒入口，淡淡牛油香。由於牛味香濃，配以燒汁已十分足夠。蒜蓉多士配蕃茄沙沙+三文魚忌廉湯蕃茄沙沙味道清新，同蒜蓉多士好夾。用來沾湯食一流！鵝肝多士好有驚喜，鵝肝夠熱，油香在口裏爆發。多士脆卜卜的，冇得輸！飲品方面點了fruit punch和yellow circle。Fruit punch就不多解釋了，yellow circle就即是mango smoothies。 個人比較喜歡fruit punch。店內還有很多其他選擇，大家可以試試喔。整體來說，這餐廳的食物也不錯。我閒日來晚餐店裏亦滿座。不得不讚一下店員姐姐，全晚只看見她一個在鋪面忙，但也保持應有的服務態度，面帶笑容。…查看更多

早已聽過校長燒肉嘅大名，聽講話性價比高，最適合一家大細聚餐。我星期五晚去到果然人頭湧湧！一到門口已經被佢嘅巨大機械人震懾，登記櫃位後面亦都有好多公仔。因為我有訂位，所以好快已被安排入座。強烈建議一定要預早訂位否則Walk in的話會等好耐。我哋雖然得兩個人，亦被安排到六人卡座用餐， 十分寬躺。枱面有兩個烤肉爐，加一個打邊爐用的電池爐。呢度除咗可以打邊爐、烤肉、仲有刺身、點心、熟食、同種類繁多嘅甜品。不得不提仲有酒精飲品，例如梅酒、Hoegarden等等。但當然要滿18歲先飲得啦哈哈！另外，仲有女士們最喜歡嘅花茶，可以自己mix and match。食物區分為亞洲區、歐洲區和日本區等等。亞洲區就有不同款式嘅烤肉、打邊爐食材等等。例如牛小排、牛柳粒、雞翼、多春魚、雞腎、羊架、金沙骨，不能盡錄。個人覺得雞翼腌得好好味！食肉食到有點膩，還可以打邊爐淥啲菜嚟中和下。打邊爐嘅湯底都唔馬虎，有三款湯底選擇。有日式豬骨湯、壽喜燒湯和韓風辣湯。至於熟食方面，個人特別鍾意豉汁蒸魚雲、辣酒煮花螺同埋老火湯。日本區域當然有壽司和刺身啦！我就食咗好多三文魚同油甘魚啦，抵返晒！最後，梗係要食返個甜品作總結啦！望住咁多甜品，肚子空間又剩返唔多，真係有選擇困難症啊！經過一番糾結，我就揀咗大阪牛乳伯爵茶味雪糕，雖然唔係made in Japan，但味道都不過不失啦！總括來講，校長燒肉真係好適合一大班人去食。…查看更多

疫情期間困左咁耐,我決定要去食餐好嘅! 眼見小白鷺裝修左幾年,而家終於開返一部份做西餐喇! 仲改左名做Billow,門面同內部都裝修得好靚好chill~  油甘魚。他他 。明太子醬。 脆脆眾多刺身入面, 油甘魚一向係我最愛,因為佢嘅油香比起好多刺身都突出!Starter緊係要揀佢啦 !油甘魚切左粒, 但係份量一啲都唔小。一般嘅他他都係撈沙律醬,今次食呢個他他係撈明太子醬,物超所值。聽講呢度嘅大廚每道菜都係自己設計,而且每一款食材都會親身試過, 過到佢嗰關先會俾客食,令到我好有期望呀~ 確實,個starter睇得又食得,仲食得出油甘魚好甜好新鮮!海膽。 蟹肉。 三文魚籽。 意大利麵擺盤好用心好精美, 海膽勁鮮甜,應該係加拿大海膽黎~意大利麵口感al dente,雖然看似份量唔多,但都幾飽肚。日本A5屠夫和牛拼盤(500g)一聽到日本和牛就心心眼!平時去日本食和牛,閒閒地都成千蚊個人頭。今次叫左呢個和牛拼盤兩個人share,份量竟然多到食唔唒! 廚師依據唔同嘅部位將和牛分成五行排列,另配有唔同醬汁任君選擇~有圖有真相!每片和牛都係粉紅色,脂肪比例平均~入口後, 牛油香喺個口度爆出黎,久久不散去! 拼盤亦配有一碗蔬菜(車厘茄,露荀等等),可以中和一下肥膩感。纽西蘭羊架。無花果。羊奶芝士。琥珀合桃沙律好喜歡呢度嘅菜色設計, 羊架會配啲無花果, 沙律等等,另到成道菜式更加豐富,更有層次。羊架啲肉好嫰,一啲都唔”蘇”~ 無花果好新鮮,又甜又juicy。Goat Cheese配埋沙律菜都好fresh, 食得好開心呀~Dessert Platter我地原本都冇諗住叫甜品架, 點知見到隔離枱個Dessert Platter好吸引…所以忍唔住嗌左..好彩有嗌到,因為真係好特別,好有水準! 本人最鍾意個Tiramisu, Orange Jelly, Churro 同嗰舊貌似雲吞,入面係青蘋果嘅野(sorry,真係唔知咩名堂)~仲有好足料嘅桂花糕!Er…好似差唔多數哂出黎..講真,全部都好好味!我好奇一問之下,發現原來甜品師傅之前係跟半島個甜品師傅學整甜品架,唔怪得咁高質啦~總括黎講,好多餐廳都係正餐好食,甜品唔好食。但係Billow無論正餐定甜品都好好食~而且環境仲好靚。所以,已經成為我心目中嘅favorite restaurant喇~好期待水上單車同其他部份嘅開放呢!…查看更多

