Lau Zah的個人專頁

雖然PMQ附近好多嘢食，但唔想排隊，一早係Openrice做定research，發現依間隱世小店自家製panini同homemade soup，個賣相真係好吸引💛。由嘈吵嘅環境入到去中西合璧嘅小店，感覺舒服又有特色。巴拿馬火腿芝士意式三文治，$98香草麵包係老闆自己親手烘焙，佢話入貨嗰啲太厚唔啱用。個麵包鬆脆香軟，厚度啱啱好，我一啖咬落去唔會跌曬入面啲材料👍。巴拿馬火腿好鮮嫩，份量足，配埋芝士、火箭菜同蕃茄唔會膩，感覺清爽鮮味。加$20有湯。因為得老闆一個，今日只供應意大利雜菜湯。落足料，有菠菜、薯仔、洋蔥、蕃茄等等，滿滿一碗，每匙都係切粒湯料，清甜有口感，咁好味唔飲曬都唔得。老闆學過茶藝，請我飲咗杯即場冲泡嘅茉莉花茶。難得嚟到梗係係咁舒服嘅環境歎埋佢😝。佢仲講咗茉莉花茶點樣整，原係用綠茶茶葉鋪底，面頭放初開嘅茉莉花，茉莉花會繼續開花，茶葉就吸曬啲精華，然後弄乾，重覆幾次依個工序先有茉莉花茶😱，真係唔知造茶葉原來咁高深同艱難。飲茶時真係要用心細味。我番到屋企講咗俾鍾意飲茶嘅家姐，佢話搵日一定要嚟依間小店歎下😄。依間店座位有限，所以大部分都係外賣客。我都要咗支有機蜜桃茶拎走，$26。老闆親手冲嘅茶就無得試啦，家姐話依支意大利有機蜜桃茶都唔錯，唔會太甜。個玻璃樽仲好靚話要留底喎。我同佢講嗰度仲有支意大利可樂個樽係攞獎嘅。佢話下次外賣帶埋返屋企🙄。…查看更多

平時嚟依到都係食冒菜。今日朋友著唔夠衫，咁就食烤魚暖下。通常掃QR code落單。但因為食魚，準備需時，店員會幫你落單（不過其實都好上快枱）。至於配菜飲品就自己掃code。有三款魚，要咗清江魚，$348，有成700-800g。五種口味，要咗特色泡椒烤魚。隔咗無幾耐烤魚就上枱。但要煮一陣，差唔多時間店員就會過嚟開蓋，咁就食得😙。湯底好香濃，濃而少辣。魚除咗大骨，唔覺有細骨👍。魚肉滑嫩結實，食得好滋味。有三款是日配菜，菇、蘿蔔、木耳，勁入味。因為唔想浪費咗咁正嘅湯底，所以叫咗番薯粉，$28，油麥菜，$32。不過原來依個泡椒湯底越煲越濃味，好彩依度好貼心，會問你覺得湯底濃唔濃，想加水定加湯。所以加咗幾次水啲番薯粉同油麥菜都一樣吸哂湯底精華。凍黑糖珍珠鮮奶。朋友話加咗黑糖，鮮奶唔會太搶味，幾好飲。凍桂花蜂蜜，依個我食日飲。清香微甜潤口。地方比舊店大好多，座位闊咗，坐得舒服咗👍👍👍。所以都嚟多咗😁。…查看更多

天氣一凍就想食熱辣辣嘅嘢，今晚食依個烤魚新年優惠套餐真係啱晒。$488，話就話兩人份量，但多到食唔晒😃。依個套餐除咗烤魚，仲有涼伴青瓜木耳、手切安格斯肥牛、精選海鮮拼盤、田園鮮蔬拼盤。烤鉗魚要咗青花椒麻辣，小辣，已經好惹味。魚唔算多骨，魚肉滑魚皮香口，食得好滋味。入面仲有配菜，吸哂啲味勁正。海鮮拼盤有鮮蝦、廣島生蠔、珊瑚蚌、日本帶子，深海龍躉件，全部都好新鮮。珊瑚蚌爽口、龍躉啖啖肉、帶子肥厚。田園鮮蔬有菜仲有蘿蔔、粟米、薯仔。好吸味，又飽肚。涼伴青瓜木耳，等烤魚嘅時候已經好快食清光。座位闊，坐得舒服。早啲來少啲人仲正。…查看更多

