winniewwl的个人专页

身為元朗街坊，今次真心想推爆呢間新開粵式酒樓！晚市$1特價菜多到揀唔晒，仲要服務貼心到喊，即刻同大家分享實戰食評👇 📍位置環境位於鳳琴路（鳳琴體育館對面），門面光猛闊落，裝修走傳統中式風格但夠新淨。星期六晚6點到埗已坐滿七成，建議一家大細早少少去霸位！ 👶🏻家庭友善度• 主動提供消毒BB椅• 上菜神速！落單10分鐘內開始出菜 • 見到我個仔打瀉水杯，3秒衝嚟幫手抹 💰1優惠攻略每日晚市5:30後供應8款特價菜，今次試咗👇 🔥蒜蓉粉絲蒸元貝 ($1/隻)每枱限點4隻（按人頭計），元貝大過乒乓球🏓！肉質彈牙鮮甜，粉絲索晒蒜香同海鮮汁，老公喪隊兩碗白飯送佢～ 仲有$1燒鵝/文昌雞，建議組隊嚟掃Menu！ 🍲菜品實測✅柚子蜜香骨 驚喜之作！排骨炸皮超脆但肉質軟嫩，柚子蜜甜酸比例完美，連80歲阿婆都咬得開～ ✅銀杏竹笙浸時蔬 菜心苗+竹笙+銀杏，湯底用雞湯熬超鮮甜，細路飲到見底！ 北菇紅燒豆腐豆腐滑溜但稍嫌淡口，建議撈元貝蒜蓉汁食即時升呢～ 📦份量警報4大1小叫4個餸+白飯，最後打包兩盒走！每個菜都係XXL碼，人均$120有找抵到笑～ 💡隱藏貼士1. 晚市5:45前到免排隊 2. 暗測發現叫火鍋送刺身拼盤+海鮮+手切牛！(下次試伏) 總結：喺百物騰貴嘅香港，$1食到高質海鮮真心感動！已bookmark做家庭飯堂，各位識食一定要趁未排長龍去試～ …查看更多

難得今年終於可以3人行一齊慶祝，梗係要揀間親子友善既餐廳啦🤗 而且仲提供好靚既畫碟服務🎨啱晒喇‼️我就Book黎慶祝周年紀念啦🥰媽媽發辦👇🏼🩷黑松露牛肝菌蘑菇湯🍄‍ 爸爸持素專屬🩷藺王蛋凱撒沙律🥗 爸爸持素專屬🩷波士頓龍蝦占米多松露闊麵🍝🩷北京填鴨薄餅🍕🩷黑松露雪山芝士炸薯條🍟🩷荔枝果茶☕🩷薄荷朱古力🍫🩷兒童餐：吞拿魚忌廉長通粉配蘋果汁👦🏻🩷開心果奶蓋巴斯克芝士蛋糕🍰每道菜都上得好快，而且份量絕對唔係細細份，味道亦非常好，尤其呢度都有唔少素菜岩爸爸食，我就最Like個波士頓龍蝦占米多松露闊麵🦞真係有半隻龍蝦架，啖啖都係肉🤭最後不得不提個開心果奶蓋巴斯克芝士蛋糕，有我最愛既奶蓋，仲有畫碟服務，有少少儀式感得黎又打咭able🤩 絕對又係列入encore list😍…查看更多