呢間廚十三老壇酸菜魚薄有名氣，有幾位朋友都話黎食過，其中有內地朋友對此讚不絕口，今日一試，絕對有驚喜，拍得住內地嘅水準。餐廳環境唔錯，裝潢新幾淨，光鮮明亮，座位亦夠寬敞，位與位之間有足夠空間，絕對唔會有果種枱貼枱嘅焗束感覺。餐牌某一啲菜式改左較奇特嘅名稱，不開心的黑木耳 ($58) & 刀拍前男友 (手拍青瓜) ($58):辣度可自由選配， 前者酸酸辣辣，清爽開胃；後者爽甜多汁，味道香麻，食少少開胃前菜都唔錯。酥炸無臉男 ($88): 其實即係炸豬肉，呢個名我都唔太明白，豬肉條有一層薄薄嘅炸粉，幾香酥，但要加埋左邊嘅辣椒粉先至更加辛香惹味。正經的雞被撕 ($108): 其實即係麻辣手撕雞，辣醬除左加左大量花椒，幾辛麻之外，仲加左了麻油，多左一份麻油香，手撕雞幾香滑入味，唔錯。招牌老壇酸菜魚 ($478/大份): 另外可加唔同配菜，例如金針菇、豆腐、土豆片、青荀片、豆卜、寬粉、米線等等，每款$28元。湯底加左大量酸菜、花椒、泡椒，中辣嘅辣度相對溫和，唔算辣，重口味之人建議揀選大辣，湯底幾香口惹味，酸菜味道突出。大部份魚片都係魚腩位置，除左啖啖肉之外，仲非常少骨，食起上黎好方便。魚肉非常鮮甜，極度幼滑，而且酸辣味道均滲入魚肉，相當惹味，非常值得一試!!!紅糖冰粉 ($28): 超級Ｑ彈爽滑嘅冰粉加上香甜紅糖，再加埋唔同水果粒，除左好食，仲有解辣之用，所以好多食水煮魚/ 酸菜魚嘅地方都有架。…查看更多

鐵板牛扒食得多，1成上枱再自己切開煎嘅都係第一次，有gimmick!我地二人行叫左兩個餐，價錢相宜。上腰西冷肉質juicy軟熟，牛味較濃。小牛柳都juicy,牛味比較温和，但因為我食得唔夠快，食到尾段肉質開始韌。醬汁方面，我地各自揀左紅酒牛尾汁同阿根廷青醬，兩款汁各有各特式。套餐仲有5選3小食，我地每樣都有試下。個人最欣賞係炸薯條，因為每一條都炸得好脆，又夠熱，好食到停唔到口!另外，沙律嘅食材好新鮮爽甜，可以減低食牛嘅油膩感。總括而言，食物質素真係唔錯，有機會都會再黎。…查看更多