今日行程原本打算由黃竹坑行去數碼港，係草地野餐hea完再行去堅尼地城。不過天公不作美，行行下落雨，俾咗機會我哋係數碼港食好嘢。蟹牛肉火鍋，$380。有三隻蟹😱。仲有一碟靚牛肉片、大量蔬菜，好抵食。蟹算易拆，但都要大戰一輪，食得滋味過頭成手都係😆，如果有提供濕紙就最好。食完蟹，剛好可以飲埋蟹湯，煲咗一段時間，蟹湯嘅蟹味鮮濃，仲有蔬菜嘅味，正👍火炙壽司盛合（上），$238。有六款不同口味，件件都肥潤鮮美。火炙得剛好，表面輕輕燒熟，微焦，令件壽司升呢咗，可以食到外熟內生嘅口感。用QRcode下單。也可以搵人落order。有加一。依度地方好大。坐得好舒服，可以慢慢坐係度歎下。食到飽飽之後再繼續行程。…查看更多

好耐無食雞煲同打邊爐，一於一次過滿足兩個願望。要咗套餐A，食完雞煲打邊爐，主要包雪花肥牛、特級肥牛，當然仲有其他食材。2小時任食。依度地方好大，走動拎嘢食都方便啲。裝修有舊香港嘅特色。000000000雞煲要咗小辣，已經好惹味。雞肉又滑又嫩，食得好滋味。份量啱啱好，夠過足癮又唔會飽，留肚一半打邊爐。食到咁上下，加湯就可以開始下半場。一開始會放定一樽湯、之後加湯係出面取。掃QR code落單，落完單好快就有。另外自取蔬菜、飲品、甜品和醬料。每次分量唔會多，咁樣先好，唔會浪費食物。好食嘅先再追加。真心推介是蜆、滑牛肉、肥牛、鮮淮山、白鱔片同脆鯇骨腩，好新鮮。其實丸都好味，但會飽肚，一次就好。店員清吉碟好快手，所以即使二人座位，都唔會出現唔夠位放嘢嘅情況。今餐好滿意。…查看更多

朋友介紹依間，日式簡約居酒屋格局，話抵食坐得舒服。所以嚟試吓。用QRcode下單。不過有餐牌睇，好多美食，樣樣都好好味咁。鹽燒油甘魚鮫，$88。淋上檸檬汁令魚肉變得清爽又香口，無魚刺，啖啖肉。珍寶牛肉壽喜燒，98。牛肉嫩滑，味道剛好，連配菜都甜甜的入哂味。三文魚海膽飯，加12蚊升級加拿大海膽，$110。睇顏色咁靚已經口水流。海膽肥潤鮮美，味道濃郁，配埋飯放入口食，獨特嘅海膽味係口中擴散，勁正。三文魚稍為薄切，不過都非常鮮味。朋友無介紹錯。好彩我哋早嚟，過一陣就已經差唔多滿座。…查看更多

中秋節假去咗太空賞月😆。因為去咗花椒子食嘢，嗰環境佈置全部係關於太空，靚到忍唔住瘋狂影相😍。午市有套餐，主食+小食+白飯。QR code落單。因為12點就去食，人少等一陣就有得食。酸菜鱸魚片，$68鱸魚片滑嫩大片。配料有酸菜、粉絲、萵荀、金菇樣樣有啲，酸酸地好開胃。肥腸香鍋，$72有個小火溫熱住唔會凍曬。香口惹味，肥腸有咬口，越食越香口。蓮藕好入味。小食：泡淑白木耳。辣，爽口。第一次食白木耳，幾特別。小食：涼拌蓮藕，小辣，大大塊都爽口。草莓沙冰，加$10。勁冰凍，食住辣嘢飲一流。牛油果鮮奶，加$10。有特色，但牛油果比重可以再濃再多啲。地方好大坐得舒服，環境滿分。食物都唔差，份量唔會好多，一個餐啱啱好夠一個人食。…查看更多