話說呢個星期Ethan比較驚番學所以我哋就帶佢出下街Relax一下😌經常T Town呢間中菜—半島漁港🐟上次打過邊爐🍲好好食性價比好高，今次就同埋Ethan一齊入去食中菜​原來呢度星期一至五晚市燒味3選1都係1蚊❗️可以揀至尊燒鵝、極品BB豬或者海南文昌雞～🐷極品BB乳豬因為係平日夜晚去，所以可以用$1食到BB乳豬😚我地3大1小係2-4人份量所以有8件乳豬😜真係唔好睇少呢8件乳豬，厚切大大件，每一口都係脆卜卜，我食咗2件都飽飽lu🍲南乳齋煲呢個齋煲係男人專食，大大份熱辣辣，除左豆腐外，個底仲有滿滿既吸汁粉絲，男人讚口不絕👍🏻🍚瑤柱蛋白炒飯個飯一睇就知為BB而叫😆炒飯非常乾身又唔油👍🏻瑤柱絲滿滿😋唔止面頭個D架，裡面都有好多瑤柱絲，好足料😌🥦西蘭花炒雙蚌大大碟香噴噴，賣相好吸引，雙蚌肉質鮮嫰爽口，而且非常入味🤤🫛淮山木耳炒時蔬又係男人專屬，仲有BB最愛既🫛正呀，呢碟小菜又係大大份，個四季豆炒到好爽，仲有淮山木耳，非常健康🫘飯後甜品紅豆沙紅豆沙熱辣辣大大粒，又係用心之作，口感綿滑起沙，唔係太甜度仲有陳皮味，正😋…查看更多

搬咗嚟天水圍之後，先發現天水圍係美食沙漠🥲上星期俾我發現到有呢間任食火鍋賣點係「無限時」任食‼️‼️真係唔係間間酒樓做到😆野食仲要唔hea🤗==========================👇🏻一入座先每人送以下食品👇🏻其餘食物就出去拎，汽水啤酒任飲仲有凍櫃提供十幾款丸、新鮮蔬菜同埋麵食🤭❇️ 阿翁極級牛頸脊碟牛超級靚❤️碟牛超級靚❤️碟牛超級靚❤️ (忍唔住要講三次) 雖然只係2人份量，但超級大碟❇️刺身拼盤 ️刺身有北寄貝、帶子、三文魚及甜蝦，新鮮度十足，好岩我胃口🤣❇️海鮮拼盤 ️超巨型‼️見到我地2個眼都突埋👀成個拼盤有龍躉、蟶子、海蝦、生蠔、帶子，全部都好新鮮🤤❇️蠔皇鮑魚扣鵝掌 ️雖然我麻麻地鵝掌，但我都好buy佢地咁有誠意❇️至尊水餃皇 ️呢個水餃又係激讚，包到超大粒，目測每隻餃裡面肯定至少有4隻蝦🦐我一個人忍唔住隊左2隻🫣太好食了半島漁港/阿翁火鍋館📍天水圍天華路33號T Town North 1樓N105-109號舖…查看更多

今日有事需要去旺角個邊睇中醫咁就順手去朝聖一下旺角沾麵🥳一生懸麵🍜識我嘅朋友仔都知我特別鍾情於日本野🍣🍛🍱沾麵更加係人間美食🫣聽聞呢間店係人龍沾麵🤪好彩尋日過咗飯市我只需要排一陣就到我了🤭==========================🍜每款麵硬度可選❇️較硬❇️標準❇️較柔每款麵溫度可選🧊冷麵🔥熱麵🦐海老沾麵（$88）我就Order咗標準硬度同埋熱麵嘅海老沾麵🤤沾汁係以豬骨、雞肉、鰹魚及野菜熬製12小時而成，再加入大量櫻花蝦，湯底極濃😋 配以半肥瘦豚肉叉燒🐖同溏心蛋🥚超好食呀😚而且沾麵份量都唔少亦很多，我一個女仔食就岩岩好👍🏻🐙章魚燒（$29）章魚燒又係我每次食日本野必叫👀呢款章魚燒燒得外皮香脆，內裏軟糯，配上木魚花及紫菜🤩仲有5粒咁多🥤桂花烏龍冷泡茶（$20）同平時去台式火鍋飲嘅差唔多，都係用茶包沖泡嘅冷泡茶，有淡淡桂花香☕…查看更多