一進大門已經嗅到陣陣麻辣香，味蕾十分享受，只可惜今天我和我的partner狀態都是一般，所以就沒有吃辣了。唯有等待下次吧!一位貌似老闆娘的女士十分熱情地介紹佢餐廳的特式，又說是在內地自設農場，大部份食材，包括豬，牛，雞，蔬果等等都係自家有機飼養及種植。好，我們定必細心品嚐。先來餐前小食-醃蘿蔔，酸酸辣辣十分醒胃的。清炒萵荀-爽脆清甜，吃得出十分新鮮，調味亦恰到好處，幾乎是每次都必點的食物。豉椒炒鵝腸- 色香味俱全，很有獲氣，鵝腸沒有異味，連伴襯的青 椒我都吃清光，很鮮甜。薑蔥魚春魚卜煲- 魚春和魚卜吸滿濃郁的薑蔥味，實在叫人胃口大開，底下的有機青瓜亦很鮮甜 。西瓜鮮奶-新鮮的西瓜和鮮牛奶的配搭永遠都是絕配，眾多的水果配搭中我最喜歡就是這個，口感適中不會太膩。高力豆沙- 這個絕對是五星推介的甜點，蛋白很香且口感幼滑，豆沙不會太甜。這個一定是我人生吃過的No.1高力豆沙!以這個價錢吃到一頓這樣高質(有機食材)的晚飯，絕對是高性價比。…查看更多

去完附近朋友屋企Gathering,就係樓下左右睇下有咩好食啦,其實呢幾條街都出名多野食,朋友見到話不如食呢間啦,見個門面幾吸引又夠光猛,結果等了十分鐘左右就可以入座了.店仔細細,其實都算多選擇,由於我地只係兩個人,所以都唔叫得太多野食.今次就試住咁多先.麻辣湯牛筋腩麵 $65湯頭充滿麻香味,辣度十足,略嫌有點掩蓋原有的牛肉味道,牛腩及牛筋都幾入味,口感軟淋,麵條亦都彈牙滷肉鹽酥雞飯$ 49飯的份量對一個女仔黎講算係十分足夠,魯肉和雞都係有肉汁,不會太乾,反而滷蛋就乾左少少及偏硬,整體上性價比還是可以的.木魚炸豆腐(小) $23豆腐外皮包著木魚一齊炸,十分惹味及香口,而內裡仍然保持著豆腐的嫩滑感.再配上甜酸汁一齊食,味道十分有驚喜.酥炸花枝丸$26熱辣辣,脆卜卜,幾有口感.小麥胚芽奶茶我個人一向比較鐘意飲台式奶茶的味道,再配以胚芽,飲落口感十分豐富.今餐食到好飽好滿足呀!…查看更多

我地book左7pm，入到去已經坐滿人，閒日都咁多人，相信呢個就係日式火鍋嘅威力。頂頂大名嘅但馬屋由日本黎到香港咁耐我都未試過。事實上，係好耐冇食過日式火鍋放題至啱!但今次嘅湯底有啲唔同，因為係冬陰功。我地叫左“北海道夢之大地豚放題“，可以任食北海道夢之大地豚肉、澳洲產長期殼飼牛、嚴選牛肉、丹麥皇冠豚肉。店員送來泰國蔬菜盤，將蔬菜放入火鍋湯底更添美味。另外，店員亦建議我飲香茅蜜糖茶，潤喉得黎十分有泰味。我地二人食左兩碟豬兩碟牛。豬肉薄切嫩口，牛肉的牛味香濃，一食就知高質，係日式放題先食到嘅質素。另外，出面仲有雞件，烏冬、面、各款蔬菜，獎料區等。仲有haagen daz雪糕任食。總括黎講，呢餐都算幾抵食。每人$300都唔洗就食到高質日式放題，正!…查看更多

上次食完隨變雞煲一直念念不忘。今晚終於有機會再食喇!上次黎係冬天，天一早黑唒所以看到美美的夜景。今次係夏天，晚飯時間天還亮，可以清楚見到維港，心矌神宜。今次叫了一個微辣嘅雞煲，以花椒、辣椒、洋蔥、大蔥等香料熬製，香辣兼備。雞件又滑又彈牙，仲有香甜嘅紫洋蔥。薯粉索唒湯底，口感煙軔，十分美味。食完雞後就加入火鍋湯料，點了蟹柳、蟹粉流沙丸，黑柏葉，生菜和桂花蚌。蟹柳又滑又嫩，蟹粉流沙丸一咬開蟹粉就不斷湧出。黑柏葉又爽又掛湯，仲有我最鍾意嘅桂花蚌，口感層次好豐富。另外，吧枱也可供食雞煲、食串燒及飲生啤。我今次雖然唔係坐吧枱，但都點左兩份串燒-內蒙羊肉串和燒雞軟骨(微辣)。隨變唔只係雞煲嘅expert,串燒都十分有水準，食得出每一串都係用心燒出來。希望好快再有機會黎打邊爐!…查看更多

