星期六食家的個人專頁

板上開店第一天已幫襯, 試吃其板上照燒雞, 特別出色.  可惜, 開店不長時間, 已退步不少.  這次Order了一鯖魚一安格斯漢堡, 想不到, 等了三十分鐘才有 (沒有人排隊).  而且, 漢堡個麵包超燶, 完全沒有食欲, 個漢堡聲稱安格斯但不見比麥記的好吃, 薯皇感覺己炸好一段時間...因為極長候餐時間, 只能有20分鐘用餐時間  …查看更多

今日又嚟到灣仔搵好野食, 附近都有唔少性價比高的餐廳, 奇怪今天星期六, 行過見到接近間間都有大量坐位?!  晚上七點啊?!行行行嚟到納思比, 岩岩新裝修, 樣樣都精緻乾淨企理為咗乜都試, 點咗御膳&女仕御膳各一全部野好好食掌廚的, 特別翻查資料, 應該係料理長山口孝, 平時都麻麻地好天婦羅, 當日食到的, 全部食材處理完都唔會變乾身, 同做廚的細細佬傾, 唔簡單, 火候時間都要有良好的控制.  女友的黑豚極Juicy.女友非常滿意, 對其中一道野菜濃湯更讚不絕口, 晚餐後更要求我務必要寫食評...當日食客不多, 入座率五成左右.  d菜上得太快, 變咗我地都要趕住食.  如天婦羅, 變冷了味道會差, 水準高的就更加可惜了.上菜次序亂咗d, 御膳呢, 前菜後上咗熱食, 跟住先刺身女仕御膳就上咗刺身先熱食, 正常d御膳漏咗個飯呢我覺得協調可以做得好d, 食完一道上另一道, 一次推出來真吃不了那麼快甜品呢, 無乜expectation, 點知...滿分, 綠茶奶凍, 同"宏"的有得fight服務呢, 加水主動, 快, 收野靜, 穩, 說話有禮希望有機會再光顧, 師傅手藝, 只能給滿分呀…查看更多

來味千點了一個細味千拉麵下午茶, 上桌時, 沒發現甚麼問題, 一吃之下.......哇, 筷子夾三次就沒了, 每次只是夾幾條呀!  這個細拉麵也吃好幾次了, 拉麵的份量只有不到先前的50%, 搞甚麼鬼???????????  湯底感覺比之前咸了, 不會是水也放少了吧........餐飲, 一杯純品樂...麵吃完都沒上.  明明倒出來就是了, 不知道為甚麼會有延誤?  好在還有醒目的侍應問我餐飲到了沒?  出門時聽到有客人點了可樂也要追單呢.  …查看更多

弟去法國學藝, 最近吃多了法餐.  今天來到老富昌嘗4 courses set Din.  麵包頭盤正正常常, 湯自己點了洋蔥湯, 一般, 拿了一羹朋友的龍蝦湯, 不錯, 朋友說, 也吃一個蜆吧, 有兩個哩, 一吃, 驚呆.  蜆, 味極淡, 只有陣陣腥味.  來到主菜, 比目魚不錯, 但是牛扒....點了五成來到是九至十成, 極韌.  旁邊另一枱的伯伯同樣點了牛扒, 指著說, 一點也不紅呢.  薯條比牛扒好吃.  蘋果批反而是全晚亮點.  總體來說令人極到失望...…查看更多

分兩個時段, BOOK 咗8點半食晚飯. 黑椒豬手煮得好淋, 招牌菜一點都唔失禮. 其他菜式口感亦不差,有鑊氣. 要批評的是, 一, 味精極多, 非一般的多, 湯水基本不用點了, 全味精. 全晚一路喝水, 簡直停不了手. 衛生亦有問題, 廚師一邊食煙一邊炒菜...吃完飯下一站必為甜品鋪, 太口乾了…查看更多

第一次食 Ben & Jerry, 見大量好評chocolate therapy, 試咗依款先..只能講, 非常甜, 朱古力味反而唔突出, 試咗幾款味道都感覺普通, 最後order咗香蕉脆脆, 薄荷同櫻桃雪葩雪葩不及H字牌, 食食下會食到有冰塊 同埋感覺非常甜, 非材料原本之味道.早知去旁邊間XTC …查看更多

嚟附近睇畫展, 最後揀咗依間食 Tapas.星期六 lunch 無set, 價格三級跳, 食咗兩個人食兩個Tapas連Bread 己經 $200.依個唔係最大問題, 最大問題係少人食, 乜都未準備好!beef cheek < 今晚先有, Gazpacho < 煮緊...真係肯俾錢都食唔到!講返食物, Gambas Pil Pil 好鮮味, 蝦大大隻, Pork Belly 都好有咬口食物可以俾5分, 不過星期六食真係好唔抵.只有bar 枱位唔適合長坐.…查看更多