難得放假，約咗朋友去觀塘shopping食好西。揀咗極尚大喜屋午巿放題，十二點未到已經排晒人龍。有兩條隊，一條排放題，一條排定食，一樣都多人捧場。放題$228一位，用QR code落單。另外仲有自助區。 冷盤海鮮有凍蝦和花甲，勁搶手。熟食、沙律、生果、飲品、甜品、糖水、雪糕好多選檡。放題方面，有好多都係必點之選😋。刺身當然唔會放過，種類好多好新鮮。手工壽司賣相精緻又創新。海膽手卷海膽非常鮮味，魚子手卷爆汁過癮。小小一件食完再食都唔會飽過頭。羊架、燒鰻魚，鹽燒鯖花魚，燒比目魚，薑葱爆鱔球都好正。燒菠蘿和脆肉瓜多汁好吃。榴櫣炸彈外脆內香。 收碟和上菜快，服務好。廁所又乾淨，真係好少有。環境勁正，好大好闊落又光猛，走動唔使左閃右避，座位又舒服。可以坐足三個鐘，真係樣樣都好滿意。…查看更多

行完花園街，又係買外賣返屋企歎。依間門面好有格調，似高級西餐廳。但價錢睇落唔貴，一於試試。係條街咁熱都唔想諗，一於要個二人餐，$168。要嘅食物唔係依個餐包嘅補番差價就得。自選兩份：炸雞脾、單骨雞翼。炸雞脾大大件，香口唔油膩，好惹味。單骨雞翼一樣，得一邊骨食得方便。自選意粉：鮮茄露筍炒意粉。水準超得，煮嘅時間剛好，意粉軟硬適中，蕃茄嘅甘甜同酸味吸附係麵上，好入味好香。配料足，仲保留到juicy感覺。而且份量好多，夠二人吃。自選小食兩款：白汁芝士焗西蘭花，炸香酥雞白汁芝士焗西蘭花，份量唔多，但夠食。白汁其實流晒去底部，味道剛好，唔會好濃味。炸香酥雞，香口微辣，一口一粒食唔停口。加$24要埋兩支冷泡菜：白桃烏龍，微甜有桃香。高山翠綠，帶點苦澀的茶香。補埋差價總共$206。意粉太多仲可以留番第二日食👍。…查看更多

疫情加上無開，大半年之後再幫襯，但會係最後一次。份量少得可憐。個菜，上面嗰盒，女仔半個手掌大小，但從前佢係好似下面嗰盒咁大。依盒mini菜，$25。個菜係同以前一樣好味，酸酸地凍凍地好開胃，但真係一兩啖食完啦。依張相就見到大半年前個菜份量好多㗎，個盒同飯一樣大，三分二滿。今次個麵一樣係少，一粒丸，一隻蝦，半隻蛋，三分一湯，三分一麵，$36。無乜味道，以為係撈麵，唔知食咗乜。唔知堂食有無縮水，但已經怕怕了。超失望😞。…查看更多

今晚買外賣，這間價錢合理，門面看落乾淨，值得一試。果子海南雞油飯配雞湯，$38。份量多。海南雞滑而不肥膩，還提供三款醬料薑蓉、黑醬油、辣醬，不同吃法更滋味。油飯夠油香，乾爽點就更好。再飲雞湯清清地就錦上添花。南乳雞翼喇沙滲滲，$50。雞翼、麵同湯分開，回到家仍然香口👍。喇沙湯底正，豆卜吸曬湯汁好好味。絲網春卷，$12。皮薄而脆，口感一流。唐生菜，$16。有營健康之選。這麼豐富都只是$116，大滿足😋。學生長者還有優惠，真的超值。👍這裏有飯有麵有小吃，選擇都算多。下次可以試試。還有凍飲品賣，價錢比出面便利店便宜。行過路過買支解喝好方便。…查看更多