今天來了個將軍澳南區遊，最近將南沿海新建了不少高級住宅，我們亦湊熱鬧，到海邊長廊逛逛。恰巧看見這間充滿日本風味的居酒屋，餐牌上食物選擇多，內部裝潢精緻，十分吸引。我們被安排坐在榻榻米獨立房間內，十分舒適。香酥雞軟骨開胃小食，新鮮炸起，每一粒都炸至金黃色，味度十分開口。炸生蠔有6隻炸生蠔，每隻都大大隻，食落外脆內軟，生蠔鮮甜。日本蕃薯日本蕃薯燒得又香又甜，只有4塊，不會太膩，可連皮食。雞皮串雞皮串十分有水準，每一口都脆卜卜，口腔被雞油香佔據著。蘋果梳打蘋果味新鮮自然，因為係sparkling所以亦好解渴，用黎配串燒一流!三文魚/帆立貝/油甘魚壽司壽司做得十分出色。吃得出魚生片新鮮柔軟，十分鮮甜，刺身和壽司飯的比例剛剛好。壽司飯是餐廳特製的，香軟有囗感!芝士意大利面整團意大利麵放上大芝士上攪拌，令每一條麵條都掛上芝士，而麵條亦煙煙韌韌，十分有口感，奶油味濃但又不太膩，剛好取得個平衡，十分有驚喜。這家居酒屋性價比高，員工態度亦良好，最重要是給予食客一個寧靜美好嘅環境用餐，讚!…查看更多

今日放工出旺角買鞋，行過朗豪坊見到呢間門面吸引嘅新派韓式餐廳，反正都要揾食就試下佢啦。呢間餐廳最大嘅優點就係無煙燒烤，所有燒肉出黎嘅煙都會立刻被爐邊的氣孔抽走，所以絕對唔洗擔心成身油煙味。鋪內環境寬闊光猛，服務員都係後生仔女，十分有活力。牛牛板牛牛板包括厚切牛舌，安格斯西冷，黑牛牛板腱，特級牛小排，嚴選一口牛，嚴選牛後腹以及特別唔同色嘅韓式牛肋條。牛肉整體質素不錯，每塊都好濃牛油香並且肉質鮮嫩。如散叫兩款牛都$200，所以這一整板絕對抵食!海鮮大醬湯用石頭鍋盛載嘅海鮮大醬湯氣勢十足，一上枱滾過不停，第一啖務必要小心辣腫嘴! 個人真係好鍾意韓式嘅辣湯，既美味又醒胃。海鮮湯內有蜆有蝦有豆腐，同個湯好夾。韓式水冷麵燒烤咁油膩，最啱就係食碗凍冰冰，酸咪咪嘅水冷麵refresh下。很喜愛水冷麵嘅麵質，彈牙有口感。脆香芝士炸雞明明喺小食類，但份量一啲都唔小!炸雞原本已有芝士覆蓋，但額外仲會配送芝士醬，鍾意芝士嘅人真係大飽口福。就算食唒雞都要剷起pan底啲芝士黎食呀!Coco(椰青水，西瓜，青檸，蜜糖)用實驗室容器盛載的鮮果汁，清潤解渴又消暑，原本擔心加入青檸會酸，但飲落完全冇酸味，十分推薦!整體來說，整間餐廳的食品，環境，清潔和服務都合格有餘，三五知己一齊黎呢度燒下燒下都幾開心架。…查看更多

今日同屋企人入左西貢行下海傍，行行下見到有得BBQ，見個view幾靚又唔係好貴就入左去試下。值得一提係佢不限時任食，性價比好高！成個燒烤場都幾大，可以揀坐露天或者有蓋玻璃屋。玻璃屋可以搞埋婚禮，對出仲有個兒童設施俾小朋友玩添。我就揀左坐玻璃屋望住個海黎燒野食，都咪話唔寫意😆！食物款式都算幾多，有各種肉類、魚、蔬菜、丸、腸同埋蕃薯，食材同飲品都全日無限refill，仲有好多醬料俾你揀添！依個燒烤場有得燒埋海鮮，不過海鮮餐需要加錢3日前預訂，加錢仲會有人燒埋俾你食。總括而言，環境都幾乾淨同寬落，坐得幾舒服，仲可以望住個海景。BBQ食物唔錯，性價比高值得一試。…查看更多