很久沒有寫食評了. 朋友生日, book 咗樂宴, 事先打電話做 booking, 問清楚沒有切餅費, 嚟到第一個 Surprise, 切餅費 $100. 冇理由最後十分鐘換餐廳, 硬食 都幾難搵, 行到口乾, 嚟到坐低, 要水. 得知每人限一杯熱水, 期後收費, 杯水嚟到, 得 150cc 左右, d酒水都唔平, 一杯可樂 $40, 第二個 Surprise (無睇清楚, 之前其他食家有提過).每人一碟枝豆 $20 (之前其他食家都有提過..下次要睇清楚d)講返食物海葡萄: 4/5 - 影相一流花生豆腐: 4/5 - 有淡淡的花生味牛舌: 3/5 - 太薄帶子: 5/5清酒煮蜆: 4/5墨魚汁炒飯: 4/5排骨 - 4/5 質感好不過太咸Siquasha Juice - 5/5 甜甜酸酸總結: 食物可人唯陷阱收費極多.…查看更多

沒有在這區工作的關係, 己多月沒有到這家食店. 比起一家在附近天天排大隊的麵店, 這家街店舖絕不遜色.唯這次, 點同樣的食物, 味道己經由泰式變為中式.....................不知道是不是換了廚師的關係....................................…查看更多

間野響德國餐廳對面, 上次都無為意.講食物先.先菜 - 我以為送的, 點知要收錢 $12, 好普通下, 可唔可以唔食呀?四川酸辣湯 - 女仕最愛, 想不到我這個男仕喝了一口, 驚為天人, 吃過最好的酸辣湯, 細細碗成 $50 應該唔多人叫. 好像加了一些酒. 蘿蔔絲鮮魚湯 - 鮮味, 最奇怪魚肉好完整, 似食蒸魚.香酥雞 - 一個字正. 本想叫樟茶鴨, 但係無中銀信用卡無半價..........彫王蝦仁 - 味道非常奇怪, 好重酒味......不過又好好食喎! 一絕....飲品點咗紫燈籠同天路行, 都係唔錯的.味道, 環境5粒星.欣賞那張2人卡位的設計!有d可以改進的地方:訂枱時, 限時限刻. 分 8:30 前跟 8:30 後2個時段, 但係個價錢都唔平....! 可能是當天不滿客原因之一!食物上桌超快, 十幾分鐘全上, 我都覺得好神奇! 若沒有時限, 最好吃完一樣點一樣, 否則, 涼了味道始終打折扣.…查看更多

3號颱風, 雨微微, 按約定去食晚餐.之前己經 book 位, 都唔錯, 安排窗口位.本人不吃生野, 主要點熟食.三文魚壽司 (朋友食, 自己無食)鵝肝壽司●●●●○ 鮮味非常腐皮蟹籽沙律壽司●●●●○ 幾 light, 唔錯鯛魚奶湯 ●●●○○ 普通, 無乜味炸蠔卷 ●●●●○ 金水極卷 ●○○○○ 好腥, 無人食脆炸雞軟骨 ●●●○○吉列炸蠔 ●●●●○雜錦天婦羅 ●●●○○雞腎串 ●●●●○牛利串 ●●●●○黑色森林 (朋友食, 唔錯)巨峰刨冰 ●●○○○ D 冰唔夠碎, 凝結成成塊冰..........整體食物唔錯. 係甜品, 湯差少少.…查看更多

樓下的朋友, 點解你地杯野個個都好似大好多 試咗幾隻味, 有蕃石榴, 芒果, 咖啡, 覺得味道都唔錯, 不過呢, 都係 Haagen Dazs 同 XTC 好食少少. …查看更多

十二點幾到, 無乜人, 去到一點幾的時候, 其中一邊己經幾 FULL 下. 睇住自己的黑眼圈, 同熊貓有得比喎.....首先上炸蝦沙律. 炸蝦落好少粉, D蝦都大隻, 味道咬口非常正.跟住上葡國雞. 食落都唔錯, 唔覺有乜味精.最後係葡式燒乳豬. D味好似德國豬手, 食落好似無中式燒豬咁熱氣, 好香口, 朋友覺得油咗D我覺得還好. D薯條都好好食.正正正.…查看更多

試咗蝦籽撈, 分量少, 比較濕身, 麵質麻麻, 劉森記正好多.朋友的魚片河反而唔錯, 個魚片食落唔多粉, 好彈牙.…查看更多

第一次吃地中海菜. 7點到, 哇...包場!!! (陸陸續續都有人來)都係點 dinner special. 個麵包點橄欖油己經好好食.頭盤鵝奸, 煎得剛剛好非常鮮美.湯呢, 試咗靚女朋友個龍蝦湯, 我覺得就好飲過我的意大利雜菜湯.主菜點咗一個大蝦同牛扒. 大蝦都幾大隻, 口感豐滿, 牛扒燒得軟硬適中, 都幾香口, 不過質地就麻麻筋多咗d甜品點咗麵包布丁同心太軟. 都不錯.得閒都要研究下究竟地中海菜同法國菜有乜分別...!另外, 服務滿分! 不過雖然用咗7折優惠價錢都係貴咗d!…查看更多