唔係有張現金券，都唔會走去食。入座勁混亂，要人等待安排座位，但又俾人插隊揀位。得一個阿姐一腳踢，佢都做到發火。😒價錢偏貴，因為份量少。肉丁少，而隻蛋又變壞咗有陣怪味，都費事叫人換😔。但冰鎮奶茶好得嘅，奶茶唔會溝淡咗又仍然係涼冰冰，一流👍。依個早餐$40。唔知點解咁多人幫襯。或者為咗杯奶茶。🤷…查看更多

難得今日放假，一於中午去食燒肉放題開心下。午時時段不會很多人，先至正！餐廳有三款放題選擇，我們要了中間價的巜體驗三國牛肉餐》。選好就可以開始行動😆！甜品飲品自取。點菜在厚厚的點菜薄剔。這本點菜薄有個貼心之處，每個類別菜式的頭一頁過膠突了出來，所以好容易找到想要的頁面👍。落完order很快就上食材，好正！燒肉未有得食，當然叫些熟食試下先。泡菜，大碟，之後還可用來生菜包肉😋。一口牛，沙爹汁好惹味，一口一件好有口感。大醬湯，味濃勁多材料。之後就是今餐真正的主角！翼板牛排、韓牛、安格斯肉眼扒、牛小排、大理石、五花肉、豬頸肉樣樣都想吃，一上枱就知新鮮高品質。這裏的服務超級好，店員見有困難會主動幫燒肉兼細心教導。見他一人服務三枱仍很有熱誠和耐性。放在爐上的牛油紙變黃爐先算夠熱。燒肉要燒到出汁，等肉鎖住肉汁，就可以反到另一面，數10下即可取來吃。韓牛切條或粒，更易燒得好。這些頂級靚肉不用加任何醬料已可品嘗到肉的鮮嫩，肉汁的鮮味，如果要加，加少少玫瑰鹽就可。另外還可用生菜包肉吃，同樣好滋味。醃料調味的五花肉、豬頸肉最好放在牛油紙上燒，易反轉又不易燒燶。燒得靚仔，食落惹味又有口感。魚塊、多春魚也要放在牛油紙上每邊燒15分鐘，中途不用番弄。魚塊外面燒到金黃色，脆卜卜，外脆內軟。多春魚條條都完整無缺，非常香口。記得由尾食上頭，連骨吃掉，omega 3就儲在魚骨裏，不能浪費！海鮮其實還有大蝦、青口、帶子等等，都新鮮好味，特別帶子，因為又是店員幫忙燒的😛。最後燒蔬菜，都是放在牛油紙上燒。脆肉瓜juicy，粟米香甜。未試過燒四季豆，幾特別。整體來說，食材本身很高質，那些店舖員幫我們燒的，絕對色香味俱全，勁好味。而我們自己燒的，沒有大廚功架，燒得不太大好，就當然沒那麼好味了😂。…查看更多

細個經常來官涌街市，今晚回來尋味。大排檔的環境當然不會舒服華麗。但這店有八個舖位，所以坐得不焗促。黃金九肚魚，$128，咸旦黃味濃。星洲炒米粉，$88，大份足料。知道這裏小菜不錯，但見有串燒又忍不住試試。燒羊架 ，$70（2件）蒜香生燒茄子，$88燒香脆白鱔，$96，鰻魚汁，皮很脆，滿口魚油燒一口黑豚肉，$48。孜然粉調味，外脆香口燒雞軟骨，$16厚切鹽燒牛舌，$46餐廳前小食，$10可樂共$20小菜大大份，串燒某些好味，免茶芥及加一，簡中品嘗大排檔風味也好。…查看更多

太早沒什麼選擇，見這裏11:30就營業才進來的。環境是很靚，坐得也舒服。上菜也秒速。快到有點怕不熟不熱，還好是熱的。咖喱牛腩飯，$69。一堆洋蔥，牛腩連碎肉免強叫做有兩件，我以為自己叫了咖喱洋蔥🙄。但咖喱是好味的，香而不辣，令我吃完一碟白飯。泰式奶茶。從來未飲過這麽難飲的！😢只是奶和糖的超級甜味，店員還說只加了少少糖，若不夠可以再添🙄。我喝了一兩口已經喝不下😑。還要加一，超級不值。真的沒有下次😑。…查看更多