EatingAndDrinking的个人专页

夏日熱辣辣食辣其實我都唔算係一個好食得辣ge人，因為體質關係，一食辣就勁出汗，所以有時都好怕會成身濕曬咁再去街呢排日日都落雨，個人好似好多濕氣咁，不如就順便出身汗，個人都冇咁攰～😆今日去旺角瓊華ge麻辣風雲 食個lunch，果然一上到去又繼續橫風橫雨…其實佢地禮拜一至日都有午市set，$58-$88不等，再加錢就有飲品，追加小食都唔係好貴～今次叫左一個客飯餐同一個麵餐，所有辣度同酸度都可以揀，任君選擇我呢D廢J都係食小辣算難得有餐廳有田雞，緊係要食#香辣鴛鴦雞煲！無論係雞同田雞都好滑又好食！麵類就叫左兩餸，分別係腩肉同特色牛肉餅，都正常味，但個酸好正，鐘意食酸可以叫大酸！🤣🤣追加左兩份小食，分別係酸辣老醋海蜇同炸饅頭而我要比MVP炸饅頭！好好食！新鮮炸出黎陫皮又脆，咬落去又軟，最緊要係夠熱！我諗我可以食4個都無問題！🐽總結成餐飯都唔錯，我仲見到隔離叫#酸菜魚 個賣相十分靚，下次就到我食😈…查看更多

今次去左荃灣食飯, 雖然大鴻輝 有好多野食,但今次無上去~反而係街市附近搵左一間日本餐廳一本．串里其實見到個特價menu,都係想食ge野,就入去試試~如果你問我最喜愛的食物,永遠第一位都係生蠔!而佢特價的生蠔都只係$15一隻,仲要都幾大隻(當然唔好同令和怪物果D比啦),味都算鮮,CP值很高!又叫左珍寶赤蝦同特長鰻魚壽司,仲叫左一板海膽,都只係$88!另外主餐牌就叫左個三文魚炒飯, 軟殼蟹反卷同埋串燒軟殼蟹反卷好食,最重要係夠脆!串燒 叫左豬頸肉, 雞腿肉同埋安格斯牛柳粒,呢3樣都十分推薦~整體黎講,因為一D都唔貴,CP值好高,如果咁啱去開荃灣,可以去試下~…查看更多

朋友要到外國留學，走之前想食中菜，另一個朋友就揀左呢揀係IFC入面的餐廳。一開始有小小難搵，佢係Lane Crawford入面，最後要問職員先搵到佢出面都有位，但其實係入面都睇到個景，所以入面都無問題～醉雞：酒味一般，雞籠嫩滑。炸豆腐：好好食！又脆又滑！黃金四季豆：最好食的餸！食唔停！蜜汁黑豚叉燒煎蛋飯：即係叉燒蛋飯，不推介。龍井蝦仁：茶味不錯。欖菜肉排：好食，酸味啱啱好。花膠浸菜：不錯。宮保雞丁：配飯一流！好惹味！糖水：一般，沒甚麼特別。Signature Cocktail：OK…查看更多

好耐無去日本，突然心癮起想食日本野，就睇下附近有咩食。行下行下見呢個食堂，外觀都唔錯，就入去試下佢！叫左個鰻魚飯，再加左小小小食，果然冇失望！賣相精緻，一黎已經好開胃！再加左小食，不過相比都係鰻魚飯好食Ｄ雖然唔太平，但當去左轉日本，食地道野，都唔錯～…查看更多

之前網上已經傳左會開呢間壽司好耐！個個都話正，今日一開就開刻去試下！好彩早去，所以都唔係等左好耐就入到去，初頭都諗其實好似食開果幾間，唔知有咩特別，不過食下食下就真係發現好正！全部都好正呀！又新鮮！魚又唔會好膩，食多幾舊都覺得唔會太大負擔！正～下次再黎過！…查看更多

好耐都無食日式燒肉，已經黎左兩次，但拎左飛要等幾百張...就果斷放棄，今次決定上網拎左先！如果唔係都食唔到！最平個餐無牛食，所以就揀左Level 2一坐低就點野食先，之後就去拎冷盤類無咩特別，但都唔錯，多人拎都Refill得快。飲品選擇都唔錯，有果汁揀，想飲酒就一定要加錢啦～牛脷好食，豬頸肉都唔錯，雞都幾好，唔燒太耐就得～其實都幾好食，但平日黎會再抵Ｄ～…查看更多

夜媽媽去個fd屋企打機，又想買小小野食上去醫醫肚，經過糖水舖，就揀左糖水買上去食算～其實佢門口仲有個特價特快餐牌，都唔錯但唔記得影最後揀左個蜜瓜同紫米，完全唔知蜜瓜果個有雪糕好彩最後上到去都無溶～整體黎講唔錯，性價比算高～…查看更多