難得拋低個仔梗係去撐下枱腳今日就黎到荃灣大鴻輝搵食而且揀咗御滿屋日本放題🍣去到門口望一望都有幾多人排隊喎，我地排左10分鐘就開始入座食第一輪，坐低自費揀左最平個餐都係$2XX左右💁🏻‍♀️，非常夠我倆口子食當然我見到有人揀最貴個餐😳😳原來最貴個餐係任何魚子醬😳😳呢度啲食物都幾多元化，午餐放題黎講都算好豐富🤗有自助既沙律🥗螺肉，八爪魚、海葡萄、中華沙律，麻辣魚皮🐟任飲梅酒🍶清酒，韓國飲品，啤酒🍻汽水🥤茶☕最後仲可以任食雪糕🍨裡面係有哈根達斯同埋Movenpick架🍦呢度既刺身都好新鮮，必食挪威三文魚、油甘魚、希靈魚、帶子刺身、紅蝦仲有鮑魚。D魚生食落去係好彈牙，好鮮甜🤪而甜品又係好豐富，除咗有自製蛋糕🍰馬卡龍外，仲有拿破崙、Cream Puff同埋少量生果俾大家選擇🍉甜品區足足放滿2個凍櫃🙈…查看更多

忙裡也要偷閒難得今日有姐姐幫手湊住隻菇我就立馬衝去食一D平時食唔到既野就係---------我最愛既雲南米線講到米線元朗我一定食呢間雲家米線呢間米線用料比平時D米線店多1.5倍你睇下碗米線簡直滿瀉!食完真係大滿足呢間米線店仲有螺旋藻可以叫平時D米線店係無架另外我地又嗌左2個小食過下口癮呢個麻辣魚皮真係大推呀麻辣味剛剛好 仲加左麻油令到個魚皮變得好香重點係 超爽口 連平時唔食魚既男人都話好食正岩哂我口味～…查看更多

呢間人龍車仔面真係名不虛傳呀都未開門就已經有一堆人排隊喇好彩我地都早到咗所以唔係排好耐隊就到我地喇去到人龍店我地當然要試下必食推介的豬雜麵同埋D小食啦豬雜麵裡面有齊豬頭肉、豬脷、豬橫脷、生腸、豬粉腸、大腸、豬膶、豬心等，出面的車仔面好少有架，配埋個重口味湯底 (即係乜都有) 真係十分夾呀，另外我地仲叫左碗三餸麵，配咗魚肉春卷、片頭、紅腸、重口味湯，仲筆多2匙辣椒油，喂呀正到爆呀另外佢2款小食都唔錯，現場有好多人叫，我地分別叫咗太陽蝦餅同埋新鮮魷魚鬚，蝦餅有驚喜蝦肉唔梅非常彈牙，相信廚房都下過下苦功先整到咁彈牙的蝦滑，而新鮮魷魚鬚大大碟食到我地捧腹走人，配上香脆花生同埋少少辣椒油，十分惹味，唔怪得咁多人排隊啦…查看更多

是日需要食素就同左同事去食三哥 打開menu發現竟然有素米線仲有我至愛的炸醬係用植物肉做架 拿拿淋嗌左個豆卜炸醬小辣米線試下  豆卜有D細舊同埋硬 但個炸醬掂呀仲大碗過平時正常的炸醬 呢款植物肉炸醬都幾似正常炸醬 可以俾我過下口癮正呀 以後食素又多一個選擇喇…查看更多

40幾蚊一大碗韭菜餃上海面，份量好多，餃子好新鮮，皮薄多汁又大大粒！！食呢碗上海面簡直係種享受😌朋友就試左豬扒雲吞米，豬扒炸得鬆化，雲吞成粒乒乓波咁大粒。兩個人食加埋汽水$100蚊都唔使。重點推介店內南瓜豬肉餃子，炸豬扒，鮮蝦雲吞🌟好似梁記呢D有質素又平嘅小店已經唔多，真係要好好珍惜…查看更多