上次同朋友仔打邊爐食到好好食嘅魚卜，跟住佢話小甜甜嘅魚春魚卜煲仲好食呀！我一向最鍾意食魚春架喇，咁啱今晚屋企冇飯食，一於同另一半去證實呢個傳說嘅真偽啦！油麻地站行3分鐘就到歐美廣場，滿江紅小甜甜喺UG。我地7pm前去到，入面已經有不小客人。雖然我們只得兩人，但卻霸佔了一張4人枱，很寬敞呢～薑蔥魚春拼魚卜一上枱已經香到不得了！薑蔥味好濃，魚春同魚卜都炆得好入味，用黎送飯一流。順帶一提，呢度嘅飯好大碗(食得太興奮唔記得影相)。另外，魚卜完全零腥味，因為廚師將魚卜切到勁細粒，完全被薑蔥汁攻陷。魚春就唔洗多講了，薑蔥炆魚春一向都係冇得輸。麻辣田雞煲因為我食辣唔太叻，所以嗌左小小辣。田雞都幾大隻，煮得好滑，麻香同辣香滲透肉嘅深層，連骨都”損”埋。除了田雞，煲內仲有青瓜，食食下濃味野可以清一清味蕾。小小辣啱啱好啱我餵口，一開始唔會太辣，之後愈煲愈辣，辣得好過癮！蒜茸炒萵荀絲蒜茸炒萵荀絲比我想像中濃味同大碟，我十分喜歡，因為清淡有益得黎又唔會冇味。整個小山丘的萵荀絲眨下眼就俾我地清唒。西瓜鮮奶西瓜鮮奶超級鮮甜，飲得出西瓜同牛奶都係好新鮮的！又解渴又解辣，正！高力豆沙高力豆沙十分有驚喜！蛋香十足，蛋白彈牙，甜度拿捏得啱啱好，最緊要係夠熱！小甜甜除左食物有水準外，員工態度都十分友好。食完呢餐之後，我已經將佢列入左頭10大最喜愛餐廳之一，以後會經常光顧。…查看更多

今日早左收工，突然好掛住日本嘅拉面同明太子。同事就同我講呢間拉麵店可以滿足哂我两個願望，我即刻心心眼，突然覺得同事好有用！！我地仲喺門人”裝下裝下”嘅時候，店員已經出來招待。白湯蜆松露鹽味拉麵+小明太子飯&可樂呢度嘅拉麵嘅size偏大，唔需要揀湯底嘅濃淡或者麵條嘅軟硬度。因為師傅會幫你調教最合適嘅組合。我呢碗嘅湯底比較creamy，有濃濃嘅松露味。麵條算是日本拉麵店的”硬”罷，個人很喜歡，因為我在日本也習慣選硬麵底，口感會較強。蜆肉又大隻又清甜，半熟蛋就軟綿綿，糖心的，友人一早就話要加隻半熟蛋係明智的！小明太子飯係我全晚嘅favourite。珍珠米上鋪上明太子，紫菜絲，溫泉蛋，蔥花，我二話不說，將佢狠狠地搞混，再一啖放入口。真係超香超好食！味道好有層次，首先係香香微辣嘅明太子味，然後就係香濃嘅新鮮蛋香，食到停唔到口。地獄湯拉麵+半熟蛋地獄湯拉麵不會太辣，味道意外地親民。有兩塊oversized日式叉燒，紫菜，木耳絲等。湯底都係比較creamy，拉麵偏硬。原本已經有一隻半熟蛋，我地額外再加左一隻。炸雞炸雞炸得外脆內軟，多汁，水準也不低。特別欣賞用來點雞嘅鹽同沙律醬，令到炸雞好惹味。只是略嫌雞件有點過大，切細D會易D入口。總括黎講，呢間拉麵店冇另我地失望，食物選擇比一般拉面店多元化。可能係因為我地太早到，又或者係地理位置方面，所以暫時未有太多客人。…查看更多