愛食餛飩的我，平時屋企媽咪都會自己包，而我一食都會食三四十隻今晚經過佐敦，又見到阿芳，就入去試試先！價錢一般，唔太貴都唔係平，就叫左個平時好少會整的玉豆豬肉餛飩試下。平身都想食麵，但麵得六隻，都係叫淨餛飩先黎到賣相一般，但好香麻油味，又唔見佢落左好多！個湯好鮮，佢仲落左Ｄ蝦皮（之前返大陸果陣買過一包蝦皮，平時食麵落Ｄ都好正ＧＡ！）餛飩好食，玉豆豬肉少見，食完真係發現無揀錯！又鮮又甜！最後差Ｄ想飲曬個湯十分推介！…查看更多

星期日，約左兩三個朋友加埋佢地Ｄ小朋友出黎，係九龍公園行下曬下太陽，就要食午餐～都諗左陣食咩好，想食日本野，就諗到呢間樓上餐廳之前食都知佢好多選擇，有選擇困難症的我今次繼續唔識揀，好彩都係想食辣野，就揀左個辣汁三文魚冷麵。呢個麵唔係佢推介入面，但我覺得佢好好食！個汁好食，三文魚都正～出乎我意料朋友叫左其他野，我無試，但聽返佢地講都唔錯，賣相又好重點係唔貴！下次又可以試其他野～…查看更多

今日係將軍澳行街，中午時間但又無咩胃口，經過見到呢間麵店，聽講係小儀開，就入去試下，希望辣野開胃啦可能早啦，都唔係好多人等，即刻入去試試先！揀左個撈麵，朋友就揀左湯麵，不過最想都係試下佢個辣菜圃！菜圃果然無失望，辣得好過癮，夏天食下辣野排走濕熱都好！個麵都唔錯，唔會太大＂簡＂水味！有機會再黎～…查看更多

其實泡芙真係好正特別係夏天，外面朱古力脆，入面custard又凍冰冰，真係透心涼本身覺得十幾蚊食一舊都貴貴地，但呢幾日做特價！$15就有！所以即刻同同事去買佢買左原味，我就試下個椰子味，但講真，我都係覺得原味係好食Ｄ！唔知幾時又有優惠可以再食呢…查看更多

咖哩真係有好多唔同口味，呀媽本身鐘意整類似印度果邊咖哩，但其實我鐘意口味甜小小，所以日式咖哩其實啱我口味D呢間咖哩唔錯，可以揀辣度，而我最鐘意佢個蛋真係整得好好食，好滑！豬排炸得好好，係汁如果＂杰＂小小會好Ｄ朋友食秋葵，本身以為咁配搭好似有Ｄ奇怪，但試過又無咩問題，又健康整體唔錯！…查看更多

今次同朋友出去，成日都聽佢講Biang Biang麵，次次都唔知佢講咩，今次終於有機會同佢一齊試！呢日真係好熱，夜晚去到果陣諗食咩，淨係諗到冷盤，就叫左份蓮藕。又估唔到幾好食，好爽口！之後叫左份炒土豆絲，我不嬲都鐘意呢食薯仔，佢炒得好爽，係多油左小小。然後叫左兩份麵，一份就係Biang Biang麵啦！其實Biang Biang麵都幾好食，不過今日太熱所以無叫辣，可能辣會更好食～…查看更多

灣仔其實有好多好食的餐廳，分佈係橫街小巷中，係等你發現。今次去呢間係公司好多女同事都話好食的日式餐廳，先睇餐牌，價錢都算合理，就叫左角切魚生飯。點完菜就黎左個小食同湯，今日個小食係炸三文魚皮！睇落係下欄野，但佢整得好好食好香口，同埋魚皮最緊要夠脆！呢份魚皮十分好！到魚生飯，黎到賣相唔算好特別，同其他餐廳差唔多，但食落又係另一個故事。平時魚生飯其實好少魚生，通常都係飯多過魚生，但呢間個飯同魚生比例真係差唔多一比一，我食曬飯仲有魚生係度，侍應話可以添飯，就即刻叫多碗！講真，魚生算新鮮，無雪味，以一碗魚生日黎講真係合格以上！美中不足係今日無曬甜品，下次再試～…查看更多

其實細細過都有呢間，不過有段時間無曬分店，最後係香港再開返都未去試過，今日難我過中環，就去試下先～去到真係好多姐姐係度，好似去左另一個世界咁，但見到佢地一班人一班人食得好開心，我又想搵返班朋友一齊食～叫左個炸雞餐，同某同行差唔多，都係一胸一搥，但Jollibee明顯更Juicy！唔會有乾的感覺！而且佢個汁都好好食，同件雞好Match！有機會試埋個意粉先～…查看更多