呢間酒樓真係好垃圾 D野超級難食 我都未食過咁難食的龍蝦伊面 可以個伊面係overcooked爛晒夾唔起 紅燒乳鴿又係無乜技巧可言 佢可以炸到出血水 叫左個煎蓮藕餅 入面係全部鯪魚肉 無蓮藕; 蒸條魚又蒸唔熟 上菜又亂咁上竟然係BB旁邊上菜話佢又話張枱無位上菜仲有好多其他難食餸菜真係不能盡錄樓面服務態度好差 無人理仲要叫佢上碗白飯都上左15分鐘BB係咁喊話要食飯飯真係俾佢激死呀總之呢間垃圾酒樓一定一定要blacklist 永不幫襯…查看更多

講到市區高質自助餐都非康得思入面的the place莫屬 價錢唔貴但有番咁上下質素 尋日同老公去慶祝生日 係klxxk買左coupon後收工就去食 地方唔大但勝在野食齊全 但我地坐個張枱有DD暗 自助餐例牌分為冷熱盤, 但值得推介係冷盤有面包蟹 非常驚喜! 另外仲有生蠔, 香煎鵝肝, 手卷食, 食物都算種類多 另外甜品都唔輸蝕, 除左雪糕, 仲有各樣小小杯的甜品, 仲有仙草凍 (我至愛) 味道都好好而個羊架更加烤得非常出色我老公食左10件有多另外仲有紅白酒啤酒任飲, 下次可以帶埋BB去先…查看更多

天龍咖喱進註左元朗都一段時間 聽聞咖喱好有水準 今次就去會一會佢 一入店係簡約裝修 老闆同店員都好friendly介紹招牌菜 最後我地揀咗 咖喱大蝦同埋咖喱煎肉餅配薄餅 另外點咗2個小食 招牌天龍雞皮卷 $58 同埋孜然羊架2件 $78 加多杯咸檸7同埋紅豆冰 上菜時已經聞到香濃的咖喱味 天龍的咖喱唔係普通咖喱汁咁簡單 全部都有碎碎的洋葱 沾落薄餅度食都非常有口感 但我就略嫌唔夠辣 下次要請老闆幫我加辣先 另外個天龍雞皮卷超級好食 外皮脆卜卜入面係非常嫩滑的雞肉 羊架又係值得一提的 煎得非常香 而且無任何SO味 抵讚 總體而言係值得再去食既…查看更多

一直都鍾意食餃子 間唔中仲想搵下D素餃食下🌱希望自己每星期既素食日可以多個選擇🌝個日帶阿菇去深水埗行街經過見到有間卜卜餃子店🙊經店員介紹下發現呢間店除左有肉餃仲有全素餃子賣🙌🏻所有餃子仲要係手工包 無添加味精同防腐劑🥳餃子款式都有好多選擇肉餃有4款 素餃有3款選擇💁🏻‍♀️最後我地買左2盒 分別係四併肉餃同埋白菜新豬肉餃試下😆當晚就煮咗個節瓜滾餃子湯同埋烚餃試食😋見呢隻餃子係無味精無添加所以好放心即場俾咗一粒BB食 點知BB追住食唔停🥢下次等我買埋其他款試下先🥟…查看更多

講到雲南米線 唔可以唔介紹呢間唯一雲貴川風味呢間雲南米線環境係麻麻地 但係每次去都有人龍排隊 而且佢D炸醬係超級海量咁多岩晒我呢個次次食米線都嗌炸醬食既炸醬控仲有 佢個湯底超級濃郁  每夾一啖米線都充滿住炸醬 而且可以叫阿姐多葱  小店就係咁簡單 另外都見好多食客反映呢間店D米線好油無錯 確實係比較油 所以我通常都嗌走油/小油 阿姐就會自然幫你"筆"走D油架喇老實講 我食親炸醬都一定有好多油 所以我又唔係十分介意 另外佢D腩肉都係值得嗌既 醃得非常入味又唔肥 滿滿的一碗米線只係$5X 食完係絕對大滿足…查看更多